تورتة فيونكات الشوكولاته من مطبخ الشيف مونى بالصور -للعيد
عنوان الموضوع : تورتة فيونكات الشوكولاته من مطبخ الشيف مونى بالصور -للعيد
مقدم من طرف منتديات نساء الجزائر
تورتة فيونكات الشوكولاته من مطبخ الشيف مونى بالصور
السلام عليكم ورحمة الله
مكونات الكيكة الاسفنجية:
نص كيلو دقيق سبونش فانيليا
(وطبعا دقيق الاسبونش مضاف ليه البيكنج بودر والمحسن احنا هنضيف البيض والماء ومفيهوش مواد دهنية لأنه اسفنجى)
6 بيضات كبار
نصف كوب ماء
فانيليا
مكونات الحشو:
كوب ونصف كريم شانتى خام
2 الا ربع كوب ماء بارد
3 ملعقة كبيرة حليب بودرة
2 ملعقة كبيرة كاكاو خام
5 ملعقة كبيرة سكر بودرة
(وطبعا ممكن نستبدل الحليب البودرة والماء البارد بحليب طبيعى)
وللتزيين:
ربع كيلو شوكولاته بيضاء
لولى دهبى
كريز احمر
الطريقة:
فى اناء هنحط دقيق الاسبونش
https://i39.servimg.com/u/f39/15/33/51/98/113.jpg
وهنحط معاه البيض والميه والفانيليا
https://i39.servimg.com/u/f39/15/33/51/98/212.jpg
وهنضربهم بمضرب البيض من مدة 5 ل7 دقايق متواصل لغاية مايتكاثف الخليط ويبقى قوامه كريمى ولونه ابيض
https://i39.servimg.com/u/f39/15/33/51/98/313.jpg
وهنحط الخليط فى صينية مدهونة
https://i39.servimg.com/u/f39/15/33/51/98/413.jpg
https://i39.servimg.com/u/f39/15/33/51/98/513.jpg
وهندخلها فرن حرارته هادية لغاية ماتستوى وطبعا كل شخص فرنه بيختلف عن التانى وهنختبر سواها قبل مانطلعها من الفرن
https://i39.servimg.com/u/f39/15/33/51/98/613.jpg
ونقلبها على ورق خبز
https://i39.servimg.com/u/f39/15/33/51/98/713.jpg
وندخلها التلاجة لمدة يوم كامل عشان لما نقسمها تبقى متماسكة وتانى يوم نطلعها ونجهز ادوات التقطيع والحشو
https://i39.servimg.com/u/f39/15/33/51/98/812.jpg
وانا عندى صينية تقسيم الكيكة اشترتها جديد حطيت الكيكة جواها وقسمتها ل3
https://i39.servimg.com/u/f39/15/33/51/98/912.jpg
وقسمنا الكيكة ل3
https://i39.servimg.com/u/f39/15/33/51/98/1111.jpg
وهنبدأ نحضر الحشو
هنحط كل مكونات الكريم شانتى مع بعض فى اناء
https://i39.servimg.com/u/f39/15/33/51/98/1211.jpg
ونخفقهم بالمضرب لغاية مانوصل للقوام المطلوب
https://i39.servimg.com/u/f39/15/33/51/98/1311.jpg
ونبدأ نحشى بيه الكيكة
https://i39.servimg.com/u/f39/15/33/51/98/1411.jpg
ونغلفها من برة بالكريم شانتى
https://i39.servimg.com/u/f39/15/33/51/98/1511.jpg
وهنعمل فيونكات الشوكولاته للتزيين
هنجيب اى دوسيه بلاستيك بس البلاستيك بتاعه يكون قوى وهنقصه بأحجام متساوية اللى احنا هنحددها ونسيح الشوكولاته على حمام مائى ونحطها على البلاستيك اللى قصيناه ونطبقهم على بعض بالشكل ده
https://i39.servimg.com/u/f39/15/33/51/98/1611.jpg
ونحطها فى التلاجة تجمد ولما نطلعها نستنى 5 دقايق ونشيل البلاستيك برفق عشان متتكسرش هتدينا شكل الفيونكة وبالنسبة للشوكولاته اللى فى الجنب بعد مانعمل شكل الفيونكات هنفرد بقية الشوكولاته السايحة على ورق خبز ونسيبها تجمد فى التلاجة ونطلعها نكسرها بإيدينا هتدينا شكل القطع الكبيرة وطبعا شكلها احلى بكتير من الشوكولاته المبشورة
وبالنسبة لإننا استخدمنا دوسيه بلاستيك عشان نعمل شكل الفيونكة ده عشان مفيش حاجة توقفنا لكن طبعا فى بلاستيك مخصص بيتباع فى محلات خامات الحلويات عشان نعمل بيه الاشكال اللى بالشوكولاته
وانا استخدمت الشوكولاته دى بتدى نتيجة هايلة وممكن اى نوع تانى طبعا تحبوه
https://i39.servimg.com/u/f39/15/33/51/98/1711.jpg
بالنسبة للدقيق الاسبونش عشان فيه ناس كتير بتسألنى عنه انا بشترى السايب من محل خامات الحلويات ولو مش متوفر فى المحافظة اللى انتوا فيها ممكن تشتروا دقيق سبونش الطحان او بيتى كروكر وفيه نوع تونسى كويس اسمه فنواز كل الانواع دى متوفرة فى السوبر ماركت (طبعا انا بتكلم على داخل مصر لكن خارج مصر مش عارفة الأنواع بصراحة)
وده شكل التورتة النهائى بعد التزيين
https://i39.servimg.com/u/f39/15/33/51/98/1811.jpg
https://i39.servimg.com/u/f39/15/33/51/98/1911.jpg
https://i39.servimg.com/u/f39/15/33/51/98/2017.jpg
https://i39.servimg.com/u/f39/15/33/51/98/2110.jpg
وده شكل الحشو من جوة
https://i39.servimg.com/u/f39/15/33/51/98/2211.jpg
يارب موضوعى البسيط ده يكون عجبكم
>>>>> ردود الأعضـــــــــــــــــــاء على الموضوع <<<<<
==================================
يسلمووووووووووووووووووووووووووووووو عن جد روعه ما شاء الله
__________________________________________________ __________
يسلموووواديكي
__________________________________________________ __________
تسلم ايديكي على هيك حلى
دائما مبدعه
يقيم
__________________________________________________ __________
رووووعه حبيبتي بتشهي
يعطيكِ العافيه
__________________________________________________ __________
ما شاء الله روعة
وشكلها كتير زاكي
يسلمو اديكي
