مربى الحليب(صوص الدولتشى دى ليتش) من الشيف مونى -من مطبخي
عنوان الموضوع : مربى الحليب(صوص الدولتشى دى ليتش) من الشيف مونى -من مطبخي
مقدم من طرف منتديات نساء الجزائر
مربى الحليب(صوص الدولتشى دى ليتش) من الشيف مونى
السلام عليكم ورحمة الله
النهارده جيبالكم مربى الحليب او حلاوة الحليب وهى اصلها ارجنتينى واسمها صوص الدولتشى دى ليتش وليها كزا استخدام كصوص للحلويات وفروستنج وحشو للكيكات والتورتات ونعمل منها ساندويتشات فى فطارنا وعشانا وهى دسمة شوية وشتوية بس مغذية وبتدى طاقة عالية والبديل ليها اننا نكرمل الحليب المكثف اننا نحط علبة الحليب المكثف فى حلة مليانة ميه ونسيبه لمدة 3 ساعات لغاية مايبقى كرامل بس طبعا مربى الحليب اوفر بكتير واحلى
ومكوناتها كالتالى:
كيلو حليب كامل الدسم
2 كوب سكر
فانيليا
الطريقة:
فى كسرولة هنحط الحليب والسكر والحليب يكون بارد وسبق غليانه
https://i59.servimg.com/u/f59/15/33/51/98/111.jpg
ونحطهم على نار هادية مع التقليب كل 10 دقايق وهنلاحظ ان لون الحليب هيتغير وهيميل بالتدريج
للون البنى وطبعا هيقل حجمه هيبقى نص الكمية
https://i59.servimg.com/u/f59/15/33/51/98/211.jpg
https://i59.servimg.com/u/f59/15/33/51/98/313.jpg
ولما يبدأ لونه يتغير هنحطله الفانيليا
https://i59.servimg.com/u/f59/15/33/51/98/411.jpg
https://i59.servimg.com/u/f59/15/33/51/98/511.jpg
https://i59.servimg.com/u/f59/15/33/51/98/613.jpg
ولما يبقى لونه دهبى غامق هنطفى عليه النار
https://i59.servimg.com/u/f59/15/33/51/98/714.jpg
وهنضربه بالخلاط اليدوى عشان يبقى ناعم جدا ومفيهوش اى تكتلات وممكن فى الخلاط العادى
https://i59.servimg.com/u/f59/15/33/51/98/812.jpg
https://i59.servimg.com/u/f59/15/33/51/98/910.jpg
وهيبقى عندنا مربى لونها دهبى وناعمة وطعمها خرافى
https://i59.servimg.com/u/f59/15/33/51/98/1110.jpg
https://i59.servimg.com/u/f59/15/33/51/98/1210.jpg
https://i59.servimg.com/u/f59/15/33/51/98/1310.jpg
والمربى معتمدة على الحليب الدسم وبتبقى احلى مع الحليب اللى بيطلع قشطة فمينفعش بالحليب البودرة او حليب الكراتين مش هتبقى حلوة
وفيه ناس هتقول متعبة نشترى جاهزة احسن بس احب اقولكم هى غير طعم اى مربى بنشتريها جاهزة ده غير ان اللى بنعمله فى البيت احلى واضمن
وبالنسبة لطريقة حفظها هنحفظها فى برطمان معقم ونحطها فى التلاجة ونطلع ناخد منها كل مانحتاج زى اى مربى
جربوها وهتعجبكم ان شاء الله ولا تنسونى من صالح دعائكم
وبالهنا والشفا
>>>>> ردود الأعضـــــــــــــــــــاء على الموضوع <<<<<
==================================
يااا عييني...
تسلم ايدك والله على اللي عملتيه
دووم مبدعه
__________________________________________________ __________
__________________________________________________ __________
__________________________________________________ __________
__________________________________________________ __________
