ما أبي أضيّق خاطرك وأنت مرتاح !!
عنوان الموضوع : ما أبي أضيّق خاطرك وأنت مرتاح !!
مقدم من طرف منتديات نساء الجزائر
ما أبي أضيّق خاطرك وأنت مرتاح !!
https://uploads.sedty.com/imagehosting/1_1402432992.gif
يآصآحبي طآلبك خلني بحآلي
ما أبي "أضيّق خاطرك" وأنت مرتاح
•
•
ياصاحبي وإن غبت عنك " ليالي "
غلاك باقي بالحنايا ولا راح
•
•
تبي أسولف لك
وش اللي جرالي؟؟
أخاف يمسح قولنا الصبح لا لاح ..!!
•
•
أجل تعال أجلس "هنيّا" قبالي
دام الحطب طاح وكثير العتب طاح
•
•
لو كل شخص إليا عطيته وفالي
ماكان ب الدنيا حزن ليل وجراح ..!!
•
•
ولو كل غالي قدّر إحساس غالي
ماشفت ذاك الدمع من محجره ساح ..!!
•
•
ولو كل قلب من الحسد جاك خالي
مايشتكي من "شحّ الأمطار" فلاّح
•
•
ولو كل واحدجاك طبعه مثالي
ماكان ب الدنيا سجن ناس وإصلاح ..!!
•
•
ولولا الذنوب اللي بكبر الجبالي
ماكان "جيش الكفر" لـ بلادنا إجتاح
•
•
ولو الردي يعرف ش معنى عيالي
ماقطّ أبوه ب دار الآلآم يا صاح ..!!
•
•
هذا بعض "حزن السنين" التوالي
طير الحزن مبطي على خافقي ناح
•
•
ما أقول أن الخير ماله مجالي
لآ والذي يفلق من الليل الإصباح
•
•
لكن هنا بعض "الألم" ياحلالي
وأنا أدري أن العود يوم أحترق فاح
•
•
أول أقول إني صبور وشمالي
واليوم لآ والله أنفجر سدّي وباح ..!!
•
•
ماقلت لك يا ذيب خلّني ب حالي
هذا أنت "ضقت" وأذكرك جيت مرتاح.!!
رآقت لي
>>>>> ردود الأعضـــــــــــــــــــاء على الموضوع <<<<<
==================================
رائع يسلمووووو
__________________________________________________ __________
الله ،،،،
جمال في الكلمات وعذوبه في المشاعر وحزن يجتاح قلوبنا دون سابق انذار
سلمت يداك على النقل الرائع ،،،لك ودي
__________________________________________________ __________
راقت لي أيضاً كثيرا
يسلم ذوقك
تقبلي مروري .. زهـــ الآس ـــرة
__________________________________________________ __________
أول أقول إني صبور وشمالي
واليوم لآ والله أنفجر سدّي وباح ..!!
ابداع مشكوره
__________________________________________________ __________
الأروع مروركـ
تسلميـن~ْ
