طريقتي في الكوردون بلو مممممممم حتاكلي اصابعك وراها
عنوان الموضوع : طريقتي في الكوردون بلو مممممممم حتاكلي اصابعك وراها
مقدم من طرف منتديات نساء الجزائر
طريقتي في الكوردون بلو مممممممم حتاكلي اصابعك وراها
السلام عليكم ورحمة الله و بركاته
اخواتي و حبيباتي حبيت اشارك معكم طريقتي بعمل الكوردون بلو طييييييبة كتير خطيبي بياكل أصابعو وراها https://said.xplainer.net/images/smilies/icon18.gif
انا اسفة ما قدرت جبلكم صور بس نشالله بس اعملها رح جبلكم
المقادير:
4 صدور دجاج مفتوحة من النص للحشي
خل تفاح
لبن
طحين
زيت قلي
للحشوة:
جبنة موزاريللا
علبة فطر مقطع
شرائح حبش مدخن/ممكن دجاج ازا بدك
للصلصة:
ملعقتين كبار زبدة
شوية زيت قلي
ملعقتين كبار طحين
كاستين حليب
كاستين مرقة دجاج ماجي/مكعب مرقة دجاج ماجي بكل كاسة ماء
علبة كريما الخاصة بالطبخ
طريقة التحضير:
اول شي بتنقعي الدجاج بالخل و اللبن يعني غمري الدجاج تقريبا بالخل وحطي عليهم خمس ملاعق كبيرة لبن و خلطي و غطي و حطي بالبراد اربع ساعات او خمسة
طلعي الدجاج من البراد و غسلي عنو اللبن بس شطفة عالسريع مو غسل نظامي يعني لو ضل عليه شوي معلش
بتصفي الدجاج من المي
بتحطي طحين في صحن و بتلكي الدجاج بالطحين من الجهتين
تحطي زيت القلي بمقلاية غميقة و تسخني بعدين تقلي الدجاج منيح من برا ومن جوا يعني فتحي و اقلي داخل الفتحة تبع الحشوة كمان
بتشيلي الدجاج و بتحطي في صينية فرن
بتحضري الحشوة : بتبشري الجبنة و بتحطي معها علبة فطر مقطع و بتخلطيهم ويكونو بكمية متناسبة
بتحطي جوا كل صدر شرحة حبش مدخن و بعدين الفطر و الجبنة لحتى تتعبى و ممكن تسكري بعودة خشب
وهلا بتحضري الصلصة
بتدوبي الزبدة و بتحطي عليها شوية زيت قلي بعدين بتحطي الطحين و بتقلي شوي ليحمر وبعدين بتحطي فوقها كاستين الحليب و كاستين الماجي و بتحركي منيح كتير مشان ما يكتل و بتضلي تحركيها لتغلي وقتها بتصير كثيفة /ازا حسيتيها مو كتير كثيفة حطي معلقة نشاء ناعم/ واخر شي بتحطي كريمة الطبخ حسب الرغبة ازا بتحبيها دسمة ولا لا بس بكل الاحوال لا تكتري يعني 3 ملاعق كبار او 4 ملاعق وبتخلطيهم
بعدين بتحطي الصلصة فوق الدجاج بالصينية و بتدخليها الفرن وقت قصير يعني خمس دقايق بس لتشوفي الجبنة دابت و الصلصة عم تغلي
وبتقدميها فوووورا
وصحة و هنا عقلبكم نشالله تعجبكم وايا سؤال انا جاهزة
>>>>> ردود الأعضـــــــــــــــــــاء على الموضوع <<<<<
==================================
يم يم يم شكلها روعه وطعمها روعه من غير ماشوفها ههههه
سلمت ايديكي وشكلك بتطلعي طباخه ماهره الله يهنيكي انتي و خطيبك
__________________________________________________ __________
الله يجبر بخاطرك حبيبتي و يعلي مقامك شكرا عالرد الحلو
نشالله رح اكتبلكم وصفات تانية تعجبكم
__________________________________________________ __________
رررررررررررررررروععهه من جد باين عليها تششههي
مششكووره حبيبتي يعطيك العاافييهه
__________________________________________________ __________
الله يعافيكي و يخليكي يا رب ردك أسعدني كتير الله يسعدك يا رب
__________________________________________________ __________
تسلم الايادي
