زوجي صاير غير مسؤول وما يفهمني ساعدوني بخبراتكم -تم الرد

عنوان الموضوع : زوجي صاير غير مسؤول وما يفهمني ساعدوني بخبراتكم -تم الرد
مقدم من طرف منتديات نساء الجزائر

زوجي صاير غير مسؤول وما يفهمني ساعدوني بخبراتكم



https://said.xplainer.net/images/smi...7-vzp7onvp.gifمساء الخيرات حبوباتي https://said.xplainer.net/images/smilies/icon18.gif

كيف حالكم ان شاء الله تمام ..؟

بعرض مشكلتي طوالي ..
الصراحة انا وحدة توني متزوجة يعني ,, قرطاس وصار لي 5 شهور ..
عندي مشكله مع زوجي انه صاير بارد ويبط الجبد https://said.xplainer.net/images/smi...7-7gwplast.gif
كل ما اقول له شي يقول لي لا https://said.xplainer.net/images/smi...7-vzp7onvp.gif
وكل مرة انصحه بشي يسوي لي عكسه ..
يعني لمن اقول له لا تخلي طرف ثالث يدخل بحياتنا ومشاكلنا يدخلهم ويزيد الطين بله .. وانا تعبت الصراحة من تدخل امه وخواته في حياتي (( للعلم انهم متزوجات وفي بيوتهم ,, ويجون كل اسبوع بس عشان يغثوني على اني جديدة ويفرضون سيطرتهم )) .. واذا رديت عليهم واخذت حقي يصف معاهم ويقول لي تحملي عشاني ..
والمصيبة الاعظم انه الحين بيسافر ويخليني مع الوحوش (( للامانة انا تزوجته واهلي رافضينه وقالوا لي لا تجين بيتنا لو خذتيه https://said.xplainer.net/images/smi...7-vzp7onvp.gif )) يعني بصير هدف سهل للشمطاوات عشان يلعوزوني ..https://said.xplainer.net/images/smi...7-7gwplast.gif
والمشكله الثانية ان يبدي اهله علي .. يعني يقعد مع اهله اكثر مما يقعد معاي للعلم اني مب مقصره معاه بشي .. ويجبرني غصب اقعد حتى لو زعلوني ما يبيني اروح بداري .. اوووووف شنو ها الريل .. ليتني سمعت كلام ابوي وما تزوجته .. ابد ولد امه https://said.xplainer.net/images/smilies/ANSmile05.gif
والله تعبت من ها الحال .. وساعات افكر اني اتطلق بسبب بروده وعدم احساسه ..
والمشكله لو تطلقت شاسوي وين اروح (( اهلي ما يبوني ارجع لهم مطلقة :g [103]: )) ..
انا ما شكيت لكم الا لاني عارفة انكم خواتي وبتساعدوني بمحنتي .. الله يخليكم طلبتكم ما عاد اتحمل ها الوضع .. شاسوي ..؟؟
جربت معاه كل شي حتى يوم طنشته يومين صار معاي زين ويسمع الكلام ,, بس لما صرت معاه زينة عادت حليمة لعادتها القديمة ..
والله ساعات ابي اتطلق بس اصبر واحتسب لان مالي احد من بعد وفاة امي الله يرحمها .. واهلي كلن لاهي بحياته ..https://said.xplainer.net/images/smi...7-vzp7onvp.gif

ساعدوني الله يخليكم وانتظر ردودكم باحر من الجمر .. لاني انا وايد افكر اتطلق ..
انا عارفة اني شفت حالات نسوان اسواء مني .. بس انا مشكلتي ما اتحمل احد يتحكم فيني ,, لاني ما تعودت يغلط علي احد واسكت ..
بانتظار ارائكم ..https://said.xplainer.net/images/smi...7-n0gfapyo.gif

>>>>> ردود الأعضـــــــــــــــــــاء على الموضوع <<<<<
==================================

يسعدني أن أكون أول من يرد عليك وأحب أقولك الصبر يا أختي ثم الصبر ثم الصبر .... صدقيني الزواج في بدايته دائما يكون صعب والوقت والعشرة كفيلين باصلاح كل الأمور كلنا تعرضنا لمواقف كبيرة ومشاكل صعبة في البداية ولو تطلقت كل زوجة أول ماتتعرض للمشاكل في بداية حياتها ...صدقيني ما يبقى ولا زوجين مع بعض ... والله يا أختي أصبري وأدعي الي الله تتحسن أمورك ويتصلح حالك وانشاء الله سينجح زواجك وح تقولي يوما ما ،، قالت أختي في الله ...أنا تعرضت في بداية زواجي لكثير من الضغوط والمشاكل وكرهت كل شيء حتى زوجي ونفسي والآن أنا ما أستطيع أبعد عن زوجي ولا يوم ومستحيل أنام في بيت أهلي ...لأني ما أطيق فراقه ..
لأن نصيحتي هذه التي نصحتك بها نصحتني بها أمي رحمها الله هي ووالدتك وتحملت وعملت بها والآن أنا زواجي ناجح بفضل الله تعالى ... أصبري ولا تستعجلي وعليك بالصبر والصلاة والدعاء فقط ...والله يعينك كل شيء صعب في بدايته ...حاولي التقرب الي زوجك أكثر وفهميه طبعك وحدة وحدة وبالدعاء لله ستتحسن أمورك انشاء الله ،،، وطمنينا عنك يالغالية وأعتبرينا أهلك اللي مستحيل يتخلوا عنك ...https://said.xplainer.net/images/smi...8-yds6b3uo.gifhttps://said.xplainer.net/images/smi...8-yds6b3uo.gif

__________________________________________________ __________

مليووون شكر اختي الغالية على المرور العطر الله يعطيج مليووون عافية ..
وان شاء الله راح احاول اصبر .. بس المصيبة ان زوجي مسافر دورة 5 شهور ..
الله كريم بحاول اتحمل ان شاء الله ..
ومرة ثانية بارك الله فيج والله يوفقج دنيا وآخرة ان شاء الله .. ويسعدج مع زوجج ويخليج له قرة عين حبيبتي .. ادعي لي وياج ..

__________________________________________________ __________

شوفي اختي اصعب سنوات الزواج هي السنتين الااولات
يعني انتي توووووووك 5 شهور وقرفانه من هاعيشه توك ماعرفتي اطباعه ولاعرفتي اطباع اهله انتي قاعده تكتشفين الحين وتجربين بكره ومع الاايام بيتغير الحال صدقيني وكل شي بيجي تمام التمام خلك معه ولاتفكرين تطلقين للحين اخي اعطيك بوكس يصحيك اذا تطلقتي بتندمين لاااهل ولازوج تحملي علشاني وعلشان الله وخلي ايمانك قووي وانتي قلتيها اوقات يصير عادي اذا تجاهلتيه يعني زوجج مقدور عليه وخواته مو كل اشووي عندج لاهيييين بحياتهم وانا اختك يالله انشالله طيبت خاطرك بهالكلمتين وساعدح
الله يفرجها لك ويخلي زوجج لج
دعواتك لي بالزوج الصالح

__________________________________________________ __________

شوفي حبيبتي انت توك في اول الطريق مو معقوله بتستسلمين من اول مشكله وتتطلقين لا يا عمري انت توك وزوجك توه ما يمديه يتأقلم على عليك للحين متعلق بأهله اول شي نصيحتي لك انك تكوني حنونه عليه وعلى امه وحسسيها بحبك وحنانك وانك مثل بنتها تقربي منها وتوددي لها واعتبريها ام ثانيه لك ولا تشتكين لزوجك من اهله ابد ابدا ابدا واذا سألك عن امه قولي انك تموتين فيها لإنها ام الغالي واذا زعلوك اخواته وهو جالس لا تردين ابد خليه يشوف بعينه انك تحترميه وماسكه نفسك عشانه صدقيني راح تتفاجئين انه راح يدافع عنك ويوقف معك ضدهم بس انتي ولا كلمه لا تسبينهم ابد ابدا ابدا والله يوفقك لما فيه خير وصلاح لك وارجوك انك تطمنينا عليك **

__________________________________________________ __________

ألف شكر غاليتي على مرورج العطر على موضوعي .. معاج كل الحق .. والله محتاجة حد يرشدني ..
بس ما اخبي عليكم .. خواته وامه من النوع اللي يكذب وايد للامانة .. يعني يطلعون علي كلام مش موجود لدرجة انهم مرة قالوا اني دخلت السايق غرفتي .. (( عرفتو سبب تفكيري بالطلاق )) ..! يعني تخيلوا هم اختاروني لولدهم وبعدين يكرهوني و يطلعون علي سوالف ويتحكمون فيني ..
صحيح زوجي ما يصدقهم .. بس اللي يقهرني انه ما ياخذ حقي ولا يبيني اخذه منهم .. بارد ..والمصيبة بعد انه يسمع كلامهم !! ما كنت ابي اقول ها الشي .. بس صدقوني ما اقدر اتحمل اكثر تهم زيادة ..
وبعد بيسافر وبيخليني (( والله خايفة يلبسوني تهمه اكبر )) واهلي متبرين مني ما ادري وين اروح منهم ..
بارك الله فيج اختي والله يجزيج الف خير ودعواتي من كل قلبي انه يرزقج بالزوج الصالح ان شاء الله ..