معآآآآنآة شاب ساكن بجمب مدرسه ابتائي^_^°°° للفكاهة
عنوان الموضوع : معآآآآنآة شاب ساكن بجمب مدرسه ابتائي^_^°°° للفكاهة
مقدم من طرف منتديات نساء الجزائر
معآآآآنآة شاب ساكن بجمب مدرسه ابتائي^_^°°°
عزيزي الشاب :
إذا كنت تحوس تدور بيت ﻷهلك
أو تبحث مع عروسك عن مقر للعشة الزوجيه
أو حتى كرشوك أهلك من البيت ووصلت لحاله مزريه من التلحيط وناوي تسكن لحالك ف إنتبه نعم أنتبه
ومرة ثالثه أنتبه
تسكن جنب ابتدائية بنات!!!!
مهما كانت الظروف و المغريات ومهما كان اجار الفيﻼ او الشقة رخيص
حتى لو قالوا لك اسكن جنب بليس وافق ههههههههههههه بس بﻼش ابتدائيه بنات
اسمع كﻼمي
و الكﻼم ذا ما جا عبث
بل بعد معاناة 3سنوات !!!
وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن وبعد كر وفر
و دخلت الشقه وانا مزهو بنشوة اﻷقحوان والعنادل ترقص في فضاء الشفق وهي تغني سكري يا ورده فتحي يا ورده
و انا مبسوط قاعد اغني
لين ما اشرق الفجر
و بعد سبع دقايق من وضع راسي على المخده ، كنت على موعد مع الكارثه المأساويه
قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران
ابتدائية البنات اللي جنبي
ﻻ حوووووول ، قلت يا ولد خلك انت الكبير و اصبر لين يقضي الطابور وكل بزر يذلف على فصله
لكن هذا كله تسخين هههههههههههههه ﻻن الوناسه بدت يوم دخلوا البزران الفصل المقابل
لغرفتي
يا ربي
وش سويت بدنياي
تصدقون
انا لي عشرين سنه وانا ادرس ما حفظت سارعي اﻻ يوم سكنت بالشقه
و ياليتها جت على سارعي ، حفظت كرتي كرتي ما أحﻼها ، و هري يلعب فوق السطحي
بس ما انجن وتفلت أعصابي أﻻ اذا دخلت أبله منيره فصل ثاني جيم
( اللي هو الفصل اللي جنب غرفتي )
ﻷن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون
اشنع من أي وقت مضى هذا باﻷضافه ﻷن ابله منيره تخلي البنت تعيد النشيد من أول اذا اخطت
بعد السنه اﻷولى تأزم الوضع
ﻷن اول كانت ابله منيره تسيير على الفصل في اليوم *** و ﻻ اثنين
الحين اﻷبله صارت المشرفه على الفصل و مبلطه كل الوقت وداقة لها خيمة بوسط الفصل
في السنه الثانيه صار عندي تبلد حسي خصوصا بعد ما بديت استخدم سدادات اﻷذن باﻷضافه
وصار عندي شعور غبي هو اني حسيت اني ساقط وعايد ثاني ابتدائي
( طيب على اﻷقل غيروا و حطو جنبي ثالث)
لكن في السنه الثالثه
بديت اخش جو صراحه
( الشكوى لله )
وصار عادي انك تشوفني ماشي في الشارع وانا اغني
في مدرستي دار الحب ..... العب اجري انا وصحبي
ﻻ وتدرون متى اكيف الى منه دخلت ابله منيره الفصل وقالت
السﻼم عليكم
عاد ارد انا مع البنات ونقول وعليكم السﻼم ورحمة الله وبركاته <== بصوت عالي متحمسين
كيف حالكم يابنات
بخير مادمنا شفنا خشتكي
الين جا ذاك اليوم اﻷغبر
( مثل باقي اﻷيام اللي راحت )
وكنت ابحتفل بمناسبه حلوه وراجع الشقه بدري و انا مبسوط
دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت ـ ( حافظ جدولهم )
و الله و اشغل [ المسجــل] وافتح الدريشه ﻻن الجو كان حلو و دخلت اتروش و اتزبط
المهم بعد فتره
سمعت جرس الباب ، استغربت منذا اللي جاي هالحزه ، فتحت الباب وانا ﻻبس الفوطه واخرخر مويه
و اذا والله فراش المدرسه و معه ورقه ومدها لي
اناظر الورقه وطلع محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك وشكرا
التوقيع
اﻷساتذه الفاضله منيره ..
>>>>> ردود الأعضـــــــــــــــــــاء على الموضوع <<<<<
==================================
ههههههههههههههههههه
الله يقطع إبليسك والله معه حق انا اعيش نفس المعاناة بس الحمدلله غرفة نومي مو عندهم
__________________________________________________ __________
هههههههه يسلمووووووو
__________________________________________________ __________
مشكورين نورتو موضوعي^_^
__________________________________________________ __________
وينكم...https://said.xplainer.net/images/smi...8-n0gfapyo.gif
__________________________________________________ __________
ههههههههههههههههههههههههه ياحليلهم الاطفال مشكورة
