أجمل نكث جزائرية 2017 فكاهة
عنوان الموضوع : أجمل نكث جزائرية 2017 فكاهة
مقدم من طرف منتديات نساء الجزائر
أجمل نكث جزائرية 2017
*
مرة واحد جاهل اتزوج بوحدة ولدت بعد 3 شهور حلف يقتلها
قالتله رواح نحسبوها أنت شحال عندك من لي تزوجت ؟
قالها 3
قالتله وانا شحال عندي من لي تزوجت؟قالها 3
قالتله واحنا شحال عندنا من لي تزوجنا؟قالها 3
قالتله 3و3و3 يساوي 9
قالها صدق اللي قال العلم نور
*
هدا
واحد ربح في لوطو(الرهان يعني) قال نشرجيها(يعني نفليكسيها) كاملة في
التيليفون فليكساها كي كمّل ردت عليه خدمة الزبائن قاتلوا : رصيدك الى يوم
القيامة
*
واحد
زاطل راح للطبيب يشكي بلي كلما يرقد يحلم بقطط يلعبو في الكرة . قالو
الطبيب : مترقدش يومين .. قال المزطول: ما نجمش على خاطرغدوة La Final
*
واحد
مزطول رافد علبة نتاع مسامير و طاح منهم مسمار قالو يا ولدي أرجع يرحم بوك
ارجع.... المسمارمحبش يرجع.... فرّغ علبة المسامير كلها و قالهم :
جيبوووووووووووووه
*
واحد الحلاق شاد مغناطيس على راس زبون معمّر بالشعر تعجب الزبون و قالو: واش راك دير ؟ قالو الحلاق: راني نحوّس على المقص طاحلي!!!
*
واحد يتعامل بزاف مع البورصه طاح مريض
داوه للطبيب
الطبيب وهو يكشف عليه قالو يا الله ضغطك وصل 70
صاح المريض و قالو : بيع بيع بييييييييييع
*
سأل
ولد أبوه : بابا كيفاش نعرفوا بلي واحد راه سكران. قالوا أبوه : شوف يا
ولدي ..هذوك الزوج شجرات يشوفهم السكران أربعة شجرات. دار الولد و شاف بصح
شاف غير شجرة وحدة !!!!!
*
واحد راح لطبيب باش ينحيلو مسمار دخلو في رجلو كي قالو ب 2500 دينار جاوبو وقال عوجو وخليه
*
راجل كبير في العمر قالولو: وآش عامل فيك رمضان يا الحاج.
قاللهم كون مش من رشفة الوضوء العبد يموت مالعطش
*
قالك
وحد الخطرة وحد السيد اشرى كبش العيد قبل عيد الاضحى بشهرين امالا كانت
العائلة كلها تدلل فيه وتلعب معاه حتى انه ياكل معهم و ينام معاهم في
المنزل و عشية عيد الاضحى راح الكبش جبد روحو على العايلة و بدى يبكي جات
العايلة سالتو واشبيك تبكي قالهم "- قعدنا بلا عيد الناس اكل شراو الكباش
غير احنا "-
*
قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية (باللهجة المصرية)
قالها :انا ثور في السوناطراك (شركة بترول جزائرية)
*
قالك مرة سائق الحافلة دار اغنية التيتانيك
ايا بداو الركاب ينقزوا (يرمون انفسهم خارج الحافلة) حسبوا الbus راح يغرق
****
واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي
----------------------------------
----------------------------------
واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب: لا اتركي ابنك يسقسي باه يتعلم
-----------------------------------
-----------------------------------
وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة
-----------------------------------
-----------------------------------
هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم
خويا؟؟
-----------------------------------
-----------------------------------
مشحاح طاحت دراهمه من التاقة. كي نزل ما لقاهاش. علاه؟؟؟؟ لأنه وصل قبلها.
-----------------------------------
-----------------------------------
معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت"
-----------------------------------
-----------------------------------
كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل. قاتلو امالا أرى 2 كيلو
-----------------------------------
-----------------------------------
وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم
و خرج عمر من القسم
لعشيا سقساها وليدها: يما واش قريتو اليوم
قاتلو يا وليدي عمر هذاك خلانا نقراو
نهار كامل وهو داخل خارج
------------------------------------
------------------------------------
وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر
-----------------------------------
-----------------------------------
واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل
------------------------------------
------------------------------------
واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا
-------------------------------------
-------------------------------------
قالك واحد زاد عندو ولد فيه شعرة واحدة في رأسه سماه محيرقة
-------------------------------------
اقسم ان اضع ردا لقد اقسمت ولذلك فالتضع ردا&&&&&&&&&&
>>>>> ردود الأعضـــــــــــــــــــاء على الموضوع <<<<<
==================================
هههههههههههههههههههههههههاااااااااااااااااااااي
فدييت اهل الجزاائر والله
__________________________________________________ __________
شكرا حبيبتي
__________________________________________________ __________
هههههههههههههههههههه
تسلمي
__________________________________________________ __________
Merciiiiiiiiiiiiiiiiiiiiiiiiiiiiiii.
__________________________________________________ __________
شكرا على مشاركتكم القيمة
