اتحدى احد يقرا القصه ولا يضحك

عنوان الموضوع : اتحدى احد يقرا القصه ولا يضحك
مقدم من طرف منتديات نساء الجزائر

اتحدى احد يقرا القصه ولا يضحك


https://uploads.sedty.com/imagehosting/1_1402432992.gif



السلــآم علــآىكم ..

كيفكم وش ع ـــلومكم ..؟؟؟


جبت لكم رواايتن تجنن ..


والله اتحداااكم ماااتضحكوووم ..

بس نصيحه تقررينها لأنها روووووووووووع ــه ..وقصمن عضمن ..

أتحدي اي واحد يقرا القصه _ولا يموت من الضحك!!!


مساكم الله بالخير
ابي اقول لكم عن قصه صارت لي وابيكم تشاركووني كل الاحاسيس البعيريه هع هع


المهم وانا في عز النوم والسعابيل الا فجــأه .. رن التلفون .. وطبعا تلفوننا شايل ابوي منه كل الارقام .. موب مخلي الا رقمين التسعه والثمانيه .. يعني مالك الا تدق على الشرطه ولا الدفالمدنـي وغيره مافيه ... المهم اني رفعت السماعه واقول نعم .. إلا وذاك الصوت الي يرد الروح .. صوت بنت .. واخوكم اذا سمع صوت بنت اوجعه بطنــه وانواع الاسهال ... وقالت الو
.. انا ماعاد عرفت وش اقول انشلت براطمي وطلعت كني ياسر عرفات .. ال ال ال ال لوووووو .. قالت .. مين معاي ..؟؟ قلت .. معاك انا .. (( صراحه جواب يدل على ذكائك ..!! )) وهي الي تضحك .. وانا قلبي احسه مووب طبيعي قـالبها سامري واستنزل عندي الكبد والبنكرياس انواع الربكه .. وقالت لي .. سوسو موجوده ..؟؟ قلت لها .. ما ينفع حـوحـو ..؟؟ قالت مين حـوحـو ..؟؟ .. قلت .. هذا اسـم الدلـع حـق الحمار الي هـو انا... !! وضحكت للمره الثانيه على التوالي ..وقالت .. يؤيؤ .. شكلي غلطانه .. طيب آسفــه ... قلت لها .. لاعادي.. لاشكــر على واجب .. (( دايم اسمع هالكلمه .. وجالس احتري _الفرصه اني اقولها ..!! )) .. وقفلت السماعه ... : تصدقون .. مادري وش صار فيني .. حسيت بشعقريــره في جسمــي .. وان افرازات الخشـم عندي زادت .. وان ودي اروح انبطــح في الحوش واكتب قصيـده هجائيه .. لايكون هـذا هــو الحـب الي يقولون .. (( نعن ابو الحب الي تعرفه يالضفــدع ..!!)) :عاد انا ماني متعود على البنات .. لان ما شاء الله بيتنا فيـه خـمـسـطـعـشـر رجال الي هم انا واخواني وابوي وامــي .. (( الله يخلف على ابوك واميمتك هذا وانت اكبر اخوانك عليه العوض ومنه العوض: )) المهم .. يعني انا واخواني ماشفنا بنت ابــد .. وهذا الي سبب لنا عقــده تسمــى العقـده الفيسلووجيـه .. (( من وين جت ذي ..!! )) المهــم .. انـي قررت انــي اتعرف على ببنات ... بس فيــه مشكلــه وحـــده الي هـي انـي ماعنــدي اسلوب ابــد ...(( يعنـي وقفـت على الاسلوب .. بنعن ابوك انت عندك الف مشكلـه مو مشكله بس .. واهمها مشكلــة وجهـــك الي كببنـه لوحة انتبه امامك نقـطة تفتيـش ..!! )) الوكاد اني مالقيت قدامي الا واحد مـن العيال اسمه عبدوش .. معروف ان البنات ما يعوقون معـاه .. وانا الي اللقـط مفتاح سيارتي واروح لــه الوكاد .. انــي رحــت لعبدوووش .. وعلمتــه بوضعـي وان امنيتــي في الحياة اتعرف على بنـت قبل ما اموت .. (( اخسسس يالشايب ..!! ):: فقال لي .. السالفه بسيطــه .. اذا بغيـت البنـت تحبــك حسـسـها انها احسـن وحــده فـي العالم ... قلت لـه .. يعنـي كيــف؟..
.. يعنـي كيــف .. يعنـي اقولها انتـي احســن مـن مارادونا ...!! وهو الي يرفسنـي برجلــه فـي بطنــي .. وقال لي .. انت ثور .. وش دخل مارادونا يالغبـي .. !! انا قــصدي انـك تحسسها بانوثتها وان مافيه بنت غيرها في العالم .. قلـت لـه .. برضه مافهمـت .. يعني تبينـي اذبـح كل البنات واخليها لحالها ...!! وهــو الي يموه علـي برجلـه ويمحطنــي بيــده علـى جبهتـــي ..... وقال لي .. شوف انت حمار .. وماراح تفهـم الا بالدروس العمليــه ... ويطلــع جواله ويــدق .. وقال لي .. شوف انا هالحين باكلـم وحــده... وتعلــم .. قلت لـه .. طيـــب ... وكلم .. وقال .. هلا حياتي هلا عمـري هلا روحي .. انا لــؤي حبيبـك ومجنونك .. (( الحمدلله على العقل .. نعن ابوك وين لؤي معــه .. والله لو اشوف وجهـه في احســن الاحوال بعــد ما اعطيــه غيـر اسم جعـفــر .. قال ايش قال لـؤي ..!! )) .. : وقام يقول لها .. احبــك واموت فيــك .. انا بدونك مثــل البيـت بدون حاره .. مثل التلفون بـدون حراره .. مثل السواق بدون سياره .. انا البنـزين وانتــي الشراره .. انا الشارع وانتي الاناره ..انا الرومانسيـه وانتـي الاثاره
انا مبنى التجاره العالمي وانتـي الطياره ... (( قســم بالله اني بغيـت اضمــه وابوسه يوم سمعـت كلامه .. حسيت بشعور غريب .. نعن ابليسه لو يكلم جدار كان ذاب )) المهم .. انه خلـص المكالمـه .. والتفـت لي .. وقال لي .. يالله دورك .. باعطيـك رقـم بنــت وكلمها .. وقول لها نفــس كلامي ... قلـت لـه بكـل خجـل .. طيـب .. وهو الي يــدق علــى بنــت ويعطينـــي الجوال عشان اكلمها ... وانا الي اقول الووووو .. ويوم سمعــت صوتها ضاعت علومي .. ونسيـت كل الكلام .. وقلت لها .. بابا فيـــن ..!! وما حسـيت الا بذيـك الجزمـه الي لازقـه في مقفاي ... وقال لي .. قـول نفس الكلام الي قلتـه يالثور ... وانا الي اقول لهـا ... هلا حياتي هلا روحي هلا تعالي .. وقالت .. طيب وبعــدين ... قلت لها .. انا بدونك مثـل الكيبورد بدون فاره .. مثل التقاطع بدون اشاره .. مثـل الحمار بدون حماره ... مثل السلطـه بدون خياره .. انا محترف وانتي نظام الإعاره ... انا الولاعه وانتـي السجاره ... انا الددســن وانتـي الغماره ... انا الصرصور وانتـي البياره ... انا طوووط طوووط طوووط طوووط ... قفلـت الخـط في وجهــي .... قال عبدوش .. وش فيــك ؟؟ .. قلـت لـه .. لا ابــد الخــط مشغول ...!! (( مايعررف يصرف ابــد ..!! )) ومادريت الا وعبدوش مطلــع لوح فيه مسامير ودبجنــي فيــه اللين قلــت للعنــز ياخاله ..:
المهـم .. اني رجعــت للبيـت ودماني تصـب وماليه وجهـي من كثر الطق الـي جاني مـن عبدووش لدرجة ان الي بيشوفني ما يعرفني .. طالع كنـي مسابقـة .. مـن صاحب هــذه الصوره .. الي يحطونها في المجلات ... وانا الي ادخـل البيــت بشويش عشان مايشوفني احــد .. واطلـع غرفتي واسكــر الباب وانام ... وفـي عــز النوم .. دق جرس التلفون .. وارفع السماعه .. الا هـي نفـس البنــت الي كلمتنـي اول مره .. قلـت .. نعــم .. قالت .. سوسو موجوده ..؟؟ قلـت لهـا .. شوفي .. بيتنا كلــه شباب .. ومافيه احـد يبدا اسمـه بحرف السيــن .. انا واخواني كلنا اسمنا خالد .. وما فيه الا اخوي الصغيــر فهــد هو الي اسمــه نايف ونناديه عبدالرحمـن .... (( وش عنــده عادل امام..!! )) والبنــت كررتها ضحكــه .. وقالت ما شاء الله دمـك خفيــف ... ((هي تحسبني استهبل مادرت اني دلخ من جد )) وقلــت لها .. شكــرا .. (( مسوي مؤدب ..!! ))
وسـألتنـي البنــت .. وش تسوي هاللحيــن ..؟؟ .. قلت لها .. والله كنـت نايم ... قالت .. يؤ يؤ تنام في الليل انــت ..!! .. قلت .. اجــل متـــى انام ..؟؟ قالت .. لا انا انام في النهار واسهر في الليـل ... قلـت لها .. ليـش الاخـــت بومـه ..!! قالت .. لا بس الليل وقـت الرومانسيه .. انت تعرف الرومانسيه ..؟؟ قلت لها .. لاوالله ما اعرف بنات انا ...!! (( مسوي فيها فاهم ..!!)) وسألتنـــي .. انت وش اسمــك ..؟؟ قلت لهـا مصيول قالت وش معناه .. قلت لها .. هذا اسـم كلـب كان عنــد جـدي وسماني ابوي عليـه لانـي اشبـهه .... وسألتها .. وانتــي وش اسمــك .. قالت .. داليدا .. قلت لها .. انا ابي اعرف اسمــك مو عيارتك ...!! قالت .. هــذا اسمــي ..!! (( هذوللي البنات .. تسألها وش اسمـك .. تقول رهـف ولا شوق ولا افنان .. ولو
عذري بس انه من جنبها ..!! )) سويت فيها _اسلوب وقلت لها اني حبيت وحده بس انتهى هالحب .. لان الي حبيتها خانتني ... قالت لي .. من حبيـت ..؟؟ قلت لها .. حبيـت عنـز جيراننا .. بس انها خانتني مـع تيــس سوري عشان لـه قــذلـه ...!! المهم .. ان البنت قالتلي .. اوكي اكلمك بكره لان امـي تناديني .. قلت مو مشكلــه .. وتطورت العلاقه .. وصرنا نكلم بعــض كـل يوم .. وانا انقلــب حالي .. ولاحظوا اهلــي انــي تغيــرت .. يعني نكون جالسين على الغـدا ولا العـشا وانا ما آكــل .. سارح وانغــف .. وبعـض المرات انسى اصبعـي داخل خشمــي
ولاحظوا اهلــي انـي صرت مؤدب واقرا واجد .. وانا اقر عشان اعرف كلام جديد في الحـب .. تلقاني اقرا كتـب الشعــر والحب والطبـخ .. (( لا تستغربون لان كتب الطبخ اتعلم منها كلام حلو بعـد مثـل .. ياعسـل , ياحليـب , ياقشطـه , ياكريم
كرامل ..!! )) وبرضه صرت ادخـل كتــب ممنوعه للبيـت .. مثل كتاب .. ماذا تفعـل في ليلـة الدخلــه .. وكتاب .. سنـه اولى زواج ... بس المشكله انها ضاعت هالكتـب منــي وصرت اروح عند بيارة جارنا الي طافحه واقعـد افكر واتـأمل وارمي حصى وسط البياره ....(( مسوي رومانسي .. مثل الي يجلسون على البحر ويرمون حصى ..!! )) المهم .. انه في ليلـه من الملاليل .. قالت لي البنـت 00مصيوول.. اوصـفلي شكلــك ..!! ياوالله البلشــه .. وش اقولها هذي هاللحين .. اقولها اني قرد .. اعترف لها بالحقيقه المره واقولها اني جدار مالي ملامح ... اعترف لها اني شبيه عبدالله سليمان((الف حمد لله وشكر ))الوكاد انـي قلت في نفسي .. ياولد خلني اسوي مثـل كل الشباب .. وانصـب عليها يعني تلقـى الواحد من الشباب شين واذا شفته في الشارع ماتدري هو رايح ولا جاي لان وجهـه ماله معالم .. ولو تشوف وجهه تحسبــه واحد معطيـك مقفاه .. يعني مفروض يحـط _لوحه على وجهـه ويكتـب .. ترى هذا وجهـي .. عشان الناس مايلخبطون بين وجهه وقفاه .....وانـا مثلكم واردى بعــد .. انا اذا قابلت احد يجلس ساعه محتار وين وجهي من قفاي وما يعرف الا اذا لقـى الورقه .. لان فيني ورقه مثل الي تجي في الفنايل والسراويل عشان تعرف ورى من قدام ...!! المهــم .. انـي قلـت لهــا .. انا عيوني مثل عيون جواد .. وطولي مثل طلال الرشيـد .. وخشمـي مثـل خشـم خالد عبدالرحمن .. وملحـي مثل ملـح راشد الماجد .. ومهضوم كثير مثـل رامي عياش ... (( والله ما ناقص الا تحط ملحـن معاهم ويكمـل الاوبريت ..!! ))
الوكاد .. ان البنــت شكلها خقـت معــي وقامت تشاهق من الفرحه .. وسألتها انا وانتي اوصفيلي شكلـك .... قالت .. ما اقدر .. لما تشوفيني بتعرف .. لان مالي شبيـه .. (( اخسس يا بريتنــي ..!! )) .. وانا الي افـك خشتــي وسعابيلي تقوطر .. كني كلـب شايف له عظمــه ... وقلت لها .. يعني باشوفك ..؟؟ قالت .. اكيــد .. انا بكره باروح شاليهات اليمامه الي على طريق الرياض الخرج .. ونتقابل هناك .. قلت لها .. بس هذيك للعوائل بس .. قالت عاد انت دبر نفسـك ... قلت اوكي مو مشكلــه بس كيف اعرفك ... قالت بيننا الجوال .. اذا وصلت كلمني وانا اعلمك وين تلقاني .. قلت لها خلاص الوعـد هناك .... المهم .. اني انا توهقت .. وش لون ادخــل الشاليهات وهي للعوايل ... وقلت مالي الا عبدوش .. اتصل عليه واتفاهم معاه ... ودقيت عليه .. ورد علــي وقال بعصبيه .. نعم وش تبـي يالغبـي ..؟؟.. وعلمتــه بالسالفه من سلسل اللين طقاق عليكم ..((تراني اقصد من طقطق اللين السلام عليكم بس مدلخ شوى ))وقال لي .. والله صعبـه وش بتسوي .. قلت له .. وش رايك تلبس عباة وتسوي نفسك حرمه وتروح معي على انك زوجتي ... وهو الي يتغير وجهه وقال .. انا ولـد ابوي .. قلت له .. بالله .. توني ادري .. كنت احسبك ولد ابوي انا ..!! قال .. تستهبل يالزبال .. انا اسوي نفسي حرمه .. ياويل ويلي ويلاااه .. خيل الخيـل خيالها .. قلت له .. يارجال كلك تبـن لادوس في بطنك .. جالسين في مضارب الباديه احنا ..!! .. قال لي .. لا يا مصيول هذا شي ما اقدر عليـه .. وش اقول للجماعه ..؟؟ قلت له .. ومن قالك اننا بنحضر عرس .. حنا بنروح الشاليهات .. وانت ماراح تكشف وجهــك ابــد .. قال .. طيب ليش انت ماتسوي نفسـك حرمه وانا الرجال ..!! قلت لـه .. ياخوي انا ما اقدر .. لاني لا رجال نافع ولا حرمه نافع .. وبعدين حتى لو غطيت وجهـي بيكشفون اني ماني حرمه من ريحتــي الي كنها ريحـة شرابات عزوبي ... قال لي .. خلاص .. بس لاحد يدري ... قلت لـه .. ابشــر .. بس جهز نفسـك بكره بامرك ونروح ...
وأخـذت سيارة واحد من العيال .. ورحــت لبيت عبدوش ولقيت عنـد بابهم شحاده وهي الي تجـي تبي تركب .. قلت لها .. الله يعطينا ويعطيك ياخاله .. وهي الي تطق قزازة السياره شوي وتكسرها .. وانا الي اطلع من جيبـي ريال ونص كنت ناوي اشتري فيـه توكـس .. بس قلت مو خساره فيها عشان الله يوفقني .. وتوني افتح الدريشـه باعطيها .. الا وهي تقول افتح الباب الله ياخذ هالراس ..... الصوت مو غريب علي ..
يوووووووه عبدوووش.. وقال .. اييه عبدوش الله لا يبارك فيك .. افتح بسرعه قبل ما يطلــع احد من هلـي ... وفتحــت لـه الباب وركب .. وانطلقنا للشاليهات ... المهم وصلنا الشاليهات .... ونزلنا من السياره .. وامســك يـد د٠٠زوجتي .. الي هـي عبدوش سابقا ... ودفعنا التذاكر .. ويوم جينا بنـدخل .. وقفنا الحارس الي على الباب .. وقال .. لحظــه لازم زوجتك تـدخل محـل تفتيـش النساء لاننا شاكين فيهـا .. قلت لــه .. ليش في مطار حنا .. تراه شاليهات .. بعدين وش فيها زوجتي ... ؟؟ قال الحارس ... ياخوي وش هالحرمه الي لابسـه زبيريات ....!!!!! وانا الي اناظر في ارجول عبدوش الا فعــلا لابس زبيريات ..!!!! يالله لاتفضحنا بـس ... وانا الي اقول للحارس ممكن تتركني معا زوجتي .. ابيها في كلمـة راس .. قال لي ادخل هالغرفه الفاضيه وتفاهم معاها ... وانا الي اسحب عبدوش للغرفه .. واترفس في بطنــه وانواع الاكواع .. نعن ابوك يالغبي زبيريات مره وحــده ... قال .. وش اسوي مالقيت جزمـه كعــب على مقاسي ..... وقلت له .. اسمع نزل العباة على ارجولك عشان ماحد ينتبــه يالغبي
المهم .. اننا رجعنا للحارس .. واعتذرنا منه على سوء التفاهم .. ودفيناه بميـة ريال عشان يسكــت ... واول مادخلنا استاجرت شاليه صغيـر وقلت لعبدوش يجلــس فيــه .. وانا باروح ادور خويتي .... وطلعــت .. ودقيــت جوال على خويتي .. ووصفــت لـي مكانها ... تقول انها عنــد الشجـر الي جنـب المطعــــم ... وانا الي اروح هناك .. واجلـس ساعتين ادورها ومالقيتها ... وادق عليها جوال قلـت لها .. وبينك فيــه لي ساعتين ادورك ... قالت .. انت ويـنك بالظبــط ؟؟؟.. قلت لها .. انا واقـف جنـب كيـس زباله .. وانتـي وينــك ..؟؟ .. قالت .. انا واقفه جنـب واحد شكلــه مجنون وعليه قل صـح ... وانا الي التفت وراي .. اووب .. هــذي هــي .... (( افا طلعـت انا المجنون الي تقصـده .. وطلعـت هي كيـس الزباله الي اقصــده ..!! ))
وهـي الي تنصـدم .. وقالت .. هــذا انت ..!! وين الوصـف الي تقول .. اجل طلال الرشيــد هاه .. امحـق طلال الي تشبـه لـه انـت ... (( صادتني ان عيوني مثل عيوون خالد الملا .. وجسمي مثل نبيل شعيل .. وخشمي مثل عبدالمجيد عبدالله ..!! )) .. قلت لها .. لا انا فعلا مثل ماقلـت .. بس صار لي حادث هو الي اثــر على وجهــي .. ولا انا كنـت حلو ... (( اييه هيــن ..!! ))
قالت .. مو مشكلــه اهـم شي اسلوبك اعجبنـي .. قلت لها .. اشوى ان اعجبـك شـي فينــي .... وطلـبت منها انها توريني وجهها .. قالت .. طيب بس لا يشوفنا احـــد .. وانا الي اغطــي عليها .. وقلت لها .. يالله بسرعه .... وهـي الي ترفــع الغطوه .. وانا الي اضحـــك ..!! قالت .. وش فيــك تضحـــك ..؟؟ قلت لها .. يالله عاد بدون استهبال ....!! قالت .. وش فيـــك ؟؟ .. قلـت لها .. يالله بسرعه شيلــي القناع الي على وجهــك لا تستهبليــن ....!! وهي الي تقول .. هــذا وجهــي الصدقــي يالقرد ... وانا الي انصـــدم واحـس ان الارض تدور فينـــي ... وش ذا الوجـه الشين .. اول مره اشوف وجـه يطلــع منــه ريحــه مخيســه ... نعـن ابوبها حتـى الشجــره الـي كنا واقفيـن جنبها رفعـت ثوبها وانحاشت .. وكل ابلشجر الي كان حولنا انحاش وراح وقـف في مكان ثاني بعيــد من شيــن وجهـها...!!!
وانا كنـت حاط في بالي كلام رومانسي جلست عشرين يوم احفظ فيـه .. عشان اذا شفتها اقوله لها .. بس يوم شفت وجهها الي كنـه وجـه واحد جالس في مجلس رجاجيل وفيـه اسهال ... وضيعت كل الكلام الي حفظتـه وقمـت الخبـط في الكلام .... سألتـها .. ليـش الغمـص ساكـن عيونك ..؟؟ جاوبتنـي ..مـن الأرق ..!! سألتـها .. طيب وش هالببسـي الـي مكبوب علـى ثوبك ..؟؟ جاوبتنـي .. هـذا موب ببسـي .. هــذا مـرق ..!! سألتهـا .. طيب ماعندك غيـر هالثوب ..؟؟ جاوبتنـي .. الا كان عنـدي بـس انســرق ..!! سألتهـا .. طيب مادامك شينـه وشهـولـه تغازلين ..؟؟ جاوبتنـي .. انا كنـت حلوه .. بس ان وجهـي انحـرق ..!! وسألتنـــي .. وش رايك فيني .. ما اشبـه باسكال ..؟؟ جاوبتهـا .. انتـي جسمـك جسـم باسكال .. بس الوجـه الله خلـق وفرق ..!! المهـم انـي ماقـدرت اتحمـل وجـههـا وقلـت لها .. انتـي جــدك الاكبــر كان غوريلا ..؟؟ قالت لي .. لا تطنـز انت ووجهــك .. انا اول كنـت مصـدقه ان الديناصورات انقرضت .. بس من يوم شفـت وجهــك عرفت ان هالكلام إشاعات ...!!! قلـت لها .. شوفي ياآنســه جراده .. انا ودي اجاملك واقولك كلام حلــو .. بــس وجهــك يقول مالك امـــل ..!! قالت لي .. والله حتـى انا بعـد ودي اقولك كلام حلو .. بس وجهــك ما يساعد .. وجهـك كنــه دعاية لا للمخدرات ..!!
المهــم .. ان كـل واحد منــا تفــل فـي وجـه الثاني ورحنا ... وانا مـن الصـدمـه توقف تفكيــري .. كل آمالي واحلامي راحت ادراج الدواليب .... وركبــت السياره .. ورجعـت للبيــت _وانا متحــطم .. كنـت متخيــلها مثـل مايا نصــري ولا اليسـا .. وطلعـت مثــل فطومـه ... لا خلاص ماعاد ابــي اتعرف على بنات ...(( تكفـى آخر مره .. حرام تحطـم قلوب المعجبات يا راغب علامه .. اقول انطم بس)) الوكاد .. انـي سكرت باب الغرفـه .. ونمــت نومة عدوكم .. (( مسوي علوم رجال ..!!)) ومادريت اليوم الثاني الا بالي يرفس الباب .. وانا الي انقز من فراشي ... وش السالفه يالربع .. الا وهو ابوي يصايح .. افتـح يالسمرمـدي .. افتـح لابارك الله فيــك ... وانا الي افتــح الباب .... الا وابوي في وجهـي ووجـه مايطمـن .. ويطلـع ذيـك العجرا من وراه .. وانواع التلحيـــط .. واخواني وامــي واقفيـن عنــد الباب يتفرجون الانذال ... من لقاها مصارعه على الطبيعــه .... المهم .. ان ابوي شغال ضرب فيني ويقول تتزوج من ورانا يالخسيــس .. قلت لـه .. والله ما تزوجت ... قال .. الا .. لان الشاليهات اتصلوا علينا وقالوا خـلوا مصيول يجي ياخذ زوجته الي نساها
امــس ... وانا الي تضيـع علومي .. وابي افهـم ابوي السالفه .. بس انــه شغال ضرب فينــي .. ماترك لي فرصـه .. وبعــد جـهــد جهيــد قــدرت انفــك مـن ابوي .. ورحـت لآخــر الغرفـه .. وياخذ ابوي نعال ويرميها علــي ... وانا الي اوخــر عنها بـسرعـه وامسكهــا بفمــي ...(( متأثر بالأفلام ..!! )) واخواني يوم شافوني سويت هالحركـه وهـم الي يصفقون ويصفرون لــي ... وانا الي اتحمــس .. وانـط على ابوي وامسـكــه مسـكــه منومــه .. (( خربها الغبـي مع ابوه..!!))
وينـط واحد مـن اخواني ويمسـك يـد ابوي ويرفعها اول مره وطاحت ويرفعها ثانيه مره وطاحت .. ويرفعها ثالث مره وطاحــت... لااا لااا لااا لااا غيـر معقول ... رفـع ابوي يــده وقام يأشر باصبعــه يعني لا تراني مانمــت ....!! ويوم شفتــه مانام .. وانا الي اقوم وامسـك ارجوله .. واسوي لـه حركـه مقصيــه عشان يستسلــم .. بس ما استسلم .. واخواني يقنعونه انــه يستسلــم بــس هــو عنيــد يحاول يـزحـف عنــد الحبال .. بس انا ماخليتــه يتنفــس ... وفجــأه .. اوووه .. لا تــدخل خارجي ... امــي جابت المقلاة ومحطتنــي علــى جبهتـــي محطــه مــدويه ... وتدخلوا اخواني ومسكــوا امــي وطلعوها برا الحلبــه .. ((عائله دلوخ )) المهم انــي دخــت وماعاد ادري ويـن انا وطحــت مكاني .. ويزحـف ابوي بشويش .. ويحـط يــده على صــدري .. ويعدون اخواني .. واحد .. اثنيـن .. ثلاثـه .... فاز ابوي هييييييييييييييييه ..((الحمد لله والشكر)) المهم اني فهمت ابوى السالفه ((ما اصلح في جريات ابد اعلم واكع على طول)) ونمر بيت ابو عبدوش ونعلمه وانواع التمحيط فيني المهم إنا وصلنا الشاليهات وقلت له معى لك مفاجأه وهو الي يضحك قال والله اني خابرك ذيب ما تترك خويك كذا الرجال ولا بلاشو وانا اقول في صدرى ايه هين وهو يقول اكيد بتعرفني على وحده من خواتها قلت ايه انا بعرفك على وحده صحيه 00 وهو يبي يشوف المفاجأه بيفصخ العباه قلت لها خلها عليك كذا احسن((انواع النذاله فيني)) وصلنا السياره .. الا وابو عبدوش ماسك مفــك العجـل فـي يــده يحتــري ولــده ... وعبدوش مـن هول الصــدمه ماعاد شالته رجليــه .. طاح مكانه وقام يصيـــح ويولول ... واستلمــه ابوه انواع تفقيــع الوجــه وانواالترفيع والتنزيــل .... وانا جالس اتفرج ومبسوط .. ومادريت الا وابوي ماسكني وانواع الركب .. وانا الي اصيــح فيــه .. هيه يابو الشباب .. حلى هــي ..!! توك طاقني قبـل شوي ...!! قال ابوي ... ايه صحيح .. بس عيـب الرجال يطـق ولــده وانا جالس اتفرج .. لازم اسوي شـــي انا بعـــد ...(( لا صراحه ان ابوي فاهم في الاصول .. طالع لي ..!! )) المهم .. عقــب الطــق الي كليتـــه انا وعبدوش .. تزاعلنا مـع بعــض .. وانا حرمت اتعرف على بنات .. ومثل ماقال المثــل .. ابعـــد عــن الشر ياعمري وغني لوووووه .. ودان دان لدانه دان واويلوووه مشكلني حبك ياروح الروح مشكلنـــي .. يالبيه يالبنات الي مع راشد في الفيديو كليـب .. اروووووح طحينيــه معاهم ... ((شكله ماتاب ناوي ينطق مره ثانيه ))



منقول

>>>>> ردود الأعضـــــــــــــــــــاء على الموضوع <<<<<
==================================


__________________________________________________ __________


__________________________________________________ __________


__________________________________________________ __________


__________________________________________________ __________