قصتي المؤلمة بولادتي بابني مخنوقة ومحتاجة مساعدتكم -تم الرد

عنوان الموضوع : قصتي المؤلمة بولادتي بابني مخنوقة ومحتاجة مساعدتكم -تم الرد
مقدم من طرف منتديات نساء الجزائر

قصتي المؤلمة بولادتي بابني مخنوقة ومحتاجة مساعدتكم



السلام عليكم و رحمة الله و بركاته اخواتي ان شاء الله تكونو كلكم بخير
ترددت قبل ما اكتب موضوعي لانو طويل و يمكن تملو و انتو تقرأو قصتي بس قلت مالي غيركم افشلكم قلبي و اللي تعرف عن وضع ابني تساعدني باذن الله خصوصي انو مو عارفة ارسى على بر و لا دكتور ريحني وكل المشاكل اللي عند ابني واللي صارت معي سبحان الله ما الها سبب ولا دكتر عطاني الها سبب
ما بعرف ابدأ قصتي من ولادتي ولا اتكلم فورا عن وضع ابني خايفة اذا طولت ما تكملو القصة للاخر و انا بهمني اكتير شي تقرأو عن وضع ابني و تساعدوني
انا رح اكتب كل شي و اللي ما بدها تقرا رجاءا تنزل تقرا عن وضع ابني بس و اذا تقدر تساعدني تساعدني
ربي يجزيها كل خير كل من رح تفوت على موضوعي و تقرأ ولو ما ردت و دعتلي دعوة بس

انا متزوجة من سنة و اربع اشهر حملت بعد زواجي ب 3 اشهر و حملي الحمدلله كان سليم و ما عندي مشاكل و كنا انا وزوجي طايرين من السعادة و اهلي و اهلو معنا

كنت حامل بتوأم و بالشهر التالت الدكتورة قالتلي انو واحد من التوائم وقف نموه و ضل التاني و بما انو كل واحد بكيس رحم منفصل فهالشي ما باثر و التاني بكمل نموه و بينزل اللي مات بس اولد
وكانت اول صدمة بالصدمات الكتيرة وزعلت و بكيت كاني شايفتو لابني و بعرفو و الاهم من هاد كلو انو مافي اي سبب لموت التوام التاني و الدكتورة قالت عادي بتصير ما في سبب
و
قررت اغير الدكتورة و رحت عند دكتورة تانية و ما ارتحتلها ابدا و قررت اغير انا عايشة بسوريا و الدكاترة المناح صارو قلال هون كلو سافر
المهم اخر شي استقريت عند دكتورة و لدانة عندها رفيقة اختي و مجربة و منيحة

وكملت حملي سليم و بدون مشاكل و الدكتورة تقلي كلو تمام
لحد ما وصلت الشهر التامن و قالتلي الدكتورة خلص ابنك اكتمل باي لحظة و لدتي مافي مشكلة ووزنو صار فوق التلاتة كيلو
وبعد اسبوع صرت اشوف تمشيحات لونها بني لما قلت لامي قالتلي هي علائم ولادة و حماتي حكت نفس الحكي فتت عالانترنت قرات لقيت نفس الكلام و خفنا لانو بكير اولد و بلشت تجيني مغصات حكيت مع الدكتورة بسطت الامور كتيييييير و انو عادي ما ارتحت رحت انا و امي عندها قالت عادي عنق الرحم بلش تقل سماكتو و هالشي منيح ووضعك سليم ومافي شي و بالنسبة للمغصات هاد اسمو طلق كاذب بصير مع البكرية و عادي وحسستني اني دلوعة و موسوسة انا وزوجي و قالتلي انو لا ترجعي عندي غير بحالة طلق قوي و منتظم او شفتي دم او طقت مية الراس و ابدي امشي عشان تسهل ولادتك رجعت عالبيت
زوجي ما ارتاح و قلي روحي عند اهلك و ضلي متسطحة لا تقومي ابدا ولا تشتغلي شي و فعللا رحت قعدت عند اهلي اسبوع ما اعمل شي
اخر شي مليت كتير و قلت حكي الدكتورة صحيح ما فيني شي لازم ارجع بيتي و ابدا امشي عشان ما تكون ولادتي صعبة و بلشت ازن براس زوجي ارجع واخر شي وافق
اخدني من عند اهلي و رحنا عند اهلو تغدينا و تاخر الوقت فقررنا ناام عندهم

وهون بلشت مأساتي

بالليل بلش يجيني الطلق اصحى من الوجع و مية الراس تسيل و انا اكذب حالي طبعا من حكي الدكتورة اقول لا هاد طلق كاذب اكيد و اصبر مع اني موجووووووووووعة من الساعة 9 بالليل وانا اطلق لما فاقت حماتي الصبح وشافتني تفاجأت قالتلي ليش وجهك اصفر لتكوني عم تطلقي يا بنت انا اقلها لا لا مغصات عادي
نادت زوجي وصارت تقلو مرتك مو طبيعية وجها اصفر مبينة موجوعة

يا الله يا بنات شو صبرت على وجعي و رجعنا على بيتنا و بس وصلت عم اغير اواعيي ومية الراس عم تسيل

بس شاف زوجي هالمنظر قلي فورا البسي رح اخدك عالمشفى
طبعا حكيت مع دكتورتي تخيلو قالتلي عادي مية الراس دفق و لا سيلان قلتلها سيلان قال لا تيجي ممكن تولدي اليوم لما يحمى الطلق حاكيني

زوجي ما رد حكى مع امي و امو و قلهم جهزو حالكم ووقتها انا شفت دم
كانت صارت الساعة 8 بالليل يعني الي يوم كامل عم بطلق وبالسيارة حمي الطلق كتير صار كل 5 دقايق و حكى زوجي مع الدكتورة قلها لاتطلعي من العيادة هي عيادتها جنب المشفى بالزبط عشان تشوفني قبل ما نروح المشفى
بس وصلنا ما قدرت امشي من السيارة لباب العيادة

لما فتت شافت بالايكو و اصفر وجها ما عد عرفت شو بدها تحكي

قال نشفانة مية الراس عالاخر و الولد لافف الحبل السري عليه عشان هيك عم تطلق فيه و ما عم يقدر ينزل وراسو مايل بالحوض

وفحصتني نسائي قال الرحم مو فاتح عملية فورا

رحنا المشفى و انا عم بدعي و كل ما اجتني طلقة اقول الله و ادعي و صابرة قلت معلش الدكتورة قالت ابني مكتمل ووزنو منيح بس كنت خايفة الحبل السري يكون لافف حول رقبتو لا سمح الله
طلعت من العملية و انا هي اول مرة اتخدر بحياتي فكان البنج ماثر فيني كتير و مع هالشي من خوفي ضليت اقلهم جيبو جيبو ابني بدي اشوفو في شي؟
ولاحظت انو الكل وجوهم ما بتتفسر وواضح عليهم واسالهم يقولولي مافي شي كنا خايفين عليكي

سالتهم فحصو قال اي مافي شي الحبل كان لافف حول رجليه واخيرا جابولي اياه اشوفو


يتبع .......

>>>>> ردود الأعضـــــــــــــــــــاء على الموضوع <<<<<
==================================

بس شفتو انصدمت نحييييييييف والله شفتو الولاد اللي تشوفوهم بافريقيا بالمجاعات يكون عظم و عليه جلد بس والله العظيم ما عم ببالغ ووجهو متل واحد عمرو تسعين سنة بس طفل
قلتلهم كم وزنو قال 2 كيلو طبعا الدكتورة كانت قايلة فوق التلاتو و يا بنات لا تقولو 2 كيلو عادي ابني اجا طويل يعني كل اللي يشوفو يفكر وزنو اقل من كيلو و نص وزنو كلو عظام و الله تعدي عظام قفصو الصدري وحدة و حدة ايدي زي المعكرونة
طمنوني انو عادي بس نحيف شوي ومافي شي المهم كلو سليم و فعلا حسيت انو الولد ما فيه شي و بالليل ما نمت ضليت حاملتو و احاول ارضعو و امي تقلي نامي ما رضيت مع اني كنت تعبانة و متالمة من العملية

و الصبح بلشت سلسلة اكتشافاتي لمشاكل ابني

امي و اختي قبل بيوم كانو ياخدة يغيرولو بعيد عني متحججين عشان المكيف الصبح اصريت انا اغيرلو و لما شلحتو و شفت رجليه انخرس لساني كانو رجليه زي هاي الصورة

https://uploads.sedty.com/imagehosti...1389689085.jpg

يتبع ....

__________________________________________________ __________

كملي حبيبتي انا اقرا

__________________________________________________ __________

الله يحميه يا رب كملي يا اختي وين رحتي

__________________________________________________ __________

الله المستعان ...

__________________________________________________ __________

ما عرفت اسال امي قلتلها نادي زوجي هي ركضت تناديه عشان تهرب من السؤال
اجا زوجي وكان هادي و طمني انو فحصو الدكتور و هاي اسمها رجل قفداء روحاء سببها وضعية اخدها الولد بالرحم و نمو رجليه هيك و بتتعالج ما في مشكلة و بيرجع طبيعي وما الها اي سبب معروف بس وضع بالرحم
توكلت على ربي و حمدته و صبرت نفسي
وكمل محاولاتي اني ارضع ابني و الولد ما يقدر يمص ابدا قلت معلش اول ولد و هو ضعيف و لسه ما بعرف ارضعه

اخدنا الولد و طلعنا من المشفى ورجعنا البيت وانا نفسيتي سيئة جدا و مهمومة

تاني يوم اجا ريقان قوي جدا بسبب ضعف بنيتو و كان لاازم ياخد دوا و دوا الريقان خلاه مخبول خبل و الله يا بنات عشرين يوم ابني ما صحي نايم وازا فتح عيونو يقلبهم لفوق بس عشرين يوم ولهالسبب ما كان يرضع نهائيا لانو ما يصحى فكنت اسحبلو مني حليب و نعطيه بالمعلقة كل ساعتين و كمان نعطيه حليب صناعي قالولنا بالمشفى اعطوه لانو وزنو قليل
طبعا بعد عشر ايام اخدنا عند دكتور عظمية عشان رجليه و قال بيتعدلو ان شاء الله بس علاج يستمر سنة و انا مفكرة يحطلو جهاز طلع بحط جبائر عكل رجليه انا بس شفتو عم يحط الجبائر و ابني يبكي و يغشى من البكى صرت ابكي و الناس اللي بالعيادة بس طلعنا صارو يواسوني

https://uploads.sedty.com/imagehosti...1389689631.jpg


هيك كانت الجبائر هاي صور من الانترنت بس بالزبط زي حالة ابني مسكتو و قعدت افكر كيف بدي احملو ؟ كيف بدي احممو؟ كيف بدي اغيرلو؟؟ كيف و كيف نفسيتي تحطمت
والله عشرين يوم ما غسلت وجهي ليلي موصول بالنهار ابني مريض جدا و مهدد انو يحتاج تغيير دم اذا ما خف الريقان و رجليه مجبرة وموجوع 24 ساعة الكبير ما بيتحمل جبس برجليه التنين كان وقتي كلو اسحب حليب اطعمي ابني طبعا اكلو كان ياخد وقت كبير لانو بالمعلقة و هو نايم اخلص اغيرلو اعقم الادوات و ارجع اسحبلو حليب و هيك 24 ساعة مع انو امي و اختي عندي و خوات زوجي بساعدوني بالبيت و الطبخ وطبعا مع هاد وجع العملية و تعب الولادة بس نسيت نفسي ووجعي كنت اجي على حالي كتير واهم شي انو نفسيتي كانت زفت يعني كل ما اختليت بحالي دقيقة ابكي من قلبي بس ارجع ادعي ربي

اكتر شي كان قاهرني اني ما بقدر اصلي كنت محتاجة اصلي كتير اريح قلبي ابكي لربي ادعيه من قلبي اقرأ قرآن اهدي في نفسي بس بتعرفو ما بقدر

يتبع ....