طلاق ثاني خطبه زواج طلاق ولا عمري شفته

عنوان الموضوع : طلاق ثاني خطبه زواج طلاق ولا عمري شفته
مقدم من طرف منتديات نساء الجزائر

طلاق ثاني خطبه زواج طلاق ولا عمري شفته



تزوجت صغيره في السن زواج تقليدي بعد سنين عذاب لا دين ولا اخلاق طلبت الطلاق لان ديني اهم
خطبت مباشره بعد العده لرجل من بلد اخرى لم ارى سوى صورته وكنا نتحدث عبر النت لحين وقت كتب الكتاب انكتب كتابنا من شهرين من غير دخله ولا حتى شفته يعني تزوجت بالوكاله في بلده على اساس يجي في يونيو للدخله عمرنا مشفنا بعض على الواقع المهم زوجته الاولى طلبت يطلقني بعد اسبوعين من زواجنا وحيطلقني خلال ايام خلاص المحامي بيعمل الاجراءات

طبعا زوجي الاول تصورته اخلاق العبادات مكنشي فيه لكن قلت ربنا حيهديه المهم اخلاقه عاليه وطيب وطلع ولا شيء من ده قلت الصبر والصبر لكن سبحان الله كلما زادت السنين كلما رايت مصايب وصبرت لكن لما تصول يحاول يرغمني على ما حرمه الله قلت لا والف لا وسلام عليكم

وقلت اكيد ربنا حيعوضني خير لان ديني اهم
خطيبي الثاني حج مرتين وصلاه في وقتها واحترام ويبعثلي اشياء دينيه واذكار ووو طبعا كنت معاه على النت 24 ساعه لان شغله صحفي وعلى النت بيشتغل وبسمعه صوت وطبعا لانه محترم وعمره مطلب شيء كده ولا كده حبيته للجنون قلت اخلالالالالالالالالالالالالالالاق ودييييييييييييييييييييييييييييييييييين


لكن كان المفروض يجي بلدي واحنا بيطلبو ورقه موافقه الزوجه وهو رايح لحجته الثانيه لانه حيجي مباشره يتجوزني بعد الحج اشهد ربنا انه قالها وهي زعلت لكنه خلاص حضر كل الورق بما فيهم موافقتها

المهم بعدها وهو في المطار للحج قالي رفضوا يدوه اجازه اكثر من اسبوعين للحج
المهم بعدها لما رجع قررنا نتجوز بالوكاله في بلده وفعلا حصل ده وقبل ميحصل مش عارفه ليه حسيت بالاحساس ده رجعت سالته لو مراتك طلبت الطلاق لما نتجوز وقالتك يا انا يا هي يمكن موافقه الان وترجع عن قرارها بعدين قالي تطلق قلتله فكر كويس صحيح مخطوبين لسنتين ونص وبحبك وبتحبني لكن ده جواز فكر كويس وعندك بنت فكر قالي من غير مفكر اموت من غيرك قلتله فكر ممكن هي تطلب الطلاق وتقولك يا انا يا هي قالي حطلقها ومستحيل اطلقك ثقي بالله ثم بيا
انا قلت لنفسي بلاش خوف اولا هو مادام طلبك للزواج الا لانه لازم يتجوز ثانيه وانا اصلا كنت سالته السبب لكنه مقلشي غير جمله واحده انا بخاف ربنا ووصلت لمرحله اني على شعره من الحرام وهي طيبه لكن ترفضني دائما وتتحجج بانها مريضه وعرضناها على اطباء قالوا ما فيها شيء وكمان هي كل يوم فسح يعني بتتمارض فقط لما اقربها وكمان تحسسني بنفور وتبكي فقرت منها بنفسي
وتاسف على صراحته قلتله لا معلش كان لازم اعرف السبب لكني قلتله ومن ضمنلك انا مش زيها قالي الله اعلم بصراحه لكن لازم اخد بالاسباب وانتي دين وخلق وووو اخد يعدد مزايايا
قلت حقه ربنا شرعله يتجوز اربع والمهم دينه يحافظ عليه وانا كمان المهم راجل يحبني ويصوني وخلق ودين

طبعا سبحان الله من بعد حادث مراته عرفت انه كذااااااااااااااب قالها اه لكن ماخدشي موافقتها المضحك ان المحامي بيعمل على طلاقنا في الميل استفزيته لاني اتصدمت فيه كشخص فقالي كلام كانه طلقني بعدها قعد يقولي لا انا متلفظت بطلاقك بالمره ولا عنيت في ميلي اني طلقتك عنيت ان لما يخلص المحامي الاجراءات حتطلقي وترتاحي مني
واسالي شيخ وتعرفي مطلقتكيش ومعنتشي كده ووو
تعرفوا استغربت هو خايف موت يطلقني مع ان محاميه بيقوم باجراءات طلاقنا وبالثلاث ده كان شرط مراته عشان منرجعشي
بعثلي اليوم انا ما ظلمتك لكن افتوني في دار الفتوى ان لازم اطلقك انتي مش هي كذبه اخرى من اكاذيبه
المهم اكتشفت انه وقت الجد طلع لا اخلاق ولا دين وافضع من طليقي على الاقل طليقي كان مفيش عبادات ولا يدعي التدين انما هذا قسما لتتصوريه من احسن الناس خلق
انا رغم اني حبيته للجنون الان مش حاسه بشيء ناحيته
مش زعلانه خالص تعرفوا ليه لان انا حبيت اخلاقه ومادام مفيش اخلاق ولا يلزمني والحمد لله ان ده حصل ولا شفته ولا لمس شعره مني اكتشفت ان المفروض مكانتشي تعرف يعني كان منشن يخلي جوازنا سر طب واكيد كان منشن مسافرشي معاه لبلده واعيش هناك

صحيح طلاق ثاني وبهذا الشكل بشع لكن افضل من جوازي بشخص لا يخاف الله
حتسالوني ازاي اتجوز واحد بعيد عني انا اتجوزت القريب ولا استفدت شيء يعني الانسان بخلقه زواج كان تقليدي اولا كان حب اولا كان نت اولا كان من اي شكل كان في الاول والاخير نجاح الزواج بالطيور على اشكالها تقع وانا عايزه خلق ودين وبدعي ربنا لده والحمد لله انه وراني حقيقته
ادعولي بالزوج الصالح شكلي محرمتش هههههههه ويمكن الف على كل الجنسيات ههههههه
ما دمت عايشه وليا رب كريم حفضل اتمنى راجل خلق ودين ورجوووووووووووووله
ادعولي اتجمع باولادي لاني ماديا لا استطيع اعالتهم وقاعدين مع ابوهم لكن مستنيين نتجمع مع بعض كنت متامله ده يحصل بزواجي الثاني لكن دينييييييييي قبل اولادي ونفسي واي كان
ادعولي بالثبات فما زنيت قط بفضل من الله واسال الله ان يتم نعمته هذه علي الى ان يتوفني وهو راض عني
قد اسافر لامريكا للعمل هناك عندي فيزا فقط لكن هذا معناه احرم من اولادي
يعني لو عايزه اعيش معاهم مفيش فلوس
لو عايزه اصرف عليهم لازم ننحرم من بعض


ادعولي بزوج خلق ودين يحبني ويحب اولادي ويصونا ويحتوينا ويكون سند لينا

>>>>> ردود الأعضـــــــــــــــــــاء على الموضوع <<<<<
==================================

الي خلق ما يضيع لاحبيبتي انت رافضة الكدب والحرام اكيد ربك ما حينساك احنا خلقنا حتى نتحمل وربنا يفرج علينا ومدمت بصحتك كل الامور تهون والله يجيبلك زوج طيب ومتدين يراعيك ويحفضك الدنيا حبيبتي ما عادة تتامن والرجل بدون دين ما يستهلك والله ادعيلك من قلبي حبيبتي

__________________________________________________ __________

الله يبارك فيك يارب وكلامك بيساعد والله
امين يارب ربنا يبعد عنك كل سوء ويجازيك الفردوس الاعلى

__________________________________________________ __________

الله يرزقك بزوج الصالح ويعوض صبرك خيرا ويجمعك باأولادك قريبا

__________________________________________________ __________

امييييييين يارب ربنا يبارك فيك ويجازيك خير

__________________________________________________ __________

الله يرزقك الزوج الصالح الي يعاملك بمايرضي الله
ويعوضك في اولادك خير