اعاني من حرج شديد امام الناس

عنوان الموضوع : اعاني من حرج شديد امام الناس
مقدم من طرف منتديات نساء الجزائر

اعاني من حرج شديد امام الناس



السلام عليكم :

انا فتاة في مرحلة المراهقة اعاني من حرج شديد امام صديقاتي في المدرسة والمعلمات وامام اقاربي ايضا بسبب مواقف محرجة وغبية مني وهي تسبب لي الحرج وعندي كم ذكرى مع صديقاتي محرجة ولا استطيع النظر اليهم منها ودائما تسبب لي الحرج والاكتئاب لدرجة انه راح يصير معي مرض نفسي منها ومن الامثلة عليها : مثلا لما انا كنت صغيرة بعترف ما كنت مرتبة وخصوصا بالمدرسة ولأنو انا شعري خشن ومجعد وخميل فكنت اكرهه وما اعرف كيف كنت افكر ما كنت اهتم بنفسي ولا بنظافتي وكنت اعاني من القمل في رأسي والكل كان يقرف مني وبحس لجد الان انو الكل ماخذ عني فكرة سيئة وكنت هبلة وغبية في التعامل مع صديقاتي وما اعرف احكي مواضيع زي الناس وكنت نمامة كثير مع اني كنت شاطرة ومتفوقة كثير بالمدرسة وصاحباتي نفسهم الي كانو معي زمان نفسهم معي الان ومن هاي الشغلة انا كثير خسرت ناس وصاحبات والكل كان ينفر مني ويبتعدو عني ولحد الان وانا صرت بعمر كبير يعني عمري 15 سنة ولسا ماحد يحبني وكمان اقاربي وجيراننا وانا كمان كنت مميزة بخجلي الشديد وضعفي الجسدي وعدم تكلمي والتزامي الصمت والكل ينفر مني لحد الان حتى اقاربي وبنات اعمامي وعماتي والكل ماخذ عني فكرة انو انا غبية وهبلة وضعيفة شخصية وماعندي ثقة بالنفس وهما حكيهم صحيح عني والله مش عارفة شو اسوي ساعدوني منشان الله ماعندي حد غيركم

بأختصار مشكلتي هي ضعف الشخصية والحرج الشديد دائما من زميلاتي وصديقاتي ومعلماتي واقربائي وبنات عمامي وعماتي وعدم التكلم والتزام الصمت والعزلة بسبب كم ذكرى خبيثة وغبية مني

ساعدوووني مننشان الله والله ماعندي حد غيركم

>>>>> ردود الأعضـــــــــــــــــــاء على الموضوع <<<<<
==================================

اوووووف طولي بالك يا عمري ليش هيك انتي مو غبيه ولا هبله بالعكس الخجل للبنت بمتل سنك عادي وطبيعي ولعلمك فيه كتير بنات متلك وانا لما كنت بسنك
كانت عندي نفس المشكله وهد طبيعي لآنه خبرتك بالحياه مو كتير واي موضوع بدك تشاركي فيه بده يكون عندك خبره فيه ،ولآنه ما عندك خبره بتالتزمي الصمت وهاد عاااااادي جدا جدا وبكره مع الأيام بتخلصي منها ورح تصيري تضحكي على حالك وعلى هيك تفكير.......
هلا المواقف السيئه اللي صارت معك امام اصحابك سهل اتغيريها والناس بتنسى ولا تخلي شي عادي متل هيك يحطمك لأنه انتي مو اول بنت بصير معها هيك ...هلا انتي ركزي على اسنك هلا وانسي اللي فات من ناحية النضافه فيكي تهتمي بنفسك كتير يعني استحمام مستمر واهتمام بشرتك من كريمات استخدام عطور بالبيت يعني لما بكون بده يجي عليكي ناس ،على طول استحمي ودهني جسمك كريم جسم ريحته حلوه من الصيدليه او محلات التجميل ..فرشي سنانك حتى لو فرشيتيهم الصبح مو مشكله فرشيهم وسرحي شعرك واشتري من الصيدليه كريمات بتنعم الشعر حتى لو خشن بتهديه وبتنعمه واعملي شكل حلو وبسيط والبسي لبس مرتب ونظيف رشي عليك عطر ريحته حلوه ،هيك بتطلعي احلى صبيه هلا فيكي تعملي هيك مع كل استحمام حتى لو ما فيه حد جاي عندك تعودي انك حتى واني بالبيت تكوني نضيفه وريحتك زاكيه ......

الحكي مع الأصحاب فيكي تتعلمي منهم شوفيهم كيف بحكو وحاولي تحكي متلن مره على مره بتصير الك شخصيتك ..

__________________________________________________ __________

اهتمي بحالك لبسك وجسمك بشرتك وتصرفاتك وطريقة الكلام والمشي والضحكة كل هاد فيكي تقرين مقالات حطوها العضوات الاخوات بالمنتدى ومنها تتعلمين وتستفيدين وبتشوفي كيف رح يتغير رايهم فيكي ويصيرو يجرو وراكي مشان يحكو معك ويطلعو معاكي

__________________________________________________ __________

هلا عزيزتي
بصراحه الاخوات ريما ولبنى ماقصرو فعلا كلامهم جميل
لكن احب اضيف بعض النصائح
ابدأي من الان نعم فور الانتهاء من قراءة ردي بتحسين سلوكك واوعي تعملي من الموضوع اهميه اكبر من الازم ، باعتدال ، امتنعي عن النمه والكذب واهتمي بنظافتك الشخصيه لان لها اثر على السلوك وشخصيتك اجمالا
اهتمي بالقراءة كثير
ركزي في البداية على اكتساب صديقه او صديقتين
اهتمي بالتغذيه الجيده
اهتمي بعدم تكرار الاخطاء السبقه مهما كلف الامر
بخصوص الخوف والخجل طبيعي في مثل سنك فانتي لسا صغيره لكن ممكن ماتطلي في عيون من تتحدثي معه وحاولي تكوني صادقه الى ابعد الحدود
الله معك حبيبتي

__________________________________________________ __________


__________________________________________________ __________