بنات سيدتي حبايبي اشتقتلكم وجايبتلكم الخبر الحلو - للحمل و الولادة

عنوان الموضوع : بنات سيدتي حبايبي اشتقتلكم وجايبتلكم الخبر الحلو - للحمل و الولادة
مقدم من طرف منتديات نساء الجزائر

بنات سيدتي حبايبي اشتقتلكم وجايبتلكم الخبر الحلو



نبدأ بالسلام عليكم ورحمة الله وبركاته
اجمل صديقات بالعالم واحلى خوات واطيب قلوب لقيتها بمنتدى سيدتي الله يخلي وما يحرمنا من جمعتنا الحلوة
اكيد اشتقتولي زي ما انا اشتقتلكم كتير كتير كتير وبحبكم اكتر واكتر ونفسي اطمن عليكم وحده وحده واسمع اخباركم وشو صار بغيابي
بنات باركولي انا ولدت من شي اسبوع تقريبا بتاريخ 9/3/2017 والله رزقني متل ما كنت اتمنى الحمدلله اجاني ولد زي القمر سميتو منير الله يخليه ويحفظه عالبر والتقوى يا رب
صديقاتي وانا بولد دعيت لكل الموجودات بالمنتدى الله ييسر امورهم ويبعتلهم الذرية الصالحه ويحقق امانيهم يا رب وبإذن من الله اني ما نسيت ولا وحده من دعائي
احكيلكم قصة ولادتي ما كان معي طلق ولا اي علامه من اعراض الولادة بس حركة البيبي اختفت فجأة ليوم كامل طلعت عالمستشفى قالولي لو ضل هيك كمان يوم تعاليلنا طلعت تاني يوم وعالمونتور (التخطيط) كان كل شي تمام بس الحركة ما في المهم قالولي لازم نولدك غيرت تيابي لبست روب المستشفى حماتي كانت معي كان عالجهاز يبان في طلق بس انا مش حاسه فيه الساعه 1 بالليل حطولي الطلق الاصطناعي وانا ما كنت هاكله همو متوكله على الله حماتي نامت عالكرسي اللي جمبي وانا بنععصر شوي شوي ما بدي اطلع صوت خليها نايمه وبلعب بشعري وكل طلقة تيجيني ادعي وادعي واخد نفس لحتى صارت الساعه 4 الفجر اختفى نبض الجنين اجا 3 دكاترة وجابو التراساوند وبسرعه يشتغلو حولي وين النبض انا خفت وصحيت حماتي من صوتي والحمدلله كان السبب انو عندي في بول بس مش قادرة انزلو رحت عالحمام بعيد عنكم وعالفاضي حطولي شي يسحبو وضل الجهاز فيي لانو مش قادرة اتحكم بحالي صارت الساعه 5 ونص والطلق كل مالو بزيد وما في توسع كتير وصرت اصرررررررررررررررررررخ واصيح ومنشان الله ارحموني لحتى اجت دكتور عملتلي توسع 10 سم حسيت بالراس بدو ينزل وانا من وجعي اقلهم خلصوني اعملولي اي شي بس ولدوني والحمدلله اخر ساعتين شفت فيهم الويل وكل ما اطلب مساعده من الممرضات يقلولي نحنا ما بنقدر نساعدك ساعدي حالك بحالك ادفعي دفعه قوية بالعلم هم يهوديات ولا وحده عربيه حسيتهم مبسوطين بتعزيبي صارت الساعه 7 الصبح وداخلين على يوم جمعه وانا اصرخ وادعي والحمدلله ولدت واجاني منير بست خدو وارتحت ونسيت كل التعب بس الممرضات تركوني امي كانت جاي عندي راحت قالتلهم طيب نضفوها وشيلو الخلاصة قالولها بس ترتاح خليها شوي وبعد نص ساعه اجت دكتورة تشيل الخلاص ما بسمعها الا بتقول عمليه بسرعه الخلاصة طلعت عالرحم من فوق وانا كنت شايفه الحبل السري نازل مني انا وقتها حسيت حالي رح افقد الوعي نقلوني على سرير تاني ونزلوني على الطوارئ وكان في دكاترة وبروفسورات اجو يعملولي العمليه قلتلهم وانا بصرخ نيموني من شان الله نيموني وصحيت على صوتهم وهم بيحكو معي والحمدلله عملت عمليه التنضيفات على خير ولما طلعت من غرفة الطوارء صابني نزييييييييييف قوووووي خافو علي وجابولي وحدات دم لانو دمي نزل وحطولي محل ما ولدت تلج ما بعرف شو السبب وكل هادا وانا مش مصحصحة منيح وكان لوني اصفر وضليت 5 ايام بالمستشفى وكل يوم اابكي اشتياق لبناتي لاخر يوم حطولي وحده الدم الاخيرة ومسكت حالي وعالبيييييييييت مستعجله اضم براء ويارا ولما شفتهم قلت الله لا يحرم ام ولادها ولا يحرم ولد امو يا رب ويرزق كل محرومة يرزقها الاحساس اللي حسيتو وقتها
والحمدلله هلأ منير منكد علي ما بنام منيح ولا برضع منيح وخواتو غيرانين منو والله يقدرني على تربايتهم التربيه التقيه الصالحه يا رب
طولت عليكم بس خبروني شو اخباركم لاني بجد مشتاقتلكم

>>>>> ردود الأعضـــــــــــــــــــاء على الموضوع <<<<<
==================================

حبيبتي ام منير الف مبروك منير يارب والحمد لله على سلامتك
يعلي عنجد عذبوكي الله يعينك حبيبتي المهم اومتي بالسلامه
الله يخليلك بناتك ويليكي الهم ويخحلي ولي العهد منير
وان شاء على وجهو بتشوفو الخير والسعاده يارب

__________________________________________________ __________

لا لا لا ماني مصدقه عيوني انك رجعتيلنا ثاني الحمدالله على سلامتك والف مبرووووك ولي العهد والله يخليه لك
والله اشتقنالك مووووت والحمدالله على سلامتك مره ثانيه من عذاب الولاده فتره وعدت واهم شيء خروجكم بالسلامه
https://im18.gulfup.com/2012-03-17/1331933757811.jpg

وهذي هديه احلى منير

https://im15.gulfup.com/2012-03-17/1331933818701.jpg

__________________________________________________ __________

الحمد لله على سلامتك
ادعيلي اختي انا خايفه كتير

__________________________________________________ __________

الف الحمد الله على السلامه ام منيرررررررررررررر واخير رجعتي ومبروك ماجاكي ويتربى في عزكم ان شاء الله

https://uploads.sedty.com/imagehosti...1331937890.jpg
هديه منيررررررررر الله يحفظه

__________________________________________________ __________

الحمد لله على سلامتك ومبروك الشبل الله يحفظه يارب