كيف تتعلم النذاله ؟؟؟؟تعالوا -للتسلية

عنوان الموضوع : كيف تتعلم النذاله ؟؟؟؟تعالوا -للتسلية
مقدم من طرف منتديات نساء الجزائر

كيف تتعلم النذاله ؟؟؟؟تعالوا



السلآم عليكم . .


كيف تتعلم النذاله فيـ دقايق

علشان اتصير نذل اتبع الخطوات التاليه:
اذا كان هناك عزيمة يعني عشاء..بعد ماتغسل افتح الماي على الحار الين تشوفه ولع وسكر المغسلة وشوف الي بعدك وش يصير بحاله بس اضحك من قلب

..............

اذا جاك واحد ماتبيه وسويت له شاي...لا تجيب كاسة ام عروه عليك بكاسات الجبن وصب له بها ....واملها حيل للأخر على شان مايقدر يمسك الكاس واذا كانت الخدامه ما تعرف تسوي شاي خليها هي اللي تسويه

..............

واذا كان عندك ضيف دمه ثقيل وتبغاه يمشي خل واحد من الشباب يدق عليك جوال كل شويه وكل مره كلمه على انه واحد ثاني وقول " لالا والله مقدر الحين عندي ضيف يمكن بعد عشر دقايق " ولا تنسى شي مهم لاتلبس ساعة عشان كل شويه تسأله كم الساعة ولما يكلمك لاترد عليه على طول من أول مره سو نفسك ما سمعته

................

واذا اتصل بك واحد دمه ثقيل وثرثار رد باختصارات الحمدلله ايه لا مادري يمكن الظاهر احاول واذا طوّل اوهمه انك تكلم واحد بجنبك اذا شفته بعده يثرثر وإذا مش ناوي يخلص استخدم حيلة الخط المقطوع وقول " ألو ألووو وينك ألوووو يابو الشباب.... الظاهر ان الخط انقطع " بعد كذا سكر السماعة ... بس وتفتك منه الا اذا اتصل ثانيه ساعتها عاد الباقي عليك

..............

واذا بغيت تجنن الخدامه ادخل المطبخ واشرب نص كاس عصير وكأنك مش متعمد كب الباقي ع البلاط واذا كان المطبخ مفروش يكون احسن واذا نامت وهي بعز النوم صحيها وقولها تسويلك عشاء ساعتها بيكون الضغط عندها ألف بس الخوف انها تحط لك سم فيران ...!!!!!!!

..............

واذا حبيت ترفع ضغط اهلك الحريم لما يطلبوا منك توديهم السوق بعدما يجهزوا ..ويطلعوا اركب السيارة وخليك ! طبيعي وفجأه قلهم أففففف السيارة موراضيه تشتغل ..طبعاً انت ماخذ احتياطك وفاصل اصبع البطارية و شوف شبيسوون فيك ساعتها .. والطريقه الثانيه عشان يحرمون يطلبوا منك توديهم السوق .... لاتشغل مكيف السياره بس التهويه ( المراوح ) وقلهم التكييف خربان خلهم ينطبخون واذا قالوا نبغى نفتح النوافذ قلهم خربانات واذا فتحتوهم ما راح يتسكروا بعدين

.................

اذا في احد رافع ضغطك ودك تسوى فيه مقلب عليك بهالحركه: خذلك ولاعه وسخن يد الباب بعدين تعال وقل له : افتح الباب الله لايهينك بس انتبه على نفسك لاتطب ساكت من الضحك

>>>>> ردود الأعضـــــــــــــــــــاء على الموضوع <<<<<
==================================

هههههههههههه يسلمو ومنكم نستفيد هع

__________________________________________________ __________

هههههههههههههههههه
روووووووووووووعه

__________________________________________________ __________

نورتووووووووووووووووو

__________________________________________________ __________

ههههههه تسلمي يالغلا
بس عن تسوي فينا عالحركات خخخخخخخخخخ

__________________________________________________ __________

اسعدني مروركم الكريم
ودمتم بخير