منو مثلي

عنوان الموضوع : منو مثلي
مقدم من طرف منتديات نساء الجزائر

منو مثلي



--------------------------------------------------------------------------------

السلام عليكم ورحمة الله وبركاته
بنات بقول لكم على حالتيي مع خالتي ام زوجي واتمنى الاقي حل من دعاءمجرب او تخفيف منكم
بنات انا متزوجه صار لي 16 سنه والله مارزقني بعيال والحمدلله على كل حال اللهم لااعتراض بس تعرفون اشلون الوحده اللي تتتم 16 سنه ماتحمل شنو نفسيتها تصير
المهم ان الله امعوضني اب زوجي الحمدلله الله رزقني بزوج اتمنى لكل بنات ادم وحوا ان الله يرزقهم بزوج مثل زوجي الحمدلله طيب وحنون وخلوق ويخاف الله وكريم طييييب مع اهلي ووووو من اغلب الصفات الزينه اللي كل بنت تتمناها في فارس احلامها .
المشكله الوحيده اللي في زوجي وامخربه عليه حبه الزايد لامه لاتوقولون هذي امه
ادري انها امه والله ثم والله انا امقدره هالشي بس امزودها معاها بالضغط علي علشانها انا والله لو يعطيها اعيونه ويعطيها كل اللي تتمناه ويهديها ووووو والله بالعكس انا اللي اشجعه مالي شغل هذي امه ومن حقه ومن حقهاااااااااااا..
بس المشكله كلله يبيني اجاملها وكلله يشوفني امقصره معاها على قد طيبته ينقلب فوق تحت علشانها اذا شكيت اونبرت بكلمه وانا الشاهد علي الله اني ماازود عليها كلمه.
انها انسااااااانه سليطه وعصبيه وانانيه ماتحب اللا اعيالها وعمرها ماتمدح وكلله تذم فيني وفي حريم اعيالها وكل ماسويت لها شي تنكره وحتى الهدايا اللي اهديها تذمها وتتذمر مايعجبها العجب ولا الصيام برجب ولسانها سليط. .وياما جاملتها وتحملت من كلامها القوي على القلب اللي والله ماينقال حتى للطفل يعني ماتحترمني ولاتحترم حريم اعيالها كلنا موبس انا
والله ثم والله انها متعبه يبي لها قلب من حديد ومع هذا كلله تبي تلصق فينا يعني زوجي واخوانه اهم 6 الله يحفضهم وكل يوم تتغدا عند واحد من اعيالها عدا يوم الجمعه والله موب امبين في عينها كلله شرهانه وزعلانه وكلله تشوفنا امقصرين معاها واهي من النوع اللي ماتبي تقعد في بيتها كللللللله تبي لاصقه فينا يعني ماتبي تفك عنا والله تعبنا منها
اوكي رضينا تجينا وتتغدا وتقعد بس تبي من تروح بيتها تبي ترجع لنا ثانيه ماتبي تعطينا راحتنا تبي تترك بيتها وتقعد في شقق اعياله والله شي ممل وياريتها مثل خلق الله كلله عافسه اللوجه وكلله تدققع على كل صغيره وكبيره
تعبت والله تعبت منها احس اني موناقصه اللي فيني كافيني ولصقتها عندي والله تتعبني نفسيا وكلله قاعده على اعصابي اتمنى اللحضه اللي تقوم تروح بيتها شسوي
بتقولون صبري وتحملي والله الصبر خلص سالفت الانجاب صحيح من رب العالمين بس والله اضعفت قلبي صرت عصبيه وكلله العبه خانقتني وكلله نفستي تعبانه ومالي خلق اتحمل منها اكثر ولااحب احتك فيها اقول موامبين في عينها اني صاااااااابره وساكتها على الانجاب والسبب من زوجي اناا الحمدلله سليمه .
ابذمتكم مو المفروض تكون معاي زينه علشان هالشي؟
مع العلم اولادها كللهم تزوجو عقبنا والله رزقهم
بس زوجي
المهم خواتي انا بختصار ماحب انها تطول عندي اذا جات واهي من النوع اللي عديمت احساس اذا جات يجون اعيالها واحفادها وحريم اعيالها وتنقلب شقتي قلاب والله العضيم وانا ساكته
واهي لاصقه لصقه ماكو حواس مو المفروض تقوم وتنزل مع اعيالها مع العلم اهي بيتها تحت وانا شقتي فوق
ابيييييي حل بليز والله تعبت منها شورو علي
لاتقولون تحملي الله يخليكم قلت لكم التحمل خلص ولى رااااااااااح

>>>>> ردود الأعضـــــــــــــــــــاء على الموضوع <<<<<
==================================

حبيبتي الحياه كلها اخذ وعطاء
واذا اعطيتي مشكلتك هذه صبر وتفاني اكيد بيجي يوم وتنحل اما بسفر او نقل من البيت ولازم تدعي ربك يحل هذا الموضوع ويهدي ام زوجك
الحقيقه الكثيرات يمرون بهالوضع ويصبروا ويحاولوا يتاقلموا على وضعهم الى ان يرى الله حل
المهم ليش ما تكلمي زوجك وتشوفي رايه يعني امه ليش معصبه ومو عاجبها شي
مثلا قولي له انا بيتي وسخ ؟؟؟
انا مقصره معاك بشي ؟؟؟؟؟؟؟؟
خالتي انا مضايقتها بشي ؟
ما ادري احس انها متضايقه مني دايما زعلانه ليش ما تسالها وانا ابغ رضاها ونحن اسره وحده
يعني بهذا الاسلوب
تعالي بالكلام عن طريق الحب لان الرجال مهما كان لن يرضى باي كلمه على امه حتى لو غلطانه
واذا تقدري مثلا اذا جات عندك سوي نفسك تعبانه والا بتروحي لصديقات
وانا انصحك بالدعاء ان ربي يهديها ويفرج همك
وان شاء الله اكون افدتك من خلال خبرتي في الحياه الطويله
وما بعد الصبر الا الفرج
انا حبيبتي قعدت مع اهل زوجي ثماني سنوات والحمد لله كنت متحمله كل شي واخيرا ربي فرجها علي واستقريت في بيت لحالي
المهم ادعي ربك وخليكي صبوره واذا كان زوجك طيب معاكي ومرتاحه معاه اكيد هذا بيرفع من شانك عنده

__________________________________________________ __________

مشكوره على ردج الاكثر من رائع والله كلام مقنع

اذا بينت لزوجي وسالته اشفيها خالتي امعصبه يقول مافيها شي يتروالج
او يقلب علي يقول انتي اللي تدققين على امي او يعصب , كلله اناا في نضره الغلطاااااانه
واهي يشوفها مثل الملاك
بس المشكله اذا جات تلصق لصقه ومااقدر ابين لها اني ابي اطلع اولهم زوجي مايقبل اطلع وامه عندنا اذا قلت له بروح بيت صديقتي او اي مكان يقول مالازم تروحين قعدي معناا الدنيا موب طايره ,عكس اخوانه اذاجاو حريمهم يطلعون عادي والله يقبلون يطلعون يعتذرون من امهم ويقولون لها ترى فلانه عندها طلعه وتخف اشوي عنهم
بس انا زوجي غييييييييييييير

__________________________________________________ __________

يعني انا فهمت من كلامك ان المشكله زوجك ما يسمح لك تطلعي وما يوجد لك العذر مثل اخوانه
اذا عليك بزوجك تفاهمي معاه بعني انتي ما انتي زي حريم اخوانه ايش معنى حريمهم يستاذنوا ويطلعوا وانتي لازم تقعدي وليش خالتك ما تاجل طلعتها عندك اهي معاكي في البيت كل شوي واهي داخله
شوفي حبيبتي
كلمي زوجك بعد فتره ايش معنى انتي لازم تلغي كل مشاويرك والباقي لا
قولي له
انا مستعده امر عليها واقعد عندها يعني خلي يوم هي تجي ويوم انتي تروحين مشاويرك اتفقي معاه
مش لازم كل يوم تجيكي قولي له انا ما اكره تجي بس انا من حقي اخرج كمان وارفه عن نفسي الموضوع لازم يكون سددوا وقاربوا يعني زوجك يرضي امه ويرضيكي ايضا
كلميه في وقت يكون مبسوط ومش معصب ويكون جالس معاكي جلسه رومنسيه انتي فاهمتني اكيد ؟؟؟؟؟؟؟؟؟؟
وشوفي ايش يصير
ربي يزيل همك ويساعدك ويارب اكون ساعدتك يا قلبي
ودائما الطيب وحسن المعامله لها نتائج مذهله

__________________________________________________ __________

الله يكون بعونج اختي والله يرزقج بالذرية الصالحة ...

مالج الا الأدعية وقراءة القرآن وحاولي انج تجارين خالتج في كل شي

والمشكلة مو مشكلة خالتج مشكلة زوجج حاولي تكلمينة وتقنعينه وهوه حاس ان ما عندج عيال

يعني فاضية حق امة حاولي تفيحين معاه الموضوع وتقولين له هذى النقطة ان عندج التزامات تقومين ابها

بغض النظر عن نفسيتج التعبانة .. كلمية ان شاء الله تقنيعية والله يوفقج ..

__________________________________________________ __________

تدرين عندي لك طريقه حاولي تجارينها في كل شي تقوله واخدميها بنفسك واقعدي معها قعدت ام مع بنتها وتقربي منها وكل هذا امام زوجك مع الاستمرار هي بتكون لطيفه معك وبتخليك على راحتك