بعد طول غياب احب اقولكم قصة ولادتي -للحوامل
عنوان الموضوع : بعد طول غياب احب اقولكم قصة ولادتي -للحوامل
مقدم من طرف منتديات نساء الجزائر
بعد طول غياب احب اقولكم قصة ولادتي
:) السلام عليكم سيدااااااااات
شلونكم حبوبات شخباركم
بعد طول غياب احب اقولكم قصة ولادتي
ولو انها يت متأخر بس ميخالف
احم احم :)
كان يوم الاثنين وكنت يومها مداومه عاااادي
بس كنت احس من ايام ان ريولي مادري شلون كأنها مفصوله شوي عن حوضي
وكنت مضاااااااااااااااااااايقة وطااقة جبدي من المللل كنت زهقاااااانه من كل شي من شكلي ولبسي والثقل ااااه يا الثقل وكنت اتهدد اشرب دارسين بس ادري مو وقته كان باقيلي اسبوعين على موعدي
رديت من الدوام تغديت مع ريلي عااادي ما فيني شي بس في الم خفييييييييييييف وعادي اييني من وانا بالسابع يشبه الم الدوره فعادي ماله علاقه بالولاده ..
العصر ريلي راح الدوام وانا قعدت بالبيت بروحي :( مليت فقلت ليش ما امشي يقولون المشي يقرب الولاده .. دقيت على الوالده كلمتني وشكلها نايمه فقتلها خلاص كنت بتمشى معاج بس مدامج نايمه اكلم ابوي .. كلمت ابوي جان يقولي شفيج صوتج تعبان فيج طلق ؟ قتله خفييييييف .ز جان يخترع:icon25: .. ويقولي صج !! قتله يبه الم عادي اييني من السابع ماكو شي يديد .. بس اهو تم مخترع .. قتله يبه انت فاضي ؟ بغيت احد يمرني علشان ابي امشي . قالي بس جذي ؟ حاااااااااضر .. الحين امرج بس خل ابلغ امج اكيد راح اتيي معانا .. قتله لااااااااااااااااااا اهيا نايمه توني مكلمتها .. قالي ما عليج راح تستانس اذا بغلتها .. قتله لا يبا شنو تبلغها فيه انا ما فيني شي قالي ما عليج وراح كلمها شوي والا امي داقه علي مخترعه تقولي شفيج توني مكلمتج مافيج شي شنو انتي تطلقين !!! قتلها لااااا بس ابوي اخترع انا حاسه بألم في مفاصلي بس خفيف والم الدوره بس وايد خفيف وعادي ماكو شي .. جان اتقولي انزين سويلج دارسين وحليب وقعدي شربي ..
وانا كل الي ناقصني احد يقولي شربي دارسين https://said.xplainer.net/images/smi...n23[1].gif https://said.xplainer.net/images/smi...n23[1].gif https://said.xplainer.net/images/smi...n23[1].gif
وعلى طووووووووول رحت اسويلي مطارة دارسين ومطارة حليب ويبت كوب وعسل وكل شوي اصبلي نص كوب دارسين ونص كوب حليب واحط معاهم عسل وراااااااايحه كوب ورا الثاني .. بعدها ريلي رجع من الدوامجان اقوله شرايك نروح مذركير نكمل اغراض البيبي ما كنت شاريتله هدوم شتويه .. قالي يلا .. وطلعت .. رحنا بلازا في مذركير وفيه ا شياء وايد غيره .. دخلنا محل تلفونات والا ريلي يبي يشتريلي تلفون يديد لان تلفوني اخترب صار ما يشحن .. المهم وانا هناك جان احس بألم في ظهري بسرعه راح .. خلصنا من محل التلفونات وخلصنا من مذركير بعدها مرينا بيت يدتي جان يدتي تقولي شكلج ولاااااااااده ويهج يقول ولاده .. قتل الله يسمع منج .. بعدها ردينا البيت .. جان اشربلي كوبين دارسين ابي اولد مليت خخخخخ
ونمت .. الساعه 1,30 قعدت على الم قوي بس قلت خل اكمل نومتي اكيد تو الناس على الولاده .. زنمت قعدت بعد خمس دقايق على نفس الام بس كنت تكرمون حاسه اني ابي الحمام .. قمت على حيلي جان أخر ماي :icon19:
اخترعت سكرت ريولي وقمت امشي شوي شوي ابي الحمام وانا رايحه الحمام قمت اقول حق زوجي قوم قوم قوم انبط جيس الماي .. ريلي قام مخترع يقولي هاااا :eek: ..
حتى بالحمام قام ينزل علي ماي وبسرررررررررررررررعه لبست عباتي وطيرااااااااان انا وريلي علمستشفى دغري .. وبالطريج كلمت امي وابوي وكلمت دكتورتي قتلها انا رايحه حق اي مستشفى .. والألم بدا يخف ليما وصلنا المستشفى تقريبا اختفى .. افحصوني والا مفتوحه 2 سانتي بسس :icon26: ضاق خلقي .. وطبعا لازم ادخل غرفة الولاده لان الماي نزل .. اصلا حتى وانا بالمستشفى والماي كل ساع نازل علي شوي .. المهم انا عبالي ان اول ما ادش راح اولد :) اعليميه
المهم .. دخلت غرفة الولاده وبعدها امي وابوي وصلوا واقعدوا وياي كلهم .. اخذت لبس الولاده ورحت الحمام البسه والماي شغال كل ساع ينزل شوي .. وقعدت على الفراش تابعوا نبض الجنين لقوه الحدلله زين .. قالولي دكتورتج تقول لازم طلق صناعي قلتها لاااااااااااااااااااااااا ابي اولد بدون الطلق الصناعي .. قعدت اتمشى بالغرفه عشان اييني طلق لان طلقي كان خفيييييف والام الي قعدني من النوم كان الم جيس الماي الي انبط ما كان فيني طلوق .. زوجي وابوي كانوا تحت وانا وامي بالغرفه وانا امشي امشي ابي الطلق اييني ولكن هيهات .. المهم وانا امش والا اسمع صوت وحده بالغرفه الي يمنا اتصاااااااااااااااارخ من قمت راسها :8[1]: جان انا وامي نقعد ندعيلها وبصراحه ياني خوف من سمعت صراخها .. شوي والا ابوي وزوجي ياين ركض عبالهم هذا صراخي https://said.xplainer.net/images/smilies/15.gif لو تشوفون اشكالهم واهما خايفين اتموتون من الضحك .. طبعا لقوني اتمشى عادي والضحكة من اهنييه لي اهنيه ومافيني شي .. يوم نوصل المستشفى كان الساعه 2 الا ربع .. تخليوا انا 1.30 بفراشي و2 الا ربع احنا بالمستشفى متخيلين السرعه الي وصلنا فيها .. وطبعا الي ساعد ان الشوارع كانت خاليه .. المهم قالتلي السستر اذا صارت الساعه 4 وما ياج طلق لازم انحطلج الصناعي قتلها اوكي .. علشان سلامة البيبي كان لازم اقبل https://said.xplainer.net/images/smilies/001111.gif .. وصارت 4 وحطولي الصناعي :( .. دكتورتي كانت قايلتلي عن ابرة الظهر ومادحتها لي .. وانا كنت تقريبا موافقة .. بس ما كنت مقرره .. يوم جربت الطلق الصناعي بالبداية كان هين بس بعدين الله لا يراويكم .. كان عبالي اني قاعده اصارخ من الالم بس عقب امي قالتلي اني ما كنت اصارخ بس كنت أون من الألم .. طول الوقت اقول آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآه وابوي يرد علي يقولي آآآآه آآآه .. https://said.xplainer.net/images/smi...n23[1].gif عقب قمت اقول ياااااااااااااااااااارب ويردون علي امي وزوجي يقولولي يا رب يا رب هههههههههههههه والله انموت من الضحك اهما طبعا يبون يخففون عني بعد ما بيدهم شي مساكين .. وطبعا السسترات طول الوقت على اتصال مع دكتورتي واهيا اتوجههم .. وما كنت مفتوحه غير 3 سانتي :( .. طبعا بعد ما شفت الالم قتلهم وييييين الابرااااا ابي الابراااااااا .. جان اتقولي السستر ان لازم تكونين مفتوحه على الاقل 4 سانتي .. ضاق خلقي .. وكل ساع اقولها ها شكثر مفتوحه .. ليما انفتحت 4 سانتي جان ايي دكتور التخدير .. طبعا ما كان هامني دكتور والا دكتوره المهم اخلص من الالم الي انا فيه .. المهم ابوي وزوجي اطلعوا وظلت امي .. امبيه لو تشوفون شلون يعطون ابرة الظهر شي مو طبيعي .. قالي قعدي ع لى حيلج وخلي راسج بين ريولج .. ولا تتحركين كلش .. طبعا انا وايد كنت مطيعة علشان اخلص من الالم الي انا فيه .. وطبقت الي قاله بالحرف الواحد .. اهوا قزني الابره وانا حسيت بس ما كان يعور المهم بعدين يوصل انبوب بمكان الابره هذا الانبوب كل ساعه ايون يحطون فيه مخدر ... بعدها ما حسيت بشي كلش .. ويات الدكتوره وقمت اسولف معاها ومع اهلي عادي ما جني اطلق اصلا .. الساعه 7 قمت احس بضغط صوب حوظي فقلت حق الدكتوره شافت والا مفتوحه8 سانتي .. قالتلي دفعي دفعت قالتلي ممتاااز .. خلاص الحين اذا قتلج تدفعين دفعي جذي....
تعبت من الكتابه ارتاح وارد اكمل اوكي ...
>>>>> ردود الأعضـــــــــــــــــــاء على الموضوع <<<<<
==================================
يلا غلا حبيبتي كملي انا انطر اتكملين قصتج
بس صج عشت معاج الموقف هههههههههههه
__________________________________________________ __________
نا أيضا بودي ا كمل القصة معاك حبيبتي
__________________________________________________ __________
والله قصة مميزة
اشكرك اختي والله يعطيكي العافية ويخليلك ما اعطاكي يارب
وبانتظار البقية
__________________________________________________ __________
هلا هلا هلا شوكولاته
اكمل ولا يهمج
الدكتوره شافت والا مفتوحه8 سانتي .. قالتلي دفعي دفعت قالتلي ممتاااز .. خلاص الحين اذا قتلج تدفعين دفعي جذي.... قلت اوكي وعبالي خلاص انتهت المأساة اثاريها بدت .. قالتلي يلا دفعي دفعت قالت اقوى .. تعصرت اقوى ما عندي ماكو فايده وبما اني ما احس بالألم ولا بالطلقات فالدكتوره تقولي اذا الخلصت انها خلصت واول ما اتييني الطلقة الي وراها تقولي يلا يلا يلا دفعي اقوى اقوى اقوى .. وانا بأقوى ما عندي وماكو فايده :( ونبض الجنين بدا يقل فالدكتورة قالت شفط .. يات الطلقة الي وراها جان تشفط الدكتوره وقالتلي يلا ساعديني دفعي معاي دفعت جان يطلع البيبي وعلى طول حطوه على صدري بس كنت خايفه وايد عليه لان كان مختنق وعافس ويها ومبطل حلجه وويها ازززززرق وجسمه عليه مادة بيضه .. وبسررررعه السسترات يابوا شغله يشفطون فيها الماي الي داخل خشمه وحلجه وبعدين شالوه وقاموا يعابلون فيه مع دكتور اطفال وبعدها سمعت صوته يقووول واااااااااااااااه واااااااااااااااااااااه واااااااااااااااااااااه وامي شايلته وتحوس فيه بوصاخته وتشمه وتقول ريحته دياي هههههههههههههههههه .. انا كنت واعيه بس تعبببببببببببببببببببببببببببببباااااااااااااااااا نه من كثر التعصر والدفع ومالي خلق شي .. قالولي تبين ابرة منوم جان بسلامتي اكولهم لا لا انا راح انام بروحي ولا نمت ولا شي تميت صاحيه ليما بليل واحس ان الاحداث الي تمر جدامي جنها شريط فيديو ما جنه صج ..
هذي قصة ولادتي اتمنى عجبتكم واتمنى تستفيدون منها ....
__________________________________________________ __________
مشكوررررة بصراحة انسجمت مع القصة خطييييييرة
