لمذا نحرم أولادنا من الدراسة في كليات القمة ؟ -تعليم سعودي
عنوان الموضوع : لمذا نحرم أولادنا من الدراسة في كليات القمة ؟ -تعليم سعودي
مقدم من طرف منتديات نساء الجزائر
لمذا نحرم أولادنا من الدراسة في كليات القمة ؟
بسم الله الرحمن الرحيم
أتمني قراءة الموضوع كامل لربما وضعت جواب سؤالك فيه .
X ملاحظات ممكن تزعل بعض الأخوات:
1. الموضوع يتعلق بمستقبل الأولاد وده مش معناه إنهم لو بعدوا عنك إنهم في خطر محدق ولازم نلحقهم قبل ما ينحرفوا
2. الخوف علي الأولاد فطري في كل أم وليس معناه إنهم لو بعدوا عنك إن هتبتدعي سبب أو إثنين أو حتي يبقي الموضوع مربوط بالدين . إنك هتلاقي أي سبب علشان تقنعي نفسك ومن حولك بأنه صحيح علشان ميبعدوش عند . لازم يكون عندك يقين إنهم خلاص كبروا وفي مرحلة تحديد المصير فلازم تكوني علي يقين إن الوقت ده هو أهم وقت تدعميهم مش تقفلي الباب عليهم بحجت إنهم طايشين وممكن ميفكروش صح .
3. لكل الأخوات اللي مش شايفه الموضوع مناسب الرجاء عدم التعليق فالموضوع ليس مفتوحا للنقاش بل مغلقا علي الإستفسارات فقط ومن لديها أي مشكلة في موضوعي تتكرم برسالة علي الخاص نناقش فيها ما عندها من مشكلات فيما يتعلق بموضوعي
4. تم إختيار دولة في الخارج كمثال وليس حصر فكل دول العالم بتقدم خدمة الدراسة في جامعاتها الحكومية للطلبة الأجانب بما فيهم الجامعات العربية .
5. تم إختيار مكتب في القاهرة كمثال لكي أخبر عنه ولسبب واحد وهو التأكد من حصول من يرغب في السفر للدراسة علي مقعده بشكل مؤكد وغيره كثير والموضوع ليس ترويجا أو دعاية بل هو مثال وليس حصر .
6. أنا خضت التجربة قبل كده فحبيت إني أشارككم بيها فمحدش يحاول ينتقص من الموضوع فضلا ولو في عندكم أي إستفسار أو تعليق أنا مستعدة أجاوب عليه بكل صدر رحب والأخوات اللي عندها مشكلة في الموضوع من الأساس أو الفكرة أو الموضوع مش مناسب ليها أو شايفاه مش منطقي . فضلا لا أمرا لا تعلقي وإعتبري أنكي لم تري الموضوع وإتركي الساحة لمن يري أن الموضوع مفيد ليه وبلاش شوشرة .
----------------------------------
موضوعي بإختصار ( ليه تحرمي أولادك من كليات القمة لما ممكن يدرسوا برا مصر والدول العربية بدون شرط المجموع )
أكيد مش كل الدول هتوافق علي موضوع شرط المجموع وأنا هوضح نموذج هنا في الموضوع وهقول مميزاته وعيوبه علشان الكل يستفيد ويقرر صح .
أنا إخترت دولة روسيا كمثال في كلامي علشنا سبب جوهري غير نظام المجموع وياريت تركزوا عليه في آخر الموضوع .
-----------------------------
x قبل ما أبدأ الشرح . لازم أخليه علي شكل سؤال وجواب علشان الكل يبقي الموضوع واضح ليه
أول سؤال الأسرة بتسأله : إحنا ولادنا خايفين عليهم من الإنحراف ...
الجواب : لو كانوا هينحرفوا كانوا إنحرفوا من في أي مكان والمنحرفين كثير فبلاش الحساسية الزايدة بتاعت الأمهات وفكري في مصلحته مش رغباتك.
السؤال : إبني مختلف مش هيعرف يعتمد علي نفسة ...
الجواب : كله بيقول كده وبيفاجأ بإن إبنه خلاص كبر وطلع من البيضة وكل الناس هتساعده لو إحتاج حاجة في أي مكان هوا فيه والمشكلة إنكم كأسرة معلمتهوش يعتمد علي نفسه وهوا في خلال يوم أو إثنين هيكون أستاذ في الإعتماد علي النفس.
السؤال : أنا خايفه علي إبني لحسن يمشي في الحرام وانا مش مراقباه .
الجواب : وهل إنتي مراقباه كل حياته , أو إنتي متأكده إنك تقدري تبعدي عنه الشر بحاجة غير التربية ؟
السؤال : ممكن إبني تلف عليه واحده من إياهم وتخليه يمشي في الطريق الغلط .
الجواب : مش صحيح الكلام بتاع الأفلام والمسلسلات ومش صحيح في الواقع والحقيقة كل واحد ماشي في حالة وعارف مصلحته ومش ماشيين بيدوروا علي رجالة في الشارع ولا فاتحين إيديهم علي باب الطيارة مستنيين إبنك ...
--------------
السؤال : المجموع شرط علشان إبني يدرس برا تخصص عالي زي الهندسة أو الطب البشري أو الأسنان ؟
الجواب : علي حسب الدولة وشروط مؤسساتها التعليمية .
السؤال : هل ده معناه إن إبني مش هيدرس في مكان محترم لو مجبش مجموع كويس .
الجواب : أبدا . وإبنك هيدرس في أحسن مكان وكمان بتكاليف علي قد الإيد .
السؤال : يعني الشهادة بتاعته هتكون معتمدة ؟
الجواب : لو فرضنا مثلا إنه درس في دولة روسيا الإتحادية ( مش شيوعية فبلاش فلسفه ) , وقرر إنه يدرس طب بشري ( علي فكرة دي أغلي كلية ) , ففي السنة الأولي ( السنة التمهيدية ) هتكلف حوالي 5740 $ في السنة .
السؤال : هل ده معناه هيدرس في جامعة خاصة ؟
الجواب : مفيش جامعات خاصة في روسيا , كله حكومة , لكن في القانون بيسمح للأجنبي إنه يدرس علي حسابة , وشهادة بتطلع زيها زي أي طالب هناك .
السؤال : هل معني 5740$ إن دي مصاريف الجامعة .
الجواب : أنا مذكرتش كده أنا قلت هيكلفه في السنة 5740$ معناها شامله كل حاجة ( تذاكر الطيران والمواصلات الداخلية والقطار للمدينة اللي هيدرس فيها والقسط الجامعي والتأمين والسكن والأكل والشرب والإنترنت علي موبايلة أو اللابتوب ( السرعة 42 ميجا غير محدودة ) وكل اللي هيحتاجة لغاية لما يرجع بعد سنة دراسية كاملة )
السؤال : يعني مش هدفع خلال سنة أكثر من 5740$ .
الجواب : أكيد لكن ممكن تطلع كام حاجة من تحت الأرض ومعظمها معمول حسابة في الحسبة اللي فاتت.
السؤال : طيب وأنا بعد مدفع كل المصاريف اللي في الأول , كل شهر هبعتله كام ؟
الجواب : 200 دولار مبلغ ممتاز جدا مع العلم إنه بالمبلغ ده يقدر ياكل سمك أو فراخ أو لحمة كل يوم وبدون أيام قرديحي كمان . وفي ناس بتعيش بأقل وفي ناس بتعيش بأكثر لكن أنا يهمني مستوي المعيشة اللي هوا متعود عليها . وكمان معمول حساب الإرسال الشهري في الميزانية .
السؤال : طيب وبقيت السنين الدراسية .
الجواب : بتزيد علي حسب الكلية والحد الأقصي اللي هوا كلية الطب بيزيد من 1070$ الي 1300$ علي حسب المكان .
السؤال : يعني الزيادة دي كل سنة ولا أول سنة وبتبقي مستمرة ؟
الجواب : غالبا كل 10 سنين بتتغير الزيادة . لإنه نظام حكومي مش نظام طفيلي خاص .
السؤال : طيب هل ممكن يكون هناك مصاريف إضافية أو الخ : لإن نظام المعيشة بيرتفع عالميا .
الجواب : مع إرتفاع نظام المعيشة ممكن تتقارن الحياة في روسيا بالحياة في مصر يعني اللي يكفي في مصر هيكفي في روسيا ويفيض لإنه مش هيدفع كهرباء ولا غاز ولا بنزين . الخ الخ .
يتبع
>>>>> ردود الأعضـــــــــــــــــــاء على الموضوع <<<<<
==================================
السؤال : إشمعني مصر ؟
الجواب : لإن مصر دولة زراعية وكذلك روسي وبالتالي المعيشة متقاربة جدا ( بعيدا عن المدن السياحية والعاصمة )
-------------
السؤال : هل شهادة إبني معترف بيها ؟
الجواب : الشهادات الروسية معترف بيها عالميا وأقل جامعة في روسيا أعلي في المستوي التعليمي من أحسن جامعة في مصر اللي للأسف آخده الترتيب ال227 علي العالم ( للأسف أحسن جامعة في مصر جامعة القاهرة )
السؤال : وهل في حاجة مطلوبة للإعتماد ؟
الجواب : مطلوب حاجتين : الأولي الدراسة باللغة الروسية , ثانيا : ينجح وياخد شهادته ,
السؤال : هل هيا معترف بيها في مصر بس ؟
الجواب : لأ . من قوة الشهادة الروسية : إنها معترف بيها في كل الدول الأوروبية بدون معادلة وفي العالم ككل في 36 دولة عالميا بتعترف بالشهادة بدون معادلة ومن ضمنها الدول العربية .
السؤال : هل مستوي الكليات عالي في روسيا ولا بنظام الفلوس والرشاوي والكلام ده ؟
الجواب : اللي عايز يدرس بيدرس واللي جاي لعب هيترحل علي أول طيارة والموضوع مفهوش هزار .
السؤال : هل مستوي الكليات عالي علميا في روسيا .
الجواب : كمثال : في جامعة بلغورود التكنلوجية الحكومية : كلية الهندسة المدنية فيها : مصنفة الأولي علي مستوي العالم ويوازيها فقط كلية الهندسة المدنية في جامعة شيكاغو . كمثال آخر : أعرق جامعات العالم هي الجامعات الروسية ومنها جامعة موسكو الحكومية . كمثال في مجال الطب : بدون الحصر : التشخيص والعلاج الدوائي في روسيا لا يماثلة شيء في العالم وللعلم فإن روسيا قبل عدة سنوات إبتدعت نظاما جديدا من الأدوية في مختلف التخصصات وهو غير مصرح به خارج روسيا ولو تكلمت عنه لأفردت لكل علاج علي الأقل موضوع أو إثنين . وللعلم الأدوية الجديدة في روسيا غير معتمدة علي الأعشاب وليست مستخلصات عشبية ولا تتواجد في أي مكان آخر في العالم ولذا كان أكثر الناس سفرا للعلاج في الخارج من كل الدول يتوجهون لروسيا وليس أمريكا أو ألمانيا كمثال .
السؤال : ( للمقيمات ) يعني شهادة إبني ممكن يشتغل بيها في الخليج لإني عندي إقامة وكده .
الجواب : من وقت ما بياخد شهادة إعتبري مكانة محجوز مع إختلاف بسيط في المرتبات : الدكتور المصري مثلا متوسط مرتبه 5000 ريال والدكتور اللي آخد شهادة أجنبية متوسط مرتبة 40000 ريال
--------------------
السؤال : حاجة مهمة وهيا الخمره أنا سمعت إنهم بيدخلوها في الأكل والشرب .
الجواب : غلط واللي بيقول كده مبيعرفش حاجة .
السؤال: أنا شيفاهم في قناة فتافيت .
الجواب : طبعا لما بيجيبوا حاجة في التلفزيون مش معناها إن ده الواقع بل العكس صحيح وهوا إن الناس هناك أكلهم وشربهم قريب بنسبة كبيرة جدا من الأكل والشرب في مصر وذلك لتشابه الحضارات والإحتفاظ بالأعراف والثقافة .
السؤال: هما أكلهم أصلا حلال ؟
الجواب : لو إنتي من النوع اللي بيقول أكل النصاري حرام فأبشرك إن في محلات مسلمين كثير بتبيع أكل كله حلال للمسلمين
ولو إنتي من النوع اللي بيتبع فقه الشافعي وجمهور أهل العلم بأن طعام النصاري حلال لوروده نصا في كتاب الله بآية محكمة فأبشرك إن في روسيا بيدبحوا لإنه نصاري متدينين أرثوذوكس مش منحلين ولا علي حل شعرهم .
السؤال : يعني ممكن أطمئن عليهم ولا في مشاكل أمنية
الجواب : إنتي ممكن تخافي علي أولادك أو بناتك في الأوضة اللي جمبك لكن في روسيا تخلي في بطنك بطيخة صيفي لإنهم شعب محترم وبيقدس حاجة إسمها العمل فلما بيلاقي إنسان مجتهد بيساعده علي قد ما يقدر وكل واحد وشطارته
السؤال : يعني ممكن يلاقي فرصة عمل هناك بعد ما يخلص .
الجواب : أكيد ممكن لو هوا عايز إنما إهتمامهم بحاجة واحدة وهيا إنه يتعلم وبعدها عايز يرجع هوا حر ولو عايز يكمل مشواره هوا حر .
-------------------------------
السؤال : يعني إبني لو راح درس هناك مهيكنش عنده مشاكل من ناحية الأكل والشرب والسكن وكمان هيدرس غصب عنه .
الجواب : أكيد
السؤال : طيب كده لو دخل طب يقعد سنة تمهيدي و7 دراسة يبقي هيكون أقل من زمايلة بسنة .
الجواب : الطب في روسيا 6 سنين بس وسنة تحضيري يعني 7 سنين وهيتخرج زيه زي أي واحد في سنة .
لكن الميزة اللي في روسيا إنه بعد ميخلص من حقه يقدم علي الدكتوراه بدون الماجستير وبدون ممارسة المهنة يعني تخيلي لو إبنه عنده 17 سنة ولسا مخلص ثانوية وسافر يدرس وكل سنة بيجيلك يقضي الأجازة معاكي وبعد 10 سنين بقي دكتور إستشاري .
حد يقدر يقلي كام دكتور عنده 27 سنة إستشاري شافه في حياته ؟؟؟؟؟؟؟
-------------------------------------
طيب الكلام الكثير اللي فوق ده ممكن يتلخص ؟
أكيد ويريت تشوفوا الجدول اللي في الصورة علشان تشوفوا الفروقات وتعرفوا أكثر ليه أنا إخترت روسيا علشان أكلمكم عنها
--------------------------------------
السؤال اللي قبل الأخير : هل معاد التقديم إتقفل ؟
الجواب لأ ولسا في فرصة والباب مفتوح
السؤال الأخير : إزاي اقدم .
الجواب : بكل بساطة في مكاتب بتقوم بالمهمه وبتجيب الإعتماد الدراسي نظير رسوم أو عمولة . وكمثال مكتب هايبر جاينت في القاهرة وممكن تشوفوا صفحتهم علي الفيس بوك
من الآخر :
لو في واحدة شايفه إن أولادها يستاهلوا إنهم يتعلموا تعليم محترم ومتخفيش عليهم فالأفضل تسفريهم يتعلموا في مكان محترم وعلي الأقل مش هيصنفهم كإرهابيين ولا غيرة .
-------------------------------------
يتبع
__________________________________________________ __________
خلاصة نقاشات سابقة مع بعض الأخوات :
السؤال: هل روسيا بلد الدعارة ؟
الجواب : أكيد لأ ومن يقول الكلام عليه يأتي بدليل واحد علي ذلك وللعلم الشعب هناك متدين ويمقت فكرة الدعارة . وكمان المشهور عنهم إن بناتهم في كل البلاد العربية وضعهم مش اللي هوا . فده ميعبش روسيا وينطبق المثل علي البلاد العربية ( رمتني بداءها وإنسلت ) وكله عارف إن كل الدول فيها بلاوي لكن الفرق هوا في ثقافة المجتمع ككل وهل بيقبل الفكرة ولا لأ.
السؤال: الجامعات الخاصة مليانة في مصر ؟ ليه أبعت ولادي برا والمفروض يكونوا تحت عنيا ؟
الجواب : معلش حضرتك الجامعات الخاصة اللي في مصر عبارة عن سلخانة لأهالي الطلبة وبيصرفوا آلاف علي أولادهم وفي الآخر مستواهم التعليمي وشهادتهم ميقدروش يواكبوا السوق ولو واحد إتقدم لشغلانة كمثال مع واحد من جامعة القاهرة مثلا هيقلولة مع ألف سلامة إنتا معهد خاص بفلوسك . ففكرة إنه يتعلم برا هيا إنه يتعلم بس تعليم حكومي مش خاص وكونهم بيخدوا مصاريف فده طبيعي لإن إبنك طالب أجنبي مش من جنسية أهل البلد .
السؤال: لو بعت إبني مثلا روسيا . المجموع المطلوب كام يعني ؟
الجواب : المجموع مش شرط قبول وبإمكان إبنك دخول الكلية اللي هوا عايزها
السؤال: طيب إيه الدول المتاحة غير روسيا .
الجواب : كل دول العالم متاحة ولكن ذكري لروسيا نابع من تجربة شخصية مش كلام عايم .
السؤال: واضح من خلال الجدول إن روسيا بلد عايزة فلوس وأكيد ده كلام فاضي لإني إتعرض عليا شهادة من هناك من غير دراسة ولا غيرة .
الجواب : الكلام ده غير صحيح وإن كنت تعرضتي لمحاولة نصب فالحمد لله الذي نجاكي ولكن لا يمكن الحصول علي شهادة إلا بالدراسة فقط كما ولو أن المنطق هو الفلوس معيار؟ في كندا القسط الجامعي حوالي 118 ألف دولار فهل ده معناها مش عايزا فلوس . هذا منطق أعوج . الأجنبي يدفع وهذا أمر معروف ولكن لما نلاقي فرصة بسعر كويس مش معناها إن الدولة عايزة فلوس كفا مزايدة .
السؤال:مصر فيها 20 جامعة خاصة وأرخص وأحسن من البلد اللي بتروجلها .
الجواب : لو كان التعليم في مصر كويس وأحسن كانت مصر أخدت ولو مرتبة محترمة في جودة التعليم . أحسن جامعة في مصر هيا جامعة القاهرة وترتيبها 227 علي العالم فما بالك بباقي جامعات مصر الحكومية والخاصة . من ناحية أرخص فأكيد أرخص لإنك مبتحسبيش لا السكن ولا المواصلات ولا الأكل والشرب . بحكم انه داخل في مصروف البيت الشهري . ومش معني كده انها أرخص معناها أحسن . ومن ناحية الترويج . فلو كانت النصيحة دايما بتتسمي ترويج يبقي أنا بروج ومعنديش مانع تسميني كده . إنما أنا بنصح غيري بتجربة مريت بيها بالتفصيل علشان ميتورطش في خيبة تقيلة زي معارفك أو إخواتك أو حتي أولادك . في إنهم غيروا التخصص لإنهم مش قادرين يدخلوا التخصص اللي نفسهم فيه.
السؤال: بعض الأخوات ذكروا إنهم مش مقتنعين بالكلام ده طالما إنهم هيدفعوا فلوس .
الجواب : الإقتناع حرية شخصية . والكلام مش موجه لمن لا يرغب في الإقتناع لكن يبقي إسمك عرفتي الدنيا ماشية إزاي . موضوع دفع الفلوس مش معناها إنه هيخش خاص لكنه هيتعلم في جامعات حكومية ولكن علي حسابة وده في كل الجامعات في العالم حتي جامعات مصر الحكومية . الطالب الأجنبي محروم من التعليم المجاني ولازم يدفع نظير تعليمه إلا أن تكون منحة .
السؤال: تأثير البيئة وإرتفاع الرقابة والضمير نايم ممكن تؤدي الي الإنحراف وموضوع الفلوس في إيده ده ممكن يخليه ينحرف بقلب جامد .
الجواب . البيئة هناك منغلقة مفيش فيها بياعين مخدرات عند النواصي . مفيش فيها بنات زي الأفلام بتسبل للولاد . وموضوع الفلوس في ايده . انا مخترتش الرقم ده إلا عن دراسة للوضع هناك و200 دولار فعلا رقم مش هيخلي في إيده قرش علي آخر الشهر . يدوبك علي قده.
السؤال: هل فرص الإنحراف عالية في مصر ؟؟؟؟
الجواب : نعم والسبب أصحاب السوء وسهولة الحصول علي المخدرات والبلاوي السودة
السؤال: هل يتقارن التعليم في روسيا بالتعليم في مصر كمثال ؟
الجواب : التعليم في مصر هو أحد أسوء أنواع التعليم علي الإطلاق فمينفعش تقارنيه إلا بالدول المتخلفة . إنما التعليم في روسيا يقارن بالتعليم عالميا ويكفيكي علما بجودة التعليم في روسيا أن الميزانية الخاصة بالتعليم والبحث العلمي ( اللي في مصر معندناش منه ) توازي تقريبا ميزانية مصر .
السؤال: هل دور الجامعة في روسيا نشر التوعية والأخلاق الفضيلة وعلشان كده هيكون في رقابة علي إبني ؟
الجواب : معلش حضرتك فهمتي غلط . لكن في روسيا أهم حاجة عندهم العمل مفيش لعب ولا كلام فارغ فلما أذكر إن دور الجامعة في بلادنا غايب فده حقيقي لإن الجامعة هنا بتتعمد إزلال الطالب وتدميره وكمان مفيش أي دور ليها في حياته غير حضور وغياب وواجبات وشيتات بتتقدم وبس . لكن كمراقبة المستوي التعليمي والبحث عما ينفعه . مفيش .صفر .
لكن مثلا : لو إبنك نفسة يدرس الهندسة النووية . تقدري تقولي لي ممكن يدرس كده فين ؟
لو إبنك عايز يدرس هندسة القطارات . ممكن حضرتك تقوليلي هيدرس فين ؟
لو إبنك نفسه يدرس تخصص مش موجود أو تخصص محدود بعدد زي هندسة بترول أو محدود بمجموع . ممكن تقوليلي هيدرسة إزاي . ولا خش يا إبني كمبيوتر هو اللي ليه المستقبل . مع العلم مفيش حاجة إسمه تخصص كمبيوتر .
أسأل الله إن الموضوع يكون فادكم
وأتمني إن لو في أي سؤال يتكتب علي العام علشان الكل يستفيد
نقطة أخيرة وهيا الحالات الخاصة زي الأدبي والكليات المتاحة والثانوي الصناعي وغيرة . ممكن تتواصلوا بشكل مباشر مع المكاتب المتخصصة اللي بتجيب الإعتماد أو التواصل مع مكتب هايبر جاينت في القاهرة كمثال لسؤالهم عن أي معلومات فنيه لها علاقة بالتخصص وأظن انهم يقدمون المعلومات بدون مقابل وكذلك يوضحوا الخيارات المتاحة وكمان في إمكانية لإكمال الدراسة يعني لو درس الطالب سنتين أو ثلاثة وعيزاه يكمل برا ممكن بدون مشاكل وهيعتمدوا المواد بتاعته
[/COLOR]
__________________________________________________ __________
__________________________________________________ __________
__________________________________________________ __________
