––––•(-• ((مشاركتي بمسابقة الحمل والولادة)) قصة ولادتي •-)•–––– -الجمل و الولادة

عنوان الموضوع : ––––•(-• ((مشاركتي بمسابقة الحمل والولادة)) قصة ولادتي •-)•–––– -الجمل و الولادة
مقدم من طرف منتديات نساء الجزائر

––––•(-• ((مشاركتي بمسابقة الحمل والولادة)) قصة ولادتي •-)•––––



https://files2.fatakat.com/2017/4/13036742651260.gif

https://files2.fatakat.com/2017/6/13069191231981.gif


https://wow.mrkzy.com/breaks/bears/24.gif



في البداية أحب اشكر مشرفات قسم الحمل والولادة على المسابقة الحلوة
https://wow.mrkzy.com/breaks/heart/18.gif
طبعا انا رح اكي قصة ولادتي الثانية لانها فيها مغامرات اكثر

في بداية الشهر التاسع من الحمل كان يبدأ علي التعب والارهاق وكانت حركة البيبي كثير خفيف فاخذت موعد عند دكتورتي وحولتني للمستشفى على شان اعمل تخطيط للجنين وكان التخطيط عادي يعني الجنين مش بوضع الولادة .
مع انه الجنين (البنوتة) كانت من الشهر السادس وهي نازلة على الحوض.
طبعا الدكتورة نصحتني اني امشي والله اني مشيت مشي لما انقطع نفسي كل يوم مشي يمكن اكثر من ساعتين وبيصير عندي وجع وبس ارتاح وانام يروح الوجع .
وفي تاريخ 3\5\2017 كنت مخلصة 3 اسابيع من الشهر التاسع كان وضعي عادي ما في أي الم نزلت عند دار عمي وسهرت معاهم وطلعت على البيت خلصت شوية شغل وبعدها نمت.
https://wow.mrkzy.com/breaks/bears/27.gifhttps://wow.mrkzy.com/breaks/bears/27.gif


وانا نايمة تقريبا الساعة 3 قبل الفجر حسيت اشي نزل مني فقمت على طول على الحمام (الله يكرمكم) والا انها مية الراس طبعا انا كثير خفت وظليت افكر شو بدي اعمل وكان في الم مش طبيعي عم بيزيد بالتدريج
كان عندي شوية شغل بالبيت كملتهم والالم عم بيزيد وتوضيت وقرأت سورة مريم ويس واكمن سورة وقات شوية ادعية .
طبعا راقبت الوجع كان كل 10 دقايق وبعدها صار كل 5 دقيق وبعدها اذن الفجر وصحيت زوجي علشان يصلي وقلتله شو صار معي وخليته يحكي مع حماتي على شان تحضر حالها
نزلت ابني عند عمته الصغيرة وطلعنا بالسيارة وكان الوجع بيزيد وكنت مش قادرة اتحمل وظليت ساكتة على شان ما اخوف زوجي .
https://www.lakii.com/vb/smile/11_70.gifhttps://www.lakii.com/vb/smile/11_70.gif

https://www.lakii.com/vb/smile/12-38.gif

بالمستشفى دخلت على الممرضات وكان في وحدة كثير كويسة خلتني اروح على الحمام وبعدها فحصتني فحص داخلي وحكت ما لازم اتحرك لان الرحم فاتح 4سم وشوي وباي لحضة اولد لكن للاسف الممرضة روحت واجت وحدة غيرها ما عندها تفاهم نهائيا ضلت تفحصني داخلي وشو تقول راس البيبي رافع يا تساعدينا على شان ننزله يا نحولك على القيصرية طبعا انا خفت من كلامها وبعدها زاد الوجع كثير وحكت شوي وبحطلك مسكن يمكن تركتني ساعة وانا مش قادرة من الوجع لكن بعدها ما صبرت بدا الطلق يزيد وانا مش قادرة اتحمل بديت اصرخ وانادي وادعي ربي بصوت عالي والله من الوجع اللي سببتلي اياه الممرضة .
وبعدها اجى الدكتور وقالي اطمني شوي وتولدي واعطوني مهدئ ومسكن بعدها حسيت حالي بعالم ثاني

https://www.lakii.com/vb/smile/12-38.gif

ودخلوني على غرفة الولادة الساعة 9:15 وحطوني على كرسي الولادة وبدات الممرضة تحط ايدها علشان تنزل راس البيبي وانا اطلق طبعا انا هون صابني حالة هستيرية ضليت اصرخ واصرخ https://www.lakii.com/vb/smile/5_80.GIFوهي تحكي ما يصير تصرخي وضليت اصرخ ونزلت رجلي من على كرسي الولادة وقلتلها نادي الدكتور طبعا الدكتور واقف عند راسي ويحكي لي : انت ليه بتصرخي طبعا انا باعلى صوت قلت للدكتور: انا حرة بدي اصرخ وهو يحكي لي: انت كيف ولدتي اول مرة طبعا انا باعلى صوت : مش هيك ولدت والله العظيم مش هيك https://www.lakii.com/vb/smile/19_74.gif
وما حسيت الا وانهم يعطوني ابرة منوم ومهدئ وصحيت والا الساعة 11 وشوي وكل الممرضات يحكولي الحمدلله على السلامة وانا طبعا صوتي رايح من الصراخ وبعدها طلعت على غرفتي وشفت امي وحماتي واجى زوجي وتطمنو علي وانا ما الي صوت وحماتي تقول فضحتينا بصوتك كان مالي المستشفى .

https://www.lakii.com/vb/smile/12-38.gif

https://www.lakii.com/vb/smile/13_227.gifhttps://www.lakii.com/vb/smile/13_227.gif

طبعا الحمدلله على كل اشي ولدت الساعة 9:15 الصبح يوم الاربعاء 4\5\2017 وجبت بنوتة ما شاء الله عليها صحيح تغلبت بولادتها وكانت اصعب من ولادتي الاولى بس كل شي يهون على شان نشوفهم بين ايدينا حاليا البنوتة قربت تخلص الشهر الرابع من عمرها وسميتها (الاء ) الله يخليها لي هي واخوها (محمد) .
طبعا ولادتي الاول كانت نوعا ما اسهل بكثير ولازم كل وحدة منا ما تقارن ولادتها باي وحدة ثانية حتى نفسها .
بالنهاية اطلب من رب العالمين انه يرزق كل محرومة بالذرية الصالحة عاجل غير آجل
آآآآآآآآآآآآآآآآآآآآآآآآمين يا رب العالمين

https://wow.mrkzy.com/breaks/bears/20.gifhttps://wow.mrkzy.com/breaks/bears/20.gif

>>>>> ردود الأعضـــــــــــــــــــاء على الموضوع <<<<<
==================================

الحمدالله على السلامة حبيبتي
والله يخليلك اياها يا رب

__________________________________________________ __________

الحمدلله على السلامه وتتربى بعزك

__________________________________________________ __________

الحمد لله على سلامتك حبيبتي ومبروك البنوته تتربى بعزكم يارب
اصتك كتير حلوه وبتجنن ومن كلامك مبين او دمك خفيف
تستحقي التقييم والنجوم

__________________________________________________ __________

يعطيك العافية
وربي يحفظ لك اولادك

__________________________________________________ __________

الحمد لله على سلامتك .. ذكرتيني بحالي وانا بولد ..