الخطبة على الطريقة الحمصية (ادخلوا وشوفوا عاداتنا) -مجابة

عنوان الموضوع : الخطبة على الطريقة الحمصية (ادخلوا وشوفوا عاداتنا) -مجابة
مقدم من طرف منتديات نساء الجزائر

الخطبة على الطريقة الحمصية (ادخلوا وشوفوا عاداتنا)


https://uploads.sedty.com/imagehosting/1_1402432992.gif



السلام عليكم ورحمة الله وبركاته







بسم الله الرحمن الرحيم



https://said.xplainer.net/images/smilies/rose.gif https://said.xplainer.net/images/smilies/rose.gifhttps://said.xplainer.net/images/smilies/rose.gif



أخواتي وأخواني اليوم جبت لكم قصة من واقع حمصي





الزواج هو سنة الكون وكل واحد فينا بيسعى الو وبيكافح مشان يكفي نص دينه ويرتاح و ويلاقي السعادة والحب الي كان عم يتمناه ويدور عليه مع شريك العمر
الزواج سعادة
الزواج مسؤولية
الزواج تعاون
الزواج محبة
الزواج اتحاد
الزواج راحة ( وعند البعض هم كبير )
والزواج والزواج....................ولو ضلينا عم نحكي عن الزواج لبكرا ما منخلّص

والاهل مناهن انن يزوجوا اولادن ويفرحوفيهم ويشوفوا اولاد اولادهم
يعني ما بتصدق الام تسمع من ابنها كلمة ( ماما اخطبيلي )او ( بدي اخطب ) لحتى تفقعلك هديك الزلغوطة
وتقول ( تقبر قلبي من بكرا بروح دورلك على بنت الحلال)
وبتبلّش الام تسأل ابنها على المواصفات اللي بدو ياها ابنها بالعروس مشان تعرف شو تشفلوا
هادا اذا ماكان الشب حاطط عينه على بنت معينة وبدو امه تروح وتخطبلوا ياها مباشرة بدون ما تدور وتعذب حالا
وبالحالة الاولى بتبلش الام تسأل وتبحث وتدقق وتستفسر من هالنسوان عن البنات ( جمالهن – اعمارهون- شو دارسين – من بيت مين؟؟...........الخ)
والكل بدو الافضل وبدو يصاهر احسن العالم وهادا الشي مو غلط
بس بالاخر ماحدا بياخد غير نصيبو
وكمان ماحدا بيعرف وين نصيبو وشو مخبيلو المستقبل وعلم الغيب عند الله فقط والله يجعل نصيبنا متل ما منحب

من زمان كان في وحدة بيقولولها الخطّابة وشغلة الخطابة انها تدور وتشوف هالبنات وتسأل عنهن وتنقل اخبار هالبنات للاهل اللي بدون يخطبوا لأولادهن
ومتل ما بيقولوا بالمتل المصري ( يا بخت مين وفّق راسين بالحلال ) وبيقولوا عنا احيانا ( نيالوا اللي بيجمع راسين بالحلال على مخدة وحدة )
وفي البعض بيقولوا عنا ( مشي بجنازة ولا تمشي بجوازة ) يا ترى صحيح هالشي؟؟؟؟؟
عنا في مجتمعنا الحمصي الخطبة الها نكهة معينة وعادات وتقاليد بعض الناس لهلأ بتمشي عليها
ولا تخلو هالعادات من الطرافة والظرافة



وهاي قصة من القصص اللي بتحكي طريقة الخطبة الشعبية عنا بحمص
تابعوا واستمعوا

القصة هي

أبطال القصة شخصيات منتقاة من الواقع

الوقت الساعة 12 ظهرا

المكان مدينة حمص في أحد الأحياء الشعبية




الحوار:

الخطابة: تطلب الرقم.....عم يرن التلفون.....قريضة انشالله ليش ما حدي عم يرد؟شو نايمين لهلأ؟
ارتفعت السماعة ......ألو
الخطابة : مرحبا خالي
البنت : أهلين
الخطابة : شلونك
البنت : الحمد لله ماشي الحال

الخطابة : الماما هون خالي؟
البنت : أي هون مين بدو ياها؟
الخطابة : قوليلا وحدة
البنت : دقيقة شوي
البنت تنادي أمها: مامااااااااااا يا ماماااااااااااااااا
الام : شبيك
البنت : تعي احكي عالتلفون
الام : مين؟
البنت : وحدة ما بعرف مين
الام : هاتي لشوف هالسماعة ......ألو
الخطابة : مرحبا يا خيتو
الام : اهلين وسهلين
الخطابة : شلونك
الام : الحمد لله
الخطابة : ما أم عبدو؟
الام : أي نعم......مين حضرتك؟؟
الخطابة : يه ما عرفتيني؟
الام: لا والله
الخطابة : يه انا أم فاروق اللي كانت بصمدة بنتا لأم فيصل وكنتي انتي حاضرة كمان


الام : والله يا خيتو ما تذكرتك
الخطابة : وقتا قلتلك هاي بنتك اللي عم ترقص ؟؟قلتيلي أي ....شو ما تذكرتي؟
الام : أي أي صح ...........اهلين وسهلين يا أم عبدو
الخطابة: بالمأهل ..........وقتا سألتك اذا بتخطبي بنتك قلتيلي أي اذا بيجي نصيبا
الام : أي والله
الخطابة : خلص خيتو......اليوم شو عندك بعد العصر
الام: ييي والله اليوم عندي دوارة انا وسلفتي بعد العصر
الخطابة : طيب منجي هلأ
الام :والله يا خيتو عم سقّط الرزات هلأ بيجي أبو عبدو جوعان خطي بدو يتغدى
الخطابة : بكرا لكان بعد العصر
الام : أي اهلا وسهلا بتشرفوا
الخطابة : يزيدك شرف يا أم عبدو.......والله قلبي انفتحلك وحبيتك كتير
الام : الله يسلمك ويحفظك
الخطابة : خاطرك خيتو ......
الام : الله معك مع السلامة

تاني يوم الساعة 5 بعد العصربتجي الخطابة على بيت الجماعة هيي وأختا أم أحمد وكل وحدة جايبي معها كيس نايلون وحاطا فيه الكندرة الجديدة
شلحو كنادرون عالدرج ولبسوا الكنادر الجديدة اللي بالكيس ( أهيب قدام الجماعة )
رنو الجرص وفتحت الام الباب: وبعد السلام و الاهلا والسهلا وطق البوسات الحميمية
فاتو هالجماعة وقعدوا بالصالون


الام : انتو من بيت مين ؟


الخطابة : والله يا خيتو نحنا من بيت (...........)
الام : والله والنعم والسبع تنعام منكون...............عن اذنكون شوي
وبتقوم الام وبتروح بتقول لبنتا : يالله قومي لبسي وفوتي ضيفي القهوة وعديلك دقيقتين مشان يشوفوكي ووقت بغمزك بتقومي بتمشي
البنت : طيب ماما
في هذه الاثناء في الصالون
الخطابة لاختها ام احمد : شفتي ولك اختي؟ بيتون مرتب وأكابري.......ليكي على هالصالون ما احلا
ام احمد :أي والله يا اختي.....والام مبين عليها اكابرية كمان .....شفتي على هالكتف الراكز اللي الها ؟
الخطابة : أي والله............بركي ولك اختي بيكون نصيبنا عند هالجماعة..........اي والله مليت من التكحيف من هون لهون وانا عم دق بواب
ام احمد : انشالله
بترجع الام : اهلا وسهلا
بعد 5 دقائق بتجي البنت لابسة ومتهندسي وشايلة صينية القهوة وعم تمشي شوي شوي
البنت : مرحبا خاليhttps://said.xplainer.net/images/smi...7-9ndhrgbt.gif
الخطابة : اهلين وسهلين بنور العين اسامي الله حولك وحواليكي
البنت عم تقدم القهوة: تفضلي خالي
الخطابة : يسلمو هالديات يا أميرة
ضيفت البنت القهوة وراحت قعدت مقابيل أمهاhttps://said.xplainer.net/images/smi...7-9ndhrgbt.gif
الخطابة لاختها ام احمد همسا: حلوة ولك يا اختي
ام احمد همسا : ما كل هالاد ولك اختي.....مانك شايفي شلون الها شترة وتمها كبير هاي شلون اذا ضحكت؟https://said.xplainer.net/images/smi...7-n0gfapyo.gif


الخطابة : لك اختي منيحة ...هاي احلا وحدة منشوفا لهلأhttps://said.xplainer.net/images/smi...7-ehrx1i9o.gif
ام احمد : شو اسمك خالي؟
البنت وهيي خجلانة : https://said.xplainer.net/images/smi...7-9ndhrgbt.gifاسمي سوزان
ام احمد: عاشت الاسامي يا خالي
الخطابة : شو عم تدرسي خالي؟ بكاروليا؟؟
البنت : لا خالي لساتني حادي عشر
الخطابة : ايه الله يوفقك يا خالي
البنت : شكرا خالي



الام غمزت بنتا مشان تقوم فبتقوم البنت وبتطلع لبرا


الخطابة عم تهمس بأذن اختا ام احمد : رح اطلبا لك اختي هلأ
ام احمد : بكير لك اختي لسا ما سألنا عالجماعة منيح
الخطابة : لا يا اختي المكتوب مبين من عنوانو
الخطابة :أي اختي ام عبدو.....نحنا طالبين القرب منكن وانتو والهي دخلتو قلبنا بسرعة وحبيناكون كتير
الام : أديش عمرو ابنكون؟
الخطابة : ياستي ابني عمرو 27 سنة شب طول بعرض يخزي العين
الام :وشو بيشتغل ابنك؟
الخطابة : ييييه مشارك ابن عمو على سرفيس مشغلينو على طريق الشام وابوه عندو محل خضرة بسوق الحشيش
وابني خادم جيش ومخلص وصرلو سنة عم ينئ عليي بدو يتجوز...يقبر قلبي
الام : عندو بيت لحالو؟؟
الخطابة : لا والله يا خيتو عندو بيت آجاربجورة الشياح 3 أوض ومنافعون
الام :وين ساكنين يا خيتو؟
الخطابة : يييي بيتنا بباب هود
الام :والله ياخيتو لازم شوف ابو عبدو وآخد شورو .......ولازم نسأل عن ابنكون كمان والله يقدم اللي فيه الخير



الخطابة : ايه متل ما بدك اختي ام عبدو......وبهاليومين بحكي معك تلفون
الام :بيصير خير انشالله
الخطابة: خاطرك
الام : الله معكم مع السلامة


ترى كلام حمصي اعذروني وهيك الحكي يكون ...
وللقصة تتمة....


تابعونا مع الجزء التانيhttps://said.xplainer.net/images/smilies/icon18.gif

>>>>> ردود الأعضـــــــــــــــــــاء على الموضوع <<<<<
==================================

ولك خيتوووو تأبريني على هل قصه شووو حلوة https://said.xplainer.net/images/smi...8-9ndhrgbt.gif


يلا نحن بأنتضار التكمله نفيينhttps://said.xplainer.net/images/smilies/icon18.gif

__________________________________________________ __________

المشاركة الأصلية كتبت بواسطة soso baghdad https://said.xplainer.net/sedty/buttons/viewpost.gif ولك خيتوووو تأبريني على هل قصه شووو حلوة https://said.xplainer.net/images/smi...8-9ndhrgbt.gif يلا نحن بأنتضار التكمله نفيينhttps://said.xplainer.net/images/smilies/icon18.gif

هلا بكِ خيتوووووو منورة الموضوع حببة البي


احترامي لكِhttps://said.xplainer.net/images/smilies/rose.gif

__________________________________________________ __________

ياقلبي على الكلام الحمصي واهل الشام كلهم


بانتضار التكمله لا تطولي علينا

__________________________________________________ __________

المشاركة الأصلية كتبت بواسطة زيــــــــرو ون https://said.xplainer.net/sedty/buttons/viewpost.gif ياقلبي على الكلام الحمصي واهل الشام كلهم بانتضار التكمله لا تطولي علينا

هلا وغلا منورة توبرني على مروركِ


لا عدمناكِhttps://said.xplainer.net/images/smilies/rose.gif

__________________________________________________ __________

يا جماعة كان الخطبة لم تعجبكم ليش؟؟؟؟


أرجو دخولكم من أجل معرفة انها أعجبتكم أم لا ...


تحياتي لكم