قلت طلقني قال احبك

عنوان الموضوع : قلت طلقني قال احبك
مقدم من طرف منتديات نساء الجزائر

قلت طلقني قال احبك


https://uploads.sedty.com/imagehosting/1_1402432992.gif



اهل زوجي كانو عندي جايين من الرياض وانا بالشرقيه ؛؛؛ام زوجي متكفله تسوي الغدا كل يوم وانا اغسل المواعين واكنس وارتب بعدهم وخواته يساعدوني احيانا جلسو عندنا اسبوعين وطول هالاسبوعين ماطلعنا من البيت الا 3مرات تخيلو واخت زوجي ساكنه بالشرقيه بعد بس مايرحون لها يغيرون جو لانهم بالدور الفوقي وتعب عليهم ؛؛انا صارت نفسيتي زفت لاني طول يومي بالمطبخ او اكنس او اغل ملابسهم بالاوتوماتيك لانهم مايعرفون لغسالتي وعادي ماخالفت بشي ولاتضايقت بالعكس بس مضايقني ان مانغير جو ولا اقدر لطلع لحالي صعبه فصرت بس ساكته وطفشانه واحب اجلس لحالي وقب يمشون بيوم كان يحاول انهم يجلسون بعد وانا ساكته ماعلقت لاني بصراحه ابيهم يرخون لانهم مضايقيني تخيلو يابنات ياخذون منشفتي الخاصه يتنشفون فيها ويطلبون مني شامبو وصابونه جسم وبودره يعني جايبين ملابسهم وبس طاحو من عيني والغرفه الي ينامون فيها انا حاطه اغراضي كلها فيه استشوار وعطورات وكريمات وشامبوها اتاريهم يستخدمونها بدون علمي وعندي كريم نسائي طلع ابوه بدهن جسمه فيه يقول عجبتني ريحته انا انقهرت ليه هاللقافه وبدون استئذان وطفشت اكثر واخر شي واحنا ع العشاء كان زوجي يقطط علي كلام علشان يضحك خواته وكانو يموتون من الضحك انا ساكته اطالعه وخلصت العشاء ورحت غرفتي ولما ناقشته قال انا امزح واننفسيه

>>>>> ردود الأعضـــــــــــــــــــاء على الموضوع <<<<<
==================================

الله يعينك هذا اللي اقوله
بس تعوذي من الشيطان
حاولي اتطوفين الامور وتعدي يارب

__________________________________________________ __________

بعدها قلب السالفه علي اني مخليه امه تسوي الغدا وخواته يشتغلون بالبيت مع انهم مو مكلوفين قلت هم يبون يساعدون ماطقيت احد على يده قال ونفسيتك الزفت لاتسولفين ولا تضحكين حتى ماقلتي اقعدو كم يوم زياده قلت كيفهم مافيه شي بالغصب وقال ماتعرفين الاصول _____الخ قال عند اهلي وحدك انا ماارضى عليهم نفسيتك الخايسه لاتطلعينها بوجودهم وترا هم الداخلين وانتي الطالعه ولا بيصير شي مو لصالحنا كلنا وقال كلام كثييييير وسكرنا الساافه المهم رجع يتكلم بتزوج احسن لي وجالس يعدد الصفات الي يبيها بالعروس وانا بعد اقول بتزوج واحد كذا وكذا وكل ماقال شي قلته زدت عليه قال و بليله الزواج بنام معاها ومايمر اسبوع الا وهي حامل انا سكت جلست اصيح حسيت انه بيوصل لي ان داخلين بالسنه الثالثه وماحملت وسالني شنو فيني وعلمته بعد اصراره ويعتذر يقول مو قصدي الي فهمتيه //على فكره هو قبلها بكم يوم قالي بصريح العباره انا ابي عياااال بموت الا يجيني طفل ومع هذا لاجرحتك ولا حسستك باي شي ولا انا اصلا اجاملك لاني ماتزوجت الا ابي عيال علشان كذا انهرت يوم قال مايجي نهايه الاسبوع الا وهي حامل////////شنو رايكم؟؟؟؟ الحين مانكلم بعض وكل واحد ينام بروحه

__________________________________________________ __________

اكثري من قول ( اللهم آتنا في الدنيا حسنة وفي الاخرة حسنة وقنا عذاب النار ) سوف تنقلب حياتك الى الاحسن .
جربيها ولا تخسري وادعيلي
مجربة

__________________________________________________ __________

يا قلبي والله ما الومك.. ﻻن اهل زوجي سبق وقعدو عندي أسبوعين رغم وجود بيت اختهم بس جد تضايقت ﻻن ما احب احد يمسك اغراضي الشخصية .. ومع هيك سكت لين راحو وقلت لولدهم اللي هو زوجي ان كل شي له حدود .. وتفهم الموضوع.. اما بالنسبة للخلفه ف اسأل الله العظيم رب العرش العظيم يرزقك بالذرية الصالحة عاجلاً. . وحطي ببالك اختي الغاليه. . ﻻبد تكون فيه رسميات بينكم اقصد اهل زوجك عشان ترتاحي .

__________________________________________________ __________

العنوان ماله دخل بالسالفه!!
عموما اصبري واضح انه يحبك لاتخربي بيتك بنفسك وبعدين كريمات عطورات مدري ايش صحيح حاجات شخصيه بس تراها شي تافه واذا استخدموها تحمليهم كم يوم وتكبري بعين زوجك اسلوبك ابدا مو صح اعقلي قبل ماتندمي ايش تبيه يقولك اكثر من انك انتي الطالعه وهم اللي داخلين؟ افهمي هم اهله مستحيل يفضلك عليهم هم لو خواتك وامك ماعاملتيهم كذا المفروض تعتبريهم هم بعد خواتك وتعتبري ام زوجك امك