لايفوتكم موقف محرج بين بنت وابوها حياة اسرية
عنوان الموضوع : لايفوتكم موقف محرج بين بنت وابوها حياة اسرية
مقدم من طرف منتديات نساء الجزائر
لايفوتكم موقف محرج بين بنت وابوها
https://uploads.sedty.com/imagehosting/1_1402432992.gif
لا يفوتكم موقف محرج بين بنت و ابوها؟؟
كنت قاعدة اتفرج على التلفزيون... متابعة مسلسل... وجاء مشهد
زواج وحدة من الشخص اللي تحبه من زمان...
قلبت القناة على قناة Fashion TV
لقيت عرض ازياء فساتين عرايس... قلبت لقيت خطوات وضع مكياج
العروس... سكرت التلفزيون
التفت على ابوي اللي نسيت تماما انه كان جنبي. .. قال لي ابوي:
خير ان شاء الله يابنتي؟! وش فيك؟! عسى ماشر؟!
انا تلخبطت ساعتها وفتحت له التلفزيون وقعدت ساكتة...
ايه اكيد بسكت وش اقول؟ اقول له ودي اتزوج؟.. اقول له ان
صاحباتي اغلبهم تزوجو؟؟؟
ولا اقول له اني تمنيت اكون مكان بنت خالي في كوشتها وفي الزفة
امس؟ يقطع الدراسةوسنينهاياشيخ...
يا بخت جداتنا ماتطبق الوحدة العشر سنين الا هي مخطوبة
وبينما انا غارقة في قاع هذه الهواجيس ويرن التلفون ويقطع حبل
افكاري... طالع الرقم ابوي وقال رقم غريب... رد بلهجة رسمية:
-وعليكم السلام..... الله يسلمك..... الحمدلله بخير..... ايه انا ابوفلانة .
لا منت غلطان انا هو... ماعليك زود الله يسلمك... من معاي ياخوي
ماعرفتك... والنعم.... تفضل وش السالفة اللي تبيني فيها؟.... لا ماني
مشغول... لهالدرجة الموضوع مهم؟!... تفضل تكلم"شغلتني...
والتفت ابوي علي وعطاني نظرة غريبة
انا ساعتها قرصني قلبي مو من ردود ابوي بس من نظراته الغريبة
رد ابوي على المتصل: وش فيها زود طيب؟... لا بس مافيها أي ميزات
عن الباقي...
ودي ارجفك يبه واخذ السماعة منك واكلم الرجال ناشر غسيلي حتى
عند الرجاجيل
رد ابوي على المتصل: طيب وبعدين... ايوة....طيب وش اسمك
الكامل؟.... وش تشتغل بالضبط؟..... طيب من دلك علي وعطاك
رقمنا؟..... لا الموضوع يا ابني مو بهالبساطة.... العملية مش بيع
وشرى وبس..
. الواحد لازم يسأل كثير ويحرص قبل يقدم على أي خطوة... لا
موضوع انك تجي لبيتنا خليها بعدين... لين اسأل عن كل صغيرة
وكبيرة... لا لما اكتفي من السؤال واخذ المعلومات اللي تكفي بتصل
عليك تجي ونتفاهم ويكون خير ان شاء الله
انا كنت اتابع حركات ابوي وانا متشققة من الفرحة... اخيرا انخطبت
وبتزوج مثلي مثلي غيري... يوه أخيرا بلبس فستان ابيض منفوش
اخيرا بطلع اجهز واتقضى للزواج... بسوي زواج كبير مرة وبحط زفة
ريميكس وطرحتي مابيها خليجية وع بخليها مبتكرة... منيرة منيب
عازمتها هي وخواتها ماعزموني الاسبوع اللي فات على الدي جي
اللي سوه... وحصة صديقة امي منيب عازمتها بعد مطوعة مالي
خلقها تحوسني لو حطيت اورج... وبشتري اغراض واشيل واحط
واخطط... بيصدع راسي بس ولو لذيذ هالصداع...
يوم قفل الخط ابوي التفت علي وهو مبتسم ابتسامة تعجب وهو
ساكت... قلت:
-هاه..يبه؟متى..بيجي..يشوفني؟
-منهو؟
-هذااللي..خطبني..تو
-وشو؟
-خطيبي..اللي..تو
- تمونين انتي ووجهك صار خطيبك على طول ماعندك وقت
- ايه يبه ترا احذرك هالمرة شف تكرش العريس مثل ماكرشت ولد ام
مساعد العام للحين تراها حازة في نفسي ترا هالمرة بضرب عن
الدراسة... ولا الاكل مقدر اضرب عنه... وجع يبه بعنس من تحت راس
فعايلك بخطاطيبي...
والرسول حث على تزويج من ترضون دينه وخلقه... وهذا قايل قلبي
انه اجودي ترا مااعرفه بس اتوقع انه كذا... وترا العرس اهم من
الدراسة عشان الجنس البشري ماينقرض.... وبعدين من قال لك اني
منيب مكملة دراستي والله بكمل
حسيت ان عيون ابوي بتطلع من شدة علامات التعجب اللي في
وجهه بعدين انفجر من..الضحك
- هي انتي وين رحتي حدك حدك لا تشطحين!!!
- وش اشطح؟! هذي الحقيقة والحقيقة ماتزعل وانت الله يطول لنا
بعمرك علمتنا على الصراحة وحب الحقيقة
- أي عريس واي هم؟؟!!... انتي مصخنة؟؟ ... هذا مندوب شركة يبي
يجي يوريني المكنسة الكهربائية العجيبة على قولته اللي تغسل
وتنفخ وتطبخ ....
قومي نامي يابنيتي ولا تكثرين قعدة قدام التلفزيون... الحين بس
عرفت ليه سكرتيه تو...
انالاتسألون..عن..وجههي...
الله يقطع ام العجلة اللي تعرفونها... مشكلتي اني اجزم على طول
منقــــــــــــــــول
>>>>> ردود الأعضـــــــــــــــــــاء على الموضوع <<<<<
==================================
مشكوره ياقمر
__________________________________________________ __________
هههههههههههههههههههههههههههههههههههه
لا تعليق
الله يسعد ايامك
__________________________________________________ __________
هههههههههههههههههههههههههه https://said.xplainer.net/images/smilies/15.gifhttps://said.xplainer.net/images/smilies/blink.gifhttps://said.xplainer.net/images/smilies/15.gif
والله ضحكت من قلبي يسلمو حبيبتي عالنقل
__________________________________________________ __________
ههههههههههههه قوية الله يستر علينا
__________________________________________________ __________
ههههههههههههههههههههههههههههههههه
مشفوووووووووووووووحهhttps://said.xplainer.net/images/smilies/blink.gif
