بيتي نظيف طول الشهر جدولي لتعم الفايده.,., مجابة
عنوان الموضوع : بيتي نظيف طول الشهر جدولي لتعم الفايده.,., مجابة
مقدم من طرف منتديات نساء الجزائر
بيتي نظيف طول الشهر جدولي لتعم الفايده.,.,
السلام عليكم ورحمة الله وبركاته
كيفكم بنوتااات ياسنوعااات؟
انا اول ما ادخل هالقسم يدب فيني النشاط مدري ليه
وابعطيكم جدولي عشان يكون بيتي نظييف طووول الشهر
واصلا بيتي شقة عبارة عن غرفة نوم ومجلسين وصالة وحمامين ومطبخ
وعندي ولد عمره 4 سنيين والثاني بالطريق ان شاء الله ربي يسهل علي حمله وولادته
شوفوا جدولي واللي عندها معلومة تفيدني بها لا تبخل علي
وبناااااااااااااات
لا تجي وحده تقول يابختك تحبين تنظفين انا كسوله ومن هالكلام
انا كنت كذا مافي اكسل مني وطول عمري الشغلات موجودين ببيت اهلي فاول ما تزوجت
ما كنت اعرف حتى اكوي وبيتي مو دائما نظيف
لكن بفضل الله ثم الدعاء ان الله يعينني ثم هذا المنتدى والتشجيع والراحه النفسية لما يكون البيت مرتب
تغيرت 180 درجه ولله الحمد
ومثل ما افدتوني حابه افيدكم بشي بسيط
طبعا مقسمه شغلي اعمال يومية واسبوعية وشهرية
الاعمال اليومية
الترتيب - تغيير الزبايل - الطبخ - تنظيف المطبخ بعد كل استعمال
ويكون تنظيف المطبخ بغسيل الاواني المستعملة
التنظيف الاسبوعي
طبعا انظف بيتي يوم عن يوم
السبيت= كنس - مسح التحف والمرايات - الترتيب - تنظيف الحمامات - المطبخ
ويكون تنظيف المطبخ بمسح الفورميك والغاز والارضية +التنظيف اليومي للمطبخ اللي هو غسيل الاواني
الاحد = بكون فاضية
الاثنين = نفس جدول السبت
الثلاثاء = اكون فاضية واغسل الملابس لان الاربعاء تعرفوا خرجات وزيارات
الاربعاء= نفس جدول السبت + كوي غسيل الثلاثاء ويكون عادة قليييل
الخميس= اكون فاضية واذا احد بيزورني بيتي نظييف واذا بازور احد اكون مرتاحه وعندي وقت اعمل صينية معاي
الجمعه= يكون بيتي نظيف لان عادة الخميس ما اجلس بالبيت + اغسل ملابس الاربعاء والخميس واكويها بعد العشاء ويكون قليييييل برضو
التنظيف الشهري
ابدا التنظيف قبل الرواتب ب5 ايام عشان يوم تجي الرواتب يكون الباشا راااايق واتطلب على مزاجي
تفكير مااااااااادي جدا هههههه
ابدا بيوم 20 من الشهر
يوم 20 انظف المجالس
طبعا تكون نظيفة لان الحين نادرا لما احد يجي
اجيب النفاضة الريش وانفض الشباك والمكيف والستارة
ثم اكنس الجلسة او الكنب وامسح المرايات والتحف واكنس الارض
ثم امسح الباب واذا الشباك يحتاج مسح امسحه
ثم اقفل المجالس عشان يبقى نظيفة واذا جو ضيوف تكون نظيفة وامسح التحف فقط
يوم 21 انظف الصالة وتقريبا نفس تنظيف المجالس
وامسح الموكيت لان جلستنا بالصالة فالموكيت يتوسخ
يوم 22 انظف الحمامات
امسح الكيشاني تبع الحمام وامسح الشفاط
واغسل الحمام وامسح الباب
يوم23 انظف المطبخ
امسح الدواليب وارتبها من جوه وبره
وامسح الثلاجه وانظفها
وامسح الارضيه والغاز والفورميك
وامسح الباب
واذا في شئ متوسخ انتبه له وانظفه
بيوم24 انظف غرفة النوم
انفض المكيف والشباك والستارة
ثم امسح الغرفة التسريحة والسرير والدولاب وكل القطع
ثم اكنسها واغير مفرش السرير
والقي نظرة عالدولاب وارتبه اذا مكركب
ثم امسح الباب
ويوم 25 اشتغل في نفسي حلاوة واقنعه وادلع نفسي
نقاط مهمه
# علمي اطفالك ينظفوا اي شئ يخربوه
مثلا رمى الشيبس عالارض خليه هو يكنسه حتى يتعلم انه ينظف كل شئ وراه
انا اسوي مع ولدي كذا ماشاء الله اذا خرب شئ صار يسويه من غير ما اقوله
طبعا يكنس بالمكنسة اليدوية والمجرفة لان اخاف عليه يستعمل الكهربائية لوحده
# علمي طفلك مساعدتك
خلية يعمل الاشياء البسيطة يعني يشيل اكياس الزبايل ويبدلها باكياس نظيفة
او يرتب الخداديات او يرتب قوارير الماء بالثلاجة
# علمي طفلك الاعتماد على نفسه عشان يخفف عليك بعض من مسؤلياته
ام بتال
منقول للافاااااااايده
وسلامتكم https://said.xplainer.net/images/smilies/icon18.gifhttps://said.xplainer.net/images/smilies/icon18.gifhttps://said.xplainer.net/images/smilies/icon18.gif
>>>>> ردود الأعضـــــــــــــــــــاء على الموضوع <<<<<
==================================
ربى يسعدك ام بتااال وخليلك اطفالك ويبارك فى صحتك يااارب؟
__________________________________________________ __________
ماشاءالله عليها
يسلمووووووو يدينك على النقل الحلوووووو
__________________________________________________ __________
اسأل االله العظيم ان يوفقك ويسهل ولادتك وامرك ويوسع برزقك
__________________________________________________ __________
شوفو لازم يكون بيت الوحده دايما نضيفتشوف الطريقة الي تعجبها وكل مازاد العيال كل مازاد الشغل الله يكون في عوننا
__________________________________________________ __________
مشكوووووورين اخوووووووواتي
ومنورين الصفحه بردودكم الحلوه
وشكر لمن اضاااااااااف عطره على الموضووووع
