انا بحب انسان المفروض اني ما احبه مجابة

عنوان الموضوع : انا بحب انسان المفروض اني ما احبه مجابة
مقدم من طرف منتديات نساء الجزائر

انا بحب انسان المفروض اني ما احبه



السلام عليكم صبايا
انا هي أول موضوع بنزله بالمنتدى بس أنا الي فترة مشتركه بالمنتدى وبقرأ شو عم تكتبو وبصراحه كتير ارتحتلكم وحبيتكم ولو ما حبيتكم ما بطلب مساعدتكم في مشكلتي
ما راح أطول عليكم ......
أنا طالبه بالجامعه عمري 19 والحمد لله ربنا منحني نصيب كبير من الجمال وكتير تقدملي شباب وكتير شباب كانو يبينولي اعجابهم فيي سواء من العيله او لا بس الحمد لله محافظه على أخلاقي والحمد لله الف مرة انه بحياتي ما حكيت مع اي شب
المهم من بين هالشباب كان في كتير منهم صفاتهم بتجنن وبتخلي البنت تحبهم ...وانا اكيد متل اي بنت بفكر في الشب وبنبسط مثلا لانه معجب فيي ومن هالحكي بس ابدا بحياتي ما حسيت اني بحب حد من كل قلبي او ممكن اتخيل اني ممكن اتخلى عن اي حلم من الاحلام الي بتتمناها اي بنت مشان رجال .....الا لحد ما شفت هالانسان الي لخبطلي حياتي كلها وكركبني ...انقلب تفكيري سار ما يفرق معي الفرق بالعمر بيني وبينو سرت استنى كل يوم يطلع الصبح مشان اشوفو ....حتى في ايام ما كنت نام من قد ما انا مشتاقه اني اشوفو قبالي هالشخص هو دكتوري بالجامعه ما رح اقدر احكي كل شي بالتفصيل لان ما بدي طول عليكم بس هوه دكتور شريعه و انا هاد اكتر شي شدني لالو لانه عقل ودين واخلاق ورقي لابعد الحدود وما شا الله جمال .....المهم انا اتعلقت في كتير كتير بس كنت احاول ما ابين لانه اخلاقي ما بتسمحلي ....المهم سار شاغل تفكيري ليل نهار واتأكدت انه هي المواصفات الي انا بتمناها ....المهم صحباتي اقنعوني انه بس يخلص الفصل وابطل اشوفو رح انساه وانا من جواي متأكده انو ما رح انساه لاني عرفت شو يعني حب وخلصت العطله ورجعنا للجامعه وانا حبي الو عم بزيد يوم بعد يوم بطلع من المحاضرات بفتش عليه بعيوني كل مكان بس شوفو بتلبك ........صاحباتي قالولي لازم اصحى ع حالي لانه صار محور حياتي بدون ما انتبه ............بس والله مو بايدي والمشكله اني كنت متوقعه اني بس اعرف انو متزوج رح انصدم بس انا عرفت منو هوه شخصيا انه متزوج بس مع هيك بقيت مبسوطة ومتمسكه بحبي اله .....مع اني معروفه باحلامي الخياليه معقول وافق بيوم من الايام حب حد متزوج (هاد خلاني اتاكد اني بحبه) بس خلص انا تعبت ومو عارفه شو اسوي صار كل شي بحياتي ومع هيك كرامتي ابدا ما بتسمحلي اني اروح اسلم عليه او احكي معو لانه هلا خلصت الكورس عندو ف بصفتي شو بدي اروح اتناقش معو .....الله يخليكم ساعدوني وانصحوني انا حاولت وكتير كنت ادعي اني انساه بس مو قادرة ابدا .....وانتو بتشوفو انه حبي اله صح ولا اكبر غلط ؟؟؟؟؟؟؟
عندي اسئله كتيررررررر مو ملائيتلها جواب ومشوشه كتيررررر
وامانه تدعولي بظهر الغيب انه الله يهدي سري

>>>>> ردود الأعضـــــــــــــــــــاء على الموضوع <<<<<
==================================

اول شي الله يهدي سرك ويسعدك دنيا واخرة. بالنسبة لسؤالك شوفي حبيبتي حبك الو طبعا غلط وانا بعرف انو هالشي مو بئيدك وغصبن عنك لانو ئلبك اتغلب على عئلك ومو ئادرة انك تنسي او تتناسي . بس انا بئلك انتي هلاء افتحي صفحة جديد بحياتك وانوي من داخللك انك تنسية ولا تفتشي وراه ولا تسئلي على مواعيدو. وبعدين مو حلو انو يعرفو زميلاتك هلاء اكيد اخدو عنك فكرة تانية ومو شرط يئولو بوجهك. وهلاء اهتمي لدراستك و لمستئبلك واستغفري الله وانشالله الله بيكون معك بالطريق الصحيح. وبالتوفيق انشالله

__________________________________________________ __________

ان شاء الله ادعي لك بظهر الغيب
وكلام ام احمد صحيح ...

__________________________________________________ __________

شكرا كتيررر ام احمد وعازفه الاوتار ع ردكم و انا ان شا الله رح احاول وادعولي خصوصا انه رح اكون لمده طويله متواجده بالمكان الي هوه موجود في

__________________________________________________ __________

ان شاء الله ولا يهمك
بأذن الله راح ادعي لك من كل قلبي

__________________________________________________ __________

صبايا الي بتدخلو وما بتشاركوا بدي اعرف رأيكم لو سمحتو