قصة ولادتي لإبني احمد ...مشاركتي في مسابقة الحمل والولادة 3 .... -الجمل و الولادة
عنوان الموضوع : قصة ولادتي لإبني احمد ...مشاركتي في مسابقة الحمل والولادة 3 .... -الجمل و الولادة
مقدم من طرف منتديات نساء الجزائر
قصة ولادتي لإبني احمد ...مشاركتي في مسابقة الحمل والولادة 3 ....
https://im12.gulfup.com/2017-12-03/1322943873508.jpg
مرحبا يا كرووووووووشات ...
اليوم راح اكتبلكم قصة حملي بإبني الأول احمد ...فأنا ام لطفلين والثالث بيجي على الطريق بعد شهرين ان شاء الله ...
نبدأ القصة ...
https://im12.gulfup.com/2017-12-03/1322943873226.gif
بعد قصة حب بيني وبين زوجي دامت لمدة سنتين https://said.xplainer.net/images/smi...7-dbttwedi.gif...خطبنا وكانت فترة الخطوبة طويلة ...دامت لثلاث سنوات ...واخيرا تزوجنا ...https://said.xplainer.net/images/smi...ooh[1].gif
https://im12.gulfup.com/2017-12-03/1322943873647.jpg
وكانت ليلة عرسي موعد الإباضة عندي ...وبعد اسبوعين مالقيتلكم يا بنات وخير اللهم اجعله خير ...الا وكتلة دم نزلت مني ...وصرت اصرخ وابكي من الوجع ...https://said.xplainer.net/images/smi...7-vzp7onvp.gif اتاريني كنت حامل ...بس الحمل كان ضعيف وما ثبت ونزل ...
وقتها ما كان فارق عندي الحمل كتير لأني كنت بعدني عروس جديد ...لكن الشهر اللي بعده لما جتني الدورة زعلت كتيييير ...انا وزوجي ...
مع انه كنا في الخطوبة متفقين ما نجيب اطفال على طووول و...وانه بدنا نعيش حياتنا ...ومن هالكي اللي مافي اكثر منه ...لكن بس اتزوجنا ...كانت السنة اللي تزوجنا فيها اكثر سنة صار فيها اعراس في عيلتنا ...وكلهم بجيلي انا وزوجي ...ومتل ما بتعرفوا اكيد بتشتغل الغيرة ...فلان مرته حامل ...فلان لسا ...ومن هالحكي ...
https://im12.gulfup.com/2017-12-03/1322943873226.gif
الشهر الثالث ...تأخرت الدورة عني ثلاث ايام ...قلت يمكن حامل ...وراح زوجي وجابلي التحليل ...وكانت للأسف نتيجته سلبية ...وصرت ابكي وزعلت كتيييير ...اهي اهي .https://said.xplainer.net/images/smi...7-vzp7onvp.gif..وصار زوجي يهديني ويقوللي ليه بتبكي احنا مو مستعجلين ....على اساس انه مو مهتم ثقلان يعني ....
الشهر اللي وراه ...تأخرت دورتي يومين ...انا رحت جبت التحليل وعملته من غير ما اقول لحد ...وطلعت النتيجة سلبية ...زعلت بس قلت يمكن لسا بدري ...بعد ثلاث ايام ...رحت للدكتورة برضو بالسر ...وعملتلي فحص بول الله يكرمكم ...وغابت 10 دقايق ورجعت والضحكة على وجهها وقالتلي ...مبروووووووك حامل ...https://said.xplainer.net/images/smilies/winner.gif
انا من وقتها لحد ما وصلت البيت وانا مصدومة من كتر الفرحة ...ونفسي ابكي ...https://said.xplainer.net/images/smi...7-9ndhrgbt.gif
المهم يا بنات ...على اساس انه تعب الحمل بلش عندي اول ما سمعت الخبر ...وديت لأخوي الصغير يساعدني في شغل البيت (لأنه اختي المتزوجة مسافرة) ...يااااي ...https://said.xplainer.net/images/smi...7-9ndhrgbt.gif
وخبيت ورقة الفحص في شنطتي ...بس نسيتها مفتوحة ...شوفوا الهبل ...ولما رجع ابو الشباب ما خبرته على طول قلت بخبره بس يروح اخوي لما نصير لحالنا ...ودخل زوجي الغرفة عشان يبدل ملابسه ...وفجأة لمح طرف ورقة الفحص ...وقتها انا ركضت بدي اخبي الورقة ...ولكن شاء القدر انه توقع بإيده اول ...ومسكها وقاللي ...انتي رحتي للدكتورة طيب شو قالت ...طيب شو صار معك ؟؟؟ومن غير ما اجاوب قاللي انتي حامل ؟؟!!!
قلتله آه ...على طول ضحك ضحكة وشفت بعيونه نظرة ما شفتها من قبل ...واخدني وضمني وقبلني ...وبعز هالمنظر ...التفت علي وقال : عشان هيك جايبة اخوكي ينظفلك البيت !!! اهيء اهيء خرب اللقطة ...https://said.xplainer.net/images/smi...7-7gwplast.gif
https://im12.gulfup.com/2017-12-03/1322943873226.gif
وبعدها مرت شهور الحمل وكانت صعبة للغاية ...وحامي كان دوخة واستفراغ طول التسعة اشهر ...كان اغرب وحام ...
وفي الشهر الرابع رحت اشوف جنس الجنين ...قالتلي الدكتورة يمكن بنت ...انا من عشقي للبنات قلت خلص بنت ...ورحت ابشر زوجي اللي فرح بس فرحة باهته ..اتاريه كان حابب ولد بس ما حكى ....وبعد شهرين اتزحلقت يا بنات وخفت يكون صار للبيبي شي ...فرحت انا وزوجي للمشفى ...وهناك فحصوني على الجهاز ...وصارت الدكتورة تقول لزوجي الحمد لله الولد ما فيه شي !!!! زوجي بكل استغراب قاللها ...اي ولد قالولها فيها بنت ؟؟؟!!! قالتله لا فيها ولد وهي عضوه الذكري ....طبعا زوجي طار من الفرحة وصار ينط ويفط ...وفزع الدنيا ...انه طلع ولد مو بنت ...انا مني وعلي قلت الحمد لله كله منيح ..وبيني وبينكطم خلصت لأنه عيلة زوجي كل اولادهم بيجيبوا اولاد في الأول وبعدين بنات ...فكملت مع زوجي ...ههههه...
https://im12.gulfup.com/2017-12-03/1322943873801.gif
وبس دخلت بشهري بيومين ...وبما اني كنت بكرية ما بعرف وجع الولادة ...اول وجع حسيت فيه ...فكرته وجع ولادة ..وخليت ابو الشباب ياخدني على المستشفى انا وحماتي ...وهناك بعد الفحص ...قالتلي الممرضة اللي هناك توسع 2 سم ...روحي امشي و ارجعيلنا بالليل ...ونصحتني اشرب زيت خروع وسفن اب ...عشان يزيد التوسع ...
وفعلا عملت متل ما قالت ورجعت بالليل ...شافتني ممرضة تانية ...وفحصتني داخلي قالتلي لسا توسع 1 سم ؟؟!!!! مش وقت ولادة ...
تخيلوا شو صار فيه ...كيف ممكن الرحم يسكر بعد ما يفتح ؟؟ هاد جزء من عمايل المستشفيات فينا ...
https://im12.gulfup.com/2017-12-03/132294387352.jpg
بعدها يابنات صرت كل يوم امشي وامشي وامشي لحد ما تورم رجليي من المشي ...ومن وجع الرجلين صرت ما اميز وجع الولادة من وجع رجليني ...
وصرت على اقل وجع اروح للمستشفى ...حتى صرت رايحة 6 مرات ويرجعوني ...حتى اني صرت استحي من زوجي وبيت حماي من كتر ما رحت ورجعت ...
https://im12.gulfup.com/2017-12-03/1322943873226.gif
وفي المرة السابعة قبل ما اروح ...من غير وجع ولا شي حسيت بمي بتنزل مني شوي شوي طول الليل ..فكرتها افرازات ...فحكيت تلفون مع اختي اسألها قالتلي هادي علامة ولادة ...وفعلا الصبح رحت انا وزوجي على المستشفى ...ما كان عندي الا توسع 2 سم بس مية الراس كانت بتنزل ...
والله لا يوفقها الممرضة اللي هناك قالتلي لا حبيبتي مافيكي شي هادي مو مية الراس المية حول الجنين منيحة وخلتني ارجع للبيت ...ورجعت وانا مو مقتنعة ...
وبنفس اليوم ...ضلت تنزل علي مية الراس لتاني يوم الفجر ...عندها قلت خلص لازم اروح للمستشفى ...مش راح اسكت ....ولما رحت كانت المفاجأة ...
مية الراس نازلة كلها والبيبي كان على وشك يموت ...لأنه صار الرحم جاف ...ونفس الممرضة ...فحصتني وصارت تصرخ مين رجعها المريضة ولادة من امبارح والبيبي في خطر وراح يحتاج حاضنة ...وما حاضنات زيادة في المستشفى لازم نحولها لمستشفى خاص ... انا شفتها مهتمة فيه هيك قلت يا بنت اسكتي شكلها مهتمة فيكي وراح تهتم فيكي ...وتولدك بمستشفى خاصة ...وياريت ما سكتت لانه لاقولي حاضنة وولدت بنفس المستشفى ...
المهم اول ما سمعت الكلام هاد فجأة صابني وجع ...تخيلوا ثمن مرات رحت فيها وكان عندي وجع ما ولدت ...والمرة اللي رحت فيها وانا بضحك بس لأنه مية الراس نازلة طلع عندي ولادة ؟؟!!! سبحان الله ..
المهم اعطوني طلق صناعي ..وبلش الوجع ...وكنت بطلق في غرفة مع وحدة تانية ...واسمع صوت النسوان وهمه بيصرخوا ...واقول في عقلي همه ليه بيصرخوا صحيح الولادة بتوجع بس مو لهدرجة ...(( واثقة من حالي كتير ))
وبعز الطلق ...اللي جنبي قامت عن السرير ..واول ما وقفت صار البيبي ينزل منها ...وركضت عليها الممرضة عشان تمسك البيبي قبل ما يوقع على الأرض ...تخيلوا ولدت جمبي ...وانا يا بنات شفت هالمنظر وصرت ابكي عليها ونسيت الوجع ...صرت ابكي من الخوف ...وبعدها بعشر دقايق ...اجت الدكتورة وفحصتني لقت عندي توسع 10 سم ....شكله من الخوف ههههه...قالتلي يلا شطورة هلأ راح اولدك ...واخدتني على كرسي الولادة ...الله يسعدها ...والله ساعدتني كتير وبعشر دقايق كنت والدة ...واول ما ولدت وطلع البيبي ...قالتلي مبروك ولد وشبه ابوه يللا شو بدك تسميه ( وفعلا كان شبهه لأبوه كبير...وحطته على صدري ...يا الله يا بنات شو شعور حلو ...حملته وصرت ابكي واضحك وانا المس شعره واقول الحمد لله الحمد لله ....يا رب لا تحرمني منه في ولادتي الثالثة ...لأنه ابني الثاني ما شفته الا تاني يوم لأنه دخل الخداج كمان ....
المهم قلتلها هسميه احمد ...
https://im12.gulfup.com/2017-12-03/1322943873143.png
وبسرعة نظفته ولبسته ...واخدته وسبقتني توريه لأبوه...وقتها شفت فرحة زوجي اللي اخذ الولد وكان طاير من الفرحة ...
وبعد ما ارتحت جابولي ابني ارضعه ولكن للأسف ما رضع مني وكان يإن ...فأخدته مني امي وزوجي وودته للدكتور اللي بالمستشفى ...وللأسف اضطروا يدخلوه الخداج اربع ايام لأنه كان عنده مشكلة بالتنفس ...بسبب مية الراس اللي نشفت عنه ...الله لا يوفق الممرضة مرة تانية ...
وكل يوم كنت اروح اشوفه وارجع مع ان القطب هلكتني بس كرمال ابني هان الوجع ...وفي اليوم الرابع رحت واخدته ...
احمد اليوم عمره اربع سنوات الله يحفظلي اياه يا رب ...هو واخوه ...واللي بده ييجي ...
https://im12.gulfup.com/2017-12-03/1322943873226.gif
وهادي صورة لإبني احمد هلأ مع اخوه الصغير سامر :
https://im13.gulfup.com/2017-12-03/1322948189761.jpg
سامحوني طولت عليكم ...اتمنى انه تكون قصتي عجبتكم ...لا تنسوا تدعولي اقوم بالسلامة اولا ...وتقيموني ثانيا ...سلام يا عسولات ....قصدي يا كروشات ....
https://im12.gulfup.com/2017-12-03/1322943873814.gif
هدير البحر
>>>>> ردود الأعضـــــــــــــــــــاء على الموضوع <<<<<
==================================
الحمدلله على السلامة يمكن
متأخرة اظن بعد6 او7 سنين
وان شالله تفرحي فيه وتشوفيه عريس
__________________________________________________ __________
قصتك حلوة كتير وممتعة ما شاء الله عنك
الله يخليلك احمد يا رب ويخليلك اخوه واللي بده ييجي على الطريق كمان
تقييم+نجوم
__________________________________________________ __________
الله يسلمك يا رب ...بس ابني بعده صغير عمره 4 ونص ...لسا ...واخوه ثلاث سنوات ...
شكرا علر الرد الحلو ...يا عمري...
__________________________________________________ __________
الله يسعدك يا ربي ...شكرا على المرور العطر ...وشكرا كتير كتير كتير على النجوم وعلى التقييم يا مشرفتنا الغالية ....
__________________________________________________ __________
ماشاء الله عليك يا هدير
ربي يحفظ لك أولادك وتشوفيهم في أعلى المناصب يارب
طرج جميل ومنسق غاليتي ،،،
تستاهلي التقييم
