انا وخطيبي والحل ؟ ساعدوني :( حياة اسرية

عنوان الموضوع : انا وخطيبي والحل ؟ ساعدوني :( حياة اسرية
مقدم من طرف منتديات نساء الجزائر

انا وخطيبي والحل ؟ ساعدوني :(


https://uploads.sedty.com/imagehosting/1_1402432992.gif




السلام عليكم

كيف حالكم ياعساكم بخير

سجلت بهالمنتدى لعلي القى حل او كلام يبرد خاطري

..

انا بنت عمري 21 مملكه

بيوم الشوفه الشرعيه كنت جدا مرتاحه حتى الرجال مرة ارتاح لي وعلى طول قال لابوي موافق على كل شروطكم وراح احطها بعيوني

المهم جاني حماس له وفرحه ماتتصورون ماادري ليش

ورحنا حللنا في المستشفى تحليل زواج وطلعت نتيجتي قبله طلع اني حامله انيميا على ان ولا احد من عائلتي فيه الانيميا

وكنت محلله قبل سنه في مستشفى قالو سليمه مافيك شي لاكن الحمدلله على كل حال

المهم يوم طلعت النتيجه تخيلو اني بكيت خفت ان ماتتطابق ويطلع حامل مثلي

لدرجة اني كنت ادعي واقول يارب تتطابق

ماادري ليش كنت متعجله بالامر ومبسوطة

المهم طلع الولد سليم وطابقو الاوراق في المستشفى وتطابقت نتايجنا

وبنفس اليوم من الليل جابو المملك وملكنا

بعدها سوينا حفلة ملكة بعد ملكتي بأسبوع

وتمت الملكه على خير والكل مبسوط بعدها اخذ رقمي ويكلمني ويصبح ويمسي علي بالواتس

بعد الملكة بأسبوع جاني كره له مو طبيعي ماادري يمكن ماعجبتني طريقة كلامه على ان وربي ان مرة طيب طيب لدرجة ماتنوصف

مو من النوع العصبي ولا اللي متنرفز ماخذ الامور برواق ومايقول لا

قلت يمكن هالشعور تحس به اي وحده تغيرت حياتها ودخل بحياتها شخص قلت يمكن من الخوف

لاكن كل ماله يزيد ومااخفيكم لما كان يزورني كنت اشم فيه ريحة غير محببه مرة كريهه هذا اللي نرفزني وكرهني فيه زياده

خصوصا اني احب النظافة بشكل وماحب اشم ريحه كريهه , بالعكس الريحه الحلوة تجذبني بشكل

وخايفه اصارحه بريحته واجرحه ماادري بأي طريقة اجيبها

المهم ان وصلت كل مايطلب يشوفني اتنرفز واقوله مو اليوم لدرجة صرت اشوف اتصاله وماارد عليه يرجع يدق على بيتنا

ويقول لامي ابغى اشوفها ويوم اشوفه وانا كارهه شوفته وجهه مقلوب يقول وشفيك وانا اقوله مافيني شي

ويوم طلع قلت لامي وربي مو قادره اتحمل ماعدت اطيققققه

كلمت ابوي بهالموضوع قال تستهبلين انتي مافي طلاق ولا شي حنا مااجبرناك عليه وافقتي برغبتك

والرجال جايك من الباب ومايعيبه شي ومافي طلاق ومن هالكلام وياويلك تتطلقي يقول انا اشوف مصلحتك مع هالرجال

مو راضي يفهم اني مو قادره اتقبله تخيلو لما صارحت الرجال قام يبكي قدامي وبغى يبوس رجلي قدام امي وابوي !!

انا تجننت من حركته قلت يعني ملكتنا ماصار لها شهر ماامداه يتعلق فيني هالتعلق ولا في اشياء صارت بيننا كثير او مقابلات كثير عشان يتعلق فيني كذا

لدرجة كان يمسك ايدي قدام امي وابويه ويترجى وانا ابكي واقوله بععععد ماكنت طايقته بشكل

وفيه بعد برود يفقع القلب وانا ماحب البرود احب اللي شخصيته تفرض وجودها

هو طيب بشكل حتى قال لي وين تبغين البيت وقام يستأجر البيت عند جامعتي وكل مااتصل يقول تبغي حاجه اجيبها لك

بس الرجال عجزت ابلععععه

صايره اسمع منه كلمة احبك كانها سم على قلبي

اهلي مستغربين كيف كان الخطبه ويوم الملكه مبسوطه وعادي والحين كره الله لايوريكم

تكفون ساعدوني ماادري وش الحل

مين اللي صار معها او معه كذا وتغير هالشي بعد الزواج

يشهد ربي ان مو بيدي

عجززززززت ابلعه تكفون ساعدوني خصوصا ان زواجنا قريب

>>>>> ردود الأعضـــــــــــــــــــاء على الموضوع <<<<<
==================================

أختي الغالية:
عليك بالاستخارة
فان كان في الامر خير أتمه الله

كما أنني لم ارَ سبب مقنع لتكرهيه هكذا
رائحته؟؟ قولي له أتمنى ان اشتم الروائح الطيبة تفوح منك حين قدومك إلي
سيهتم بنفسه أكثر حينها

لم تعجبك طريقة كلامه؟طيبة قلبه تغطي على ذلك لربما هو مرتبك أثناء الحديث معك

عزيزتي
لا تسمحي للشيطان ان يفسد عليك
استخيري
ومهما حصل سيكون خير
وفقك الله وكتب لك كل خير

__________________________________________________ __________

طيب تبين واحد ؟؟؟؟ مدخن ؟ سكير ؟ زاني ؟
يضربك ؟ يشتمك ؟
ما اعرف يمكن تكون ردي جارح لكن راح تكون لمصلحتك
لأنه طيب وبارد الاعصاب وهادئ تحبين تذليينه ؟؟؟؟؟؟؟؟؟؟؟؟
ترى والله الرجال ما يستاهل !!
انا لو ملكت وشخص الي ملكني يترجاني عشان ما نفترق
لو اموت ما افترق عنه
يمكن شخصيتك غير عن شخصيتي يمكن تختلفين عني
لكن انا كذا
ما احب اذل الي يحبني !!!
ونصيحة مني لك يمكن من كثرة حماسك صابك عين
حاولي تستغفرين ورقي نفسك واصيكي بأذكار الليل ونهار مجربة مجربة مجربة عن تجربتي شخصية
وكذلك ريحته!!!
ممكن تشترين له العطر من نوعيتك المفضلة وتعطينه له كهدية
ترى الانفصال عن شخص مثله =الندم
والله قل رجال الي مثله
انا قلت الي عندي
والأمر من بعد الله تعالى بيدك انتي
واسئل الله ان يوفقك ولا تستعجلين بلأانفصال

__________________________________________________ __________

واضح ان صايرلك شي غير عادي ارقي نفسك لو سافرتيلك شي يومين يكون احسن لانك بترتاحي من الظعط وتتقوي من نفسك وارقي نفسك وخليه يرقي نفسه
مهما حسيتي من نفور ناحيته لاتحسسيه حاولي على الاقل لا اصعب شي جرح من يحبنا بيالمنا اكثر
حتى انا احس خطيبي بيتجيه نفس حالاتك حتى انه بيقلي ليش البدايات اجمل انا فهمت قصده بس ساعات لما احس انه مو طايقني ما بترجاه بخليه على راحته لانه إن يكن مقتنع اوشايفله شوفه ما اجبره
الي جابته المحبه ما تجيبه حزاره
وكمان لانه عاقل ومتؤني يعني مو عصبي مثلي يطلع للسما ويرجع في دقايق ههههههه

__________________________________________________ __________

اختي ما قصرو الاخوات معك انتي لازم ترقي نفسك وتخلينه يرقي نفسه

ولا تخلي هذه الالافكار تدمر لك حياتك يعني حتى لو ما اعرستي بتكوني مطلقة مثلك مثل الي اعرست
اول شي لازم تعملي استخارة وتعطي صدقة بنية ان الله يكتبلك الخير ويشوفك الخير الي لك مشان تمشي عليه وينور بصيرتك
وبعدها تخضعي لرقية انتي وهو قرار الانفصال صعب جداً وغير هذا الظاهر الرجال تعلق فيك مو شرط تحكي معه كل يوم يمكن سويتي حركة او نظرة او طريقة لبس وقعت في قلبه وسحرتيه لا تقولي شهر ما ما لحق يحبني في ناس تحب من اسبوع لان قلبه طاهر حبك لو انه شخص خبيث كان ماحبك بسرعة بس هذا طيب وقلبه طاهر
الله يكتبلكم الخير ارقي نفسك لا يكون عين ولا سحر واهديه عطر وقولي بدي منك كل ما تجينا تتحمم وتحط من هذا العطر احب يختلط مع انفاسك هيك بطريقة تكون رومنسية مشان ماينجرح والله يصلح بيناتكم

__________________________________________________ __________

حبيبتي انا انصحك بان تتوكلي على {الله}و تراجعي نفسك وتعيدي حساباتك
وتفكري كثيرا في مصيرك ومستقبلك...
ﻻن الحياة الزوجية تستمر ﻻاخر عمرك ليست ايام وﻻ اسابيع وﻻ اشهر شخص ستعيشين معه باقي حياتك كلها عليك ان تفكري جيدا وتتوكلي على{الله}وتكثري من الدعاء وقراءة القران فلعلها عين قد اصابتك او ماشابه ذالك
"وانا افهم شعورك جيدا واعلم انه ليس بارادتك مايحدث"
ولدي سؤال صغير وارجو ان ﻻ يضايقك او يحرجك فقط راجعي نفسك فيه ....هل وافقتي عليه لك تتناسي شخص اخر ﻻداعي للاجابة ولكن راجعي نفسك*اعتذر اذا احرجتك واسفة للاطالة ربي يسر امرك ويريحك من همك ياا الله