مشاركتي بمسابقة الحمل والولاده ((قصة ولادتي السريعه)) -للحوامل
عنوان الموضوع : مشاركتي بمسابقة الحمل والولاده ((قصة ولادتي السريعه)) -للحوامل
مقدم من طرف منتديات نساء الجزائر
مشاركتي بمسابقة الحمل والولاده ((قصة ولادتي السريعه))
https://uploads.sedty.com/imagehosti...1317664596.gif
اسعد الله اوقاتكم صبايا كيفكم
اليوم راح احكي قصة ولادتي بحملي التاني
حملي بابني صدام الله يحميه
كانت ولادتي الاولى كتير صعبه ومتعسره وعمليه ..
وبعد اربع سنوات حملت بصدام رغم خوفي الكبير من الولاده
من كتر ما تغلبت بحملي الاول ...وكنت كتير خايفه طول فترة حملي
ودائما عندي هبوط بالسكر وارتفاع بالضغط من كتر ما انا خايفه
ومرت شهور الحمل بصعوبه وكانت طويله كتير ...
وانا بطبيعتي بحمل اكتر من 9اشهر صدقا دائما بتعدى
موعدي باكتر من شهر كل ولاداتي .
المهم وصلت للشهر الاخير وكان عن كل الاشهر
ووقتها صارت حرب الخليج بين صدام حسين والكويت
واكيد عارفين كم كانت صعبه هالايام على كل الدول العربيه
وطبعا انا كنت متفقه مع دكتوري انه يولدني راسا بعمليه
ما بدي متل حملي الاول يوم طلق وبعدين عمليه
المهم اتفقنا وكان دائما يقوللي اللي ببطنك بنت
وكان يورجيني صورها ويقولي بنتك عيونها كبار
وطبعا انا كنت من اول حمل نفسي ببنت ..
وطبعا جهزت ملابس كلها لبنت وكلها الوان زهر والوان
مناسبه مناسبه للبنات ..وكانت نفسيتي تعبانه كانوا يقولوا
راح يسير حرب عند الكل وحتى انا كلنا بهالفتره جهزنا بيوتنا
للحرب وموناها وحطينا لزيق على شبابيكنا ..الكل عمل هيك
المهم نفسيه زي الزفت ويلي خوفي من الولاده
وخوفي من الحرب وضغطي ما كان ينزل المهم رحت قبل ولادتي بيوم وكنت متاخره كتير عن موعدي ووفعت ورفه اني مسئوله
انا عن اللي ببطني لانه تاخرت كتير ولادته وبلش
وزنه يضعف كتير ببطني ...ومن الخوف بنفس الليليه
صار معي وجع وطلق ونقلني زوجي عالمستشفى
ولو تشوفوا شو صار المستشفى مسكره ابوابها
وما بفتحوا لانه ساعتها صدام حسين ضرب تل ابيب
واكيد متزكرين وقتها الرعب والخوف ...وبالزور فتحوا المستشفى
الابواب وانا حالتي عالاخر وكل الناس مجهزين حالهم للحرب
وانا الوحيده بالمستشفى كلها بولد..
وطبعا الدكتور اجا وكان بيته بعيد عنا كتير
ووصل الدكتور وطبعا لقاني عالاخر وتفاجء في الدكتور
لانه مجهز عمليه ونسيت اقولكم انه الراس كان فوق
يعني قاعد الاخ وراسه لفوق ...
وكانت مفاجئه للدكتور ولاده سريعه وسهله الحمدلله
وكانت المفاجئه الكبيره انه البنت .......اجت ولد
وبس اجا الدكتور بعد الولاده سئلته وين البنت دكتور؟؟؟؟؟؟؟؟؟
جاوبني الله حولها لولد عشان تسميه صدام ...وطبعا الكل زوجي واهلي
كلهم قالوا خلص راح نسميه صدام ...والممرضات كلهم طلبوا
مني نفس الشيء اسميه صدام ..
وطبعا وافقنا احنا عشان ضرب صدام تل ابيب سميناه صدام
وتاني يوم نسينا الحرب وكل شيء وجاب جوزي الحلو والكنافه
حلى المستشفى والجميع والحمدلله اجا صدام
ولد بجنن وزنه كن 3كيلو وكان مجعد قد ما هو ضعفان
بس كان بجنن وفعلا عيون كبار كتير وعيونه خضر بجننوا
والحمدلله صدام هلاء عمره 21سنه شب بجنن وزي القمر
ادعوا معي امانه الله يوفقه ويحميه يارب ويسهل اموره
والحمدلله بعدها حملت 3مرات وكانوا ولادات سهله كتير
بحمد من الله كله هذا
واتمنى تعجبكم يارب قصتي وشكرا الكم
وهي صورة صدام وهوه صغير طبعا
ملاحظه ....
حتى انه الدكتور والمستشفى ما قبلوا ياخدوا اجرة الولاده
منا عشان سميناه صدام
https://forum.sedty.com/imagehosting...1295731285.jpg
https://uploads.sedty.com/imagehosti...1317666021.gif
>>>>> ردود الأعضـــــــــــــــــــاء على الموضوع <<<<<
==================================
ما شالله الله يخليلك اياه
https://www.tayma2.com/vb/imgcache/2/25776gi77op.gif
__________________________________________________ __________
الله يوفقه ويحميلك اياه يارب ويسهل اموره
آآآآآآآآآآآآآمين
قصتك حلوة
__________________________________________________ __________
الله يسلمك حبيبتي ويسعدك
تسلميلي يارب
__________________________________________________ __________
الله يسعدك يارب حبيبتي ويرزقك يارب ولد متله
ان شاءالله
__________________________________________________ __________
الله يحميه وينجحه يا رب قصه كتير حلوهhttps://said.xplainer.net/images/smilies/rose.gifhttps://said.xplainer.net/images/smilies/rose.gif
