سوالف الشياب(تموت ضحك) فكاهة

عنوان الموضوع : سوالف الشياب(تموت ضحك) فكاهة
مقدم من طرف منتديات نساء الجزائر

سوالف الشياب(تموت ضحك)



السلام عليكم ورحمة الله وبركاته

أولآ وقبل كـ كـ كل شي..تراني لاطشته لطش محترم لخاطر شياب {المراه الكبيره بالسن} المنتدى...!!



هذا شايب رايح للرياض هو وزوجته ومستأجرين شقه المهم مره كانوا راجعين بالليل قال لزوجته خلاص انتي اطلعي فوق وانا بجيب الاغراض معي عاد هالشايب مسيكين التناحه عنده تمشي الف..بعدين يوم طلع يقول انا مدري شقتنا اللي يمين ولا اللي يسار يقول طقيت على الشقه اللي يسار وفتحت لي الشغاله وادرعم واحط الاغراض بالمطبخ وادخل غرفة النوم وافصخ ثوبي..عاد يقول يوم جيت انسدح بالسرير والقى زوجتي ياحليلها منسدحه ونايمه يقول كان الجو برد ادور الدفى جيت بنسدح جنبها واقرب واشوف وطلع مقفاها موب المقفى اللي انا اعرفه واطل بخشتها واثرها موب الخشه اللي انا اعرفها يقول وبسرعه القط خلاقيني واغراضي وركض على شقتنا اللي على يمين واخذ زوجتي وشغالتي ونروح شقة ثانيه.


//
//
//
وهذا شايب مسيكين صاكته الانفلونزا راح للمستشفى يعطونه ابره مسكنه يقول جاني ممرض هندي بوهته بوهة سباك موب ممرض قلت ميخالف اي شي بس اهم شي ابي ابره مسكنه يقول عطاني الابره شوي الا بديت اتلوى مكاني طلعت ابرة (طلق) حقت الحوامل موب المهدئه اللي انا ابيها يقول حسيت اني بجيب توأم من سري..المهم بعدين راح عند اخوياه قالهم ياجماعة الخير لاتقعدون تفرخون من هالبزارين خلكم على اثنين ثلاثه ارفقوا بحريمكم ترا والله انهم يتألمون الم ماذاقه الا انا.


//
//
//
شايب اعمى بس انه شاعر شغلته يدخل على الشيوخ والامراء ويجلس يمدحهم وهم يعطونه من هالشرهات..المهم يوم من الايام دخل على مجلس امير وبدا يقول فيه قصيده ويمدحه عاد القصيده كانت مدح للبيض وسب للسمر يقول شوي الا سته مدري سبعه طابين علي وخذلك تكفيخ وضرب وجلد يقول واسمع واحد يقول للامير ( بالنعله ياطويل العمر بالنعله )..المهم يقول يوم خلصوا اكتشفت ان الامير اسمر.


//
//
//

نفس الشايب كان رايح للمحمكه المستعجله بالرياض يقول اخذت تاكسي وركبت ورا وانا كاشخ بالنظارات الشمسيه والمشلح واحس ان الهندي سواق التاكسي طوّل بالمشوار قلت هين التسلب يبي يلعب علي انا اوريه يقول يوم وصلنا قلت كم حسابك قال الهندي جيب 40 ريال قلت لا معصي واجلس اتهاوش انا وياه على السعر شوي الا ينزل الهندي طلع واحد مسكر عليه من ورا قلت للهندي خلاص اركب و انا اناظرلك وافتح الشباك واطلع رويسي والتفت ورا واقعد اصارخ على الهندي روح يمين روح يسار ارجع ورا بسرعه الا هو صادم بالسياره اللي وراه ويجي راعي السياره ويجلد الهندي لين ماداخ.




//
//
//

ثنين من الشيبان واحد متين والثاني نحيف عندهم بسطه بالسوق جتهم البلديه قالت لهم لازم تجيبون رخصه وشهادة صحيه..عاد راحوا للمستشفى وعطوا كل واحد فيهم علبه علشان التحاليل المتين دخل الحمام خمس دقايق الا هو مخلص اموره النحيف جلس ربع ساعه يتعصر ماطلع شي ويركض لخويه المتين يقوله الفزعه يبو فلان الفزعه قاله وش فيك قال بيروح حلالي قال وشلون بيروح قال شفت الحين بسطتي واقفتن على هالعلبه وانا بطني فاضي قال خويه المتين خلاص ولا يهمك هات العلبه ويدخل الحمام ودقيقتين ولا هو معبيها فل وطلع لخويه النحيف قاله ماقصرت كثر الله خيرك قال المتين لا وبعد تراني غارف لك من راس الماعون..المهم بعد يومين رجعوا علشان ياخذون نتيجه التحاليل طلع المتين فشل بالفحص والنحيف نجح قال المتين وشلون افشل وكلنا من ماعون واحد قال خويه ولا يهمك يبو فلان اترك عنك البسطه والخرابيط الفاضيه حط ذنبك عند باب المستشفى جنب مكينة الببسي واي واحد يبي يحلل خذ عليه 20 ريال.



//
//
//


شايب عنده عجوز نقّاده كل عيوب خلق الله فيها..هالشايب انواع التسدح والتبطح عند التلفزيون ويمووت بشي اسمه اليسا المهم مره شافته العجوز وهو يناظر اغنيه لاليسا قالتله جعل ربي يرزقك مليون ريال تصرفها كلها على علاجك انهبل الشايب المسيكين ويلزق ورقة الطلاق بخشتها ويخليها تطس عند عيالها بعد فتره تزوج بنوته كتكوته اموره وراح لاخوياه قالهم ياجماعه الخير والله ياشفت اشياء بالحريم توني اكتشفها قالوله اخوياه الشيبان وش شفت قال قولوا وش ماشفت..شفت التكنولوجيا بعينه وعلمه..بعد فتره الا نص اخوياه متزوجين على حريمهم يقولون نبي نشوف التكنولوجيا.

//
//
//

ياحليلهم والله...


م ن ق و

>>>>> ردود الأعضـــــــــــــــــــاء على الموضوع <<<<<
==================================

ههههههههه
والله دمك عسل يسلمووو

__________________________________________________ __________

ههههههههههه

يسلمو على الموضوع كتير حلو

__________________________________________________ __________

ههههههههه


كتير حلو

يسلمووو

__________________________________________________ __________

هه هه هه هه
هه هه
تموت من الضحك

__________________________________________________ __________

هههههههههههههههههههههههhttps://said.xplainer.net/images/smilies/15.gif
نكتك تجنن https://said.xplainer.net/images/smi...ooh&#91;1].gif
تسلمين حبيبتي