أنا بخسر أختى...أرجوكم ساعدونى -تم الرد

عنوان الموضوع : أنا بخسر أختى...أرجوكم ساعدونى -تم الرد
مقدم من طرف منتديات نساء الجزائر

أنا بخسر أختى...أرجوكم ساعدونى



أنا محتاجة آرائكم ومساعدتكم أنا بخسر أختى ومش عارفة أعمل إيه ... قبل ما أقولكم المشكلة لازم تكونوا عارفين الخلفيات علشان تعرفوا تحكموا على الموقف بحيادية... إحنا 3 بنات أنا الكبيرة عندى 25 سنة.. الوحيدة اللى طول عمرى مبتلاة و عندى مشاكل على كافة الأصعدة على عكس إخواتى الإثنين الأصغر منى ( 22 و20 سنة) اللى حياتهم ماشية عادى زى معظم الناس من غير مشاكل كبيرة ... لكن أنا عانيت طول حياتى من تأثيرات العلاقة الغير سوية بين ماما وبابا والكره الغير مبرر من ناحية بابا لماما وبسبب حساسيتى الشديدة وتعلقى الشديد جدا بماما كنت أنا دايما أكثر واحدة بتتأثر بالمشاكل دى لدرجة إنى وقفت فى وش بابا وأنا عندى 12 سنة لما ماما كانت هتسيب البيت فى خناقة كبيرة وقولتله أنا هروح معاها علشان إنت بتزعقلها علطول وده الشئ اللى هو منسيهولهيش أبدا وفضل يعاقبنى عليه وفضلت أعانى بسببه طول سنين عمرى لغاية بس من 3 سنين لما الأوضاع أخيرا إتحسنت بينى وبين بابا بعد ما إتأكد إنه دمرنى نفسيا وعصبيا ودمر ثقتى بنفسى و كان بيجيلى نوبات إنهيار وصياح وبكاء هستيرى و إغماءات من كثر الضغط النفسى اللى كان عامله عليا على كافة الأصعدة بشهادة ماما وإخواتى واللى وصلنى فى الآخر إنى مرة من كثر النرفزة جالى إنهيارعصبى شديد وشلل مؤقت فى إيدى ورجلى و روحت لدكتور نفسى من وراه و قاللى إنى بعانى من إكتئاب نفسى وبدأت أتعالج ... بعد ما عرف ساعتها بس أدرك هو عمل إيه وبدأ يحاول بكل الطرق يصلح اللى عمله فيا... ده غير إنى كان معمولى عمل و إتفك الحمد لله ولكن رجع دلوقتى بأشكال ثانية وفى فترة علاقتى باظت جدا بماما بسبب نفسيتى المضطربة و بقت تدعى عليا ده غير إنى طول عمرى كينونتى كلها فى نجاحى وتفوقى العلمى و اللى معنديش غيره وطول عمرى الأولى على المدرسة لكن برضه بسبب المشاكل نزل مجموعى فى الثانوية العامة ودخلت كلية أى كلام لكن بفضل الله رجعت أركز تانى و طلعت الثانية على الكلية وبرضه فضلت أعانى سنتين فى شغل سئ جدا وبمرتب متدنى للغاية لغاية ما ربنا الحمد لله كرمنى وعوض صبرى خير وحاليا بشتغل فى مكان مرموق جدا كل اللى بيعرف إنى بشتغل فيه بيستغرب جدا.

كل ده كوم وحياتى العاطفية كوم ثانى بالرغم من إنى على قدر كبير من الجمال والأخلاق بشهادة الجميع إلا إنى حظى سئ جدا فى موضوع الحب ... طول عمرى كنت مقتنعة إن الواحد يتقى ربنا و يمشى صح وربنا هيكرمه بزوج صالح يتقى ربنا فيه و علشان كده لا عمرى صاحبت ولد ولا إتكلمت فى التليفون و لا خرجت ولا عملت أى حاجة من بنات كثير قوى فى سنى كانوا بيعملوها مع إنى فى فترات كنت فى أشد الحاجة لوجود أى حد فى حياتى خاصة مع قسوة بابا عليا لكن دايما كنت ماسكة على نفسى وأقول ربنا هيعوض صبرى خير حتى لما كنت بعجب بحد عمرى ما مشاعرى وصلتله أبدا و للأسف كان دايما حب من طرف واحد من طرفى أنا بس واللى كنت بحس بإعجاب من ناحيته ليا عمرى ما حسيت بحاجة ناحيته بالعكس كنت بكرهه فيا علشان ميتعلقش بيا و قلبه يتكسر ( بتقى ربنا فى الناس علشان ربنا يكرمنى) على عكس بنات كثير بتحب تعلق الولاد وخلاص... كنت دايما بحلم باللى يعوضنى ويحبنى ويحترمنى وأنا كمان أحبه وأسعده وشاءت الظروف إنى فعلا قابلت الشخص اللى من وجهة نظرى فى الوقت ده كان هو الشخص المناسب بكل المقاييس اللى مستنياه وكنت بحس إنه بيبادلنى نفس المشاعر ومكناش بنتكلم ولما جه مرة يحاول يتكلم معايا لأنى بدون أى خبرة إتكسفت جدا وسبته ومشيت كنت متخيلة إنه هيقدر حاجة زى دى وهيتمسك بيا لكن للأسف ولا فرقت معاه وطلع عيل ومش مسئول وعرفت حكمة ربنا إنه بعده عنى بس ده ممنعش إن قلبى إتكسر جامد قوى وقعدت أعيط عليه 10 شهور بالرغم إنى متكلمتش معاه كلمة واحدة و بعد كده برضه إتكرر مواقف مشابهة مرتين و كسرة قلبى مستمرة... حتى جواز الصالونات مكنش الأول بيجيلى حد علشان العمل لما إتفك بقى بيجيلى كثير كلهم عن طريق الأهل والمعارف بس مفيش ولا أى حاجة بتمشى اللى أنا مش عايزاه يوافق عليا واللى أنا عايزاه يمشى من غير حتى ما يتكلم والموضوع يقف وسألت شيوخ كثير اللى قالى مس و اللى قالى حسد شديد و اللى قاللى عكوسات قرين و بحاول حاليا أتعالج لكن الخلاصة إن برضه ده إتكرر كذا مرة وكل مرة أتكسر أكثر... كثير أعيط على حالى وإن معظم البنات اللى حواليا بيرتبطوا وسعداء وأنا لسه نصيبى مجاش ... يعنى حب مفيش جواز صالونات مفيش...معاناة من كل النواحى... مشكل مع بابا ومفيش حد فى حياتى و إكتئاب وعمل ...

>>>>> ردود الأعضـــــــــــــــــــاء على الموضوع <<<<<
==================================

على عكس إخواتى الإثنين اللى كان عندهم قدرة يفصلوا بين مشاكل بابا وماما من غير ما يخسروا حد منهم ففضلت علاقتهم بكل منهم ممتازة وعمرهم ما زعلوا حد منهم أبدا ... كمان هما على قدر كبير من الجمال وأرفع منى و أجسامهم حلوة – طول عمرى بعانى من السمنة – ودخلوا كليات أحسن منى ولا إكتئاب و لا أعمال و لا إنهيارات زيي ولا أى حاجة... بالرغم من كده طول عمرنا علاقتنا قوية جدا وعمرى ما إتمنيت يكون عندهم مشاكل زيي و حريصة عليهم أكثر من نفسى و علطول إحنا الثلاثة إيد واحدة ولا عمر حد فينا غار من الثانى أبدا... بالعكس كانوا دايما واقفين جنبى بيساعدونى وبيدعولى ...
نيجى بقى لسبب المشكلة اللى أنا فيها دلوقتى..أختى الأصغر منى علطول واللى حياتها كانت دايما سهلة و بدون مشاكل كبيرة مقارنة باللى عدى عليا فى حياتى و بشهداتها هى كمان ، من وهى طفلة هى وواحد قريبنا بيحبوا بعض بمعرفة الأهل ... حب طاهر برئ وفى النور من غير أى شئ يغضب ربنا... بعد تخرجه وتخرجها اتقدم علشان يتخطبوا ولكن حصل مشاكل كثير ولم يشأ الله إنهم يتخطبوا والموضوع باظ ...على قد زعلى عليها على قد ما إرتحت علشان موضوع إرتباطها و أنا معنديش حد فى حياتى كان دايما بيضايقنى... لكن المفاجأة إنه والموضوع ده بيبوظ كان فى موضوع تانى بيبتدى... أخو واحدة صاحبتها عريس لقطة بكل المقاييس و شخصية كويسة جدا إتقدملها وفى ظرف إسبوعين دخلت فى القصة التانية و بعد شهر إتخطبت و حاليا بعد شهر و نصف هتتجوز!!

مش عارفة أوصف إحساسى إزاى ... هل ده عدل ربنا ؟ تطلع من قصة فى ظرف أسبوعين تكون دخلت فى الثانية ويكون نصيبها ؟ و أنا مع كل المعاناة دى مفيش حاجة بتمشى أبدا ؟ هل هى بتتقى الله أكثر منى؟ طب لو رحمة من ربنا بيها علشان الموضوع الأولانى باظ بطريقة سيئة جدا ومتتعذبش بعتلها نصيبها علطول ... أنا فين رحمة ربنا بيا؟ والله العظيم ده فوق قدرتى على التحمل... أنا عارفة إنى حرام أقول كده بس والله أنا تعبت قوى ... وبالرغم من إحتمالى كل الإبتلاءات إلا إنى مش قادرة أستحمل الإبتلاء ده واللى ساهم بشكل كبير جدا فى إنتكاس حالتى أكثر من المعتاد و إهمالى فى كل واجباتى الدينية وخاصة الصلاة – بدون قصد أو نية متعمدة- و علاقاتى الإجتماعية والأسرية وإهتمامى بنفسى وفقدانى للأمل فى كل شئ وحالتى كل مدى فى النازل أكثرو أكثر ومحدش عارف يساعدنى ولا أنا عارفة أساعد نفسى و ماما وبابا قلبهم بيتقطع عليا و مش عارفين يعملولى حاجة غير الدعاء و بالرغم من كده وافقوا على خطوبتها و جوازها قبلى بحجة إن ده نصيب و أن إحنا 3 بنات و اللى يجيلوه نصيبه مش هيستنى الثانى .. إزاى وأنا الأخت الكبيرة ؟ هى سبقتنى و ده تاعبنى حسة إن حياتى واقفة و فى النازل وهى حياتها بتبتدى.

حاليا أنا شايفة أختى دى قمة فى الأنانية ومراعتش مشاعرى بالرغم من إنها عارفة كل اللى أنا مريت بيه وبمر بيه و إنها كان ممكن تخلصنى من كل الألم النفسى ده اللى أنا حساه وللى كمان شيفاه فى عيون الناس والأقارب لو كانت رفضت ... أيوه رفضت ولو حتى من باب العرض كانت هتفرق معايا كثير وهحس إنى بجد غالية عندها وخاصة إن سنها صغير وياما هيجيلها و إن اللى نيته كويسة لازم ربنا هيجازيه خير وأنا أكيد مكنتش هوافق بس كانت هتفرق معايا كثير ... وطبعا لما سألتنى قلتلها و أنا قلبى بيتقطع أنا معنديش مشكلة تتخطبى قبلى لكن تتجوزى لأ وكان الإتفاق على كده لكن طبعا الأمور إتغيرت و خلاص هتتجوز كمان شهر ونصف بحجة إن كل حاجة جاهزة و خطيبها مستعجل يستنوا ليه ؟ كمان كنت بعذرها علشان بتقول إنها هتموت وتتجوز علشان بتحب الأطفال جدا ونفسها يبقى عندها بيبى لكن دلوقتى بتقول إنها عايزة تأجل الخلفة علشان تستمتع بحياتها !!

__________________________________________________ __________

طبعا أنا من أول ما إتخطبت وأنا موقفى متأرجح أوقات ببقى عادى و أوقات ثانية كل ما يجد عليها جديد قلبى بيتقطع بدأت تجهز ... بتشترى فستان الفرح ... لا قادرة أشاركها فرحتها ولا أساعدها و لا أدارى مشاعرى وهى مقدرة ده كويس ومش بتضغط عليا لكن أنا كمان غصب عنى كل شوية بتلككلها و أتخانق معاها كأنى عايزة أنكد عليها ساعات على حاجات تستاهل وساعات لأ...

ده غير تأثير الموضوع ده عليا وعلى إهمالى فى نفسى وشكلى وزيادة وزنى المش طبيعية بسبب إنى حاطة همى فى الأكل والنوم الكثير جدا هروبا من الواقع الأليم وحسة إنى عندى 60 سنة و كل شوية ألام متفرقة فى جسمى مرة معدة ومرة أسنان و مرة مناخيرى ومرة ودانى كأن الجسم بيعبر عن نفسه..
كمان أنا متضايقة إنها كانت الأول بتقول لما بزعل من إهتمامها الشديد بيه وتقصيرها فى حقى وفى حقوقنا كلنا إنتم عندى أهم منه وهو بعدكم ... دلوقتى بتقول إنتم مهمين وهو كمان مهم... ولكن أنا مش شايفة كده هى مدياه الأولوية فى كل شئ فى وقتها و إهتمامتها لو هو موجود أو إتصل بتسيب أى حاجة بتعملها و تسيبنا و تروحله سواء كنت بتكلم معاها فى حاجة مضايقانى و بعيط أو بنعمل حاجة عادية ... الأولوية ليه هو وبس حتى لو متصل علشان يرغى من غير حاجة مهمة... أنا إتكلمت معاها كثير وعاتبتها كثير وقولتلها إن ده بيضايقنى لكن لا حياة لمن تنادى ... نفس الأخطاء كل يوم... كل اللى على لسانها إنتى إسلوبك وحش ...أنا خلاص لا عايزة أعاتبها ولا عايزة أتكلم معاها تانى ولا أعرف عنها أى حاجة ومش مصدقة هى دى أختى اللى انا إتربيت معاها فى بيت واحد ... حسة إنى بتعامل مع واحدة أنانية متمرش فيها العشرة ولا أى حاجة... لابيأثر فيها زعلى ولا مشاكلى ولا بقت بتقف جنبى زى الأول ومشاعرها جامدة جدا كل اللى بيأثر فيها هو وبس.. بجد أنا خايفة أكرهها من قلبى...
كمان شايفاها معاه ملهاش شخصية ومسلوبة الإرادة و ده شئ بينرفزنى منها بالرغم من كل خلافتنا و بيخوفنى عليها بالرغم من إنه كويس لكن بعد كده ممكن علشان ضعفها قدامه يديها بالجزمة و أنا بصفتى الأخت الكبيرة اللى هشيل الليلة بعد عمر طويل و هضطر أدفع ثمن أخطائها ومفروض إنى أقف معاها و أساعدها !!

هى زهقت وبتقول إنها خلاص مش قادرة تستحملنى و إنى مأفورة الأمور و إن ده شئ عادى إنها تتجوز قبلى و إن الناس خلاص مبقتش بتبص إن الكبيرة لازم تتجوز قبل الصغيرة ودى حاجات قديمة... وإنها خلاص مش هتسمحلى أنكد عليها وأكلمها وحش كل شوية تانى...
بجد أنا زعلانة إننا وصلنا للمرحلة دى.. حاليا إحنا مبنتكلمش مع بعض غير لما بنتخانق و خاصة إن أنا قلتلها أنا مش مسمحاكى على اللى حطتينى فيه وكان فى إيدك متعرضنيش ليه ... وحالنا ده مزعل ماما جدا وحسة إن كل اللى ربتنا عليه بيتهد قدام عينيها وبتقولنا هتخسروا بعض علشان جوازة أمال لما أموت أنا و باباكوم هتعملوا فى بعض إيه... أنا عارفة إنها معاها حق وإنى أنا بصفتى الأخت الكبيرة اللى فى إيدى ألم الموضوع بس بجد أنا مش قادرة ... بالله عليكم قولولى أعمل إيه؟ وهل أنا معايا حق فى موقفى ولا لأ؟

__________________________________________________ __________

بصراحة انا لم اقرا كل القصة لانها طويلة جدا ولكن حاولت ان الملم وفهمت
يا اختي ليس من العدل ان نوقف بنتا عن الزواج لان اختها الاكبر منها لم تتزوج.فهذه سنة الله وقدره وعليك بان تصبري حتى ياتيك نصيبك
اختك في حالة عادية من اهتمامها بخطيبها واستعجالها لزواجها فهذا امر عادي والمشكلة ليست في اختك بل المشكلة في نفسك انت
سامحيني ان قسوت عليك لكنها الحقيقة
انت من لديك مشكلة نفسية بسبب الظروف التي مرت معك ما جعلك تغارين بشدة على اختك لانها ستتزوج قبلك
وللاسف لن تجني من هذا الحسد والغيرة الا ضيق النفس والمعاناة تلو المعاناة فزواج اختك مستمر والخاسر الوحيد هو انت
عليك ان تحلي المشكل الذي في نفسك وهذا الامر صعب ولكن اذا توكلت على الله وعزمت على تغيير ما في نفسك فستوفقين باذن الله
لن اقول لك ان ما قلتيه عن عدل الله ورحمته هو قول حرام لانك تعلمين ذلك ولكنني اقول لك استغفري الله مما قلت فلعل كلامك هذا يجرك الى كلام غيره عن ذات الله العظيم فاستغفري الله
انا الان مستعجلة ولي عودة اليك باذن الله
يسر الله امرك وغسل قلبك من الحسد والغيرة ورزقك الزوج الصالح في اقرب وقت
ارجو ان تتقبلي كلامي بصدر رحب فما كلامي الا نصحا لك

__________________________________________________ __________

salam o5ti ana fahma 3azabek o 7altik lakin ana sa atra7 3alayki as2ila o nti jawbi b montaha sara7a? ok?
hal ida o5tik ma 9ablitch lzawaj nti 7a tkoni sa3ida? tab3an la2 o hya kaman moch 7a tkon sa3ida. hal ida hya ma waf9itch 3ala zawja had sa yaj3al l5ottab ya2ton ilayki? tab3an la2 ma fich 3ala9a bayn amrayn yemkin ento etnin tefdalo bala zawaj? hal hya ananya li anna sa tatazawaj 9ablak am anti ananiya li annak toridinaha an tarfod zawj monassib fa9at li annaki lasti motazawija?ana sara7a 3andi o5t moch motazawija asghar menni sa akon awal wa7da tbareklaha o 7a fra7aleha min 9albi.
rabbi a3tak ljamal se77a 3amal monassib o chabab o ahamm chay2 l3afaf o5ti anti mazelti saghira o e7na f dinna islami ma 9alch lakbira tzawej 9abl saghira.a7madi rabi 3ala ni3amo lkatira.o rabbi akid m5abbi lik 7aja a7san 3ariss elli ta tmannah kol bant akid yji f wa9t monassib. l7assad o l7i9d elli enti fih 7ala nafssiya o inchallah te5roji menha.rabbi m3ak

__________________________________________________ __________

المشاركة الأصلية كتبت بواسطة nouna83 https://said.xplainer.net/sedty/buttons/viewpost.gif salam o5ti ana fahma 3azabek o 7altik lakin ana sa atra7 3alayki as2ila o nti jawbi b montaha sara7a? Ok? Hal ida o5tik ma 9ablitch lzawaj nti 7a tkoni sa3ida? Tab3an la2 o hya kaman moch 7a tkon sa3ida. Hal ida hya ma waf9itch 3ala zawja had sa yaj3al l5ottab ya2ton ilayki? Tab3an la2 ma fich 3ala9a bayn amrayn yemkin ento etnin tefdalo bala zawaj? Hal hya ananya li anna sa tatazawaj 9ablak am anti ananiya li annak toridinaha an tarfod zawj monassib fa9at li annaki lasti motazawija?ana sara7a 3andi o5t moch motazawija asghar menni sa akon awal wa7da tbareklaha o 7a fra7aleha min 9albi. Rabbi a3tak ljamal se77a 3amal monassib o chabab o ahamm chay2 l3afaf o5ti anti mazelti saghira o e7na f dinna islami ma 9alch lakbira tzawej 9abl saghira.a7madi rabi 3ala ni3amo lkatira.o rabbi akid m5abbi lik 7aja a7san 3ariss elli ta tmannah kol bant akid yji f wa9t monassib. L7assad o l7i9d elli enti fih 7ala nafssiya o inchallah te5roji menha.rabbi m3ak

يا اختي اكتبي بالعربية حتى تكون القراءة سهلة