عزيزتي،، مدي يدك لمساعدتي..!

عنوان الموضوع : عزيزتي،، مدي يدك لمساعدتي..!
مقدم من طرف منتديات نساء الجزائر

عزيزتي،، مدي يدك لمساعدتي..!



بِــسم اللهِ الرحمــٰــن الرحيــــم ..
آلسّــلَـآمُ عَــلَــــيْـگُمْ وَ رّحْمَـــةُ اللهِ تَعالَــى وَ بَرَگـــاتُهْ ..
كيفكم ؟
أنا جديدة هوووون ..
انا بشاهد كتيييير مواضيع هنا بمنتدى سيدتي .. بس ما كنت مسجلة ..
و انا اليوم سجلت ..

و عندي مشكلة يا بنات و يا نساااء ..
يا ريت تساعدووني و تنصحوني ..
.. ممكن يكون الكلام اللي تحت و يمكن الأغلب ما بتشجع و يقرأ ..
بس أرجوووووكم ساعدوووني .. الله يخليكم...

شوفوا !! أنا كلامي كتير .،
بسقصتي حلوة برضو ههه
و اللي حتساعدني ..
اذا كانت عانس : الله يبعتلها ابن الحلال و يخليكوا لبعض و يسعدكوا يااا رب ..
و اذا كانت متزوجة : الله يخليلها زوجها و اولادها و تعيشوا احلى أسرة ياا رب ..
و اذا كانت غير هيك .. تقوللي و انا حدعيلها ان شاء الله ..

اللي بدها تساعدني ياريت تقرأ كل كلمة بكلمتها و تحط نفسها مكاني و تقوللي بشو حست و لو كانت هي مكاني شو حتعمل ؟؟


تابع ~

>>>>> ردود الأعضـــــــــــــــــــاء على الموضوع <<<<<
==================================

انا مضى من عمري 15 سنة و 8 أشهر تقريباً .. و احنا بالإجازة يعني طالعة ع الصف 2 ثانوي .. يعني الصف 11 ..
و لازم اختار مجال ..

علمي / أدبي / شرعي ..

و أنا كتيييير متحيرة ..
لمعلوماتكم ،، أمي بتحكيلي ادخلي علمي .. و اذا خايفة تتصعبي .. ح خليكي تروحي على مركز .. من اول السنة ..
و هادا المركز .. يوجد فيه معلمات و أساتذة توب .. ماشاء الله شاطرين كتير ..
و هادا المركز بختص في جميع المستويات .. الشاطرة و اللي مو شاطرة و المتوسطة و هكذا ....
و انا اذا سجلت بهادا المركز إن شاءالله حكون تمام و فاهمة كل شي ..
و أنا من زمان لما كنت صغيرة .. كنت أموووت في الرياضيات بس هادي السنة المعلمة كرهتني اسمو .. و انا بحب الأحياء و الكيمياء
،. أما بالنسبة للفيزياء .. عادي .. يعني بمشي حالي فيها ..
هادا بالنسبة لمجال العلمي ..


اما بالنسبة للأدبي .. يوجد فيه
تاريخ و جغرافيا و من هالكلام ..
و أنا بكرهـ إشي اسمه تاريخ.. صحيح الواحد بعتز بتاريخه .. بس انا حاسة انهم بعطونا التاريخ في المدرسة بس للحفظ مو انه نتعرف على تاريخنا و انا صراحة ما بحب مادة التاريخ اللي بالمدارس.. لإني صراحة ما بقدر أحفظ ..
ممكن أفهم .. أما في الحفظ مو كتير .. و بنسى على طول .. لكن الحمد لله على كل شي ..


تابع ~

__________________________________________________ __________

اما بالنسبة للشرعي .. هادا مجال جديد عنا .. السنة اللي فاتت وضعوه ..
بختص بالدين و الفقه و الشريعة و الأحكام .. و هادي الأشياء .. و انا كتير بحب الدين و بس الـ English في هادا المجال .. خفيييف جداً مو متل الإنجلش اللي بالأدبي أو العلمي .. بس المشكلة انه فيه تاريخ بهادا المجال ...
و أنا كتييييييير متحيرة ..

هلأ أنا بدي أعرض لكم مشاااااااكلي ..

بتمنّى تساعدوني و تنصحوني ..
لما كنت بالصف التاسع ..
كان معدلي تقريباً .. 86 ٪
و لما صرت بالصف العاشر ( أول ثانوي )
انتقلت من المدرسة لانه المدرسة اللي كنت فيها ما فيها ثانوية ..
المهم .. يعني انتقلنا من المدرسة أنا وكل البنات اللي كانوا معنا .. و اتخلطنا ببنات من المدرسة الفرع التاني ..
المهم و اتعرفت على بنات جديد ..
و صراحة حبيت منهم بنات و ما اندمت اني صاحبت بعضهم (هما بس بنتين اللي حبيتهم وصرنا صديقات) .. و للآن احنا صديقات وعلى تواصل .. الحمدلله ..بس المشكلة ..
انه كانوا البنات يلهوني بالحصص و كانوا دايماً المعلمات يحكولنا : اسكتوا .. بكفي برم .. ما بدنا كلام جانبي ..
و نتبهدل ..
طبعاً المعلمات جديدين عليا .. لأنها كمان مدرسة جديدة عليا ..
ف المعلمات أخدوا فكرة عني إني مو شاطرة .. و الله انا كتير متنكدة عشان هادا الشي ..
خصوصاً معلمة الرياضيات كانت تستهزيء علينا .. و صاروا البنات بس تكون دوشة بالصف .. يحكوا فلانة و فلانة .. قصدهم انا واللي جمبي ..
طيب شو أعمل ؟؟
كتير كانوا يلهوني عن الحصص.. طبعاً اللي كانوا يلهوني .. البنات اللي كنهم قاعدة عندهم بالجهة ...
و هما مو شاطرين بالمرة ..
و كانوا أغلب بنات الصف ييجو يقعدوا عندي .. آل شو ! بحبوني ..
و أنا صراحةً حنونة و طيبة .. و ما بحب أكسف حدا ..

طيب شو أعمل ! كنت أحياناً .. اللي بتطلب انها تقعد جمبي .. كنت أحكي .. لو سمحتي بدك تقعدي جمبي .. اوكي .. بس بدنا ننتبه ع الحصة بلاش ناكل بهدلة من المعلمة ..
تقوللي البنت .. : ماشي ..
و تصير في وسط الحصة .. تقعد تتكلم و تحكيلي عن قصصها و حياتها ..
و أنا أجاملها .. مرة ابتسم .. مرة احللها مشكلة .. مرة انسى حالي و اتكلم معها ..

و المعلمات يبهدلوا !!

طيب شو أعمل يا ربي ..!
و كمان كانوا بنات يتقاتلوا .. احياناً ..
مين بدها تقعد جمبي ..
و يزعلوا اذا قبلت بوحدة و رفضت وحدة ..


تابع ~

__________________________________________________ __________

انا مش قاعدة لوحدي بالصف ..!
اول السنة .. ماش المعلمة بتقعد البنات و بترتبهم بالصف !.. ف البنت اللي حطتها المعلمة جمبي .. بتروح بتقعد عند صديقتها .. و بيصيروا البنات يبدلوا بالأماكن ..

ف بكون انا قاعدة لوحدي .. ف بيييجوا الوفوووووووود من البنات ..
و الشاطرة اللي تقعد جمبي ..

كنت أحياناً اعتذر من بعض البنات انهم ما يقعدوا جمبي .. بس كنت أخجل إني كسفتهم و أحرجتهم ..

طيب شو أعمل بحالي ..!
و كل ما بقعدوا عندي البناات لاااازم يتكلموا ..
هما بييجوا عندي عشان يحكولي مشاكلهم و بصيروا يبكوا أحياناً .. و بيصيروا منهم يحكولي عن قصصهم بالحياة و مغامراتهم .. و اللي بتحكيلي عن قصة النكد اللي هي عايشاها !!
و اللي بتحكيلي عن قصة الحب اللي هي عايشاها ..!

شو هادا ! و الله ازهقت منهم أنا ..


مشكلتي :
بدي أحدد مجالي ..
علمي / أدبي / شرعي ..
علماً إنه هادي السنة مع الفشل ..
كان مجموعي تقريباً 81٪ ..



كانوا اعطونا هادي السنة .. ورقة ..
نكتب فيها الإسم و الصف ..
و نحدد المجال ..؛
علمي / أدبي / شرعي ..


في بنات حكوا .. شو ما بدها تفوت فلانة ( أنا )
بدي أفوت زيها ،،

طيب ما بنفع ،، !
يعني كل وحدة أعلم بشخصيتها و شو ميولها ..
و كل وحدة لازم تحط في بالها تخصص معين تدرسه بالجامعة عشان تأمن مستقبلها ..

يعني مثلاً انا ما بصير .. أعمل زي البنات ..
بعدين القُدرات بتختلف من إنسان لإنسان ..

و البنات اللي حكوا بدهم يكونوا معي بنفس المجال ..مو من مستواي ..

و البنات دائماً بصاحبوني .. لإني الحمد لله شخصيتي بتجذبهم لطيبة قلبي ..
( بس لقيت إنه طيبة القلب ما بتنفع في كل وقت و في كل زمان )
( طيبة القلب .. تحتاج أشخاص يستاهلون طيبتها و حنان القلب و تحتاج أوقات غييير تماماً عن كل الأوقات العادية ..)

و بصاحبوني لإني الكل بحترمني و بقدرني الحمد لله ..
( بس ما لقيت احترام من المعلمات بسبب البنات والله :( للأسف!! )

تابع~

__________________________________________________ __________

.،،

و في بنات بستخدموا اسمي لمصلحتهم ..

في وحدة من هادول البنات ..اللي بيقعدوا جمبي و عاملين ضجة بالصف ..

مرة هاي البنت اتصلت على صديقتي .. و صديقتي ردت عليها .. ف صديقتي عرفت صوتها .. بعدين صديقتي سكرت الجوال .. لأنها ما بدها تكلمها ..
راحت البنت اتصلت تاني .. و صديقتي ما بدها تكلمها لأنها البنت مو منيحة .. ف خلّت أختها ترد عالجوال ..على أساس تصرفها عنها ..
راحت البنت قالت لأخت صديقتي.. أنا من طرف فلانة ( اللي هي أنا )


على أي أساس ؟؟

ما فهمت ليش كدا سوت ؟
و الله أعلم .. هل بتستخدم اسمي في مواقف تانية مع الناس و لا لأ ؟!!

من جد شي بقهر ..!


وكمان البنات بصاحبوني لإني من عائلة معروفة بالبلد ..و بغير البلد ..
و هادا شي بشرفني والله إني بنت أبي اللي ضحّى بنفسه فداءاً للوطن.. و انه جدي و جدتي و اعمامي و الكل رفعوا راسنا بالتضحيات الحمد لله .. وانني ابنة هذه العائلة .. و اخيراً ليس بآخر .. [ أمي ] الغالية .. الأم المثالية ..

.،
و مشكلتي مع البنات اللي سجلوا علمي ..
ماااا بحبهم .. مغرورين ..
كانت نظرتهم مثل نظرات المعلمات لي ..
اني بنت مو شاطرة كتير .، و اني أنتمي لتلك الجهة الفااااااشلة ..
دائماً كانوا ينسبوني لتلك الجهة ..

البنات اللي راح يدخلوا علمي .. صحيح كانوا يحترموني .. لكن إلهم بعض المواقف الغبية معي لغرورهم ،،

أذكر مرة بحصة الـ English ..
كان عنا درس بالكتاب .. انه نحدد مجالنا ..
سواء علمي أو أدبي ..
كل وحدة تعمل فقرة صغيرة عن نفسها و تحدد مجالها و تكتب شو المواد اللي بتحبها و اللي ما بتحبها ..
علماً إنه معلمة الإنجلش .. كانت الفصل الأول تحبني كتير و دايماً منتبهة عليا و تخليني أشارك معها بالحصة.. و كان مجموعي الفصل الأول بالتسعين ..
أما الفصل التاني .. عشان البنات والبرم والكلام الجانبي ..
بطلت المعلمة تعبر وجودي .. و كنت كتير اتدايق من البنات ..
بس كنت أرفع يدي و أجاوب .. بس المعلمة قالتلي .. ليش هيك انتي صايرة ؟؟
..

المهم انا عملت فقرة عني و رفعت يدي .. متلي متل بنات الصف .. و اوقفت وجاوبت .. (هادا بالفصل التاني)
المهم : جاوبت و كنت كاتبة اني هادخل علمي ( طبعاً كله بالإنجلش) ..، و عندما كنت أقرأ فقرتي .. اسمعت تهزيئة من بنت .. انا وقفت عن القراءة .. لإني انتبهت انو في حد بتكلم ..
قالت بتهزئة : بدها تفوت علمي ! ههههههههههههههًههههههههههه ...
و ضحكت ضحكة سخرية ..

المعلمة قالت : كملي كملي ..
المهم أنا كملت قراءة و أنا مرتبكة وحاسة بالحرج ..
.. بعد ما خلصت .. قالتلي المعلمة : برافوو .. و المهم و شكرتي .. و انا قعدت ..
معظم البنات ما انتبهوا على البنت اللي هزّئتني .. لكن انا اسمعها كويس و دخل سهم بقلبي و جرحني جرح عميييق ..
قلت والله لوريها شطارتي ..


اللي خايفة منو ..
معلمة الرياضيات اذا عرفت اني داخلة علمي شو حتحكي ؟؟
يمكن تحكي .. فلانة شو دخلها علمي !.. هادي وحدة مو شاطرة ..
و باقي المعلمات شو حيحكوا عني !!

اما معلمة العلوم يمكن ما تستغرب كتير .. يمكن يمكن ..لإني كنت نوعاً ما كويسة بحصتها و كانت اهم حصتين عندي حصة العلوم و حصة العربي ..



تابع ~

__________________________________________________ __________

و خايفة احكي ( والله ليشوفوا شطارتي !)
و ما أكون قد هالكلمة ..
لانه صراحةً أنا بضيع وقتي ع الفاضي و أيام المراجعة ما بدرس .. و أنا بتشجع بأول السنة .. و بعدين بفلِّس .. ببطل أسأل عن التحضير و الواجبات ..
ما بعرف ليش .. امي بتضلها تحكيلي : روحي ادرسي .. روحي ادرسي ..
بس ما بروح أدرس .. ما بعرف ليش !
ما في عندي دافع .. يدفعني اني ادرس ..
و اني اتشاطر و اني اتنافس .. بحس انه هادا كله هبل .. و انو أنا ليش بتعب حالي ..!

نفسي أصير أدرس بنفس .. و أدرس بهمة و طلب للعلم .. مو هيك اتطلع بالكتاب و بس !
بذكر السنة هادي بامتحان العربي النهائي،ما درست شي .. و صرت طول الوقت رايحة جاية رايحة جاية .. و بالآخر درست الصبح قبل الإمتحان .. درست كلمتين و رحت عالإمتحان و عادي ..! و لا كأنه في شي ..
و قدمت الإمتحان برضو عادي ..
احياناً بكون حليت في الإمتحان .. بس بكون عندي كم غلطة .. بحكي لحالي اني بستاهل لإني ما درست ..
ف صرت كل مرة .. ما أشدِّد على حالي بالدراسة و قلت .. بجيب الأجوبة من دماغي أحسن .. و بطلع من الإمتحان بحكي يا ريت درست ..
بعدين عادي بصير أضحك .. و لا كأنه صاير شي ..
احياناً بحس حالي .. عديمة احساس من ناحية الدراسة هههه


و كمان البنات اللي داخلين علمي عددهم تقريباً 10 أو 11 بنت غيري ..
و بنت وحدة داخلة شرعي ..
و الباقي أدبي ..
علماً انو عدد صفنا تقريباً 43 بنت ..

و اللي متجوزة و اللي خاطبة و اللي محجوزة و اللي عانس هههه
هيك صفنا ..
مع انو احنا صغار .. بس .. الله يصلح الحال يا رب ..

و اللي داخلين علمي .، قلت لكم قبل كدا .. مابحبهم .، مغرورين ..
و كلهم بدهم يصيروا مهندسات .. إلا بنتين تقريباً .. يمكن يفوتوا طب ..
علماً إنهم عشانهم صاحبات بدهم يفوتوا زي بعض .. ما بعرف شو هادا الهبل !!
كل وحدة شخصيتها غير و إنتمائها غير ،،
عشان وحدة فيهم بدها هندسة .. كلهم صاروا بدهم هندسة.. و انا متأكدة إنه معظمهم .. مش حيفلحوا بالهندسة .. لأنهم مش تبعون هيك شغلات لانو كل وحدة اختارت زي صحبيتها .، يعني ما إلهم شخصية .. و اغلبهم بنجحوا بالغش و الله أعلم .. المعلمات بزودوا لهم علامات ببلاش ..

هادا كلو واللهُ أعلم ..
بس هيك الواحد بحس ..

و أنا اعتذرت لصديقاتي الغاليات على قلبي لأنه كل وحدة صار لازم تعبر عن شخصيتها و تشوف حياتها و تأمن مستقبلها بشخصيتها مو بشخصية صاحبيتها ..اعتذرت لهم اني يمكن ما أكون بنفس المجال اللي هما فيه .. بس اكيد و ان شاء الله حنبقى على تواصل دائماً.. إن شاء الله ..

هلأ مع كل هادا ..!
شو بتنصحوني ؟؟؟

و لكن فاااااائق احترامي و تقديري ..
وكل عام و انتم إلى الله أقرب ..
و جزيل الشكر لكم سيداتي ..

انتهى ~