تبين عيالج يصيرون مميزين .. تعالي هني فيدي واستفيدي

عنوان الموضوع : تبين عيالج يصيرون مميزين .. تعالي هني فيدي واستفيدي
مقدم من طرف منتديات نساء الجزائر

تبين عيالج يصيرون مميزين .. تعالي هني فيدي واستفيدي



شلونكم خواتي
أكيد كل أم تعلم شغلات مميزة حق عيالها .. سواء بالنظافة أو طريقة لبس أو بالأكل أو بالأخلاق والصفات ..
فأنا حبيت بالهالموضوع اني أتناقش معاكم وأفيدكم وتفيدوني بشغلات تعلمونها حق عيالكم
طبعاً انا أكبر بناتي عمرها 6 سنين بس أنا أخليهم كلهم يعتمدون على نفسهم بوايد شغلات .. أنا أكون معاهم بس أخليهم هما يسوون الشغلة

أنا ببدي
معلمة عيالي انهم ماياكلون من مطاعم الوجبات السريعة مثل هارديز وماكدونالدز وكنتاكي وبرجر كينج .. دايماً أقولهم ان هالمطاعم أكلهم مو نظيف وفيه دود وأكلهم يعور البطن ويخلينا نصير مرضى وعيالي لووو شنووو تسووون فيهم ماياكلون من هالمطاعم وأعطيهم بدال هالوجبات معكرونية أو مشويات أو صموون من سب وي وجذي ..

الشغلة الثانية معلمتهم أن الدلااااااق شي ضروري لابس يلبسوونه طووول اليوم ويفصخونه بليل قبل لا يناموون وقتلهم اذا مالبستوه اطيحوون مرضى والحمد الله دايماً يلبسوونه بالبيت ..

البفك والحلاااووو الصيني ممنوووع ومضر ويخلينا نصير مرضى .. طبعاً هما مايعرفون هذا صيني ولا لا بس اذا وديتهم الجمعية وخذوو شي صيني اقولهم لا هذا مو زين صيني فيردونه وفي شغلات خلاص حفظوو انها صينية .. وفي بفك لونه بنفسجي على شكل خواتم هذا اليهال وايد يحبونه بس للأسف متروووووس ألوان صناعية وهو صناعة ماليزية وفي نفسه بدوون الوان صناعية ماركة فيكوو بس الناس يشترون الماليزي .. وانا عيالي قتلهم ان هذا بفك صيني وفيه ألوان مايصير ناكله بعدين يعور بطنا وصج ماياكلونه .. قبل فترة الأبلة بالروضة قايلة حق ريلي انتوو شمعلمين بنتكم أعطيها بفك موراضية تاخذه تقول هذا بفك صيني .. فقالها السالفة ولا الأبلة تاخذ البفك من اليهال كلهم

معلمتهم ينادوني ماما حبيبتي مع انهم لي قبل فترة قصيرة كانوو ينادوني باسمي بس عقب قتلهم الي تناديني باسمي ماراح أرد عليها والي تبيني ارد عليها تقولي ماما حبيبتي ..

معلمتهم اذا طلعنا وعزكم الله اذا بغوو يروحون الحمام لازم كرسي الحمام يتنظف .. اذا رحنا مجمع ينادون الخدامة الي تشتغل بالحمام ويقولولها نظفيه واذا رحنا مكان مافيه خدامة اهما ياخذون كلنكس ويكبون ماي وينظفونه

قبل لا نطلع وقبل لا يروحون المدرسة لازم يحطوون عطر

اذا رحنا بيت أحد لازم يسلمون على الكل ويبوسون الكبار على راسهم


منقول للفايده

>>>>> ردود الأعضـــــــــــــــــــاء على الموضوع <<<<<
==================================

موضوع رائع بارك الله فيكم

__________________________________________________ __________

يعطيكى الف عافيه

__________________________________________________ __________

https://store3.up-00.com/Feb12/0Ko36853.gif

https://store3.up-00.com/Feb12/pon34719.gif

__________________________________________________ __________

اختي اسلوبك كله تخويف مايصلح وايذا اكبرت بتدري انك كنتي تكذبين انتي ماتربيها علي عادت تكون فيها طول الاعمر بس يهمك هالعمر
اوك الاسطر الاخيره حلوه ومعك

__________________________________________________ __________

شوفي احس طريقتك حلوه ببعض الشغلات.