ارجو مساعدتي اخواتي -للأطفال
عنوان الموضوع : ارجو مساعدتي اخواتي -للأطفال
مقدم من طرف منتديات نساء الجزائر
ارجو مساعدتي اخواتي
السلام عليكم انا عضوة جديدة في الموقع اتمنى اننا نفيد بعض
احمد ربي عشان رزقني بولدي الله يحفظه ليا يارب
لكن باعاني من ابوه الا هوا زوجي معاه من الطبيعي انو الاولاد يكون نشاطهم زايد لكن زوجي يعامل ولدي الا عمرة سنتين كانه كبير يتعامل معاه بالعناد والخوف والازيه وكل الاشياء الا يضايق منها ولدي من باب المزح مع العلم انه موبس يحبه يموت فيه لكن ولدي سارت له ردة فعل من ناحية ابوه...ياما اتكلمت واتفاهمت واضاربت معاه عشان يغير اسلوبه بس مافي فايدة يقول ولدي وانا حر واعرف كيف اكسبه(طبعا بالحلاوة والعبة وهدا شي مؤقت)لازم اول يحبه ويحس بالأمان من ناحية ابوه بعدين يسيرو اصحاب على قولهم...افيدوني؟
>>>>> ردود الأعضـــــــــــــــــــاء على الموضوع <<<<<
==================================
السلام عليكم ورحمة الله
اختي الغالية نينو حياك الله بين اخواتك ؛ ولي الشرف ان اكون اول من رحبت بك
بالنسبة لموضوعك يذكرني بنفسي قبل عشر سنوات ؛ كان زوجي يتعامل مع ابنه بطريقة صارمة
يعني بطريقة جافة مافيها دلع ولا اهتمام ماغير صراخ وهواش وبس ؛ تخيلي وهو عمره شهور فقط
بعد كده ابتديت اعامل الولد بالطريقة اللي احب انه ابوه يعامله بها ؛ وابين للاب ماهي الحاجات اللي
تجذب انتباهه وتخليه يسمع الكلام من غير صراخ وعصبية وبالتدريج ابتدا ابوه يكتسب نفس اسلوبي
لاشعوريا لانه لاحظ هدوء نفسية الولد والبيت بصفة عامه ؛ ودحين الولد ماشاء الله عليه الكل يمدح
في ادبه واخلاقه ( مو عشان ولدي ) بس هذي الحقيقة. وهو سبب لهداية ابوه قي كثير اشياء
والحمد لله ................ في نقطة ثانية حابة الفت نظرك ليها هو انه ممكن يكون زوجك غيران من ابنه
في بعض الازواج كده سبحان الله يحب زوجته تكون له وبس ........... عشان كده حاولي تخصصي لزوجك
وقت مستقطع لكم لحالكم حتى يحس باهتمامك بيه زي اول
اسفه طولت عليك بالكلام ؛ اتركك في رعاية الله
__________________________________________________ __________
تسلميلي حنين الوجدان علي ترحيبك بي
بس الا زايد الطين بله انه هو شايف تربيتي انا غلط في كتير من الامور
وبابته ما اقصد انه يعامله بطريقة صارمه زي ما اتفضلتي يعامله بالشي الا يضايقه من الاذية والعناد مثلا يشتري له لعبه هو طالبها ومايعطي هيا الا بعد مايبكي ويعطيه بوسه وحضن يعني ينرفزه بعدين ياخذها الين تحسيه سار عدائي من ناحية ابوه ومع الاخرين وممتمسك بالاشياء حقته بشدة ولا يبغى احد يمسكها غيري انا و دادته..وما باليد حيله..
__________________________________________________ __________
اهلا وسهلا حبيبتي انا برائي انك تجلسي مع زوجك جلسه هاااديه ورومنسيه وتتكلمي معاه بكل هووووء الصراخ والخصام مايجيب نتيجه بالتفاااهم كل شي يصير وفهميه انه طفل وطبيعي حركاااته وشقااوته بس انت لا تتعامل معااه كده بكره لماا يكبر راح نتعب معاه ويكون كتير عناد وسيطره وحقد وانشااااء الله انه يغير تفكيره .. انشاء الله اكون افدتك وتقبلي تحياتي...
__________________________________________________ __________
اتمنا لكي اتوفيق عزيزتي
===========
__________________________________________________ __________
اشكر كل من شاركني جزاكم الله خيرا[/quote] [/COLOR]
