البوظة العربية (الدمشقية) من مطبخ الشيف مونى
عنوان الموضوع : البوظة العربية (الدمشقية) من مطبخ الشيف مونى
مقدم من طرف منتديات نساء الجزائر
البوظة العربية (الدمشقية) من مطبخ الشيف مونى
السلام عليكم ورحمة الله
كل عام وانتم بخير
ده اخر موضوع هنزله قبل رمضان ان شاء الله وهو البوظة العربية والبوظة العربية تاريخها بيعود لمدينة دمشق وهى اختراع سورى من سنة 1895 واللى اكتشفها وقتها شخص اسمه محمد حمدى بكداش واولاده واحفاده ورثوا منه المهنة والمحل بتاعهم اسمه بكداش وموجود لغاية دلوقتى فى دمشق فى منطقة سوق الحميدية وان شاء الله قريب ترجع سوريا زى الاول واحسن ونروح ناكل البوظة هناك على اصولها
مش هطول عليكم بس حبيت اقولكم نبذة مختصرة عن تاريخ البوظة (وطبعا النبذة دى لغير السوريين لأنهم اكيد عارفين اكتر منى)
المكونات:
لتر حليب
كوب وربع سكر
ملعقة صغيرة مستكة مطحونة
ربع كوب سحلب(خام مش مضاف ليه اى مكسرات)
2 ملعقة صغيرة ماء ورد
كوب فستق مجروش
الطريقة:
هنحط كوبايتين من الحليب والسكر فى كسرولة
https://i39.servimg.com/u/f39/16/73/51/37/113.jpg
ومعاهم المستكة المطحونة ونحركهم ونحطهم على نار هادية لغاية مايغلوا
https://i39.servimg.com/u/f39/16/73/51/37/313.jpg
وده شكل المستكة قبل مانطحنها
https://i39.servimg.com/u/f39/16/73/51/37/213.jpg
وبعد مايغلى الحليب والسكر هناخد منهم ربع كوب وندوب فيه السحلب وافضل نوع سحلب هو التركى بس بقية الانواع بردو تنفع انا عن نفسى استخدمت سحلب عادى
https://i39.servimg.com/u/f39/16/73/51/37/413.jpg
ونقلبهم لغاية مايدوب السحلب ونضيفهم على الحليب البارد والسحلب ده هو اساس البوظة العربية لأنه هو اللى بيخليها فيها مطاطية
https://i39.servimg.com/u/f39/16/73/51/37/514.jpg
ونحركهم لمدة دقيقة لغاية ماتتكون عندى رغوة ونضيفهم للحليب اللى غليناه فى الكسرولة
https://i39.servimg.com/u/f39/16/73/51/37/613.jpg
ونشغل عليهم النار ونفضل نقلبهم على نار هادية لغاية مايغلى ويغلظ قوامه ونضيفله ماء الورد(ممكن نستخدم ماء ورد وماء زهر حسب رغبتكم) ونعلى النار لغاية مايغلى مرة تانيه ولما نطفى النار عليه نصفيه عشان نضمن ان مفيش اى كلاكيع ونحطه فى علبة محكمة الغلق
https://i39.servimg.com/u/f39/16/73/51/37/714.jpg
ونضيفله الفستق المجروش وطبعا من اساسيات البوظة العربية الفستق الحلبى بس هو مش متوفر عندى فاستخدمت فستق امريكى
https://i39.servimg.com/u/f39/16/73/51/37/812.jpg
ونقلبهم
https://i39.servimg.com/u/f39/16/73/51/37/913.jpg
ونحطها فى الفريزر ونقلبها كل 5 ساعات عشان متكونش كتل تلجية وانا معنديش ماكينة الايس كريم لو عندكم هتحطوا البوظة فى التلاجة العادية وبعدين هتحطوها فى الماكينة لمدة ساعة ونص تقريبا والماكينة هتخلى البوظة تمط اكتر
قدمتها تانى يوم وطبعا مش محتاجة لأى تزيين
https://i39.servimg.com/u/f39/16/73/51/37/1012.jpg
https://i39.servimg.com/u/f39/16/73/51/37/1112.jpg
بصراحة طعمها اكثر من رائع وعجبتهم جدا فى البيت بس اكيد مش زى البوظة الاصلية بتاعة بكداش بس بنحاول لغاية ماناكلها فى دمشق ان شاء الله
يارب موضوعى البسيط ده يكون عجبكم
>>>>> ردود الأعضـــــــــــــــــــاء على الموضوع <<<<<
==================================
رائعة جداااااا
سلمت يداك
__________________________________________________ __________
يممممممممم لذيذ تسلم الأيادي
__________________________________________________ __________
بتـــــــ يمي يمي ــشهـي …يسلمووو يااؤشطه^-^بالتوفيق
__________________________________________________ __________
واااااااااااااو يعطيك العافية
في انتظار جديدك
__________________________________________________ __________
ماشاء الله شكلها حلو كثييييير ان شاء الله اجربها يم يميييي 😋😋😋
