العنا وشوالعناغيرموتك فكاهة

عنوان الموضوع : العنا وشوالعناغيرموتك فكاهة
مقدم من طرف منتديات نساء الجزائر

العنا وشوالعناغيرموتك



ذآت يومن وفي صبحن مشرقن عليلون إستيقضتو على زغرطة العصافير
وكالعاده أنا لأشغل ولامشغله مير المطامر في بيتنا ودربي بوجهي عند الدريشه
أناظر جآرنا الوسيم أبو حميد(صوره قلب يدق بقوه)
لمحه عن أبو حميد وعايلتة:
أبو حميد :
عجيز ماهوب زين مره ولآهوب شين بس القلب نعنبوه حبه
(صوره وجه مستحييي ويدعك عيونه)
ومرته اسمها مزنه متزوجهآ من40 سنه:
عجوز شينه وفي خشمها حبه كبييييره كبر ولدها حميد
وعصلا وشعرها كشه مغير تحب المساير وهرج الحريم
كل ماشفتها أدور العصا السحرية إلي تطيرها في الجو
<< يعني إنها ذكرت العجوز الساحرة إلي في توم وجيري
رحمته حبيب القلب كيف متحمل ذا الخشه
لله يآخذها وتفنن تعرف المكياج ياحوم تسبدي
كل ماشآفوها البزران قامو يغنون شخبط شخابيط لخبط خرابيط
ولي يلعن أبو القهر انه يحبها <<الها ضمير غايب للي عن العين غايب <--انطمي
وأبي أقولكم اسمه ولاتتريقون مرضى ابدآآن عليه ابو عيالي<<البنت ضامنه الشايب
اسمه مرزوق (M +g =قلوووب قلووب واجد )
<<مراهقه راسبه في التعبير
وعلى طاري حرفه ناقشته في سطوح بيتنا
كل يوم اطلع أقابل هالحرف وأقول قصيده مرزوقي المفضلة ناقتي يا ناقتي
<<تسمع بالي شسمه الرومنصيه
وكاتبته في يدي بعد
(تفتح يدها توريكم فرحانه)
مكتوب
مرزوووقي أنت في قلبــــي للأبد ثم تمره وسهم
(وجه يحس انه ذا إلي يسمونه الحب الحقيقي)
اكبر عياله حميد:
نموذج اصلي لتمساح السعودي
مغير بطاقيته وفنيله وصروال مغبر من كثر ماهوب مستنر في الشارع
ودايم منسدح عند البقاله ومعه سيجاره داسها تحت طاقيته
قبل أحب أبوه كنت أدور فيه سبب واحد مقنع وحبه مالقيت بل عجزت وحذفته من قائمتي <<اثر الحب عن سابق تخطيط
وفي يومن من الأيام وأنا أناظر مسرحيه حميد قصدي حميد واهو منسدح عند البقاله
شفت مرزوق بطلته البهيه يرفس حميد في بطنه ويعره مع شعره
فطار صاروخ ودخل وسط قلبي <<قصه حبها
وصرت أحبه تسذا بدون سابق إنذار...
آآآه قلبي نصحته منتصح يبيها وعزم يترك الكون ويجيها
<<مايلوق ابد صكري محمد عبدو
وعنده 4 بنات عوانس شينات بس مدري وشلون اغليهم من غلاه
في بيتنآ
طيييط طيييييط طاآآآآآآآط << صوت بواري
أنا : يمه وشذا الصوت <<مسويه ماتعرف صوت بواري الددسن
وخش راسي بسررررعه وصك الدريشه بعد ما ارسل قبله حارة في الهواء
أنا :عنننن عننننننن بيييب <<تمشي بصالتهم ومسويه تسوق وتفحط
وذهبت في حديقه منزلنا الجميله ورأيت الدلخ ولد خالي <<راعي الددسن
طالع من السيارة ورافع صووت أغنيه
وهو يرقص ويترنح ومعه قاروره مويه مسوي فيها سيف على أغنيه
عزآآآآه ياقلبي من الهم عزآآآه
وأجي وناظر فيه خاش جو مع الرقص وكنه فيفي عبدو
انا أسك المسجل:هييي يالثور <<تسمع بالذوق
وهو يدربي براسه بكل تناحه وغباء ويهز
هو:بنت خليني افرغ الشحنة
انا :ماقد سمعت إن الدجاج تفرغ البيض مع الهش والنش <<مسويه تذبه
هو :أقول انطمي لأعلمك من الدجاجة
انا ديك هاهاهاها
(ويضحك بكوول بلاده حتى بانت ضروسه المكسره)
انا :وبعد مافهيت في سنونه وتحمد لله على العافيه: انطم وهات مفتاح سيارتنا
من زود النذالة رماه وطاار المفتاح وتعدا السور
انا: اطلع نعالي أبي اسطره لمحت فارس أحلامي
مرزوووووق معه المفتاح وداخل علينا البيت
انزل نعالي بحركه انثويه وابتسم ابتسامه خلابة
إلا اسمع صوت المصفوق الي جنبي يقول:هييي ورآك يا شايب ماتشوف عود وراك
انا :انطمممم
تسمرت عيناي ابو حميد علي وكأنه فاق من حب مزنه وأحس بانهو يبي يعرس مرتن ثانيه <<أثرني أغريته
ثم اقفى وقال تعال عند الباب
انا :لاآآآآآآع لاتروح له خله يجي #.#
راح له ولد خالي ومن نظراته تسنه يقول:
وشفيها ذا البنت لآيكون مشبه ابو حميد انه جدي!!
وبعد برهتن ذكرت الحيا واني بنت سعوديه مب في فرنسا وفزيت داخل المنزل
داخل المنزل
مطيعة (شغالتنا الصدقيه)تغسل المواعين :سااادوك هبيبي سادوك <<تغني يلعن ابو رومنسيه الي تعرفها
انا:مطوع يابعد أمي وأبوي افدييك بروحي انا
<<الشغالة خويتها وكاتمه أسرارها
مطيعة تضحك وماتدري وش السالفة: انتا ايش شقول
أقوول اسكتي شفته شفته
مطيعة :ابو هميد ولا الي يكك <<عندها سوابق
يكك=يخقق
ولله ماخقق القلب غيره
مطيعة فهت وكملت غسيل
انا:ينعن من يقول معناته لشغالات <<قلبت عليها
رحت وأنا أدور واغني ومشغله عبدالحليم حافظ
<<وللهي ماقد سمعت له مير يقولون الي يحبون يسمعون له
ومعي ورده اقطعها يحبني ولا يموت فيني <<واثقه
وفي يومن من الأيام
يوصل معي الشوق منتهاه<<يآلله سترك
أفتح الدريشه ولاألقاه قاعد ومتكي يشرب حبوب السكر
وأصييح ابو حميييييد <<فصخت الحيا
إلا يدربي براسه وتذكرت إن معه ضعف في السمع
ورميه بحجر كسر وآحد من ضروسه الهزازيه الأمآميه<<تكفين ياماوكلي
وصييح بصوت أعلي إلا يفز
وقلت:
يآهي ترى جوجو تحبك
(وجه مستحي واعترف بالحب)
تناقزت عيونه ثم قام يتنافض <<ينعن اثر كلمه احبك تسوي مفاعيل
ثم سفط وللهي مدري بس الشكل من بعيد يوحي انه توفى @.@
وارميه بحجر دخل وسط حلقه أبي اتاكد من ضني وشكي إلا يشرق ويختنق ويموت @.@
ودخل راسي واسكر الدريشه
واشرب بندول راسي صدع من التفكير
<<لابو هالشايب لابو حبه مهبول مات
نطيت من مكاني وسويت حركه كرتيليه قدام المرايه مستوحاه من فلم شفته
وتشقلبت وخذيت عبايتي بحركه خطيره
والموسيقى شغالة في الخلفية ورفعت رجلي بالجو إلا أطيح على خشمي <.<"
وأقوم بسرعة لأحد يشوفني <<يلعن أم الروقان
وأفتح باب غرفتي وألبس عباتي بطريقه غامضة<<لا يكثر
وأحبي على ركبي متوجه لباب الشارع
<<عشان لاحققو مع أهلي يقولون لم نراها تخرج ابدآآن خارج المنزل
وأنا في قمة تخطيطي الإجرامي وتفكيري في دفن أبو حميد تجي مطيعة وترفسني
إلا أطيح على وجهي واتنافض ولله ماقتلته بس رايحه اخذ فيه اجر ودفنه T-T
يوم ارفع يدي عاليان كالأفلام والتف إلى الخلف وأنا ابكي وأفكر بالسجن
أجد شغالتنا شاقه البسمة وعلى بالهآ طريفه ودمها خفيف بلي سوته
أدور عيونها المطمطه ربع ساعة فهيت على خشتها ثمن
أطلع نعالي وبحركة سريعة دآئريه وبعالي صوتي :الرميييييييييييه الخاآآآآآآآرقه
ويجي نعالي ويفصل وجها نصفين خريطه الهند وباكستان
وأرفسها يعني قومي أبي اتاكد حيه ولا ماتت عشان بالمره مع الدرب ادفنها <<إجرام
وقامت تكلم خرابيط وتكلم اندنوسي وتبتسم وتغني باللهجة اليابانية
وأيقنت أنها فقدت الذاكرة نيهاهاهاهاها
صقعتها على راسها مرتن ثانيه لا تفضحني بصوتها الشين

يـــتــــبــع

--------------------------------------------------------------------------------

>>>>> ردود الأعضـــــــــــــــــــاء على الموضوع <<<<<
==================================

وافتح باب الشارع


@.@


<.<


>.>


>.>


>.<


مافي احد الناس نايمه والشوارع فاضيه وإبليس متفرغ لي
وأحبي بشويش إلا إن وصلت عند خشمه وقلت :
سبحآآآآآن لله ياهو شين من قريييييب
صدز من قال إن الحب يطفئهوو القرب
وعععع أي حب اصلان كرهته
وبعد ضحك وحشي مطول يبني وبين نفسي ذكرت انه ميت ولازم ادفنه <<والنهاية معتس
سحبته مع لحيته وأحيان اتعب وأشده مع رموشه
<<تعذبه وهو ميت حقدت على نفسها وشلون حبته وذي خشته من قريب
وصلت بهي إلا مكان خالي خلف بقالته ومكان دوام ولده اخذ اجر فيه عشان روحه تدور في المكان الذي توجد فيه عائلته
<<تكفين لا تشوفين أفلام
وقمت احفر بيدي وسوي له قبر متوازي الأضلاع فنان كشييخ
خلصت القبر وقلت في نفسي~.-"
يابنت ذا أول قبر لتس لازم يكون اكشخ روحي بيتكم وجيبي مفرشك الوردي
لقيت كومه تراب وبحركة نذله خاليه من المشاعر تلذذت وأنا ارمي التراب على خشمه
عشان أروح أجيب مفرشي وجي ومحد يلاحظه <<لا تكفى ياكونان
دخلت البيت ولقيت مطيعة حاضنه قطو
والقطو حالته مزريه يتنآفض ويصيح وشعره واقف
وهي خاشه جو وتغني
وايقنت أنها لم تفقد الذاكرة بل انهبلت
خذيت المفرش الوردي ولقطت ورده حمرا وعلبه مكياجي <<تبي ترسم في وجه
وشرشف صلاتي اصلي عليه الفجر بالمره
وأنا راجعه للمكان وأغني الدوونيا حلووه
لقيت حميد هناك وكشته واقفة ومذهول يوم شفته بغيت اسفط قلت في نفسي يابنت
امسكي اعصابتس لاتروحين السجن وجيت له وأنا مسويه بغريه ومنعمه الصوت
قلت: حميييد صباحك ذوق ياذوق
تبي ورده
نآظرني ومسوي ثقيل ومصدق عمره براد بيت: هلا هلا .. هاتيها
انا: خذ بس لاتآكلها
وش مطلعك من بيتكم الحين (وجه واحد ذئب لقى فريسه)
وجيييت افحط بسرررررررعه وادعس على خشم ابوه عشان ماينتبه للجثه
وقلت :أني اخاف لله رب العالمين
قال :تكفييييين ياهيفاء وهبي
انا :هاه انا ازين من هيفاء
نآظرني من فوق ليين تحت وتسني مامليت عينه ثم قعد يتامل خفت الولد يكون من الي في قلوبهم مرض فقاطعتهو قائله <<كلي تراب
الجو زين ولليله قمآري وبوووي يقوول ان اليوم خسوف
<<بغت تجيب الشاهي والفصفص وتدقها سوالف
فجآئه قام يبكي وينتفض ذكرني ببوه يوم قتلته يآآآسبحان لله صدز من قال العرق دساس
قال تدرين ان الكسوف من العمايل الشينه الي يسونها الخلق
وانا قمت اصفر وقلت :ياااهووووووووو امووت انا يالدعيع <<يقال انه إلتزم
وبعدين يالثور خسوف <<وناظر أظآفري وكني ماسويت شي
قام انبطح ويشق جيبه وطاحت السيقاره وقام يضع من التراب على راسه
ويقول ويحييييي ويحآآه جهنم تحتريني
وانا اقول اخووس وشمسوي ذا خل اشرد بيتنا شكله طير القمر وراعي تفجيرات
وراضع مع إبليس
قال وهو يرتعش : انا انا انا
قاطعته وكاني فهمت السالفه :انا هيفاء انا <<امووت يالذكيه إرحمينا
ضحك وقال انا ازين من هيفاء
<<ينكت ومسوي يردها مع خشمه ويبكي شكيت ان معه انفصام
وشمرت وجيت ابنحاش قال اناااااااااااا
وقبل منحاش قال أأ آآهآآآآه <<ذيك الي تقولها هيفاء يومنها مسويه سندريلا
قال بصوت عااالي قتلت ابووووووووي
انا وبحركه دائريه حريييفه نطيت عليه وصكرت فمه وقلت اسكت لاتفضحنا
قال :تدرين !!!!!!
انا وبضحكه مكر وخبث نيهاهاهاها <<طبعان في داخلي
قلت محدثه خاطري :خل اشبك جريمتي فيه وافتك
حميد بضحكه واحدن لقى له حل (مب قدامي طبعان فيه داخله) <<درينا اخلصي
حميد محدثن خاطره :ذآ الخبله شكلها لقت ابوي ميت بعد السم وتحسب نفسها ذبحته
وكل واحد قعد سابح بفكاره ويهز حواجبه برهتن من الوقت ..هاتو مظله غرقتني افكاري <<ياسمجك
المهم قلت بنظره مكر : اقول ترااا عطيتك وجه انت وابوك ورميت في وجه الكريك
نوت :الكريك ذاك الي يحفرون فيه <<إحلفي
إدفنه ولا عنك مادفنته بتنفضح بين العربان
قال :لاع مالي صووولاح انا ماقتلته إعترفي يااااقاتله
وانا:تكفااا جرحت شعوري ياعاق ياااقاتل ابوك ياراعي السقاير
فجآئه واحنا في هواش انا ماسكه رموش حميد وقوله إدفنه ابوك وش دخلني وهو ماسك كشتي يقول إنتي لقيتي الجثه مالي دخل
وجه كله تراب يرووووع ورموشه منتفه طايحه على خده قال: هاهاهاها وش رايكم ادفنك انت وياها
انا وحميد نتافض ولتفتنا لمصدر الصوت طلع مرزوق حي يرزق
انا و حميد:يممممممممممممممممممآآآآآآآآآآآآآآآآآآآآآآآآآآ آع
ونحشنا زي أفلام الكرتون نحو شروق الشمس..



The End


مآيستفاد من القصة:


1- للبنات لابغيتو تحبون وتعرسون حبو شايب الدعوة كلهآ خربانه وكللهم شبابنا شيون وشيابنا أشين مير الشايب يدلعتس


2-إذا قتلت تاكد من أن القتيل مات واضبرهوه من مقفاه عشان مايطوش الدم عليك


3-ومن الحب ماقتل


4-لاتعطي امكن تروح تبربر لشغاله سرك عند الحريم وتفضحك




منقول

__________________________________________________ __________

جزاك الله خير

__________________________________________________ __________

هههههههههههههههههههههه
يعطييييييييييك العافيييييييييييه

عسى مثوووواك الجنه

__________________________________________________ __________

الله يعافيكم يسلموو

__________________________________________________ __________