ساعدوني شو اعمل مع زوجي؟؟ -لحياة سعيدة

عنوان الموضوع : ساعدوني شو اعمل مع زوجي؟؟ -لحياة سعيدة
مقدم من طرف منتديات نساء الجزائر

ساعدوني شو اعمل مع زوجي؟؟


https://uploads.sedty.com/imagehosting/1_1402432992.gif



ارجو مساعدتي انا متزوجه من 4 سنوات وزوجي يحبني ولكننا عند المشاكل يضربني زوجي سواء كانت المشكله بسبب او بدون سبب اول ماضربني رحت احردت عند اهلي واجاني عند اهلي يعتذر ويتاسف وانه مارح ايعيدها وكل مااتصير مشاكل ويضربني اروح اطلع من البيت وعند اهلي ويجي لمدة سنه وبعدها اتعاقد على السعودية وحكالي اقعدي في بيتك او بيت اهلك وكان يجي على العطل ومع هيك كنا نتمشكل وهو مسافر ويبعتلي مسجات كتير سيئه ويحكيلي مش انا اللي بعتهن كان يبعتهن عن طريق النت مسجات مسبات علي وعلى اهلي فانا رفعت عليه قضية نفاق وبعدها قضية طلاق راح لغى عقده بالسعودية ورجع على الاردن وحكالي انا بعمل اللي بدك اياه وانا بدي اياكي ومابستغنى عنك وراح جاب اهله وعشيرته ويترجوا فيا حتى ارجعت ورحت لغيت قضية الطلاق وتاجرلي بيت جنب اهلي وجنب شغلي وهو بهالفتره كمان نتمشكل والله من كتر ماهي تافها الاسباب مش مذكره اشي منها اللي بذكره انه بضرب وبغلط وبسب وبعاود برجع براضي وبعدين عاود اتعاقد مره تانيه على السعوديه وحكالي ماتشتغلي انا ببعتلك مصاري وبعدين بجيبك عندي وانا وافقت ورحت عنده على السعوديه حكيت انا وياه لحالنا بنفهم بعض خصوصا عنا ولد بحب ايصير ابوه ويتعلق فيه وابوه بشاركني بتربيته ورحت عنده والله صادقه بكل كلمه انه ضربني وغلط علي وعلى اهلي انا حكيت لاهلي قدامه وكنت عن جد بدي اموت من القهر لاني امنت على حياتي وبعدت عن اهلي ورحت عندك وانت عاملتني هيك حكيت معلش وامي تترجاني امشيها ومشيتها واجاني يعتذر ويتاسف ومشيتها بس عاودنا اتمشكلنا وضربني بالحزام البنطلون وقدام الولد فانا دعيت عليه واستنيت الصبح يطلع وصحيت الولد واخذت اغراضي مع اني بمنطقه اول مره اجي ليها رحت على المطار وحجزت عند اخويا وهو لمن رجع على البيت ايرن علي ماارد لمن عرف عند اخويا اجاني تاني يوم وحتى بالصدفه كان اخوه متعاقد بالسعوديه وامه جايه زياره اجت هي كمان بس بصراحه امه مابتحبني لانه كل ماكنا نتمشكل تحكيلي بدي اجوز ابني وابيع ذهبي واجوزه لدرجه من كتر المشاكل حكالي زوجي انروح على شيخ ورحنا وحكالي انك مسحوره واتعالجنا وبعدين رحنا مرة تانيه وحكالي محسوده ومابعرف اسه شو وبعدين بعد ماوصلت عند اخويا واجت امه واخوه وطبعا امه ماعجبها وانه بالنسبه لالها عادي انه ابنها يضرب انا حكيتلها لا انا اتحملت فصارت تحكيلي بجوزه بصراحه انه زوجي مش من النوع اللي بسمع كلام امه مابرد عليها ومابهتم بكلامها بس المهم انه يرضيني فاجى زوجي عند اخويا وصار يتاسف ويحكيلي اللي اعملتيه وطلعتي من البيت اشي كبير اي واحد مابتحمل وبطلق مرته بس انا بدي اياكي ورح انسى كل اللي اعملتيه وخلينا نرجع على البيت وصار يبكي حكيتله صعب انت اهنتني واعطيني جوازي فحكالي لا خليكي حكيتله لا بروح عند اهلي برتاح فاعطاني جوازي وكان عاملي خروج وعوده وهو كمان كان عامل لجوازه خروج وعوده وحكالي بسافر معاكي حكيتله لا ورحت على الاردن عند اهلي وكانوا اهلي زعلانين مني كيف اعملت وطلعت من البيت وانا بغربه لدرجه انه كلمني حكتله انه بكره راجعه عندك حكالي لا بس احكيلهم انك جايه زياره وراجعه ومابصير خليكي عندهم شوي واسه فكرت بالموضوع وكلمته حكيتله انت اهنتني وذليتني وشو بضمني اني ارجع وماتعاود تضربني فحكالي مابضمن بس بوعدك اني مارح اغلط ولا رح اسب ولارح اضرب حكيتله دايما بتوعدني وبتعاود ترجع تضرب وتسب حكيتله مافي حل الا اتنين يابرضى اعيش معاك واتحمل ضربك وسبك يااما بنطلق حكالي اذا بدك هي المحاكم انا مابطلقك ومابقدر استغنى عنك وبعدها رن علي وماكلمته واسه مابنحكي مع بعض وانا مابعرف شو اعمل عن جد اللي اعمله فيا والغلط اللي غلطه علي كبير مابقدر اتحمل ونفسي اعيش معاه بس مابقدر بحس انه صعب ورح ايضل يضرب ويغلط مابتغير شو اعمل انا بفكر ارجع لشغلي واسيبه للايام والايام بتحلها ولا شو اعمل عن جد انا محتاره ارجو مساعدتي ونصيحتي واكون مشكوره لكم يااخواتي عارفه اني طولت عليكم بس انا كتير مقهوره ومحتاره ومابعرف شو اعمل ؟؟؟

>>>>> ردود الأعضـــــــــــــــــــاء على الموضوع <<<<<
==================================

الله يعينك ويصبرك عليه عن جد انشان لايطاق بعد مايوعك يخلف ويرجع يضربك انا براي انك تهمليها ولاتعطي اي اهميه الو الالما يكتب علئ نفسه تعهد بعد مد ايدو عليكي ولايغلط عليك شو انتي عندو ولاشي وانتي امره ولكي اسلوبك في التصرف ازا مامشي زي ما بدك اجراءتك الاخرئ وخلي اهلك يدخلوا بجوز يكون عندهم الاحل الله يهديه وخاليه يراجع دكتور نفسي بجوز زوجك يعاني من مرض معين ولازم يتعالج الله يهديها


سوسو1978

__________________________________________________ __________

حبيبتي لازم تخليه يكتب تعهد على نفسه زي ما قالت الاخت ولو يكون هذا التعهد قدام كل عشيرتكم

واهلكم عشان يخاف وما يقدر يرجع مرة تانيه

ومن كلامك عنه انه كتير بحبك بس احتمال تكون عنده مشكلة نفسية فإذا تقدري تخليه يروح استشاري اسري وياليت انت تكوني معاه واحكوله مشكلتكم مع بعض


وان شاء الله تلقو حل .. اكثري من الدعاء والاستغفار واذا فكرتي ترجعيله قبلها لازم تصلي الاستخارة كذا مرة وشوفي احساسك شو

__________________________________________________ __________

يعني اطنشه وارجع اشتغل عادي وماارجعله الا اذا اجه هو ؟ واذا رن مااحكي معاه انصحوني يااخواتي

__________________________________________________ __________

الله يعينك ويصبرك عليه عن جد انسان لايطاق نهائي

__________________________________________________ __________

الله يصبرك حبيبتي لازم تشوفي حل