ساعدوني قبل لا انتحر

عنوان الموضوع : ساعدوني قبل لا انتحر
مقدم من طرف منتديات نساء الجزائر

ساعدوني قبل لا انتحر



السلام عليكم.
كيفكم ؟؟؟
انا أمر بمشكلة لازمتني من كان عمري 12 سنه لحد الحين وعمري 20
والمشكلة هي والدتي أنا صراحه أحبها وما احب أغلط عليها بس هي الي تجبرني على الغلط ؛ عجزت ألاقي طريقه للتفاهم معها اذا جيتها بهدوء وبأخلاق قالت انتي تتهزين فيني واذا عصبت قالت انتي ما تستحين واذا سكت قالت انتي ما تحترميني وش اسوي كيف اكلمها ؟؟؟
كل ما أطلب منها شيء ترد علي برد يقهرني أو تناظرني باحتقار أو تهاوشني واذا حاولت احسن العلاقه معها وصارت مشكله تظل تذكرني بالاشياء الي سويتها لو كانت من سنين وانا احاول انساها
وهي تبغاني اعلمها بكل شيء يصير من سوالف صديقاتي واخبارهم والمشكله لما اتكلم معها ما تعطيني وجه تقول مو فاضيه لك مشغوله
وتقولي انا اعلمك بكل شيء هي تقول لي فلانه تزوجت وفلانه تطلقت وفلانه مدري وش سوت وانا صراحه ما احب هالاخبار واحس انه ماله داعي اني انقلها لها يعني لو قال لي احد شيء ما اقوله لها لانها مو مهمه عندي واعتقد انها مو مهمه عندها
ولما سالت لي انتي تقولين لصديقاتك شيء من الي يصير في البيت قلت لها احيانا مو كل شيءوعصبت وزعلت وقالت : وانا اقول الناس وشلون تعرف الي يصير في بيتنا كله منك . وللمعلوميه صديقاتي امي ما تعرفهم وانا ما اقول لهم الا مواقف عاديه يعني مو اسرار بس وحده الي اثق فيها هي الي اشكي لهالانها تحاول تريحني , واطبق كلامها مع ذلك ما حسيت باي نتيجه وبنت خالي اقول لها كل شيء لانها مره صديقتي وهي نفس الشيء بس انا اثق فيها واحنا من كنا صغار واحنا مع بعض. وانا قلت لامي اني اشكي لهم لأني ما اقدر اكتم في قلبي اخاف تجيني حاله نفسيه وعصبت علي مره وزعلت .
وللمعلوميه انا اكبر اخواني الافيه ولد اكبر مني بس هو دايم برا البيت نادر ما يكون موجود , وابوي نفس الشيء . اما الباقي كلهم صغار وفيه وحده مراهقه عمره 14 بس هي ما تعاملها مثلي ولما اقول لها ليش تقول انا جربت معك كل شيء ما نفع فما احب اجرب عليها
وصرت اكره اختي هذي وهي نفس الشيء واخواني الصغار ما يحترموني لان لو صار مشكله وشكيتهم لأمي هزأتني قدامهم مع انهم الغلطانين واذا قلت ليش قالت هم اطفال ما يتحاسبون
وبذلك صاروا يحتقروني وانا صح اعصب عليهم بس هم يقهروني
والمشكله ان امي اذا قلت لها انتي ليش تعامليني كذا قالت امي كانت تسوي كذا وكذا احسها تنتقم من امها فيني . بس انا وش ذنبي ؟؟
ودايم من القهر ابكي وادعي على نفسي بالموت لاني مليت من الدنيا ومليت من كل شيء والي يقهر انها تهزأني حتى قدام الناس وهي شخصيتها قويه حتى ابوي دايم تهاوشه مسكين واذا جاها وقال لها ليش سويتي في البنت كذا عصبت عليه وقلبت كل شيء علي ويجي يقول لي خلاص اصبري مهما كان هذي امك . بس انا ما اشكي له هو يشوفها تهاوشني
ارجوكم ساعدوني حياتي جحيم ما اقدر اصبر اكثر من كذا . وادعو لي

>>>>> ردود الأعضـــــــــــــــــــاء على الموضوع <<<<<
==================================

نونه حبيبتي..لاتقولين حياتي جحيم...بالعكس حياتك ستقودك لمكسب عظيم وهوالصبرعلى والدتك..كما صبر ابراهيم عليه السلام على ابيه رغم انه كافر..وثقي ثقه تامه ان امك تحبك..لكن اصبري على ذلك فإن الجنه تحت قدميها..حاولي ان تكلمينها في ساعات تكون هي مبسوطه فيها..وتحاشيها في الساعات اللي تعصب فيها..حبيبتي والله ماعندي حل ..الا الصبر ..وان بر الوالدين سيهدي لك ثماره يوما إذا ضاقت عليك الحياة..فالكل منا يعاني ..وليس لنا الا الدعاء..ادعي لوالدتك ان يحنن قلبها عليك..
انت تقولين بنت خالتي..طيب خلي خالتك تكلمها بأسلوب غير مباشر..مثلا تقول لها بناتي كذا وكذا يعني تجيب كم قصه..عشان تتحاورمع امك وكيف تتعامل مع البنات والاولاد..وتفتح امك قلبها يمكن هي عندها مشاكل وتخبيها عنك..وماتلقى الا بنتها الكبيره وتفش خلقها فيك..
واذا ماتغيرت ..خلي خالتك تكلمها مباشره..بس بعد محاولات من تكرار الحلول الغير مباشره..والنتيجه مومن اول محاوله وتيأسين لإ..اصبري اصبري كما صبر أولو العزم على اذى اقوامهم
ودعواتي لك براحة بال ..ويكفيك شر الجحيم..يانوووونه ياصغنونه
ولاتنسين الدعاء سلاح المؤمن.
.حاولي تكلمين امك يأسلوب حنون وراقي اسلوب كله عطف وتقبلينهابيديهاوخديها وتقولين لها
يايمه الله يرضى عليك..الله يخليك لناشمعة الدار,,الله يخليك ابوي..وادعيلي انا مثلك ابوي كذا والحمدلله صابره وادعوله بالخير وتجيني ايام مثلك واصبر نفسي

__________________________________________________ __________

حبيبتي ما بعرف شو بدي احكيلك دخلت على الموضوع وما حبيت اطلع من دون ما اكتب شي لو حتى كلمه بسيطة تهون عليكي او تشجعك .

حاولي تتوصلي لحل مع امك ,احكي معاها وتأسفيلها لو حتى انتي شايفة نفسك مش غلطانه و عامليها منيح .
وكمان لما تطلعي من البيت جيبيلها هدية مش شرط تكون غالية الثمن المهم تحسسيها انك بتحبيها .

ولا تنسي حبيبتي انك على وجه جيزة يعني بكرة بتتزوجي وبتروحي على بيت زوجك وبتصيري ام ,يعني بتعرفي ان امك ما بتكرهك بالعكس هي بتخاف عليكي بس بجوز اسلوبها قاسي شو .

تقبلي مروري : قلب فلسطين

__________________________________________________ __________

هلا حبيبتى

انا مادري ايش اقولك بس عندى كلمه وحده خليها هى نبراس حياتك

((((لاتشتكين الا للى خلقكى))))

كلنا مافيدنا شئ غير ندعيلك 000 بس ربك عنده حل لكل شئ

وان شاء الله تكون الجنه من نصيبك

__________________________________________________ __________

شوفي حبيبتي حاسة فيكي يا قلبي
وتقريبا امي كان لها شوية تصرفات مثل امك بسن معين بس اكيد مو دايما وفعلا شي يقهر
امي معاها الضغط والغدة وودايم تعصب من اقل شي احاول اتحملها بس احيانا كنت اكره روحي او تذكرني باشياء انا ناسيتها وتحب تتهاوش ويا ابوي كذا بدون سبب
انا من ناحيتي لساني مرة طويل كنت احيانا ارد عليها بصوت عالي بس اكيد بدون ذب وكلام عيب لانها كانت تجنني
وكنت اطلع من البيت عشان ارتاح او اقعد بغرفتي وما شوفها باسبوع ولا كلمها ولا اهتم فتجن وتصالحني
وبعد ما تزوجت ندمت على كل لحظة رديت فيها على امي لاني لقيت لها عذر انها كنت خايفة عليا وتبيني جنبهاواناكل وقتي كان لوظيفتي والحين علاقتنا عسل
انصحك نصيحة طنشي قدر المستطاع ولا تحاولي تحتكين فيها الا اذا هي نادتك وتكلمت وياكي
وبكرة انشالله ربي يبعث لك ابن حلال يطلعك من اللي انتي فيه
وادعيلك من كل قلبي ربي يفرج همك اصبري ان الله مع الصابرين وامك بروحها رح تتغير(انا حاسة انك كنتي مسوية معاها شي من زمان خلتها تاخذ على خاطرها وتخاف عليكي )طولي بالك شوية يا عمري
المشكلة كلنا نغلط بس احيانا الاهل ما يتحملون فاحنا لازم نتحملهم
ولا تنسي رضى الله من رضى الوالدين واياكي تفكري بالانتحار حبيبتي لان قتل النفس حرام والله قاعد يختبرك فاتصبري

__________________________________________________ __________

شوفي حبيبتي حاتك عادية جنب الي تسويه امي في طول عمري اصبرواساعدواسوي كل شي لراحتها والجزاء من نصيب اخي مهما حكيت ماحد يصدق الاتشوفي بعينك لدرجة يوم تزوجت اقاربي كانوا يباركولي ويقولوا لي الف مبروك صبرتي والحين بترتاحين من امك لكن الحقيقة اني ما ارتحت عذبتني اكتر وعذبت زوجي وعيالي واحنا صابرين ..................
فما اقولك الا تصبري انشا الله الجزاء عند الله هي امك واكيد تحبك ولما تتزوجي بتعلرفين معنى هذا الكلام بس لحد ماتتزوجي اتحمليها وربنا يعينك على ما ابتلاكي https://said.xplainer.net/images/smilies/rose.gifhttps://said.xplainer.net/images/smilies/rose.gif