صحيح انك بتزوج وعرسك

عنوان الموضوع : صحيح انك بتزوج وعرسك
مقدم من طرف منتديات نساء الجزائر

صحيح انك بتزوج وعرسك


https://uploads.sedty.com/imagehosting/1_1402432992.gif



صحيح أنك بتزوج وعرسك في مسا الاثنين
بتاخذ وحدتن غيري وتتركني مع أحزاني

خواتك جابو الشبكه وقالو ياهلا وأهلين
بريح المسك ندعيكم لعرس أعز الاخواني

وعروسك مثنيه راسه ببسمه شقت الخدين
وفرحه من نواظرها لهيبن وسط شرياني

وأمك ترقص قباله وتصفق بأحمر الكفين
تغني حسها كنه خناجر حبي الفاني

وأنا مدري وش القصه ومدري من متى ومنين
ومنهي اللي تبي تاخذ حياتي وكل الاماني

حبست الأه في جوفي ودمعي حايرن بالعين
عذاب القلب وجنونه وحالي حيل مرضاني

صدمت بوقتها أرجي إلهي خالق الجنسين
يصبرني على فرقا ضنيني نصفي الثاني

رجعت لغرفتي أرمي هدايا من ( ثلاث سنين )
رسايل خطا حبرك تترجم حب خواني

كرهت البيت والشارع بلا روحن معا الحيين
همومي في وسط صدري تعادل جيش ميداني

حرقت القلب ياخاين وعودك وصلتني لوين
عطيتك قلب ماتلقي مثيله بين الازماني

عشقتك عشق من مبطي معاي وباقين للحين
وأحبك حب لو ليلى درت عنه تنصاني

ورحت أبارك لعرسك وعدي مابكتلي عين
سوات اللي طعن قلبه بصمت وقال وش جاني

فمان الله معك حبك توفي في مسا الاثنين
وأمانه لاتراسلني وأبيك اليوم تنساني

>>>>> ردود الأعضـــــــــــــــــــاء على الموضوع <<<<<
==================================

ثلاث سنين انا اخطط لهذا اليوم يا بـو سعـود
تيسر حالـي وجاهـز اوفـي وعـدي بوقتـه

2
وفجأة جتنـي تتعـذر تقـول تأخـرت لوعـود
وانا مستغرب واسمـع كأنـي وعدهـا خنتـه

3
حسبت انها تمازحني وتتصنـع جفـا وصـدود
ضحكت بوجهها من قلب مع انها بايخه النكتـة

4
وقالت ارضى بالواقع قلبي مـا هـو المعهـود
تغير كل شي صوبك نصيبـي مـا أظـن إنتـه

5
كنت بيوم محبوبـي ولكـن مـا أظـن نعـود
وصل من قبل ما توصل وانا ذاك الصبر عفتـه

6
ولكن تكفى صدقنـي ويشهـد ربـي المعبـود
ترى مـا خنتـك بغفلـة ولا كلمتـه وشفتـه

7
صراحة اهلي قالوا لي بإنه ولد اصـل وجـود
وجتني أمه بالصورة وبكلمـات المـدح اختـه

8
سكت وقلت هي فرصة ما دام الجود في الموجود
وقالوا كل من حولي علامـات الرضـا سكتـه

9
وانا فكرت دام امـه واختـه مـا عليهـم زود
اكيـد انـي براضيهـم إذا وافقـت واختـرتـه

10
واراضي اهلي واخواني مدام ان الفرح مقصـود
عطيت الناس انا كلمه ومعاهم وقتـي حددتـه

11
ولا اقدر أغيرهـا تـرى عنـد العـرب منقـود
اوافق واعتـذر باكـر واقـول الـراي غيرتـه

12
تبي تشرح لي المنقود تصدق عااا د يا بو سعود
تبيني اقتنع وارضى بحال(ن) عمري ما عشتـه

13
انا ماني بقايلهـا عسـى يفـرش ثراهـا ورود
بعد ما حطمت قلبـي وطعـم المـوت جربتـه

14
عسى بفستانها اشواك وفي ثوبه عقارب سـود
ونار(ن) تحرق الكوشة وتحـرق بيتهـم حتـى

15
وموت بليلة الدخلـة يبـرد حرتـي يـا كـود
..ترى صعب(ن) علي اتخيل الـي مـا تخيلتـه

16
عسى قاع الثرى يقسى ويتحول صخـر جلمـود
وحفار القبر يرفـض يسـوي فـوق مقدرتـه

17
ترى دفنت عديم الذات تلوع حتـى كبـد الـدود
ومن خان العهود ومات تعافـه حتـى مقبرتـه

18
عسى ربي يجازيهم بحبل(ن) من مسد ممـدود
يعلقهم من اطرافـه وفوقـه نـار(ن) وتحتـه

19
انا ماني حقود وشين ولاني من نسـل نمـرود
ومن حط نفسه بوضعي يقول الـي انـا قلتـه

20
مدام الفعل له ردة فعـل والله ابشـري بـردود
بدعي دامني حـي(ن) وبغـرس للدعـا نبتـه

21
وبسقيها نزيف القلب ودمع(ن) ما رحم لخـدود
وتكبر والثمر ثاري من الـي خاننـي وصنتـه

22
انا نذرٍ علي اكتـب وافجـر هالقصيـد رعـود
واسمع كل بشر صوتـي عجبتـه ولا زعلتـه

23
واردد للـي يسمعنـي اذا حبيـت حـط حـدود
انا حبيت دون حـدود وشـوف الـي تكبدتـه

24
ثلاث سنين انا ابني وجت صـورة بكـل بـرود
خذت مني شقا عمري وحلـم(ن) قلـت حققتـه

25
ثلاث سنين انا اخطط لهذا اليوم يا بـو سعـود
وتوافق من كلام اخته وصورة أربعه في سته!!

__________________________________________________ __________

اختي بنت الليل بصراحه قصيدتين رائعه ومؤلمه وكل وحده تستاهل تكون بموضوع لحالها عشان تاخذ حقها من القراء والردود


ابدعتي يالغاليه....قليله في حقك

__________________________________________________ __________

السلام عليكم ورحمة الله وبركاته

ينقل إلى قسم همس القوافي والمختص بالقصائد والأبيات الشعرية...

__________________________________________________ __________


__________________________________________________ __________