قدامهم ابتسم واضحك ومن وراهم ابكي وانقهر ؟؟

عنوان الموضوع : قدامهم ابتسم واضحك ومن وراهم ابكي وانقهر ؟؟
مقدم من طرف منتديات نساء الجزائر

قدامهم ابتسم واضحك ومن وراهم ابكي وانقهر ؟؟



مرحبا بنات
انا ترددت وايد قبل لا أكتب مشكلتي
انا يا بنات كل يوم ابكي في داخلي ولا اقدر اقول لأي أحد على الى في داخلي
أعرف ان مشكلتي ماره على وايد من البنات بس حبيت افضض واطلع بالقهر الى في داخلي
انا يا بنات صار عمري 32 سنه ولا أحد اتقدم لي وانا البنت الوسطى في عيلتنا يعني عندي اخت أكبر مني ومتزوجه وعندها عيال واختي الثانية عمرها 20 سنه وحبيت اقول لكم اني مو من النوع الى كنت حاطه موضوع الزواج وايد في بالي لأني شالغه روحي بس من وقت من صار الى صار تغيرت 180 درجه
بنات وصلني تليفون : انتي فلانه قلت : نعم آمري ردت : انا جارتكم الى كنت مسافره من خمس اسنين قلت : هلا والله آمريني يا أم فلان ردت : بصراح ومن دون ما أطول عليكي أنا شفت أخت معاكي بالسوق وعجبتني وانا ناويه اخطبها حق أخوي ساعتها وكأن الأرض أنشقت وتبي تبلعني والله يا بنات دارت فيني الدينا ما عرفت شرد عليها لكن تمالكت روحي وقلت لها أصير خير ****لله قفلت الباب وتميت ابكي ابروحي ولحد يدري عني وقتها حسيت بالموضوع الى ما كنت حاطته في بالي يعني انا كبرت عرفت كلمة عانس عرفت ان مالي نصيب حتى اختي الصغيره يخطبونها ، صدقوني يا بنات اني ما بينت حالتي النفسية للأهل وللأختي خذت الأمور ببساطة قدامهم شاورت أمي وبالفعل تم الموضوع وتمت النظرة الشرعية بين أختي والولد الى ياي يخطبها وكل تطور اصير قلبي عورني لأني اكون متمنية ان اصير لي هذا الوضوع قدامهم اكون فرحانه ومبتسمه ومن وراهم ابكي ، والله يا بنات اني كل ليلة ابكي ابروحي بدون ما حد يدري عني ، وكنت معاها في كل لحظة من فترة تجهيز حق حفلتها بس اقول لكم اني كنت انقهر اشوي لما اختي الكبيرة تاخذ اختي على جنب واتفهمها على حياتها اليايه وأقول لكم على موضوع حسيت اني صغيره فيه وأثر في نفسي (( مره كان خطيب اختي داز لها مسج جان اتقوم اختي واتوريه اختي الكبيرة حتى اتفهمها شترد عليه فيه جان اقول لها وريني المسج جان اتقول آسفه هذي مسجات خاصة بس للمرتبطين )) ساعتها صار فيني قهر غير طبيعي
المهم صار كل شئ وتمت الملكه على خير ويت الحفل وكنت كاشخه وايد وكل من شافني انبهر من فستاني ، مكياجي ، جمالي لكن صار لي موقف ثاني (( دخلت الحمام في الصالة ليلة الخطوبة جان اسمع وحده من المعازيم اتقول حق صديقتها (( شفتي فلانة خت العروس مسكينة صكت الثلاثين ولحد الحين محد تقدم لها رغم جمالها وحلاوتها وخفت دمها لا وتشتغل بعد لكن تدرين انا لازم اخبرها عن الخطابات )) ساعتها حسيت ان قلبي طلع من مكانه معقولة وصلت يا بنات لهذي الحاله الكل يتكلم عني
هذي مشكلتي يمكن ما لها حل بس حبيت افضض يكمن ينزاح عن صدري اشوية من همومه





>>>>> ردود الأعضـــــــــــــــــــاء على الموضوع <<<<<
==================================

ياعمري انتي يسعدني اني اكون اول وحده ترد عليك
ومااوصيك الا بالصبر والاستغفار والله ان فضلهم عظيم
اماا الزواج قسمه ونصيب
وحطي في بالك ان الرزق من عند الله ايآ كان نوعه
والله الذي لااله الا هو قادر يرزقك بزوج احسن الرجااال
وهو على كل شي قدير
وانتبهي لنفسك من الزعل تراه يجيب الامراض بسم الله عليك
وعليكي بالصوم ثم الصوم ثم الصوم فأنه وقااار
تقبلي صداقتي لك ومروري وان شاء الله اني بدعي لك من كل فلبي
اختك ام نصوري

__________________________________________________ __________

جمالها وحلاوتها وخفت دمها
كل الصفات دي أختي وجود
وزعلانه حبيبتي الزواج مقسوم عند الله
انصحك حبيبتي بالعمل لقتل الفراغ والملل لحين مايدق بابك الي يستاهلك
وبعدين لا تجعلي الشيطان يضع الالم والياس عليك بالصلاة والاستغفار
والعمل سيجدد حياتك ويفتح باب الامل أمامك أن شاء الله

__________________________________________________ __________

يا أختي الناس راهم ما يخليو حتى واحد وكل وحدة تعيش وش كتبلها ربي ومن رسالتك حسيت بلي راكي جزائرية قوليلي لعدتي جزائرية به نحكي معاك كثر باللهجة تاعنا.

__________________________________________________ __________

مشكورة اختي آم نصوري على النصيحة ولي الشرف اني اكون صديقتك الداعيه لحب الله ثانكس يا عمري على التشجيع وانا بالفعل معلمة وعلشان اقتل الفراغ حاليا اعمل في وظيفة امينة مكتبة في المسا حبيبتي wasaya على الرد وانا بنت خليجية

__________________________________________________ __________

حبيبتي لاتضايقين ولاشي
انتي الحمدلله موظفه وفاهمه الحياة عدل اما أختك توها صغيره وتظن ان العرس وناسه ماتدري انه مسؤوليه
وانتي حبيبتي مثل بنت خالي توها ملكت على واحد لاعالبال ولاعالخاطر وهي اكبر منك ع33س
والكل يقول صبرت ونالت وياحظها تصبح وتمسي بالوجه السموح لان عريسها مررررره مزيون ماشاءالله
اختي:والله حاسه فيك لكن مالنا غير الله والدعاء
وانا عن نفسي اخذت على نفسي عهد من اول ايام رمضان اني استغفر بنية الزواج واتصدق وادعي الله
صحيح و لحد الان ماصار شي ............بس ثقتي برب العالمين هي اللي مطمنتني ودامني التجئت لله عزوجل اكيد الفرج قريب
حبيبتي كل المطلوب منك الدعاء والتوكل على الله والاستغفار والصبر
وصدقيني................
ماضاقت الا لتفرج
آآآآآآآآآآآآآآآآآآآآآآسفه شكلي طولت عليك
بس والله حاسه فيك...............والله يسامح من جرحنا مالنا الانسامح ونصبر وان شاءالله الفرج قريب
وبالسنه هاذي بالذات
تفائلوا بالخير تجدوه