أنا بعيش أحلامي وكأنها اتحققت ......ما تيجوا تعملوا كده والله هتتبسطوا قويي مجابة

عنوان الموضوع : أنا بعيش أحلامي وكأنها اتحققت ......ما تيجوا تعملوا كده والله هتتبسطوا قويي مجابة
مقدم من طرف منتديات نساء الجزائر

أنا بعيش أحلامي وكأنها اتحققت ......ما تيجوا تعملوا كده والله هتتبسطوا قويي



السلام عليكم
ازيكم يااحلي صحبه
زي ما العنوان بيقول

انا عندي حاجات وأحلام كتير نفسي أحققها
وعايزه أقولكم الحمد لله حاجات كتير طلبتها ودعيت بيها
والحمد لله ربنا مخيبش ظني وحققهالي

لدرجة بقي عندي حسن ظن بالله الحم لله
وربنا رزقني بيقين مخليني عايشه ولله الحمد مبسوطه ومرتاحه وسعيده قوي
وهزعل نفسي ليه
هو يعني الواحد بيعيش كام مرة
الثانيه اللي بتفوت مبترجعش ياجماعه

أحلامنا مسيرها هتتحقق
ودعاءنا ربنا هيستجيبه ان عاجلا أو اجلا
ده هو سبحانه اللي وعدنا بكده"وقال ربكم ادعوني استجب لكم"

الموضوع بس ياجماعه والله مسألة وقت مش أكتر

ربنا مقدرلنا أمنياتنا
ومدخرلنا اجابة دعاءنا في وقت معين ربنا اللي حدده
وهو وحده اللي يعلمه

وحتي دي كمان فيها كلام
لأن ممكن كمان دعائك يغير القدر
قال رسول الله صلي الله عليه وسلم"لا يرد القدر الا الدعاء"

يعني ممكن قوي بالحاحك واخلاصك في الدعاء
واجتهادك انك ترضي وتتقي ربنا علي أد ما تقدري
وسعيك لرضاه
وتوسلك ورجائك ليه
يجعل الشئ اللي كان مقدرة كمان 5 سنين مثلا
تبقي بعد سنه

شفتوا رحمه وحنيه وكرم اكتر من كده

احنا بس اللي دايما مستعجلين
ودايما قلقانين

مع ان لو عملنا اللي علينا
واجتهدنا اننا نرضيه
والله استحاله هيضيعنا أبدا

وبصوا بقي المنتدي ده خير شاهد علي كلامي

ياما حكايات حقيقيه لفتوكات
لو شفتيها في فيلم متصدقيهاش
من كتر ما أفقنا الضيق مش مستوعب انها ممكن تحصل

اللي كان مستحيل تخلف وخلفت

واللي كانت فاقده الامل مليون في الميه في الزواج وربنا كرمها أخر كرم بأحسن مما كانت تتمني

واللي ربنا نصرها وجابلها حقها بطريقه عمرها ما كانت تتخيلها ولا تحلم بيها

واللي واللي واللي

ومش انا اللي هقولكم
اكيد انتوا متابعين معايا وشايفين بنفسكم

ياجماعه عيشوا احلامكم كأنها تحققت
وأطلقوا لخيالكم العنان
وشوفا ترتيباتكم ايه
وهتنظما وتعيشوا حياتكم ازاي بعد ما تتحقق أحلامكم

عيشوا كل لحظه في حياتكم بكل ذره في كيانكم

صدقوني ربنا مخلقناش أبدا عشان يعذبنا

بالعكس رينا بيحبنا
واحن علينا من أمهاتنا
ممكن يكون بيختبر صبرنا وحبنا ليه

فأروا الله من انفسكم خيرا
وحبو نفسكم
وحياتكم
وشغلكم
وأهلكم
وحتي الجماد اللي حواليكم
لأنكم اكيد بتنتفعوا منه

واعلموا ان الدنيا متستاهلش أبدا
نحزن علي حاجه فيها
خصوصا واحنا نعلم جيدا
ان ربنا رحيييييييييييييييييييم
وكرييييييييييييييييييييييييم


يارب تكونو فهمتوني
وقدرت اوصلكم اللي جوايا


احبكم في الله

>>>>> ردود الأعضـــــــــــــــــــاء على الموضوع <<<<<
==================================

عندك حق والله الحمد لله انا زيك صحيح مرات بضعف وبتعب لكن غالبا ايكاني بان احلامي تتحقق قوي ولو ان الي حوليا دايما بيستهزو مني ويقولي احلمي حتنزل عليكي من السما بقولهم اه من السما لان عندي امل في ربنا لا هو عاجز ولا بخيل هو قادر يعطيني الا اتمناه بكلمه يارب وانا مش بتامل في حد بتامل في ربنا والحمد لله وكمل مصيبه بتجيني بقول اكيد خير والحمد لله ربنا يتمم علينا نعمه الرضى لكننا بشر مرات بنضعف وربنا يثبتنا ويهدينا
اسعدني ان في الي بيفكر مثلي تحياتي

__________________________________________________ __________

والله كلامك مثل البلسم على قلبي انا كمان احس نفس الاحساس دائما اقول ان رب العالمين واقف معايه وابد ما يخيب ضني ودائما يحققلي الي اتمنى بس مو بسرعه لان لازم الانسان يكون صبور ويخاف الله ويكون مؤمن ايمان مطلق بالله جل جلاله والحمد لله على كل حال واحيانا اشوف مصائب الناس اقول الف الحمدلله والشكر على النعم الي انعم الله بها علي واكثر من الدعاء ودائما اشكر الله على الحلوه والمره
مشكوره اختي العزيزه على الموضوع والكلام الرائع

__________________________________________________ __________


شكورة يا قمر علي كلامك العسل
ان شاءالله ربنا يحقق امانيننا واحلامنا
لكل اخت وعضوة وسيدة
يااارب .. يا املي ويارجائي


__________________________________________________ __________

jamiiiiiiiiiiiil

__________________________________________________ __________

يا رب دايما حبيبتى تفيدى بكلامك الرائع وتفاؤلك الذى ينعكس على الاخوات
وان شاء الله تتحقق جميع امنياتك وامنياتنا
ارق التحيات لك