العلاقة الزوجية..من الألف..الى..الياء..(الجزء الثانى) حياة زوجية

عنوان الموضوع : العلاقة الزوجية..من الألف..الى..الياء..(الجزء الثانى) حياة زوجية
مقدم من طرف منتديات نساء الجزائر

العلاقة الزوجية..من الألف..الى..الياء..(الجزء الثانى)


https://uploads.sedty.com/imagehosting/1_1402432992.gif





لقراءة الجزء الأول إضغطي على الرابط أدناه
العلاقة الزوجية..من الألف..الى..الياء..

2- شكرا على المتابعة
اولا كلمات اعجبتنى جدا وأحب انقلها ليكم قبل ما نكمل كلامنا:

من تريد ان تكسب زوجها لا يوقفها شئ والله وكيلها وحسيبها

كونى ملكة الاحساس وملكة النساء وملكة الذوق الرفيع وملكة الحب وملكة العاطفه وملكة ال.....

اعرفى شخصية زوجك وافهميها ولا تغيرها

نكمل بقى ازاى تسعدى زوجك وتحببيه فى القرب منك ...
لازم يكون عندك شوية فن فى العلاقة ازاى؟؟؟؟
هنتكلم بتحفظ ونحاول نكون لماحين من ابسط الكلمات معايا؟؟؟؟؟
طبعا العلاقة الزوجية بين الزوجيين هى اللى بتحدد مصير اى زواج اذا كان زواج سعيد او لا
يعنى والله الزوجين بيبان عليهم هل العلاقة ناجحة والا لا وهما مع بعض فى الشارع تبصى كده تفهمى اذا كانوا سعداء والا لا
يعنى هى الاساس
بس فى فرق بين علاقة والتانية يعنى فى علاقة عادية جدا مش بيكون فيها تجديد او اثارة جيدة العلاقة دى بتمر عادى
وفى علاقة تحبب الراجل فى زوجته وهى كمان تحبه اكتر وده بينعكس على الحياة بينهم بالكامل لو سعداء فى العلاقة بتلاقى اخلاقهم راقية مع بعض حتى فى اكبر المشاكل اه والله
ولو مفيش سعادة تلاقيهم بيتلككوا لبعض على المشاكل وكل واحد مش عاجبه التانى وشايف انه ما بيفكرش وتكبر المشاكل اكتر واكتر والعياذ بالله يدخل الشيطان ويتم الطلاق
بعيد عنكم كلكم يارب
يبقى العلاقة فى حجرة النوم هى الاساس
طيب احنا عاوزين نصلح العلاقة دى عشان الحياه كلها تتظبط نعمل ايه ؟؟؟
نكمل تانى احنا خلصنا جزئية يوم الدخلة
نيجى بقى لبعد كده اللى هى الايام العادية اللى بعد شهر العسل
مثلا هيكون زوجك نزل شغل اكيد يعنى فى بعض الاوقات هيكون مرهق غير ايام الجواز الاولى
المهم لما يجى عشان يجتمع بيكى اوعى فى يوم تحرجيه وتقولى لا انا تعبانة انهارده عشان والله الرجاله بتتضايق اوى من الست اللى تقول لا معلش انهارده تعبت فى البيت وكده اوعى تكسفيه حرام وخلى بالك ممكن يكون شاف منظر فى الشارع مش ولابد وجاء عشان يستريح معاكى انتى فهمانى طبعا
طيب لو مرة حصل جماع ومتوفقش فيه ايه رد فعلك ؟
اهم حاجة اوعى تتضايقى او تقوليله ليه كده والا ايه مالك فى ايه ابدا ابدا اياكى ده منتهى سوء التصرف
تيجى جنبه وتقوليله انت اكيد تعبت فى الشغل انهارده ربنا يكون فى عونك والله دا انا زعلانة انك بتتعب فى الشغل جامد ربنا يزيدك صحة ويعينك علينا وكده يعنى
والايام قدامنا كتير
وعلى فكرة وارد جدا تحصل حاجة زى دى انه يبدا جماع وميتوفقش فيه ده طبعا بيبقى له اسباب كتير زى انه تعبان ومرهق من الشغل او باله مشغول بحاجة تخص حياتكم او فى حاجة متضايق منها فى الشغل اى حاجة يعنى ممكن تاثر انه ما يكملش العلاقة للاخر وبعد كده لما السبب هيروح هيبقى كويس وعادى جدا
انما احنا الستات لو متضايقين او زعلانين او تعبانين مش بنركز اوى فى الموضوع ده بس الفرق بين الراجل والست ان العلاقة بتكون قائمة على الرجل انه يكون مركز عشان الليله تعدى
على خير انما احنا عادى بنستقبل وبس… معايا ….نكمل

طيب انتى دورك ايه فى العلاقة؟؟
اساسا جزء الاثارة شبه كامل عليكى انتى عشان الست كلها مفاتن غير الرجل
لازم تسعى انك تعجبيه اثناء الجماع
يعنى مثلا كل رجل بطبيعته بيحب جزء معين فى جسم زوجته وانتى اكيد بتبقى عارفاه ولو مش عارفاه ممكن تساليه عادى جدا وهو هيقولك لما تعرفى الجزء اللى بيحبه فى جسمك تبتدى تتوصى بيه شويه حبتين يعنى ايه؟
يعنى تشترى قمصان بتبين المنطقة دى زيادة اللى هو بيحبها
وتحاولى تبينيها اثناء الجماع وتقربى بيها ناحية زوجك يعنى يكون تركيزك عليها اكتر من اى جزء تانى
لازم زوجك يحس معاكى انك عاوزاه ومشتاقة له زى ما هو عاوزك
مش تحسسيه انك بتقوليله خلص ورايا حاجات او بسرعة عاوزة انام
لازم يحس انك مش عاوزة تنهى العلاقة معاه

طيب ايه تانى عليكى؟
فى مشكلة عند ناس كتير اللى هى انها بتبقى لسه باديه العلاقة وزوجها بينهيها فاهمينى يعنى الزوج بيخلص شهوته وهى لسه برضه الموضوع ده فى ايدك نقول ازاى والا انتوا عارفين دى ؟؟؟

يعنى لما يكون هينهى وانتى لسه تبعدى عن اى حركه ممكن تثيره او اى كلمة

نكمل والا هنتكسف ونسكت؟؟؟

اختى ياللى بتقوللى يااااااااااااااااااااااااااااااااه على اللى شاغل بال الحريم
عاوزة اقولك يعنى ازاى ميشغلنيش انى اسعد زوجى ؟؟
ازاى ميشغلنيش انى اخلى زوجى ميشوفش غيرى ؟؟
ازاى ميشغلنيش انى اقوى الروابط بينى وبينه
الموضوع ده مش بهدف اصلاح الجماع فقط لا
ده بهدف تقوية الروابط بين الرجل وزوجته
وعنها ينتج احترام كلا منهما الاخر
يعنى موضوع يشمل كل اركان الحياه الزوجية
لازم يشغلنى اى حاجة تخص زوجى وتسعده
ولازم يشغلنى انه يعرف ان مفيش واحدة ممكن تسعده زييى ...

نكمل كلامنا...

من المهم فى العلاقة دى التجديد فى كل حاجة فى شكلك فى لبسك فى طريقة الجماع كل مرة
مثلا فى الشكل لازم تغيرى فى تسريحة شعرك مره تلميه ومره تربطيه ومرة تنزلى قصه ومرة لا وانتوا عارفين بقى التسريحات
وتغيرى فى لبسك مش كل مره جماع لازم قميص ممكن تلبسى لبس روش مثلا بنطلون جينز وبوت طويل عليه وتيشيرت ضيق من فوق وعادى تبداى جماع باللبس ده مش شرط يكون قميص
او مثلا مرة متكونيش لابسة ملابس اصلا او مره مايوه او مرة لبس بيت شيك يعنى ترينج مثلا اوبيجاما وتبداى العلاقة عادى
والتجديد فى الجماع اصلا
يعنى مثلا تغيرى طريقة الجماع مرة تبداى انتى ومره هو
يعنى تغيرى فى شكل الجماع اتمنى تكونوا فاهمينى
وفى اكثر من 20 شكل للجماع لو قعدتى مع نفسك وفكرتى ممكن الجماع يتم ازاى هتلاقى نفسك ابتكرتى حاجات جديدة

يارب ميكونش حد متضايق منى والله مقصدى الافادة ولازم نبقى عارفين ان اى راجل فى الدنيا الموضوع ده بيفرق معاه جدا حتى لو كان زوجك بيقول انه كده سعيد فبرضه بيتمنى الافضل منك فى العلاقة دى مش لازم نستنى لما الراجل يقول جددى والا غيرى فى الموضوع ده
نغير ونجدد حتى لو مطلبش الزوج ده ممكن اوى يكون محرج انه يحرجك او يجرحك او محرج انه يكلمك فى اى حاجة تخص العلاقة
بس لو عملتى جديد او غيرتى مش ممكن ابدا هيرفض ده
بالعكس هتلاقيه مبصوط واتعلق بيكى اكتر وبداتوا تهدوا مع بعض فى المشاكل اه والله العظيم دى حقيقة

نكمل جزء فى السريع كده مع بعض
برضة احنا كنساء فاضين او مش فاضيين بمعنى اصح قاعدين فى البيت لازم نبتكر طرق تخلى اجوازنا يحبونا اكتر يعنى مثلا خلى معظم وقتك مع زوجك دلع وحب هتقولولى
ازاى والحياه مشاغل واولاد وزنقات مادية كل دى حاجات فى البيوت كلها بس لازم السعادة يبقى ليها مكان فى حياتنا والله ممكن تكونى مشغولة جدا من الاولاد وممكن انك متعرفيش تعطى زوجك حقه فى بعض الاوقات بس لازم نحاول نسعد ازواجنا والله دا الراجل بيعانى فى الشغل بهدله وبيقابل ناس والعياذ بالله يفوروا الدم وبيضطر يستحملهم عشان يعرف يعيشنا لازم نيجى على نفسنا عشانهم
طبعا هتطلعلى واحدة تقوللى واحنا مين يستحملنا هقولك معلش مهو احنا فى عز الحر بنبقى فى البيت فى المراوح والتكييف وهما فى الحر والبهدلة والزحمة
وفى عز السقعة والشتاء بنبقى متكلفتين فى البطاطين والدفايات وهما ياعينى فى التلج والشتاء والبهدلة
ربنا يعينهم كلهم والله الراجل الشقيان على ولاده ده يستاهل تتباس رجله كل يوم مش انى اقولك تبسيطيه فى العلاقة ازاى
معلش نيجى على نفسينا اه احنا كمان بنتعب مع الولاد وفى البيت بس والله تعبهم اشد كفاية انك انتى وولادك فى رقبته مسؤل عنكم من جميع النواحى
معلش انا ممكن اكون خرجت عن موضوعنا شوية بس معلش كله داخل اطار الحياه الزوجية وهكمل معاكم ان شاء الله لسه

فى حاجات تانية ممكن زوجى يشتاقلى بيها او يزيد تعلقه بيا مثلا انه يكون فى الشغل وابعتله رسالة حب او رسالة زوجية من اللى انتوا عارفنها وكمان طول ماهو قاعد قوليله كلام حلو زى عامل ايه ياحبيبى والله وحشتنى جدا انهاردة كلام كتير حلو كلنا عارفينه بس مش كلنا بنقوله
ده فى ستات اعزكم الله مش بتقول لزوجها كلمة حلوة ابدا لدرجة انها لو قالت لجوزها مرة كلمة حلوة يقولها خير اللهم اجعله خير اكيد عاوزة حاجة والراجل ياعينى بدال ما يفرح بالكلمة يسمعها ويقول يبقى هدفع صح والا لا ؟؟

طيب نرجع لموضوعنا اللى هو العلاقة نفسها
طبعا كتير مننا بتتكسف وبتخجل انها تقول هى بتحب ايه فى العلاقة وده اكبر غلط لما تحبى حاجة قوليها له
وهو كمان برضه عادى وممكن تساليه بتحب ايه اعملهولك فى الحكاية دى عشان اعمله ليك كتير مفيهاش مشكله والله ده زوجك حلالك ربنا حلله ليكى يبقى متحرميش على نفسك انك تتمتعى بزوجك واوعى تخجلى منه الخجل اثناء الجماع غير مرغوب فيه نهائى
وكمان عبرى عن نفسك اثناء الجماع بلاش الصمت القاتل اللى بنبقى فيه يعنى مثلا تقولى خلصتى والا لسه
تمدحى زوجك اثناء العلاقة تقولى له اللى بتحسى بيه علنا كده وطبعا حاولى تقوليله اسم دلع مختلف متندهيش بيه الا ساعة العلاقة وبسسسسسسسسسسسس مش طول اليوم ويكون اسم محدش بيناديه بيه غيرك
وفى حاجة كمان ممكن لما زوجك يعملك حركة اثارة تعمليها له انتى كمان نفس الحركة يعنى ومش هقدر افسر الجزء ده اكتر من كده عشان الموضوع يكمل على خير
يارب حنن قلب الادارة عليا ؟؟

نرجع تانى نتكلم فى ناحية من نواحى الحياه الزوجية اللى هى مشكلة معظم بيوتنا وهى الماديات نخلى بالنا ان دى مشكلة لازم نتعامل معها بحرص ونخلى بالنا من كلامنا مع ازواجنا فى النقطة دى عشان النقطة دى بتكون جارحة اوى عند الرجل
يعنى لما تكونى عاوزة حاجة وحاسة انه ظروفه مش متيسرة فى الوقت الحالى يبقى بلاش تطلبيها بالله عليكى عشان هو ساعتها بيحس بالعجز حتى لو ما بينش
عشان هو مسؤل عن البيت فلما البيت يحتاج وهو مش قادر يلبى بيحس انه غير مكتمل بتهزى ثقته فى نفسة وده هينعكس عليكى ان اعصابه هتضيق عليكى وهيحس انك عبىء عليه وحاجات كتير اوى مش مجرد طلب بتطلبيه وخلاص مش هيقدر انه يلبيه
حاولى تخففى عنه فى كل حاجة زى مثلا لقيتيه زعلان فى الشغل تعالى جنبه وقوليله فرفش كده ياحبيبى كله هيعدى الدنيا ما بتقفش على مشكله عادى طنش ياروحى وكده هزرى معاه وحسسيه انه فى مشكله سهلة وبسيطة حتى لو كانت مش سهلة وبسيطة مش تقعدى جنبه وحاطة ايدك على خدك وتقوليله هنعمل ايه احنا حظنا كده والندب ده انتوا فاهمين طبعا لدرجة والله ياحبايبى ان كل ما يكون زوجى متضايق افضل اهون عليه ومسيبهوش الا لما يضحك ويقوللى هو انتى حياتك كلها بمبى كده كل المشاكل عندك هوا طاير وبيرفرف .

طيب حاجة كمان ممكن تخرب البيت والعياذ بالله موضوع المقارنات ان الست تفضل تقول لزوجها شايف اخوك رومانسى ازاى مع مراته شايف اخويا جايب ايه لمراته شايف شايف جارتى جوزها جبلها ايه وتفضلى تقارنى وتقللى من شانه وهو ياعينى محرج وساكت مش عارف يرد والله ده حرام اى ست بتعمل كده تتقى الله هى ماتقبلش انه يقولها شايفة فلانه عامله ايه فى نفسها شايفة اختك حلوة ازاى مع زوجها شايفة جارتك عاملة ازاى والله ما هنقبل دا احنا هنموت من الغيرة لو حصل معنا كده صح؟؟
والله ياجماعة لو كل واحدة ركزت مع زوجها وعرفت ايه اللى بيضايقه وبطلته هتعيش فى الجنة
ولو كل واحدة تشوف غلطاتها وتعترف بيها ولو حتى مع نفسها وتحاول تصلحها يااااااااااااااااااااااااه الحياه هتبقى فعلا جنة
فى نقطة كمان اللى هى ساعة المشكلة لما يكون فى بينكم مشكلة وهو عماااااال يزعق ويعرض مواهبه فى الصوت العالى
خليكى انتى موهبة مدفونة اسكتى والله بجد واحدة هتقوللى ازاى يعنى يفضل يزعق ويشتم واسكت انا
طب والله جربى سيبيه يجيب ماعنده من مواهب واسكتى انتى ووالله هتلاقيه جى يعتزر ليكى ويقولك حقك عليا المشكله اننا بنضيع حقنا بلسانا مش بنسكت يقول كلمة نقول طب خد وخد وطبعا مش كله كده فى برضة ستات مش كده بس الغالبية كده
جربى وقوليلى لو مجاش صالحك ادخللى وقوليلى انتى متفهميش حاجة
طيب ممكن اعمل ايه تانى عشان اساعد نفسى انى احبه دا لو كنت فى مرة مخنوقة اوى منه
والله وعن تجربة لما تكونوا متخانقين وكل واحد فى ناحية اقعدى مع نفسك ووالله لو كنتى صادقة مع نفسك هتطلعى غلطات كتير ارتكبتيها معاه
اه خليكى صريحة مع نفسك محدش هيعرف حاجة
وتعالى بقى فكرى فى اى حاجة حلوة كانت بينكم انشالله حتى ايام الخطوبة
او بعد الجواز وتبقى ظالمة لو قلتى والله مفيش حاجة حلوة مششششششششششششششششش ممكن ابدا
هاتى حاجات بتحبيها فيه مثلا لما خاف عليكى فى اليوم الفلانى
لما زعل عليكى فى موقف
لما حسيتى انه بيحبك وخايف عليكى اى حاجة والله هتصفى روحكعلى طول وهتلاقى نفسك رايحة تصالحيه انما لو سيبتى الشيطان يبرمجك يبقى انسى هيفضل يوسوسلك بعيوبه واللى مش فيه هيجيبه فيه وانتى اه تقولى اه مش ممكن اكلمه ابدا كرامتى متسمحليش ولو صالحته هياخد على كده
وحتى لو خد على كده ايه المشكلة انتى الست يعنى انتى الحنينه الحساسة اللى تمتص زعله والا ايه؟
طيب ايه تانى سلبيات فى حياتنا ممكن تقابلنا
معاملة الزوج امام الناس وبالاخص اهله خدى بالك ان البيت ممكن يكون فى بعض تجاوزات خفيفة بينك وبينه
انما قدام الناس اوعىىىىىىىىىىىىىىى اوعى ابدا تتعدى حدودك بالذات قدام اهله عشان دول بقى قاعدين للسقطة واللقطة نفسهم ومنى عينهم تغلطى
الا من رحم ربى مش كلهم طبعا بس هى دى الغالبية
احترميه قوى امامهم وكمان بوسى ايده قدامهم والله بجد وممكن تقلعيه حذائه قدامهم ياسلام والله هتسعديه وتديله احترام قدامهم ومش عيب والله ما عيب ممكن واحدة تقوللى نعععععععععععععم ليه ياعنى اقولك متفرحيش حد فيكى انتى كده هتمنعيهم يتدخلوا فى حياتك والله صدقينى وخلى بالك لو اخواته الولاد قاعدين متهزريش مع حد منهم دول بالاخص او اى حد عاما
اصل فى نساء اعزكم الله تبقى عايزة تشوف غيرة من جوزها عليها تقوم تستنصح وتخليه يغير بانها تفضل تتحدث مع اخوه لالالالالالالالالالالا غلط جدا اوعى انتى كده
هتخلى جوزك تتهز ثقته فى نفسه ومش هيحترمك وكمان مش هيقولك عشان ميلفتش نظرك انك بتهزرى كتير مع اخوه
زى انتى ماتقبليش انه يهزر مع اختك او بنت عمتك او بنت خالتك انتى كمان راعيه وحافظى على مشاعره
والغيرة منك مطلوبة بس بهدوء شديد لو كان الامر بسيط يعنى مثلا تتكلمى عن موقف خلاكى تغيرى منه بس بالعقل مش بالخناق
عشان شوية غيرة منك بتخليه يحس انك بتحبيه وبتديله ثقة انه ممكن حد يخطفه منك
ودايما امدحيه فى شكله ولبسه وحركاته وهزاره حتى لو قالك نكتة بايخة اضحكى عليها مفيهاش حاجة ...
و.....هنكمل الحلقة الجاية

>>>>> ردود الأعضـــــــــــــــــــاء على الموضوع <<<<<
==================================

السلام عليكم ورحمة الله وبركاته

يعطيك الف عافيه اختي على الموضوع المهم واللي تخص العلاقات الزوجيه وكيف تتعاملين مع زوجك حتى تكسبي رضاه والي هي من الواجبات والحقوق علينا احنا كزوجات ..
اتمنى ان ينال رضى الاخوات وان يطبقوا والله يسعد كل زوجين وكل ثنائي ..

بارك الله فيك وجعله في موازين حسناتك..
لا اله الا الله

استغفر الله العظيم

فيفي ..

__________________________________________________ __________

كلاااااام حلووووو يااا روووووووووحي

__________________________________________________ __________

اتمنى ان ينال رضا الاخوات
واتمنى لكى سعادة زوجية

__________________________________________________ __________

المشاركة الأصلية كتبت بواسطة فيفي روز https://said.xplainer.net/sedty/buttons/viewpost.gif السلام عليكم ورحمة الله وبركاته يعطيك الف عافيه اختي على الموضوع المهم واللي تخص العلاقات الزوجيه وكيف تتعاملين مع زوجك حتى تكسبي رضاه والي هي من الواجبات والحقوق علينا احنا كزوجات .. اتمنى ان ينال رضى الاخوات وان يطبقوا والله يسعد كل زوجين وكل ثنائي .. بارك الله فيك وجعله في موازين حسناتك.. لا اله الا الله استغفر الله العظيم فيفي ..

اتمنى ان ينال رضا الاخوات
واتمنى لكى سعادة زوجية
واشكرك انك اول المشاركين
دمتى بسعااااادة

__________________________________________________ __________

https://www12.0zz0.com/2011/12/26/11/444653049.gif

مشكورة حبيبتي الاحساس الناعم على مجهودك الواضح الجميل والسلس

قمت بنسخ روابط الموضوعين في كل جزء
حتى يسهل الإطلاع عليهم أكثر وبسرعة أكبر :)

دُمتِ بتألق دائم وسعادة أبدية

.