اللي تبي تعرف جنس الجنين -الجمل و الولادة
عنوان الموضوع : اللي تبي تعرف جنس الجنين -الجمل و الولادة
مقدم من طرف منتديات نساء الجزائر
اللي تبي تعرف جنس الجنين
السلام عليكم خواتي
وانا افرفر ف المنتديات واليوتيوب
عرفت طريقه بس ماجربتها للاني للحين ماحملت اسعى للحمل والله كريم
المهم الطريقه
بسيطه وسهله بس في ناس يتلخبطون وانا بعد تلخبطت لين اشوفوهم ف اليوتيوب احس اتلخبط
الطريقه هي
ماء الملفوف الاحمر انج تغلينه لمده 10 دقايق
وعقب بكميه متساويه مع البول بول الصبح تخلطينهم اذا سار لونه غامج بنت
واذا تغير لل وردي المحمر ولد
ليه الملفوف الاحمر؟؟ بذات؟؟
لان في مادة الكيمياء يعتبر الملفوف الاحمر نوع من انواع الكواشف
شلون؟
ياخذون مائه ويحطون فيه ورق كرتون من نوع خاص ينقعونه يعني عقب يجففونه
ويستخدمون الورق مثل الاشرطه للكشف ف البول اذا كان قلوي او حامضي
وبما ان طريقة الملفوف سهله بس تلخلط. مع اللون لان ف الاصل الملفوف له لون بنفسجي غامج ومع الغلي يتركز اللون اكثر
الممهم انا قريت ان في طريقه نفس الشي تبين
وهي اوضح
وبما ان الولد يكون محيطه قلوي والبنت محيط حامضي. راح يبين ف اشرطه الكشف مالت البول عزكم الله
ال PH
بحط لكم صورة الاشرطه الي عندي
في نوع بتحصلونه في مشروب Uralyt-U
هذا المشروب عباره عن باودر لونه اورنج يخلي الجسم قلوي ويشربونه ف الاصل للي عندهم رمل ومشاكل ف الكلى او المثانه ينزل املاح الجسم ..وحاطين معاه هالاشرطه للكشف بالبول اذا سار قلوي يتغير لون الورقه
من اورنج الى اخضر غااااامج يعني سار الجسم قلوي خالي من الاملاح .
ابي تجارب الحوامل لاهنتوا
يعني يبتدي من الاسبوع العاشر او ال11 يتكون الجنس للجنين ..
اذا قبل مراح يبين شي حسب تجارب الاجانب
تفضلوا هذي صور الشرايط
والنوع الثاني خذته بروحه من الصيدليه اسمه
Combur 7 Test
هذا النوع خاص ب ال PH
للبول اهم شي يكون في ال PH
عشان يبين اذا قلوي او حامضي
بالتوفيق للجميع الحوامل والله يرزق كل وحده بالي فبالها
الموضوع ( مو منقول ) جهد شخصي
والصور مالتي
وحلال عليكم للي تبي تنقله بس امانه تدعي لي بالذريه الصالحه والشفاء باذن الله
احبكم في الله
>>>>> ردود الأعضـــــــــــــــــــاء على الموضوع <<<<<
==================================
أول مرة أسمع فيه؟؟؟؟؟
مشكورة حبيبتي
__________________________________________________ __________
ربي يرزقك بالذرية الصالحة يارب
__________________________________________________ __________
لك كل الشكر اختي
الناس الحين ماتتورط خطوتين وللمستشفى حق سونار
__________________________________________________ __________
شكرا يا رزان عالمعلومة . ان شاء الله نجربها في الحمل القادم . والله يرزقك الحمل قريب وتطبقيها
__________________________________________________ __________
الله يرزقك الذريه الصالحه عاجلا غير اجلا
