اسهل طريقة لعمل شراب بالتريكو وبأبرتين بس للكروشي و التريكو

عنوان الموضوع : اسهل طريقة لعمل شراب بالتريكو وبأبرتين بس للكروشي و التريكو
مقدم من طرف منتديات نساء الجزائر

اسهل طريقة لعمل شراب بالتريكو وبأبرتين بس



دى اسهل طريقة لعمل شراب بالتريكو وكمان بأبرتين مش بأربعة
وبالذات هاتبقى مفيدة بأبرتين
انا الصراحة مش عارفة احط صور دلوقتى فايرايت تستفيدوا من الكلام بس
فى البداية بتعملى عدد غرز على حسب مقاسك انا عملت 36 عرزة وطلع كبير على سنة بس انا عملتة عدد يتقسم على 3
او ممكن لو عايزة تكبرية اكتر اعملى 40 مثلا علشان ينقسم على 2
1:ابدائى ب36 غرزة زى اى بداية عادية

2:اعملى 3 عدل 3 مقلوب لحد نهاية السطر(اذا كنتى عاملة عدد يقبل على 2 يبقى 2 عدل 2 مقلوب)

3:استمرى على كدا 6 سطور (وعملنا الغرزة دى علشان هى الغرزة المطاطية)

4:بعد كدا اعملى سطر واحد عدل(للتجميل واذا مش عايزة اتقلىى للخطوة اللى جاية علىطول)

5:كملى بعد كدا 10 سطور مقلوب(ممكن تزوديها حسب رغبتك كله يعتمد على زوقك)

6:كملى بعد كدا سطور عدلة لحد ماتوصلى للطول اللى انتى عايزاه(ودا بالنسبة للمبتدئين لانى عارفة ان المقلوبة بتبقى صعبة فى الاول فعادى لو عملناها عدل وممكن تتعمل بالمقلوب باردوا)

انا بقول ان تقريبا 70 صف مناسب اوى بيبقى فوق الكعب بشوية

7:ابدأئى بعد ال70 غرزة تاخدى غرزتين مع بعض واتنين عادى لاحد لما يتبقى معاكى غرزتين فى الابرة بتقفليهم عادى وكدا اتكون لكى شكل غريب صح ؟

8:ابدائى بتخيط الشكل من فوق لتحت بأبرة خياطة عادية وانصحك تعملى مرتين يعنى مرة تعمليها من فوق لتحت ومرة من تحت لفوق

9:اقلبى الشراب وشوفى بقى شكلة والبسية (خلى بالك تحيطة على الوش التانى اللى مش فيه غرز مقلوبة علشان لما تتقلب تبان الغرز المقلوبة)

ممكن بعد كدا لما تعملى دا فىى طريقة تانية انك تخيطية بأبرة الكوريشية من تحت للرقبة بتاعتوا وبعد كدا تشتغلى عليه بالكورشية من رقبتوا

اتمنى يارب تستفيدوا منها لان دا اول موضوع اعملة

>>>>> ردود الأعضـــــــــــــــــــاء على الموضوع <<<<<
==================================

مشكووووره على الطريقه
وتقبلي مروري

__________________________________________________ __________

شكرا جزيلا لكى ويارب تعجب باقى العضوات

__________________________________________________ __________

يعطيكي العافية بس ياليت كان في صور حتى يكون الشرح افضل والصورة واضحة للجميع

__________________________________________________ __________

شكرا على الرد
بس ساعتها ماكنتش عارفة احط صور

__________________________________________________ __________

الصور لم تظهر