نكت جزائرية 100/100 فكاهة
عنوان الموضوع : نكت جزائرية 100/100 فكاهة
مقدم من طرف منتديات نساء الجزائر
نكت جزائرية 100/100
واحد من الشباب كان يمشي لقى 20الف قعد يخمم ... نشري : جال.. تقاشر ...
ديودورو ... ومبعد قال : آوه قليلة ماتكفيش ... راح وخلاها
-قالك واحد فاقد الذاكرة ..تثاوب نسى فمو مفتوح .
--قالك مرة واحد حب يشري بارابول ملقاش الدراهم أيا باع التلفزيون وشراه
- قالك مرة قرعة كوكا وقرعة بيبسي دخلو للحمام ايا
دخلت عليهم قرعة شراب ايا قالت الكوكا للبيبسي : نوضي نروحو راها جات اللي
ما تسواش .
*
خطرة واحد تغانن مع صاحبو على برويطة هندي "عربة تين شوكي" قالو لوكان
تاكلها كاملة نعطيك الموطو "الدراجة النارية" تاعي ايا السيد حكم كلا
الهندي هذيك كامل 500 حبة كي خلص بلوكات كرشو و نورمالمون تعرفو الأعراض
الجانبية للهندي السيد كرشو يبست و حبست راح للطبيب شافو الطبيب حار
فيه قالو كيفاه صراتلك هكذا . . .حكالو لحكاية و قالو ديت الموطو . . .
الطبيب وش دار
جبد المفاتح تاع المرساداس تاعو قالو كون تزيد تدخل للفيسي الطونوبيل حلال عليك
*خطرة واحد راح يخطب طفلة قالتلو امها أنا بنتي تسكن وحدها . . . . قالها : و أنااااااااااااااااا
* واحد كل ما ينوض الصباح يلقى روحو مخلوع وحد النهار ناض لقى روحو مش مخلوع تخلع
*واحد راح للطبيب علاجال مصمار دخلو في رجلو قالو الطبيب نحيهولك ب 150 ألف قالو عوجو و خليه
* واحد عندو الفين فرنك ملصت من بعضها داها عند السودور قالو سوديهالي كي خلص السودور قالو حقي 25 دج قالو قارديها واك تسايل 5 دج
*واحد كان زاطل وروشارشي من لابوليس قارات حداه الطونوبيل تاع لابوليس قالولو اركب قالهم مرسي راني نسكن غير هنا برك
*واحد زاطل عيط فالتيليفون كي رفدو
عليه قالو الو السعيد ؟ قالو لالا خويا راك غالط منيش السعيد قالو وكي
ماراكش السعيد علاه ترفد فالتيليفون
>>>>> ردود الأعضـــــــــــــــــــاء على الموضوع <<<<<
==================================
يسعدني ان اكون اول من يرد على بنت بلادي شكرا بارك الله فيك
__________________________________________________ __________
يعطيك العافيه *
دمتي متالقه ومتميزه دوما~
ودي قبل تحيتي.}https://uploads.sedty.com/imagehosti...1325971804.gif
__________________________________________________ __________
مشكووووووووووووووووووووورة حنونتي حبيبتي بنت بلادي نكت 4444444444444
__________________________________________________ __________
ههههههههههههههههههههههههههههههههههههه
شابين بزاااف حنونة
ربي يخليك
__________________________________________________ __________
الله الله كل بنات الجزائر متلمين هنا ...
هاني جيت أنا تاني ..
النكت فوور حبيبتي ..
ربي يحفظكْ
