قصة ولادتي بأبني "غيث" الجزء 3 - للحمل و الولادة
عنوان الموضوع : قصة ولادتي بأبني "غيث" الجزء 3 - للحمل و الولادة
مقدم من طرف منتديات نساء الجزائر
قصة ولادتي بأبني "غيث" الجزء 3
بسم الله الرحمن الرحيم
ولادتي بغيث كانت متعبة كتير بس الحمدلله اهم شي خرجنا انا وابني بالسلامة وهاد اهم شي ، اليكن التفاصيل :
بعد حملي فيه وبعد فرحتي الكبيرة الي لا توصف مرت شهور الحمل وكانت ع قلبي احلى من العسل بس اكيد في شوية تعب بس مو تعب جسمي والحمل التقيل وو و و لا انا اكتر شي تعبتني الحرقة كانت عبارة عن نار وما تهدأ الا لما استفرغ اجلكم الله
دخلت الشهر التاسع وما حبيت ارجع ع موعدي احكيلكم ليش لانه بنهاية الشهر رحت ع دكتوري والحمد لله كانت صحته منيحة وكان راسه نازل ووزنه 3 كيلو فحكيت انه مو لازم اروح مرة تانيه
كان اخر موعد الي 20/4وفي يوم 14/4 حسيت حركته خفت وما عدت احس فيها رحت ع المستشفى الي كنت ناويه اخلف فبه وفي قسم الطوارئ حكيتلهم انه حركته خفت حطتني ع التخطيط كان منيح بس طبعا لانه ماكنت ماكلة شي والسبب خوفي من الحرقةhttps://said.xplainer.net/images/smi...7-7gwplast.gif حركته بطأت شوي نصحتني انه لو حتى اكل تفاحة المهم لازم يصله الغذا
ومرت الايام وصرت بدي اكمل شهري والكل يسألني خلفتي ولا لسة وابني شكله مابده ينزل https://said.xplainer.net/images/smi...7-ehrx1i9o.gif الا بشروووط هههههhttps://said.xplainer.net/images/smilies/15.gif
يوم 16/4 حسيت بافرازات تنزل علي كانت متل مخاطية وممزوجه بدم عرفت انه قربت https://said.xplainer.net/images/smilies/ANSmile05.gif ع فكرة كنت ادعي ربي ما تنزل علي ميه الراس وكنت ادعي انه يجيني الطلق وبعدين تنزل ميه الراس علي هيك افضلي لانه اذا نزلت رح ينوموني بالمستشفى بالغصب خوفا ع البوبو مع التخطيط طبعا وانا مابدي هيك بدي اقوم واتحرك وامشي واكل عجوة >" رطب" حتى انسى وجعي
استنيت يجيني وجع بس لاحياة لمن تناديhttps://said.xplainer.net/images/smi...7-7gwplast.gif وماكان في شي اي وجع وانقطعت الافرازات علي وفي مساء يوم 17/4 كنت بنيم ببنتي ايلانا وكنت ناويه اسهر مع زوجي سهرو توديعية https://said.xplainer.net/images/smi...7-9ndhrgbt.gifhttps://said.xplainer.net/images/smilies/icon24.gifhttps://said.xplainer.net/images/smilies/icon24.gif ههه وبعد البس والمكياج وبس نمت بالسرير يعني بعده ما مسك ايدي حتى وشو صار .......... واحس نافورة مي انفجرت تحت هههههههه راحت عليك ابو الشباب ::https://said.xplainer.net/images/smilies/15.gifhttps://said.xplainer.net/images/smilies/15.gif وهو صار هيكhttps://said.xplainer.net/images/smilies/ANSmile05.gifhttps://said.xplainer.net/images/smilies/sad_2[1].gif انا لحضتها ما كان في اي وجع ابدا ابدا يعني كنت عارفة شو بستناني وبسررررعة لقيت زوجي صار لابس وانا جهزت بنتي وجهزت حالي ومريت ع اهلي حطيت بنتي عند اهلي وماما ماقبلت غير تروح معي وهي بالطريق حبيبتي شو حاسة وحبيبتي موجوعة وانا اضحك احكيلها مافي طلق بس بصراحة كنت خايفة من الي بستناني بحكم عمليتي خفت ع ابني وكنت قابلة انه اولد قيصري وما يصير شي ع ابني
وصلت المستشفى وبعد ما فحصوني داخلي حكولي عندك توسع 3 سم كانت الساعة 2 باليل زوجي كان بعمل اجراءات الدخول ودخلوني قسم الولادة انا بس دخلت سمعت النسوان الي بتصرخ والي بتبكي والي تترجى انا خفت حكيت لحالي كمان شوي بصير متلهم لبسوني الروب ونمت ع السرير
طبعا هم عارفين حالتي لاني بالاصل عملة عمليتي بنفس المستشفى سألتني الدكتورة وكانت اجنبية كم وزن البيبي حكيتلها بنهاية التامن كان 3 كيلو وحكتلي انه الي بوضعي ما الهم طلق اصطناعي ورح يستنوا انه يحمى الطلق لحاله ، حطولي مغذي وضليت نايمة ع السرير استنى رحمة ربي
بالوقت هاد كان زوجي مروح وبنتي عند خالتها اما ماما ماتحركت من مكانها وضلت تحت بغرفة الانتظار مع انهم حكولها انه مطولة وهي ابدا ما بطلع حتى اطمن ع بنتي
تروح وتيجي الدكتورة وتطمن ع البوبو
الساعة 4 بدأ الطلق الفعلي معي وبدأت اتوجع وانا على لساني غير يالله ارحمني واقرا الي حافضه من القران الكريم وماما برا تدعيلي وتقرا سورة يس وانا والله تذكرت كل الي بعرفهم ودعيتلهم ودعيت الي ولزوجي ولبنتي ولبوبو انه ربنا يحميهم ويكونوا من الذرية الصالحة
اتوجع اتوجع بس احول انسى وجعي باني كمان شوي رح حماه بحضني ابني حبيبي ورح ابوسه واحكيله انه استنيتك كتيييير يابعد عمري
صارت الساعة 5 الصبح وكان التوسع عندي 5 سم وكونه كنت قريبة من القسم ومن المكتب سمعت من السستر الي بترد عالتلفون انه ماما عالخط بتطمن علي لانه اعصابها تلفت " الله يخليلي اياك يا احلى ماما بالدنيا " حكولها لسة بدها كمان كم ساعة
تخيلوا الساعة 5 ونص صار عندي التوسع 7 سم ولازم يفتح عندي الرحم 10 سم
ورجعت ادعي ربي ويخلصني من الي انا في وريحني وارج اتذكر ابني حبيبي واحاول اكتم صوتي من الوجع
الساعة 6 وربع صرخت بالدكتورة حكيتلها تعي بدي اخلف اجت تركض بس فحصت حكتيلي بسرعة ولادة ودخلتني ع غرفة الولادة وحطتني عالسرير ورفعت اجري وكرسي الولادة وحكتلي بس تحسي بطلق اكبسي وبحكم انه مو بكريه ما جهزت اي شق وصارت توسع بأيدها وانا ع طول كبست بدون اي بنج قسما بالله انه طلع من اول دفع والمصيبة انه جرحني كتيير وهو طالع لانه ما شالله طلع 4 كيلو و200 غرام وانا لحضة طلوع صرخت ةحسيت حالي كتيير تضررت من تحت بس طلع صابني نزيف اثر الوزن واتجرحت بس كانت عيني ع ابني الي صار يبكي وابكي معه بس شفته وعيني ما شلتها عنه وما همني الخياطة مع اني اتوجعت كتييير بس لسه عيني ع ابني الي كانت تنظفه السستر وتلبسه ولفته حتى يجي لحضني خلصت تنظيف الي وخياطة ولبستني بجامتي وحطتلي ابني بحضني ياااااه عالشعور هاد الله لايحرم اي مشتهية هاد الشعور امييين وطلعوني على الكرسي وبحظني حبيب قلبي ماما بس شافتني وبحضي ابني ما صدقت وصارت تبكي وتبوسني وتبوس غيث وزوجي رنيت عليه بعد ما لقيت 10 مكالمات حبيبي ماعرف ينام حتى يطمن حكيت معه وحكيتله انه بحضني ابننا واجى طيار عالمستشفى بوسني وحكالي الحمدلله ع السلامه وشافني كتير تعبانة تضايق بس طمنته مع اني كنت متوجعة كتيير من القطب واعطيته غيث وبوسه واذن بأذنه وحكاله اهلا وسهلا فيك بعليتنا وحمد ربنا وشكره
بختم قصتي وان شالله تعجبكم
السلام عليكم ورحه الله وبركاته
>>>>> ردود الأعضـــــــــــــــــــاء على الموضوع <<<<<
==================================
الف الحمدلله ع سسﻻمتك ويتربى بعزك وعز ابوه
غيث اسم ع مسمى جدا جميل اسموه
__________________________________________________ __________
https://said.xplainer.net/images/smilies/rose.gifhttps://said.xplainer.net/images/smilies/rose.gif الف شكر حبيبتي هادا من زوءك https://said.xplainer.net/images/smilies/rose.gifhttps://said.xplainer.net/images/smilies/rose.gif
__________________________________________________ __________
الله يخليه ليكي وتفرحي فيه هوواخته
الحمدالله اللي رزقك بهاي النعمه
__________________________________________________ __________
حبيبتي وسام الصبر شكرا الك وشكرا لمرورك الك احلى وردةhttps://said.xplainer.net/images/smilies/rose.gifhttps://said.xplainer.net/images/smilies/rose.gifhttps://said.xplainer.net/images/smilies/rose.gifhttps://said.xplainer.net/images/smilies/rose.gif
واكيد دائما وابدا الحمدلله الحمدلله
__________________________________________________ __________
ألف مبروك حبيبتي جعلتني أتخيل كيف كانت و لادتك ما شاء اللهhttps://said.xplainer.net/images/smilies/rose.gif
