طريقة لحم الاعراس ودجاج الاعراس لبنات بالمنتدى
عنوان الموضوع : طريقة لحم الاعراس ودجاج الاعراس لبنات بالمنتدى
مقدم من طرف منتديات نساء الجزائر
طريقة لحم الاعراس ودجاج الاعراس لبنات بالمنتدى
السلام عليكم ورحمة الله وبركاتة
نبداو بالدجاج للاعراس
كتشرملي الدجاج أخصو 5سوايع على الاقل فشرمولة
الشرمولة هي:
مثلا 4 دجاجات كلا وحدة ديال 2كيلو
معلقة كبيرة خرقوم+معلقة كبيرة سكينجبير معلقة لبزار لبيض مشي لكحل والى ماكانش بلاش
الزعفران الحر مدقوق مع الملح+ملعقة كبيرة من الملح+كاس كبير من الحامض+كوزة محكوكة
2معالق كبار من السمن كاس من الماء 4 معالق كبارمعدنوس مدقوق
4فصوص ثوم مدقوقين
حكي الدجاج مزيان تحت من الجلد وبين لفخاض
اوربطيه يعني كتفي الدجاج كامل
بحاللا كتكمطي التريبية طبعا بالخيط الابيض
ندوز لنصيب : 2بصلات بالنسبة لربعة ديال الدجاجات الا زدتي الدجاج زيدي البصلة كل دجاجة بصلة صغيرة
قلنا البصلة مشلضة+2كيسان كبار من زيت الزيتون+4معالق كبار من السمن+سكينجبير +رزيمة ديال الاعشاب المنسمة ضرو ري
الي هي : نويويرة، بسيبيسة، قعقلة، شوي ديال الزعتر، القرفة عواد
ديري رزيمة صغيرة من هاد الاعشاب
حطي الدجاج ديالك في الطنجرة
نقصي للفورنو مزيان وغلي لتر من الماء وحطيه
بقاي كتحركي الدجاج وتقلبيه على جنباتو
الجنب الي قلبتيه عليه خليه ياخد شوي لون وانت غالقة عليه
عاد قلبيه عوتاني
منبعد خوي عليه الما وخليه يطيب على نار هادئة
كيطيب الدجاج نحيدوه نستفوه فشي لاطا ونغطيوه بلميكة ونخليوه يبرد على خاطرو عاد نحيدوليه الخيط ..كلت حتا يبرد مزيان
ندوز لدغميرة
قطعي الكبدة ديال الدجاج وشحريه فشي مقلة بزيت العود غي ششوي
وخويه فهديك المرقة وحيدي الرزيمة ديال الأعشاب
عصري نص كاس من الحامض وخليه حداك من بعد بقاي كتشحري في المرقة على نار متوسطة متوقفيش التحراك حتي تولي حمرة مجمرة كتكتك بالزيت.. زيدي الحامض وحركي ششوي
خصك تحركي الطنجرة في التحراك
يعني يمين يسار متخليش الدغميرة تلسق باش نعرفك حادقة
دجاج غادي يكون برد وحيدتيلو الخيط دهنين بسمن
وزعفران الحر باش يكون لون اصفر
ودخليه يتحمر في الفرن والى بغيتي قليه أنا كنقليه مع الكثرة حيث الفران ميكفانيش
وتقديمه بذوقك انا كنقدمو في الاغلبية
مزين بالزيتون الاحمر ولمصير ودغميرة مع الجناب ولدين كدالك
ودابا اللحم ان شاء الله ديال الافراح
مثلا عندنا 5كيلو والطياب ديال البرقوق باللوز و المشماش بالكركاع
كنشرملو اللحم كاس ماء كبير ملعقة كبيرة سكينجبير ملعقة بزار ملعقة ملح كاس زيت الزيتون حكي اللحم خليه مرقد ششوي
ندوز للنصيب : 2بصلات مشلظين راهوم كافيين الا زدتي غدي يجي متختخ هانا علمتك زعفران حر و ملون ،ملعقة الخرقوم الطنجرة خصها تكون واسعة
حطي اللحم وغلي 2لتر من الماء وضيفيه عليه بلا تشحار ويلا كان اللحم صغير 1لتر من الماء راه مخصوش يتشحر وضيفي الرزيمة لي فيها عويدات القرفة بزايد بسيبيسة ونويويرة وحبات من لبزار حبوب وعويد ديال سكينجبير كاس زيت الزيتون ماشي
الرومية خلي اللحم ديالك يطيب مزيان على نار هادئة
يطيب اللحم حيديه وديريه في اللاطة ودخليه للفرن يتحمر ششوي مشي تيبسيه و حيدي الرزيمة من المرق وبداي كتجمري الطياب ديالك حتا يولي احمر وردي مع التحريك المستمر يمين شمال ومتخليش الدغميرة تلصق اللحم في الطنجرة وقلبيه فهديك الدغميرة
بالنسب للبرقوق و المشماش كناخدو المرقة من اللحم أثناء الغليان عنداكي أثناء الغلياننننننننن ونطيبو فيه البرقوق و المشماش لي كنكونو فزكناهوم فالماء ساخن باش تزول لكحولة كنوضعو القرفة عواد على البرقوق ونصبو مرق اللحم ششوي ديال الملح ونخليوه يطيب مزيان عاد كنضيفو لعسل حسب الذوق ونعسلو البرقوق و المشماش مزيان منبعد نضيفو ليه ملعقة من الزبدة باش يلمع
اللوز كنصلقوه ونقليوه ونخليوه يبرد حتى لوقت التقديم أما الكركاع فلا .. خصو حتى الوقت بوقتو
كنشدو السكر سنيدة و نذوبوه متل الكراميل ونبقاو كنحطو كل كركاعة في الكراميل ونحطوه فوق المشماشه عنداكي يدك تحرق حذاري غي بشوي عليك فكولشي متزربيش وتندمي متافقيننننننننن
وبالصحة والراحة نتمنى نكون وصلت ليكوم معلومات طريقة الطبخ ديالي في الفراح
>>>>> ردود الأعضـــــــــــــــــــاء على الموضوع <<<<<
==================================
يسلمو حبيبتى
الله يبارك فيك
يارتك نزلتى الطريقة بالصورك الخاصة
وهذا ضرورى للقسم العضوات
ينقل لقسم المناسب
سلمت يديك
ولا تحرمينا من ابداعتك يالغلا
__________________________________________________ __________
ماشاء الله لاكن اهد الموضوع .........................................
__________________________________________________ __________
ماشاء الله ولا قوة الا بالله
__________________________________________________ __________
يسلموووووووووووووووووووو
اكلات بتشهينا بس
__________________________________________________ __________
الله يعطيك الف عافيه
