كيف تجعليت اطفالك من اهل اليمين ؟ (نصائح رائعه ) العناية بالأطفال

عنوان الموضوع : كيف تجعليت اطفالك من اهل اليمين ؟ (نصائح رائعه ) العناية بالأطفال
مقدم من طرف منتديات نساء الجزائر

كيف تجعلين اطفالك من اهل اليمين ؟ (نصائح رائعه )



https://said.xplainer.net/images/smilies/rose.gif https://said.xplainer.net/images/smi...7-dbttwedi.gifhttps://said.xplainer.net/images/smi...7-dbttwedi.gif https://said.xplainer.net/images/smilies/rose.gif

حبيباتي عمرك فكرتي اذاي تساعدي ابنك انه يكون من اهل اليمين ؟
فكرتي اذاي ابنك هايكون صدقه جاريه ليكي
بتختاري لابنك احسن مدرسه و احسن مهنه و زوجه ألخ طيب فكرتي في احسن اخره
ده اختبار ليكي جوابي علي اسئلتي بنعم او لا
مفيش نقط علي الاجابات
اكيد هاتعرفي من اجاباتك لوحدك انتي فين من سؤالي
و لو اجاباتك مش عجبتك دي مجرد افكار تعمليها مع اولادك
واكيد في ناس احسن مني و بتعمل افكار احسن هاستني تقوليها
لازم كلنا نستفيد من خبرات بعض
نبدا الاسئله متوكلين علي الله

*هل بتحفظي ابنك الاذكار ؟ فيه اذكار سهله كتير الاطفال بيحفظوها لو كررتيها كتير قدامهم
دعاء الخروج مفيش اسهل منه و كمان دعاء اللبس الجديد
و دعاء النوم و الاستيقاظ سهله مناسبه للعمر الصغير

*هل بتحفظي طفلك قران ؟
كتر التكرار بيعلم الشطار جربي مهما كان عمر طفلك

*هل بتبدأي اي حاجه لطفلك باليمين ؟
يعني و انتي بتلبسيه بتبداي باليد اليمني او الرجل اليمني؟

*بتعلمي ابنك يقول بسم الله في بدايه كل عمل؟

*في الشارع بتعلمي طفلك انه يرمي القمامه في الاماكن المخصصه ليها؟
و هل انتي قدوه في الموضوع ده؟

*هل بتعفي لسانك من الشتايم و الغيبه و السخريه و الكذب قدام طفلك؟

*هل بتعودي طفلك يدعي ربنا في اي حاجه عايزها؟
لو عايز لعبه قولي ادعي ربنا يرزقك اللعبه دي مثلا
او لو عندك مشكله او عيان الجأ الي ربنا هاتتحل ان شاء الله

*هل بتقري في المصحف قدام اطفالك عشان يقلدوكي؟

*وهل بتصلي قدام اولادك و بتشجعيهم انهم يصلوا معاكي و لو حتي هايقلدوا الحركات بس؟
و بتدعي ربنا كل يوم بدعاء ( رب اجعلني مقيم الصلاه و من ذريتي ) عشان يصلوا و يحبوا الصلاه؟

*هل بتعودي طفلك انه يشكر ربنا علي كل نعمه زي اللبس الجديد الخروج الجميل اللعب الجديده؟

*هل بتخليهم يرددوا الاذان و تطفي التلفزيون ساعه الاذان و ساعه صلاه الجمعه؟

*هل بتدعي ربنا انه يعينك انك تربي اولادك التربيه الصالحه؟
و هل بتدعي لاولادك بان يزرع في قلوبهم حبه و حب من احبه وحب عمل صالح يقربهم من حبه؟


*هل بتعلمي اولادك معاني الصدق و الامانه و التعاون عن طريق حكايات بسيطه يفهمها الاولاد؟
اللي محتاجه حكايات في المواضيع دي تقولي ابعتلها

*هل و انتي خارجه بتعطي طفلك اي مبلغ صغير لصناديق الهلال الاحمر او الجمعيات الخيريه؟
ويا تري علمتيه الفلوس دي بنتبرع بيها ليه و لمين؟

*فكرتي تعلمي طفلك العطاء عن طريق تعليمه انه يتبرع بلعبه او ملابسه للمحتاجين؟

*فكرتي تقولي لابنك لما تستعمل مياه الصنبور خلي الميه متنزلش كتير عشان ده اسراف هانتحاسب عليه؟


*و في النهايه هل انتي حريصه انك تكوني قدوه صالحه؟

اعذروني لو طولت عليكم بس اكيد الموضوع يستحق
دي بعض افكاري اللي بعملها مع اولادي مش بس كلام
كلها عن تجربه بدات فيها من سن سنتين و كل ما العمر بيزيد بطور من الفكره لتناسب السن
يارب اكون عرفت افيدكم

ماتنسوني من دعائكم
ده دعاء كان توقيع عضوه من المنتدي ادعولي بيه و ادعو لاولادكم بيه لانه فعلا جميل

اللهم ارزق ذريتي صحبة الأخيار و خصال الاطهار , و توكل الاطيار
رب و بلغني فيهم غاية املي و مناي بحولك و قوتك
رب متعني ببرهم في حياتي و اسعدني بدعائهم بعد مماتي

ام نور و مهاب

https://said.xplainer.net/images/smilies/rose.gif https://said.xplainer.net/images/smi...7-dbttwedi.gifhttps://said.xplainer.net/images/smi...7-dbttwedi.gif https://said.xplainer.net/images/smilies/rose.gif

>>>>> ردود الأعضـــــــــــــــــــاء على الموضوع <<<<<
==================================

الله يجزاك الجنه صراحه شغلات غابت عن فكري
دمتي بود

__________________________________________________ __________

ـالسلام عليكم ورحمة الله وبركاته
ـالف شكر لكٍ عزيزتي على هذه النصائح ـالرائعه ومفيده
نسل الله ان يجعله في ميزان حسناتك
يقيم ويزين باحلى نجوم
بنتظار ـالمزيد من ـالعطاء
دمتي بحفظ الله ورعايته
تحيتي

__________________________________________________ __________

الله يـــحفضلگ اولادگ
ويجزااااگ خير غااااليتي

__________________________________________________ __________

المشاركة الأصلية كتبت بواسطة حبيبة اختها https://said.xplainer.net/sedty/buttons/viewpost.gif الله يجزاك الجنه صراحه شغلات غابت عن فكري دمتي بود

شكرا حبيبه اختها لمرورك نورتي صفحتي ربنا يعينك يارب في تربيه اولادك و يخليهم ليكي

__________________________________________________ __________

المشاركة الأصلية كتبت بواسطة شٌـــــــكـــًــولاه https://said.xplainer.net/sedty/buttons/viewpost.gif ـالسلام عليكم ورحمة الله وبركاته ـالف شكر لكٍ عزيزتي على هذه النصائح ـالرائعه ومفيده نسل الله ان يجعله في ميزان حسناتك يقيم ويزين باحلى نجوم بنتظار ـالمزيد من ـالعطاء دمتي بحفظ الله ورعايته تحيتي

حبيبتي شوكلاه اولا اشكرك علي تعديلك العنوان
ثاني الفضل للموضوع ده هوه اخر موضوع ليكي عجبتني فكرته جدا جدا و خلتني افكر اذاي اخلي كلامك النظري كلام عملي لكل الامهات
ثالثا شكرا علي التقييم و النجوم حقيقي اسعدتني

شكرا لمرورك اللي اسعدني و ربنا يحفظك من كل سوء