ألحقوعلي ياخلق الله تعبت وأحس قلبي يبكي جواتي ماأبي أفقده أهله بيحرموني منه مجابة
عنوان الموضوع : ألحقوعلي ياخلق الله تعبت وأحس قلبي يبكي جواتي ماأبي أفقده أهله بيحرموني منه مجابة
مقدم من طرف منتديات نساء الجزائر
ألحقوعلي ياخلق الله تعبت وأحس قلبي يبكي جواتي ماأبي أفقده أهله بيحرموني منه
بدت قصتي من وانا صغيره
عشت مثل أي طفله
كنت حيل طيوبه وعلى نياتي وعلى طول أضحك والبسمه ماتفارق شفاتي
وأحب حيل دراستي وكان يوم يسألوني
لاكبرتي وش بتطلعي كنت أقول دكتوره ومن جد كنت أبي أكون دكتوره
وكبرت أنا وأخواني الي قريبين من سني كنا قراب حيل من بعض
وبحكم إن الوالده دخلتنا المدرسه في سنه وحده فكنا كلنا بنفس المرحله
كنا نذاكر سوا وناكل سوا ونداوم سوا بس أخواني بمدرستهم وانا بمدرستي
مانفترق أبد حتى الشنط يوم إنا نشتريها
كان نفس بعض طبعآ زمان كانت الشنط والأغراض المدرسيه ماتفرق أغراض البنت
من الرجال...
وعشت حياتي لين ماجاء يوم وداومت فيه وربي كتب إني ماأتحصن وأقراء الأذكار
نسيتهم ذاك اليوم وداومت بدون ماأقراهم..
ويوم داومت وليتني ماداومت طحت من طولي ورجعتني المديره البيت
وجيت ثاني يوم بدام ونفس الحاله ضيق وابكي وتعرق غريب ينزل من وجهي
وخيفه وجسمي كله يرتعش وقلبي يدق بقوه وهذا كله موعارفه ليه...
وماقدرت أدخل المدرسه أبد..
ضنت الوالده إني اتدلع أو شئ
فبطلت علي من الدراسه وجيت ثاني سنه بقدم لقيتني نفس الحاله جتني وتعبت
عقبها ودوني لشيخ وقراء علي وقال عندها حسد شديد...
وكنت اتعالج وحاولت ارد المدرسه ولكن بدون جدوى...
بطلت من دراستي وأنا في الإبتدائي...
وتحطمت أحلامي قدام عيني وأنا لاحول لي ولاقوه
كان حلمي الوحيد بإني أكون دكتوره
والحين حلمي تكسر قدامي وماقدرت أسوي شئ
بكيت وبكيت
وجلست بالبيت وكنت أشوف أخواني يذاكرون بس هالمره بدوني
ويداومون وانا أتفرج ويجون من المدرسه يحكون للوالده وش يصير معاهم
وانا بس أتفرج
وأبتعدو أخواني الي بسني عني
وصرت وحيده
وبداء الحزن يدخل قلبي الصغير
وبداء الهم يسكن جسدي الصغير
وبهتت إبتسامتي وتغيرت ملامحي للحزن والكئابه
كان عمري 10 سنه ولكن كبرت فوق عمري 20 سنه.......
صرت وقتي كله وحيده
وماعدت أطلع الشارع ولاحتى الحوش ونسيت اللعب وصرت معاد أفرق
بين النهار والليل إلا بمواعيد الصلاه
وأختفت البهجه والألوان من حياتي صارت كلها بعيوني سوده
وصار الدفتر والقلم على طول بيدي أكتب همي وأشكيه له
حتى يوم جو عندي أخواني الي أصغر مني بكثير كثير
حتى المدرسه باقي مادخلوها
مدولي يدينهم صارو الوقت كله معاي مايفارقوني حتى نومنا سوا
فعلو معاي الي ماسوه أخواني الي بسني
تعلقت فيهم حيل حبيتهم أكثر وأكثر
وأضافو لدنيتي السوداء لونين
صرت أشوف الدنياء باللون البنفسجي والأبيض
أبعدو الهم عني
واحد فيهم أسمه محمد هذا كان خيالي الي مايفارقني
رجعوني لطفولتي صرت ألعب معاهم رغم فارق السن الي بيننا
إلا كنت متأقلمه معاهم حيل نلعب ونضحك ونجيب دفاتر وأعلمهم الحروف
على اساس اني معلمه وكانو يغلبوني حيل حيل في الحروف لإنهم باقي صغار ؟؟
ومرت الأيام وانا سعيده حيل معاهم ومحمد كان حيل قريب مني..
ومرت السنين وكبرت وصار عمري15 سنه
وطبعآ أخواني كبرو فديتهم ودخلو المدرسه وكنت أذاكر لمحمد على طول..
لين ماجاء يوم عمري ماراح أنساه...
جاء محمد عندي باسني وقالي معسلامه بإبتسامه طفل تجنن
وراح يصلي..
كنت يومتها قلقانه حيل موعارفه ليه وكان بالي مشغول على محمد مدري ليه
وكلها كم ساعه وأسمع أهلي يصرخون
وأروحلهم وأقولهم وش فيه قالو محمد توفى
وشلون توفى قبل شوي كان عندي باسني ناظرني وقالي معسلامه
طحت من طولي أنشليت عن الحركه ولساني أنشل عن الكلام مايقارب
ساعات..
ماحسيت إلا يوم يقولون لي تعالي ودعيه وسلمي عليه
رحت ودخلت وشفته سادح للقبله مغطى بالكفن
شفت وجه شفته مبتسم رغم الجروح الي بوجهه مبتسم
ووجه أصفر ومنور
طحت على صدره بكيت وبكيت وقلت له معسلامه يانور عيني
معسلامه ياحبيبي الله يرحمك يانورعيني الله يغفرلك يانورعيني
وبست يدينه وصدره وجبهته وانا أبكي وادعي وأشوفه لأخر مره
وخذوه مني غصب عني وودوه للصلاه والدفن
وراح أخوي محمد واندفنت معاه فرحتي
راح محمد وخذا معاه إبتسامتي
راح محمد وخذ معاه كل الألوان اللي بالدنياء
تغيرت حياتي والحزن سكن قلبي
ودموعي جرحت عيني
صرت معاد أبي أشوف أي احد
وصرت أتفادى أخواني الي بسن محمدالله يرحمه
لإني أحس بألم وانا أشوفهم لإني ماأشوف محمد معاهم
يجون يبون يلعبون معاي كنت اصرخ واوخرهم عني
ماأبيهم ومحمد مومعاهم موقادره أبي محمد أبي أخوي
وفعلآ بعدت عن أخواني وعن كل الناس صرت وحيده
وعانيت لمدة سنه كل يوم أصحى أصرخ من النوم أنادي بإسم محمد
وماأحس بنفسي إلايوم يرشوني أهلي بالماي..
وفاة محمد أخوي سببلي ألم كبير وفراغ ووحده كبيره بحياتي
ورجعت للدفتر والقلم وصرت أكتب قصايد يدمي لها القلب
والله كلمة فرح ماكنت اقدر اكتبها من الحزن الي بحياتي
وصارت ايامي كلها زي بعض البارح مثل اليوم واليوم مثل بكره
مافي جديد غير الحزن والدموع والهم إنهم يزيدون بحياتي...
وكانو أهلي يحاولون يطلعوني من حالتي ماقدرو
كان يوم نروح بيت جدتي
كنت أجلس لحالي والأطفال عيال خالاتي يلعبون
وانا أناظرهم وأقول يارب لاتكتب نصيب أحد فيهم مثلي
يارب لاتعطيهم الحياه الي انا عايشتها..
حتى يوم جات الوالده تهاوشني وتقولي اطلعي من الحاله
الي انتي فيها حتى خالتك يوم رحنا عندها تقولي
بنتك باين عليها الحزن شوفيها ماتجلس معانا
عيونها تنطق حزن
وهاوشتني وطلعت من عندي
وانا بكيت وقلت
وشلون ابتسم والي ردلي إبتسامتي يوم تركت دراستي مات
ماأقدر أبتسم أبي محمد أخوي وأبكي كعادتي يوميآ
وصارت ايامي متشابها جدآ وممله ونفس الشئ مافيها جديد أبد..
ومحد قدر يطلعني من حالتي ووحدتي...
وصرت أخاف من الموت لاياخذ احد من اوخاني فجئه
كل مايطلعون اجلس على اعصابي حتى يجون
الخوف سكني وبكل صراحه اقولها لكم
فقدت الأمـــــان في حياتي فقدته
ومرت السنين
وجات هالسنه سنة 1437-1436هـ
ربي كتب لي أسافر لضروف ضروريه
ولأول مره بحياتي اطلع ولابعد مو مع الوالده مع أخوي بس..
رحت بيت قرايبنا أول مره أشوفهم
تعرفت عليهم أرتحت لهم كثير كثير حبيتهم
أمهم مره طيبه كان دايم أمي تتكلم عنها تقول طيبه وصابره على مرض زوجها
مافي مثلها ودايم تتكلم عنها بالطيب؟؟
بدون ماأدخل في التفاصيل بالضبط
حسيت قلبي مال لقريبي
أشلون كيف متى
مـــأدري
كل الي كنت أحس فيه إن قلبي ينبض بقوه إذا فكرت فيه
أوإذا سمعت صوته ينادي على أخته أو إذا أتصلت عليه أبي أخوي...
لاحظت علي أخته وقالت لي أش عندك هاه لايكون تحبين محمد
{تخيلو عاد أسمه محمد مثل أخوي الله يرحمه شوفو القدر أشلون يلعبي}
قلت لأخته لالالا أشلون أحبه أنتي مجنونه
بعدين قلت لها أهو الي يحب كيف يحس
قالت مثل تصرفاتك كلامك كله محمد ومحمد ومحمد
رميتها بالمخده وقلت لها أنطمي
وغطيت راسي بالبطانيه
وقلت لايارب اذا الي فيني حب يارب أرجع لديرتي وحبي بقلبي محد يدري عنه
يارب أسترني يارب ماأبي أحد يعرف أني حبيت قريبي محمد
وكتب ربي إني أتأخر عندهم وتزيد المهله الي بجلسها عندهم ورجع أخوي وبقيت
أنا هناك عندهم...
والصدمه عرفت بعد إن محمد قريبي كان يبادلني نفس الشعور
وصرنا نكلم بعض على طول مانتفارق ثانيه وحده إلاوقت النوم
ومشاويري كان اهو يوديني انا واخته
صار أقرب لي من وريدي
حبيته حيل حيل حيل
بنات منتو مصدقيني والله العظيم
يوم أشوفه أحس بالأمان أحس بالأمان
فاهمين يعني وشو أحس بالأمان الي فقدته في طفولتي
تخيلو يوم أجلس جنبه أحس بالأمان الي فقدته
ويوم يروح من عندي يروح الأمان مني وصار يوحشني موت
أبي أشوفه أبي أحس بالأمان وماراح ألقاه إلاعند محمد
يابنات كلمة أنجنيت عليه شوي والله شوي
والي مريحني إنه أهو بعد يحبني نفس الشي بس أنا أكثر
تدرون ليه أنا أكثر
لإن حبي عمر ماأحد راح يوصله كنت دايم أقول لمحمد باقي ماجابتها
أمها وابوها الي بتحب مثلي
يابنات رجع لي بسمتي من غير مايحس
رجع لي الحياه الي فقدتها في طفولتي
صرت أضحك وأغني ولابعد حب
صرت أهتم بشكلي اللي أهملته
صرت أهتم بملامحي الي من وأنا صغيره ذبلت
صرت أبي أسوي أي شئ يبسط محمد
أحبه أحبه أحبه فوق ماتتصورون
إلاجنون الي فيني موحب والله العظيم جنون مو حب
ومرت الأيام وانا كل ثانيه أتعلق أكثر وأكثر في محمد
ياناس مهما وصفت حبي له وجنوني فيه ماتتخيلونه
هي روحي وحياتي ودنيتي
ألحين المشكله
إن أمه تبي تزوجه وقف ضدهم ورفض وصارت مشاكل
وهدي الوضع فتره بس ألحين خلاص أمه صممت تبي
تزوجه
وقالت له ماتاخذ هالبنت لوعلى قطع رقبتي
قالت له ياأنا ياهالبنت
وحلفت يمين إنه ماياخذني ولوأخذني بتتبرى منه
قالت له منت ولدي ولاأعرفك..
بتقولون وش السبب
أول شئ صارت مشكله بيني وبين أخته بس
طلع الحق معاي وأمه عارفه إن الحق وياي
وأعطيتها دليل وعرفت إن الحق معاي
وأنتهت المشكله الحمدلله رغم إني
عايشه في حالي ومالي في المشاكل
عمري في حياتي محد أشتكى مني
بس الحمدلله على كل حال...
ثاني شئ
أمه من قبل ماأجيهم حالفه بالله ماتزوج أحد من الأقارب
لإن صار قبل كذا بنتها متزوجه واحدمن الأقارب وصارت مشاكل
وطلاق؟؟
فأمهم حلفت من زواج الأقارب..
ويوم عرفت عن علاقتي بولدها أنجنت وحلفت يمين إنه ماياخذني
إن حياتنا بتصير مشاكل وشك وإني بخونه وزي ماحبيته بحب غيره
هذا كلام بنتها لي قالت لي أمي تقول كذا....
ألحين أهي حالفه بتزوجه ومحمد رفض كثير بس هي مصممه
والمشكله إنها راعيت قلب
أنا ألحين وش ذنبي أحسني بنجن
أحبه وقلبي تعلق فيه
ولاأتخيل غيره يكون معاي ويجلس جنبي
ماتخيل غير محمد حلال لي
آآآه أحس قلبي مطعون بخنجر موقادره أطلعه
يابنات حسو فيني تكفون حسو بحياتي الأليمه الي عشتها من صغري
عاد اول مره أفرح ويجيني الفرح ويدخل قلبي لأول مره الحب
وماتكتمل فرحتي ليه حضي ردي
ليه كل ماجيت أبتسم الزمن يبكيني
ودي أصرخ بصوتي كله
إلامحمد لاتحرموني منه تكفون أبوس يدينكم لاتحرموني منه
هوحياتي هودنيتي هو كل شئ لي
هو الي علمني أبتسم من قلبي
هو الي رجع النبض لقلبي
رجع لي أيامي كلها شفت معاه الحياه بألوانها كلها
محمد الوحيد الي طلعني من وحدتي
خلاني اطلع واشوف الناس واضحك لناس
أنا كنت عايشه حياه أليمه جدآ ومافيها جديد
محمد اهو الي طلعني منها من غير مايحس
حب محمد غيرني خلاني اهتم حتى بحالي
ألحين أشلون يحرموني منه والله حرام وش ذنبي إن قلبي حبه
وروحي تعلقت فيه
وبعدين إشلون بخونه وانا اساسآ ماأقدر أتخيل مجرد تخيل إني بكون لغيره
يارب أموت وأندفن إذا أنا جالسه أكذب
أنا عايشه ألحين عشانه بس ودي أسعده ودي أساعده بكل شئ بحياته
ودي أطبخ له واكله بديني ودي انيمه ودي اصحيه للصلاه
ودي أساعده يترك كل شئ مهو زين
ودي أقربه أكثر وأكثر لربي وأعينه ويعيني ونكون عون لبعض
ونقدر ظروف بعض ونكون في بيت صغير على قدنا ولو تهاوشنا
سرنا مايطلع برى جدار بيتنا
والله يابنات ودي أعيشه ملك لإنه ملك حبي أنا وأميرحبي أنا
بس أمه وقفت بطريقي داست على أحلامي كسرت أحلامي
قولولي أشلون أتحمل ثلاث صدمات
اول شئ النصيب حطم أحلامي في دراستي
وثاني شئ القدر حطم أحلامي بقربي من أخوي الله يرحمه
وألحين الثالثه أمه حطمت أحلامي
لالالا الثالثه حيل توجع والله موقدها أنا تعبت وربي تعبت
متى عيوني وقلبي يشوفون الفرح
متى يارب أرتاح معاد أبي دراسه معاد أبي شئ من هالدنياء
الي أبيه شئ واحد محمد أبي محمد بالحلال أبي ربي يجمعني فيه
والله بموت لوأشوفه مع غيري ماتحمل قلبي الأوجاع الي فيه تكفيه
من وانا صغيره متألمه ووحيده
ألحين أبي أحس بالحياه كفايه الي راح من عمري
سنيني كلها راحت هدر قدام عيني راحت سنيني
بس ألحين أبي أعيش مع محمد لويوم واحد بالحلال وعقبها أموت
عادي والله عادي أهم شئ أعيش معاه لويوم
وعقبها أموت والله أحسني حتى وانا ميته بغار عليه
آآآه بس قلبي جواتي أحسه بيتفجر
موعارفه وش أسوي أو أروح لمين أشكي وش أسوي دلوني أشلون أتصرف
المشكله أنا أحب أمه وأحترمها ماأقدر أقوله قولها لا
ماأقدر أخليه يعصي أمه لإني لوسويت كذا مافيني خير
والله رغم الي صار منها إلا إني حاطتها على راسي وأحترمها وأحبها
بس ابيها تعطيني ولدها والله لوإنها تدري بربع الي بداخلي اوتحس فيه
إنها لتعطيني ولدها
والله لوتدري إني بصونه وبحطه بعيوني وقلبي راح تعطيني
والله لأخبيه من الهم ومشاكل الحياه وأعينه على طاعة الله
لإني أعشقه وأهواه
ألحين صرت حتى الأكل ماأكل عيوني لونها من جوه أصفر عيوني صغرت من الحزن ومتورمه
ووجهي متورم من البكي
وحالتي حاله عيوني والله مايفارقها الدموع حتى وانا أكلمه أضحك ودموعي بعيني
وماأبي أحسسه عشان مايتضايق بس خلاص انا تعبانه ألحين ياليت أموت
ليه عايشه انا للعذاب وبس حتى في حبي الوحيد بيحرموني منه
والله حرام الي يصير فيني استغفرالله بس يارب لك الحمد
انحرمت من محمدأخوي وقلت القدر الله يرحمه
بس ألحين أنحرم من محمدحبيبي لاماأقوى
والله ماأقدر موقادره أتقبل هالشئ صعب مؤلم حيل حيل
ساعدوني وش اسوي انا بنجن والله بنجن
أحبه فاهمين أعشقه وموعارفه وشلون أقنع أمه موعارفه وش أسوي
ضايعه انا آآآه بس من هالحياه الأليمه
عمري مافرحت فيها من وانا صغيره الهم ملاحقني حتى في حبي الوحيد
الهم مومخليني
شوركم علي وش أسوي والله إني أحسني بموت من كبر الألم الي بداخلي
ساعدوني تكفون وش أسوي ماأبي أعيش بدونه ماأبي الحياه بدونه
لإنه حياتي وكل شئ بدنيتي؟؟؟؟؟؟
اكتب لكم قصتي وانا قلبي يعتصر من الالم وعيني تنزف دمآ لادموع .....
موعارفه وشو أقول ولا اعارفه وشو أكتب لكم لأوصل حديثي وألمي الى قلوبكم
فــ إني اكتب اليكم قصتي ودمعي اغرق خداي .. عدت لا استطيع ان ارى حروفي ..
وخائفه من فقدان أعزمالدي محمد حياتي والحياه لوراحت ماتتكرر مرتين
https://img03.arabsh.com/uploads/ima...30424e64f3.jpg
قساة الكون في عيني وقلبي ما إهتنى وما إلتـم
قسى هالوقــــــت يـا قلبـي وضيَّـع كـــــل راحاتـي
جروحي فوق طاقاتي بكيـت وفـي عيونـي دم
رضيت آنا على القسوه وضاعت كـل بسماتـي
تعبتْ / وما صِدَقْ حَظي وفوق الهم أشيل الهـم
صغيرهٍ في العمر آنــــــا وكبيـره حيـــــل مأساتـي
محدْ يدري عن أخباري محد في دنيتـي مهتـم
وحيدْه أمشي مع همِّي وكبيرْ الحزْن فـي ذاتـي
سِمَعْ قلبي عَنْ الراحَه واهيَّه مِنْ الوهـم أوهـم
أعيشْ آنا بوسط واقــــعْ نهاياتـي فـي بداياتـي
ياليت تفيدني الحسره ياليت أرتـاح لـو أنـدم
صعبْ أرتاح فـــي الدنيـا حزيـنْه بكـلْ حالاتـي
سفينه مِنْ الصعب ترسى واهي مِنْ الموجْ تتحطم
أشوف البحر فـــــي عــــيني لقيـت المـوجْ دمعاتـي
كثير قلوب غرقانه واهي منْ الوقتْ مـا تسلـم
بحر هالوقت هَمْ يغـــدر وهـذا معنـى كلماتـي
يا قلبي الطِيبْ ما ينْفَـعْ عشانـي ركِّـزْ وإفهـم
أنا ملِّيـتْ أعلِّـم فِيــــــكْ وإنـتَ تزيـــدْ آهاتــــي
أمانه كان لِي خاطـر مِـنْ اللِّـي صـار تتعلـم
ويا قلبي إتـرك الطيبـه بعـد قــصـة مُعاناتـي
https://img03.arabsh.com/uploads/ima...3042496dfa.jpg
>>>>> ردود الأعضـــــــــــــــــــاء على الموضوع <<<<<
==================================
حبيبتي قرأت ماكتبتي
مدري من وين ابداء
اذا الانسان يبي يعد متى فرح بالدنيا مايلقى الاالقليل تدرن ليه؟
لان قال تعالى (ولقد خلقنا الانسان في كبد) اي مكابده للدنيا وهمومها
انتي لانك منطويه على نفسك مو شايفه شي
ما ابي اتكلم عن همومي
الدنيا ماتكمل لاحد
حبيبتي اسفه اني اقولك كذا بس انتي اللي عامله لنفسك هاذا الجو
طيب ليه ماتكملين دراستك بمحو الاميه او منازل انتساب
ويمكن اللي فيك مو حسد يمكن ضغط ولما تتوترين بالمدرسه مع الازدحام والوضع الجديد تغيبين عن الوعي
يمكن شيء عضوي لازم تروحي لدكتور
او ممكن شي نفسي فيه امراض نفسيه كثيره
وفرضا عين وحسد
العين لها علاج بالقران والرقيه
هذا مو سبب لتركك الدراسه
لاكن نصيحتي ان تتداركي الوضع وتكملين انتساب بس تروحين ايام الامتحانات او محو اميه
اما موضوع اخوك الله يرحمه
قولي الحمد لله عندك ام واب واخوان
ياحبيبتي كل هالاحباط
طيب فيه يتامى لا ام ولا اب ولا اخت ولا اخ
قولي الحمد لله
هذا سخط على قضاء الله وقدره
مو من اركان الايمان القضاء بالقدر خيره وشره
هذا من القدر خلاص الله كتب كذا
ليه ماتفكرين بطريقه ايجابيه ادعيله تصدقي
حبيبتي
احس انك تبحثي عن اسباب لتحزني لان دائما الحزن له لذه
لو كل انسانه مات شخص تحبه عملت مثلك
كان كل الناس الان صايبها اكتئاب
حبيبتي قولي الحمد لله على كل حال وتذكري ان من رضي فله الرضا ومن سخط فله السخط
اقرائي احاديث الرسول عليه السلام اقرائي عن علامات الساعه اقرائي عن المسيح الدجال اقرائي عن
التوبه ورحمة الله
ونصييييييييييييييييييييييييييييييييحه مني
اقرائي كتاب لاتحزن لعايض القرني
وتحزنين كل الحزن والهم على دنيا لاتسوى عند الله جناح بعوضه
استغفري ربك
وتوبي اليه والزمي الصلاه والاستغفار
واحمدي ربك على نعمة الصحه والعافيه
روحي شوفي المستشفيات فيه ناس سنيييييييييييين على فراشها ماتقدر تحرك
فيه ناس وكبار بالعمر مايستطيعون حتى ان يدخلو الحمام يدخلهم الخدم للحمام ويغسلون لهم ويخرجونهم
فيه مرضى بالسرطان والفشل الكلوي والايدز
فاحمدي الله الذي عافك
فيه ناس عمي عايشين بظلالالالالالالالالالالالالالالالالالام
وفيه خرس لايستطيعون ان يعبرو عما في داخلهم
وفيه الطعام يدخل لجوفه بالاجهزه عن طريق الانف
فاحمدي الله
اما الشخص اللذي يريد خطبتك فهو الرجل ان كان يريدك فسوف يحاول بامه
انتي توكلي على الله وادعي ان يكون من نصيبك
واذا ماكان نصيبك قولي الحمد لله على كل حال
انا قرات عباره تقول لن تتزوج المراه الا زوجها
فاتركي هالموضوع على ربك
حبيبتي اسفه اذا قسيت عليك
بس انتي لازم تقسين على نفسك لتستطيعي اخراجها من هاذا الوضع اللذي ادخلتيها فيه
وتذكري ان الدنيا لاتسوى عند الله جناح بعوضه
عيشي حياتك
اطلعي تونسي
كملي دراستك
سجلي بدار تحفيض القران
واخرجي نفسك
لاني مو قادره اتخيل وضعك لو ماحصل بينكم نصيب
اذا على دراسه وعلى وفاة اخوك الله يرحمه عملتي كذا
فكيف لو تزوج وتركك وهذا اكثر مايجرح ويحطم المراه
عموما مكالمتك له من الاساس خطاء
لاكن الان تداركي الوضع
الله يسعد ويطمن قلبك ويهدي بالك
امييييييييييييييين
واذا عندك اي استفسار انا حاضره
واتمنى اقراء ردك على كلامي
__________________________________________________ __________
الله معك ياقلبي ويكون بعونك انا نصيحتي بما ان امه عندها قلب وقلبها طيب انك تكلميها بدون ماحد يعرف تحكيلها عن حالك ومشاعرك اكيد لوكلمتوها بالطيب بتحس فيكم وسالو شيخ عشان الحلف اذا له كفارة او شي الله يوفقك
__________________________________________________ __________
مشكلتك ماعندك صبر الموت حق علينا وكلنا على هاالطريق اماالحبيب المزعوم لويبيك خطبك ماجلس يكلمك هالمكالمات والطلعله معه استغفرالله حرام ومااظن بيتزوجك اكيد بيجيب لك حجه مثل رفض امه على العموم لاتتعبين من التفكير نصيبك بتاخذينه لوالدنياكلها وقفت ضدك اذا الشخص هذامن نصيبك بتاخذينه بس الله يعينك يمكن يعايرك بعد الزواج ويقول انتي كلمتيني وركضتي وراي وانتي مومتحمله صدمات استخيري وانتبهي لاتقولين شي لامه ترى طيحين من عينه واذاتقطعين المكالمات افضل لانه حرام ولان الثقل صنعه ليششششششششششششش رابطه حياتك بانسان ضعيف مثله مثلك اربطي حياتك بصلاتك وغيري توقيعيك عشان اذا ماصرتو لبعض انتي تكونين مهيئه نفسك لشي هذا خليك قويه وواثقه بنفسك كملي دراستك انتساب اقري سورة البقره يوميا لازم تكونين قويه وتطلعين من الحاله الي انتي فيها الله يشفيك ويرزقك بالزوج الصالح الي يطق الباب موالشباك ويرزق كل بنات المنتدى ومن قالت امين
__________________________________________________ __________
إقتباس
المشاركه الأصليه كتبت بواسطة=متى نفرح;8821161]حبيبتي قرأت ماكتبتي
مدري من وين ابداء
اذا الانسان يبي يعد متى فرح بالدنيا مايلقى الاالقليل تدرن ليه؟
لان قال تعالى (ولقد خلقنا الانسان في كبد) اي مكابده للدنيا وهمومها
انتي لانك منطويه على نفسك مو شايفه شي
ما ابي اتكلم عن همومي
الدنيا ماتكمل لاحد
حبيبتي اسفه اني اقولك كذا بس انتي اللي عامله لنفسك هاذا الجو
طيب ليه ماتكملين دراستك بمحو الاميه او منازل انتساب
ويمكن اللي فيك مو حسد يمكن ضغط ولما تتوترين بالمدرسه مع الازدحام والوضع الجديد تغيبين عن الوعي
يمكن شيء عضوي لازم تروحي لدكتور
او ممكن شي نفسي فيه امراض نفسيه كثيره
وفرضا عين وحسد
العين لها علاج بالقران والرقيه
هذا مو سبب لتركك الدراسه
لاكن نصيحتي ان تتداركي الوضع وتكملين انتساب بس تروحين ايام الامتحانات او محو اميه
هلاحبيبتي كلامك على عيني وراسي بس أنا الحمدلله بخير مافيني شئ
وانا كتبت كل معاناتي عشان الي بتحكم علي تكون حاسه
بمعاناتي
وترى أنا نسيت أكتب إني كنت أرجع للدراسه كل سنه بس أتعب
وأبطل أهو مايغمى علي لاحبيبتي أحس بس بخوف وقلق وقلبي يدق بقوه
وتجيني خيفه وأحس برغبه للبكاء وتعرق بوجهي وأتثاوب وزي كذا
ورحت عند أكثر من شيخ قالي حسد
وبنسبه للمستشفى رحت وقالو أعضاءها كامله بخير والحمدلله
بس الي فيني حسد
وأتعالج عند الشيخ وخفت حالتي ودرست أنتساب وقدرت أداوم
بس يوم الإختبار كنت أشوف ورقة المراجعه بيضاء
ماكأن فيها شئ وراجعت عند اشيخ والحمدلله وبس
اما موضوع اخوك الله يرحمه
قولي الحمد لله عندك ام واب واخوان
ياحبيبتي كل هالاحباط
طيب فيه يتامى لا ام ولا اب ولا اخت ولا اخ
قولي الحمد لله
هذا سخط على قضاء الله وقدره
مو من اركان الايمان القضاء بالقدر خيره وشره
هذا من القدر خلاص الله كتب كذا
ليه ماتفكرين بطريقه ايجابيه ادعيله تصدقي
حبيبتي
احس انك تبحثي عن اسباب لتحزني لان دائما الحزن له لذه
لو كل انسانه مات شخص تحبه عملت مثلك
كان كل الناس الان صايبها اكتئاب
حبيبتي قولي الحمد لله على كل حال وتذكري ان من رضي فله الرضا ومن سخط فله السخط
اقرائي احاديث الرسول عليه السلام اقرائي عن علامات الساعه اقرائي عن المسيح الدجال اقرائي عن
التوبه ورحمة الله
ونصييييييييييييييييييييييييييييييييحه مني
اقرائي كتاب لاتحزن لعايض القرني
وتحزنين كل الحزن والهم على دنيا لاتسوى عند الله جناح بعوضه
استغفري ربك
وتوبي اليه والزمي الصلاه والاستغفار
واحمدي ربك على نعمة الصحه والعافيه
روحي شوفي المستشفيات فيه ناس سنيييييييييييين على فراشها ماتقدر تحرك
فيه ناس وكبار بالعمر مايستطيعون حتى ان يدخلو الحمام يدخلهم الخدم للحمام ويغسلون لهم ويخرجونهم
فيه مرضى بالسرطان والفشل الكلوي والايدز
فاحمدي الله الذي عافك
فيه ناس عمي عايشين بظلالالالالالالالالالالالالالالالالالام
وفيه خرس لايستطيعون ان يعبرو عما في داخلهم
وفيه الطعام يدخل لجوفه بالاجهزه عن طريق الانف
فاحمدي الله
بالنسبه لوفاة أخوي أنا راضيه وحامده ربي وشاكرته ومالي إعتراض عليه
وربي إذا حب مسلم إبتلاه
ودايم أدعي له وبإذن لله ألتقي فيه بجنة الخلد
هالدنياء كلها فانيه إلاوجه ربي الكريم..
أنا عندي الكتاب لاتحزن وسجلت قبل كذا في تحفيظ القران وصارت لي
ظروف وتغيبت عن التحفيظ وطافتني اجزاء كثيره فوقفت.
وعندي كتب كثيره لمحمد العريفي ولعائض القرني وعندي أشرطه كثيره
لعبدالمحسن وسيمان الجبيلان وعائض والعريفي وكثير كثير عندي الحمدلله
ومويعني إني حزينه مو راضيه بقدر ربي بالعكس راضيه
بس وش أسوي بقلبي الي يخاف يفقد أعز أحبابه ومايتحمل
والحمدلله أصلي وتر وضحى ومحافظه عليهم من وانا عمري 14 سنه.
اما الشخص اللذي يريد خطبتك فهو الرجل ان كان يريدك فسوف يحاول بامه
انتي توكلي على الله وادعي ان يكون من نصيبك
واذا ماكان نصيبك قولي الحمد لله على كل حال
والله فديته يحاول قد مايقدر حتى مشاكل على طول بالبيت
وأمنيته إنها توافق
انا قرات عباره تقول لن تتزوج المراه الا زوجها
فاتركي هالموضوع على ربك
ونعم بالله عليه توكلت وهو حسبي
حبيبتي اسفه اذا قسيت عليك
بس انتي لازم تقسين على نفسك لتستطيعي اخراجها من هاذا الوضع اللذي ادخلتيها فيه
وتذكري ان الدنيا لاتسوى عند الله جناح بعوضه
عيشي حياتك
اطلعي تونسي
كملي دراستك
سجلي بدار تحفيض القران
واخرجي نفسك
كل هذا سويته صرت اطلع واتونس بس السبب لخروجي من وحدتي
محمد أهو الي طلعني من وحدتي وحزني
لاني مو قادره اتخيل وضعك لو ماحصل بينكم نصيب
اذا على دراسه وعلى وفاة اخوك الله يرحمه عملتي كذا
فكيف لو تزوج وتركك وهذا اكثر مايجرح ويحطم المراه
إيه والله بنجن ماتخيله مع غيري ماتتخيلين شدة تعلقي فيه
صارأهو كل شئ بحياتي صرت اشوفه حتى الهوا لصدري
والله أحبه وبموت بدونه
عموما مكالمتك له من الاساس خطاء
لاكن الان تداركي الوضع
الله يسعد ويطمن قلبك ويهدي بالك
امييييييييييييييين
أنا عارفه إن مكالمت البنت لشاب غلط وانا ضد هالشئ
وعمري ماقلت هالشئ صح بالعكس غلط
بس ياناس مدري وش صارلي حبيته قبل حتى ماتصير بيننا مكالمه
والله ماحسيت بحالي غير إني أكلمه ومتعلقه فيه حيل حيل
ومونادمه إني حبيته وكلمته لإنه صار كل شئ بحياتي
أهو صار حياتي بنفسها والحياه لو راحت مات الجسد
واذا عندك اي استفسار انا حاضره
واتمنى اقراء ردك على كلامي[/quote]
إيه عندي قولي لي أشلون أقنع أمه وش أسوي
المشكله إنها قريبتي ماأقدر أقوله قولها لا اوشئ
لإنها أمه وانا معتبرتها امي لايمكن احرضه عليها حرام هالشئ مايرضي ربي
واناأحترمها كثير لإنها تستحق الإحترام..
بس موعارفين أشلون نقنعها تكفين عطيني حل
__________________________________________________ __________
المشاركة الأصلية كتبت بواسطة الفراشة المخملية https://said.xplainer.net/sedty/buttons/viewpost.gif
الله معك ياقلبي ويكون بعونك انا نصيحتي بما ان امه عندها قلب وقلبها طيب انك تكلميها بدون ماحد يعرف تحكيلها عن حالك ومشاعرك اكيد لوكلمتوها بالطيب بتحس فيكم وسالو شيخ عشان الحلف اذا له كفارة او شي الله يوفقك |
إحنا فكرنا إنه يوديها مكه عمره وانا اروح من يديرتي بعد عمره
وعقب مايخلصو اهو وامه عمرتهم يجيبها الشقه عندنا
وأجلس معاها وأكلمها وأحكي معاها وافتح لها قلبي
لعل وعسى تقتنع يارب وتوافق بس وش شوركم علي
