نصايح من تجاربي .. حق الكرش والي تبي تضعف والي تبي تحافظ على وزنها -رجيم

عنوان الموضوع : نصايح من تجاربي .. حق الكرش والي تبي تضعف والي تبي تحافظ على وزنها -رجيم
مقدم من طرف منتديات نساء الجزائر

نصايح من تجاربي .. حق الكرش والي تبي تضعف والي تبي تحافظ على وزنها



السلام عليكم بنات ..

:019: :019: :019:

في شي انا جربته من فتره وكانت النتيجه حلوه .. ف حبيت اني افيدكم وانشالله تستفيدون منها

1- وقفت بيبسي وكل انواع الغازيات
2- كثرت من الماي ، يعني صرت اشرب الماي كل وقت .. واهم شي اول ما اصحى الصبح .. لأنه يسهل وانتوا بكرامه عمليه الخروج ، وعودت نفسي اني تكرمون اروح الحمام كل يوم الصبح .. وعلى الأقل مره وحده باليوم، يعني ايام حتى مرتين ..
3- وقفت كل انواع الفاست فود .. باستثناء subway لأن اكله صحي ومايضر

واصلت على هالطريقه ايام والله مو اكثر من اسبوع وراحت الكرشه .. بس يمكن تختلف المده من وحده لي الثانيه ، لأن انا الحمدلله مو كرشه كبيره بس يعني شوي منتفخه وانا كنت ابيها تصير سيده

واكييد الي تسوي رياضه وخاصة حق البطن راح تلقى نتيجه حلوة ..
وبنت عمي سوت معاي نفس الشي ، ونفس النتيجه بس اهي صار معاها شي ثاني ..
بنت عمي كان عندها حبوب بوجها ، بس الحمدلله مع الي سويناه وجها صار صافي وخفت الحبوب وااايد والكل لاحظ هالشي ..

ف نصيحتي لكم خواتي عليكم بالماي .. واتركو الغازيات والفاست فوود ..


--------------------------------


والشي الثاني .. عن العيش والغدا .. وهذي مشكلتنا احنا الخليجيات

انا قبل كنت اتعالج عند دكتوره عن القولون ، تدرون شنو تقول لي ..

عن الفطور قالت هذي اهم وجبه اكلي فيها زين.. وطبعا اذا ثقلتي في الريوق طبيعي عقبها بتخففين الغدا ، وهذا اهم شي.. لأن الغدا اذا ثقيل اكيد عقبه نووومه وكرش اما اذا ثقلتي الفطور مو مشكله لأن عقبه راح تتحركين الي بتشتغل في البيت والي بتروح الدوام ...
عن الغدا ، تقول اكلي سمج ودياي ولحم وكل شي مثل ماتبين ، اما العيش خففي منه .. لأن مايصير تقطعينه وجسمج يحتاج حق نشويات .. بس قالت بالوجبه الي فيها عيش قللي ، يعني خلي ربع صحنج عيش والباقي اي نوع من البروتين ، واهم شي السلطه ..
وعن الخبز ، قالت لي وقفي الخبز الابيض واستخدمي الاسمر، لأن الاسمر لو كثرتي ما راح ينفخج مثل الابيض ولأن الخبز الاسمر مثل مانتوا عارفين له فوايد ..
والعشا .. يكون خفيف ومن وقت ، يعني ما اتي الساعه 8 الا وانتي متعشيه ..


---------------------------------------


الشي الثالث .. تخففين وزنج بدون رجيم ..
والطريقه سهله وااايد ، قالها دكتور بالتشيك حق رفيجة الوالده .. وهم بعد دكتور قايلها حق اخوي

واهي انج اكلي عادي مثل كل مره ، يعني قبل متعوده تتغدين مجبوس اوكي تغدي مجبوس .. بس الكميه اهني تتغير .. يعني بالبدايه قللي الكميه لي 3/4 الي متعوده تاكلينه اول .. وبعدين مع الوقت راح تتعودين على الكميه الاقل ، وبعدين ابتدي تاكلين بس نص الكميه الي اول (يعني نص الكميه الي كنتي تاكلينها قبل لا تبدين بهالطريقه)

وهذي راح تخليج تتعودين على كميه اقل من الاكل.. بالبدايه الوزن راح يثبت يعني مو تنحفين ولا تمتننين.. بس بعدين بيبتدي الوزن ينقص ..

ومع الرياضه انشالله راح تلاقين النتيجه الحلوه والوزن صار اقل


---------------------------------


والشي الأخير .. الليمووون ، يمكن في منكم كثيرات يعرفونها ..

بعد كل وجبه اكلي نص ليمونه ، لأنها تحرق كل الدهون الي اكلتيها .. يعني اقطعيها نصين واشربي مايها واكلي الي داخلها .. بالبدايه راح تحسونها حامضه وايد بس راح تتعودون ..
انا بالبدايه كنت آكل ربعها ، بس مع الوقت صرت آكل نصها .. وفي ناس ماشالله ياكلونها كامله


سامحوني طولت عليكم .. وانشالله قدرت افيدكم بهاذي المعلومات


منقوووووووووووووووووول

>>>>> ردود الأعضـــــــــــــــــــاء على الموضوع <<<<<
==================================

تسلمين واختي ومشكورة
على الموضوع

__________________________________________________ __________

تسلمين واختي ومشكورة فى انتظار المزيد

__________________________________________________ __________



__________________________________________________ __________

الكلام تقريبا نص صحيح .... تخفيف الوجبات صحيح.... وقف المشروبات الغازية صحيح... شرب الماء الكثير بعد صحيح ...
بس وين الوجبات الخيفة بين الوجبات الرئيسية.....
وأنك تخففين وزنج بدون رجيم ممكن ....إذا مشيتي يوميا 45 دقيقة وقللتي الدهون و السكريات في غذائك...والإكثرا من الخضراوات والفواكه... مع بعض التقنيات للإحساس بالشبع.....

__________________________________________________ __________

https://said.xplainer.net/images/smilies/icon24.gif كلام صحيح التقليل والحركه هما العاملان الاساسيان في الانظمه الغذائيه مع شرب الماء بكثره موضوع جميل تفوق الوصف يستحق التعليق والمرور https://said.xplainer.net/images/smilies/icon24.gif