طاجن رز معمر باللحمة وملوخية مصرية من مطبخى بالصور
عنوان الموضوع : طاجن رز معمر باللحمة وملوخية مصرية من مطبخى بالصور
مقدم من طرف منتديات نساء الجزائر
طاجن رز معمر باللحمة وملوخية مصرية من مطبخى بالصور
السلام عليكم ورحمة الله وبركاته
اول حاجة مكونات الرز المعمر
كوبايتين رز مغسولين ومنقوعين لمدة نصف ساعة
نص كيلو لحمة مسلوقة
مج ونص شوربة
2 مج لبن حليب
2 ملعقة كبيرة سمنة او زبدة
اول حاجة بالنسبة لسلق الحمة هنحطها فى حلة مع بصلتين وعليهم ملح وفلفل وورق لورى وقرنفل وحبهان ونغطيها ونسيبها تجيب ميتها
بعد ماتجيب ميتها هنقطع عدد 4 طماطم ونحطها عليها ونحط ميه ونسيبها تتسلق
واللحمة بتتسلق هنجيب الرز نغسله وننقعه
ونقع الرز ده خطوة مهمة جدا لأنه بيسهل سواه بعد كده
بعد مانقعناه نصفيه ونحط عليه السمنة
https://i43.servimg.com/u/f43/15/33/51/98/o24.jpg
ونحط عليهم اللبن
https://i43.servimg.com/u/f43/15/33/51/98/o25.jpg
ونحط عليهم الشوربة
https://i43.servimg.com/u/f43/15/33/51/98/o26.jpg
ونحط فيه اللحمة اللى سلقناها بعد ماتكون استوت ونقلبهم
وندخله الفرن
انا دخلته الفرن على حرارة 200 اخد حوالى ساعة الا ربع
وتطفى لما يستوى وتلاقى الوش احمر
بس ممكن بعد مادخلتيه بنص ساعة تطلعيه وتلاقيه محتاج شوربة تزوديله
وده بعد ماطلع
https://i43.servimg.com/u/f43/15/33/51/98/o27.jpg
نيجى بقى للملوخية
مكوناتها
نص كيلو ملوخية خضرا(احنا بنحب نعمل كمية قليلة عشان الملوخية لما بتبات مبتبقاش حلوة)
2 مج شوربة
للتقلية
4 فصوص توم مهروسين
م ص كسبرة ناشفة
نص م ص ملح
2 ملعقة متوسطة سمنة بلدى
معلش هشرح بالتفصيل عشان المبتدئات
هنجيب الملوخية وهنغسل الورق بعد مانقطفه
https://i43.servimg.com/u/f43/15/33/51/98/149.jpg
وهنخرطها بالمخرطة
https://i43.servimg.com/u/f43/15/33/51/98/246.jpg
هنجيب كمية الشوربة ونسيبهم يغلو فى الحلة
https://i43.servimg.com/u/f43/15/33/51/98/347.jpg
ولما يغلو هنحط عليهم الملوخية
https://i43.servimg.com/u/f43/15/33/51/98/448.jpg
ونقلبهم لغاية مايتجانسو
https://i43.servimg.com/u/f43/15/33/51/98/545.jpg
ونسيبهم يغلو مع بعض
هنجيب التوم المهروس والسمنة والكسبرة والملح ونحطهم فى طاسة
https://i43.servimg.com/u/f43/15/33/51/98/640.jpg
ونشغل عليها النار
https://i43.servimg.com/u/f43/15/33/51/98/738.jpg
واول ماتبقى لونها دهبى نطفى وننزلها على الملوخية بعد ماتغلى ونقلبهم
ونغرفهم
https://i43.servimg.com/u/f43/15/33/51/98/836.jpg
https://i43.servimg.com/u/f43/15/33/51/98/930.jpg
>>>>> ردود الأعضـــــــــــــــــــاء على الموضوع <<<<<
==================================
يسملو حبيبتى
الرجاء كتابة اسم المنتدى على الصور
لانه تم تنبيهك اكثر من مرة
الرجاء التقيد بذلك
__________________________________________________ __________
سهلة و شكلهااا لذيذ
تسلم الأيادي
__________________________________________________ __________
تسلم ايدك حبيبتى
__________________________________________________ __________
تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى اى استفسار
على العام وعلى الخاص
__________________________________________________ __________
