زوجة اخوي حسبي الله عليها 17 سنة خبث وحقد وكيد وماتبي تكفينا شرها حتى اخوي -تم الرد

عنوان الموضوع : زوجة اخوي حسبي الله عليها 17 سنة خبث وحقد وكيد وماتبي تكفينا شرها حتى اخوي -تم الرد
مقدم من طرف منتديات نساء الجزائر

زوجة اخوي حسبي الله عليها 17 سنة خبث وحقد وكيد وماتبي تكفينا شرها حتى اخوي



مراحب خواتي كل عام وانتم بخير وصحة من جد متضايقة وحبيت افضفض لكم عبر هالمنتدى يمكن ارتاح من الهم والقهر اللي جواتي انا عارفة يمكن كثير منكم يعاني من زوجة الاخ او اخت الزوج ومو كل زوجة اخ او اخت زوج شرانية اكيد هي ترجع للتربية ومخافة الله بنات والذي فلق البحر لموسى بكتب حكايتنا مع زوجة اخوي بدون أي ظلم لها .. ولاتقولو في احد مثلها هذي ماشفت بحياتي مثل وقاحتها وحقدها وقلبها الاسود وانا يابنات ما كتبت لكم الا بعد ما فقدنا اخوي واعتبرناة ميت وهي السبب الله لايوفقها ويعطيها على قد نيتها .. قبل اكتب قصتنا مع هالانسانة اللي حرام نطلق عليها انسانة لان ماعندها انسانية ولا احساس ولاظمير ...بنات احنا من النوع اللي مانتدخل بزوجات اخواننا ابدا من باب الحرية الشخصية ولانتدخل بخصوصية أي وحدة فيهم من باب حب لاخيك كما تحب لنفسك والحمدلله الاربع كلهم يحبوننا واحنا نحبهم لدرجة لما نعرف ان اخواني مزعلينهم نزعل ونوقف بصفهم الا هذي الخامسة حية من تحت تبن لها الان 19 سنة متزوجة اخوي وقلبت اخوي علينا نمسكنت حتى تمكنت يابنات محد شافها ومرتاح لها وجهها غير مريح بناء على كلام الاغلبية للاسف اخوي هذا زوجتة امي وهو صغير بالجامعة كان عمرة تقريبا 21 سنة وهي اصغر منة بسنة طبعا جابت منة ولد وهي معانا بنفس البيت حتى ما اتذكر كيف معاملتها مع امي لان وقتها كنا مررررة صغار واختي اللي اللحين معاها طفلين كانت وقتها بثالث ابتدائي الموهيم بحكم انها معانا بالبيت واخوي مسافر للدراسة فشي طبيعي مره هي تطبخ ومرة مرة اخوي الثاني ومرة اختي الكبيرة عدى هالشي الخدامة موجودة بالبيت ولها جناح مستقل كبير فوق تنام وتقوم وتطلع براحتها جلست معانا سنتين فقط والسنة الثالثة انتقلت مع اخوي للشرقية بحكم انتهائه من الدراسة وتوفيقة بعمله مرت الايام والسنوات وكبرنا احنا واكتشفنا ان قلبها اسود الغيرة تحرقها وهالشي مبين من تصرفاتها تخيلو تجي بالعطل لنا مع اخوي ولا عمرها اذكرت امي بهدية اللي لعبت دور كبير معاها بحكم طيبة امي مدري تغار لاننا اجمل منها وامي نفس الشي او عندها نقص مني عارفة السبب ولا تزعلو خواتي من كلامي انا صريحة الموهيم مرت السنوات وفعلن صار مشاكل بينها وبين اخوي من بعيد لبعيد احنا مالنا دخل فيها مع ذلك نقول لاخوي هذي زوجتك ومن هالكلام يعني عمرنا ما سوينا شي يخليها تحقد علينا مرت السنوات وهذا الكلام قبل 10سنوات من الان وكنا طالعين البحر احنا وبنات خالي وهي واخواني لما وصلنا البحر تدور ولدها مالقتة وتقعد تبكي وتقول كله من القحا؟؟ لابسات البناطيل تقصدنا حنا وبنات خالي طبعا احنا سكتنا نظرا لخوفها على ولدها طيب احنا وش دخلنا ساعتها اخوي مو معانا وطالع للبحرين طبعا ما قلنا له مرت الايام وكل سنة نروح عند اخوي وتصير منها مواقف باذكرها لكم باختصار تقفل الثلاجة بالليل اذا جلست ع النت تفصل المودم علي او تغير الرقم السري تقط خيط وخيط واحنا نطنش عشان اخوي ومرة من المرات كانت امي عندهم اسبوع لان اخوي حلف عليها تخيلو خدامة امي تطبخ لامي كونها عندها سكر وضغط تدخل ع الخدامة وتقولها لاتسوين شي وبرضو سكتنا طوفنا اشياء واشياء حركات لاتعد ولاتحصى بظرف هالسنوات من المرات دخلت امي الحمام تكرمون لقت الغسيل بالغساله لونة احمر وسالت الخدامة لان امي كانت بتحط ملابسها قالت خدامة حماتي هذي ملابس مدام حق دورة الموهيم طلعتها الخدامة الا هي تغسلهم مع ملابس اخوي الداخلية استغربت امي!!!!!!!وسالت الخدامة وقالت ماما اذا دورة سوي كذا راحت امي لحماتي بتسالها مثل أي ام ممكن تسال بنتها وبتقولها يابنتي ما يصلح اول ما فاتحتها امي بالموضوع الا اخوي راجع من الدوام وتقوم تبكي بهستريا وتقول امك تتهمني بالسحر الله واكبر وش جاب السحر هاللحين هالموقف لو يصير عادي الواحد يتكلم فية طوفت امي الموضوع كالعادة وراحت النسرة تقول لحماتي الثانية وصلي هالرساله لام زوجي تقصد امي انا باستدعيها بالمحكمة (((((( قوية ))))))) وامي تضايقت واخوي عصب مع ذلك ما قلبن راسة عليها طوفنا الموضوع بمزاجنا وطيبة مننا ولا مين هي يوم تسحب امي للمحكمة ... بعد سنة من هالموقف قال اخوي بحكم انهم مدينة ثانية انا يا امي بجيب زوجتي تعتذر لك وسكتت امي الموهيم يوم جابها قال امي هذي فلانة بتعتذر منك تدرون وش قالت قالت لاياحبيبتي مني بجاية اعتذر انا جاية عشان زوجي وترى للحين اقولك اذا تبين المحكمة تراها هنا وتاشر بيدها ...........وامي سكتت وبكت واخوي ولا سوا ولاشي صارت مشاكل وبعدنا عنها فترة والكلام يجي منها وبس تتصل على اقاربنا تدور الاخبار والسوالف وهم يقولون لنا واحنا مطنشينها بامكاننا نقول لاخوي بس كافين خيرنا وشرنا ومن بعدها صارت تجينا ولا حياة لمن تنادي تخيلو بنات ساكتة وتطقطق بجوالها واذا شافت اخوي تتغير ميتين وثمانين درجة واحنا نسكت لدرجة ماتنادي امي عمتي او خالتي تقول امكم او امس بهالفترة سوت امي عملية قلب مفتوح من اخطر العمليات مدة العملية من 7 الصبح الي العصر ويوم جت هي تتحمد لها بالسلامة جتنا بالبيت وتخيلو ما قالت الحمدلله ع سلامة الوالدة( طيب لية جاية) وبرضو سكتنا ولا علمنا اخوووي وفوق كذا كانت تتكلم عن الاثاث والديزاين اللي بتسويه لبيتها حنا وين وهي وين برضو سكتنا تسوي حركات اكثر من 10 سنوات ولا علمنا اخوي قلنا يمكن تعقل تتغير تخاف الله ونكسبها بطيبنا ما سوينا يابنات شي يخليها تسوي كذا لو تشوفنا نضحك مع اخوي تنقهر وتخنقها العبرة حتى مرة صار تتش قلت لها عيب قدام اخوي هالموقف احنا خوات قالت بكل بجاحة لامنتو زي خواتي خواتي هناك ( تقصد بمدينتهم ) بنات القذف وقذفت النفاق ونافقت وغيرت اخونا لينا وهذا ثمن سكوتنا لو كنا نقوله على تصرفاتها ما صدقها شكلها سنوات تشوة صورتنا قدامة الموهيم اللهة وفقنا انا واختي وتزوجنا ولا حضرت زواجنا لما جبنا اطفالنا ما وجبتنا ونشوفها توجب اقاربنا مو حب فيهم حتى تقهرنا بالمقابل لما تجيب نوجبها وبكل وقاحة تقول مو لازم .. وحدة من خواتي ساكنة بالدمام قريبة منها هبلت فيها بحركاتها لدرجة مرة تهاوشت اختي مع زوجها وراحت عند اخوي لان الامور وصلت للطلاق ومحد عندها يضفها الا اخوي وكانت حزينة وماخذ عيالها منها تخيلو هالوقحة تفتش شنط اختي من وراها وحتى الثلاجة تقفلها لدرجة اختي طفشت منها عشان ولدها عمرة سنة معاه قلم خربط على جدارها عصبت وطردت اختي بالليل وطلعت اختي منهارة واخوي ما يعرف وراحت عند جارتها ويوم جاء اخوي اخذها خاصم اختي كنها غلطانة ولا سالها عن سبب هروبها من البيت وكالعادة نسكت وياليت السكوت ينفع اشياء كثيرة تسويها هالانسانة فوق ماتتخيلون واذكر مرة حطيت عند اخوي فلوسي ادق ادورة باخذ فلوسي وردت هي وسالتها عن اخوي واذ مستلم الراتب قالت مدري ما دريت الا اخوي يدق يخاصمني باي حق تسالي من وراي كم راتبي حلفت له اني ما سالت بس كنت ابي فلوسي ولا حبيت احرجة واطلبها مع كل شي تسوية اذ جتنا بالرياض نهلي ونرحب هذا سيفوة وهذي خلاقينه ماتتغير واللحين عندها 6 اطفال والسابع بالطريق والمشكلة اسم بنتها باسم امي وغيروة قبل شهور يوم قلنا لامي تعبنا نسكت لاتسكتين ولا تسمحين لهم قالت بكيفهم والله يابنات لو اسم امي قديم او مو حلو كان عايدي بس اسم امي جدا حلو والى هالوقت يسمون فيه الناس وفية كتب حملت الاسم وكمان الموية وهو اسم سوري اصلن مو قديم طوفناها.. وهي حامل وبتسمي طفلها باسم ابوها وهو ميت وابوي حي ولا سمو باسمة .. حنا مو متخلفين لازم يسمي باسم ابوي لكن ما يسمي باسم ابوها حفاظا على مشاعر ابوي وكونة اكبر واحد باخواني غير ان ابوي غير الابهات هو اللي علمة وصرف علية ودفع له تكاليف زواجة فوق ميتين الف كم تساوي هالقيمة بذاك الوقت حتى السيارة من ابوي ..حتى ما اطول عليكم هم جونا بالعيد وقهرتني اسلوبها مع امي منحط ناهيتكم عن التمثيل اذا شافت اخوي وكنا بمخيم وكل واحد مسئول عن ضحيتة كل واحد سوى ضحيتة يوم جاء دورها طردت خدامتها من المطبخ وطردت الكل وطبعا هو جاء وشافها حتى قال لية لحالها طيب محد قالها تسويها فيها خدامات والقهر انتم عارفين ذبيحة البر ماتحتاج شي موية وملح وينكبسو سواء جلست فوق 3ساعات مدري وش تسوي جالسة جنب القدر واحنا كنا نلعب دبابات ونطالعها باستغراب طلع عندها هدف علما اذ جتنا تاخذ شقة برى الموهيم علق اخوي ومن غبائن ما قلنا له انها طردت خدامتها وان ما فية شي الله يكفينا شرها الموهيم طول ما العب دباب بنتها بالمتوسط راكبة وراي وتصورني وقفت قلت وش تسوين قالت اصور نفسي قلت اعطيني اشوف طلع انواع الصور لي اما وجهي نصة طالع او شعري لاننا كنا مسرعين وهي تصور عشوائي طلبت منها تصورني لان جوالي يعلق وارسلت الصورة بلتوث لجوالي حتى يشوفها زوجي قلت امسحيها قالت مسحتها سبحان الله يوم اخذت اختي جوالها شافت صورتي وقالت لي رحت اخذت الجوال ومسحتها الموهيم رجعنا البيت واجتمعنا وجو هما قالت اختي لبنتها اعطيني جوالك واعطتها وذكية ارسلت رساله لاحد عشان يدق عليها وفعلن دق جوالها واخذته قالت اختي بعد مكالمتها هاتي الجوال قالت لا ووجهها احمر واصفر شكل فية صور لنا وهذي عدوة مدام هذيك امها خفنا تنشر صورنا ونتطلق من رجالنا وانتم عارفين البلاك بيري التفتت امها بدال ما تقول لبنتها عيب اعطيه عمتك قالت مالكم دخل هذا جوال وخصوصيات الله واكبر احنا طلعنا جوالات اكبر من بنتها وكانت تعايرني تقول اللي عندها امها وابوها لمين تطلع الجوال؟؟؟؟؟؟؟؟؟؟؟؟؟وكانت تسمينا ام البناطيل لاننا مانلبس تنانير ولبستها هي وبنتها كل شي ضحكت فية سوتة الموهيم خفت على مستقبلنا قلت لبنتها هاتي الجوال ورفضت قلت لامها طيب انتي افتحي جوالها قالت خصوصيات قمت انا تنرفزت وانفجر عندي كبت 17 سنةمن التجاهل لوقاحة هالانسانة وسكوتنا قلت عيب عليك ما يكفي غيرتي علينا اخونا يختي خافي الله حسبي الله ونعم الوكيل وتكلمت وانفجرت قالت كولي تبن قلت يكفي حركاتك بامي وماتقولي عمة او خاله عيييييييييب انا لواشوف حرمة بالشارع باقول خالة من باب احترام يوم سمعتني اقول هالكلام قالت انا جاية للعجوز مو لكم تقصد امي بتقهرنا اعتقد امي لها اسم
اولا امي مو عجوز ويكفي انها اجمل منها قلت لها بيتنا يتعذرك اطلعي برى انتي مستحيل تتغيرين قامت دقت على اخوي تخيلو اخووووووي مادق يسال عن المشكلة او الاسباب دق يخاصم اختي ويرمي بالكلام ويرسل لي مسجات تعور القلب وفيها قذف اخوي مو شراني ولا متهجم استغربت هالاسلوب المفاجى مدري وش قالت له والي هاليوم يابنات ما يكلمنا ولا يعرف حقيقة زوجتة اللي مستعد يشهد فيها الجميع والمصيبة راح عند ابوي وامي بيسلم ومعصب قالت اختي المطلقة عيب حنا اخوان قالها انتي اطلعي برى واسكتي قالت لاول مرة بحياتها الله واكبر نسيت يوم طردتني زوجتك ولا سالتني عن الاسباب واللحين جاي تحط اللوم علينا ولا حتى بتعرف الحقيقة قام يهاوش قالت امي عيب خواتك اذا انت ماستحيت من انسابك استح من ابوك قال الله يلعن ابوي قالت وش تقول قال الله يلعنة وحطت امي يدها ع راسها ..بنات لنا شهر مادق ولا اعتذر ولايبي يعرف حقيقة عدم احترام زوجتة نبي نقوله كل شي وقرننا نتكلم ادري الوقت فات بس وش نسوي خلالاص تعبنا ولازم يعرف الحقيقة بس هو رافض يسمع الحقيقة وحتى غلط علينا ولا اعتذر بنات هالانسانة ماتخاف الله وهذي بعض من حركاتها
-يوم وفات ابوها كنا عندها وهدينها ويوم جاء اخوها من بكرة ياخذهالان اهلها بمدينة ثانية انا واختي لمينا ملابسها هي وعيالها وامي واختي الكبيرة تهديها تخيلو بالطريق ترسل لاخوي رسايل تقول خذ حقي من امك واختك يتشمتون بوفاة ابوي لدرجة اخوي وراني المسج قال شكلي بادبها قلت له من طيبتي اعذرها يمكن مصدومة من وفاة ابوها هي بظرف اكبر من انك تسوي معاها مشاكل
ولو يرجع الزمن ورى كان اخذنا حقنا منها
-مرة جابت هدية لامي وتخيلوا ارسلت خدامتها تعطي امي الهدية وسكتنا رغم انها اهانة لامي ولو غيرنا كان رجع الهدية مع الخدامة
- اختي يوم تطلقت قالت مبروك الطلاق
- مرة ارسلتني قبل لاتزوج السوبرماركت والحمدلله ماطلعت كانت ناوية تدق تقول لاخوي اختك برى البيت
-غير انها معلمه اولادها الحقد لدرجة ينادونا باسمائنا حاف بدون عمي ولاعمة
-اختي انفصلت من خطيبها قبل الدخلة ومرة جالسة بنتها تتقلب بالمجلة اعجبها فستان زواج قالت ماما الفستنا حلو قالت النسرة انشاء الله تلبسينة مع عمتك بليلة وحدة
بنات اخوي خلالالالالالالالالالاص فقدناة وتغير وقدر وماشاء فعل
انا كتبت القصة ويشهد الله اني صادقة بكل حرف والظلم ظلمات يوم القيامة .. وصدقوني هالاحداث اللي كتبتها جزء بسيط من اللي سوتة
ولاتقولو يمكن ويمكن ويمكن هذا جزء مقارنة بين اخوي وزوجتة اخوي مثقف جدا معاة لغة دراسة ببريطانيا وسيم ملتحي منصبة قوي وزوجتة شهادة متوسط ولا كملت تشبه حياة الفهد بالمررررررة .غير مثقفة . بدوية نوعا ما وتختلف عننا باشياء كثيرة
يمكن تقولو وش دخل الشكل باقولكم شينة خلق واخلاق
لو حلوة او مثقفة يمكن ثقافتها او جمالها يشفعولها
ملحوظة:: سبق ولقينا فوطة لها بشنطة ملابس اخوي الشتوية وبرضو سكتنا ولما سالتها امي قالت انة دخل عليها ومن الحياء رمتها بالشنطة. والي الان مايدري اخووووووووووووي ولا قلنا شي
بنات امانة معاكم يمكن انتم جربتو الظلم هي ظلمتنا كلنا لدرجة تسببت بطلاق وحدة من خواتي قبل سنوات وبفضل الله الان تزوجت افضل الرجال وانجبت ابي منكم الدعاء عليها ان الله لايوفقها ويورينا عجايب قدرتة فيها ويقلب اخوي عليها وماتتهنى بحملها بنات تاكدو لو انا ظالمتها مستحيل الله بيقبل دعائكم وبينعكس علي الدعاء من صارت السالفة والكل تعبان وش ذنب امي تنحرم من ولدها ويكفي مرض القلب من البداية صار بسبب مشاكلها وانقطاع اخوووانصح كل اخت تعامل زوجة اخوها او اخت زوجها بما يرضى الله وتعرف ان الدنيا فانية
وكما تدين تدااااااااان يمكن وحدة تصيب دعوتها هالانسانة اللي ماتخاف الله حسبي الله ونعم الوكيل عليها يارب يقلب اخوي عليها ويشوفها بخلقتها الحقيقية ويكفينا شرها ويرد كيدها بنحرها لاحول ولا قوة الا بالله

بنات تكفون ادعو عليها ان الله يعاقبها بالدنيا وان اخوي يعرف حقيقتها وخبثها وان الله يقلبهم على بعض وانها تفقد حملها مثل ما فقدت امي اخوي للابد امي نفسيتها زفت وتكابر وماتتحمل عندها القلب المفتوح يارب كبير تعجل بعقوبتها الله لايوفقها يارب دعواتكم يا اخواتي

يارب من تذكرنا يفرج عنها كل هم ويسقيها من موية الجنة باذن الله

>>>>> ردود الأعضـــــــــــــــــــاء على الموضوع <<<<<
==================================

انا قريت نصف الموضوع لانه طويل ولكني فهمت يا عزيزتي الغلط منكم انتوا ايه انتوا غلطانين وحده ما تحترم اهل زوجها ما تستحق الاحترام يعني المفروض اخوكم يعرف مو تمشيكم على كيفها والله اني عصبت يا اختي مهما تكون الطيبه لكل شي حد تجي بإحترامها وتروح باحترامها واذا جيتوا عندها قولي لاخوك ليش زوجتك تقفل الثلاجه والمودم علميه ليش تسكتون واذا عليها هيه الدنيا دواره بيجون حريم عيالها يسوون فيها اكثر من كذا

__________________________________________________ __________

لا حول ولا قوة الا بالله
شعورك نحوها فهمناه بس ايش ذنب الصغير تدعي عليه وهو ببطن امه؟
اذا هي ظلمتكم الله موجود وشايف كل شي وتذكري انه يمهل ولا يهمل
ومن تعجل عقوبته في الدنيا يكون حاله احسن ممن يؤجل للاخره ولعل الله اجل العقوبه لحكمه لا يعلمها الا هو
فاصبروا ع الابتلاء واكثروا من قول حسبنا الله ونعم الوكيل
ولا تدعي عليها او توصي احد بالدعاء عليها بالسوء لان الدعوه تقسم مناصفه بين الداعي والمدعي عليه
والحقيقه لا بد انها ستظهر عاجلا او اجلا
ومادام اخوكي رافض يسمعكم سيبوه ف حاله
والله قادر ان يكشف حقيقتها امامه
لا تاخذي ع خاطرك من كلامي هذا رائي الشخصي اتمنى ان تتقبليه بصدر رحب

__________________________________________________ __________

ربنا معاكى

__________________________________________________ __________

لاحول ولا قوة الا بالله
هي جنية مش انسانه الله يعينكم بس
بس يا اختي متل ما قالت الاخت ام مريوومه ليش تدعي على الى في بطنها هو شو ذنبه وفي جميع الاحوال الاطفال يضلو ابن اخوكي
وان الله يمهل ولا يهمل

__________________________________________________ __________

الله يكون بعونكـــ ,,,,,