يوم تركني حبيته .. ساعدوني تكفون -تم الاجابة

عنوان الموضوع : يوم تركني حبيته .. ساعدوني تكفون -تم الاجابة
مقدم من طرف منتديات نساء الجزائر

يوم تركني حبيته .. ساعدوني تكفون



السلام عليكم ورحمة الله وبركاته

انا نزلت هالموضوع من كم يوم بس الظاهر من طوله مانزل ببس بحاول اختصر الموضوع ..

قبل لا اكتبه اذا شفتي ان الموضوع طويل ومالك رغبه تقرائي ادعيلي ربي يجمعني باللي احبه على خير وبالحلااال او يصرفه عني وعن تفكير ..

موضوعي :
انا تعرفت على واحد عن طريق الفيس بوك قبل 5 سنين لمن كان عمر تقريبا 19 وكنت احبه حب مراهقة وهو على اساس يحبني بعدها جاني واحد اضافني وكان يحذرني منه وطلع يعرفه شخصيا ,,
الحاصل جاني يحذرني من ذا الانسان اللي احبه لان هو يعرفه شخصيا ويقول لي الولد مش كوويس ووووو الخ ,,,
قال كم شغله لمن اتاكدت منها تركت اللي كنت احبه بس بعد مشاكل صارت والانسان هذاك هو اللي وقف بوجهه وبعده عني ..
الحاصل مع الايام هذا الادمي حبني .. لا اكتر من حب كان شايلني بعيوووونه
كل شي يجيني حتى لو ما طلبته لدرجة صرت ما اقول نفسي بشي عشان عارفة انه رح يتكلف ويجيبه ..
مرت الايام هو حاول فيني يبغاني احبه بس انا مو قادره كنت اجامله اجامله لحد ماوصلت لدرجة خلاص اطنشه ما ارد ويوم ارد يبكي ليش ماتحبيني او ليش تعملي فيني كدا .. كان يقول انا بالاول عاذرك توك خارجه من قصة تعتبر صدمه لك بس لنا كما مع بعض .. كنت اقولوو اصبر علي ... مررت الايام صرت اشوفه مايتصل ولا يسال حتى لمن ادق ساعات كتيره مايرد .. لحد مرة بحكي وحده برضو تعرفت عليها بالفيس و هالادمية تعرفوو وموجود بالاصدقاء وحاولت قبل تكلمه بس لانه كان وقتها يحبني صدهاا ,, (مع العلم هي متزوجه وعندها 5 عيال الله يهديها ) المهم كنت اكلمهاا وبحكيها عن دا الادمي وبقولهاا انه طيب ووبقولها صار مايرد عليا .. قالتلي اعطيني الرقم جاء ببالي رقمه لان كان الطلب فجاة اعطيتهاا قالتلي لا رقمك واعطيتها ودقت واتكلمناا ونسيت السالفة خلاص ..
بعد فترة جوالي خرب وكنت ابغى اودي مكان ثقه لان كان صوري فيه وهو يعرف واحد وغير كدا كنت اثق فيه دقيت وطلبتو ماقال لا قال خلاص الصباح اجي اخذو منك .. مع العلم والله ما قد شاف وجهي دائما بيشوفني مغطيه ولا قد طلعت معاه ابدددددددددا ولا قد طلب مني هالشي ..
المهم اناطبعي ما اممسح رسائل ابدددددددددا امسح رسائل التهنئه و الاشياء العادية بس الكلام مثلا انا رسلت لوحده كيفك ايش اخبارك ومدري ايش ما امممسح ابدا ..
ف كانت بجوالي رسااايل من قبل لا اعرفه ومن شخص هو يعرفه ويعرف قد ايه اعززه وجات علي فترة وانا اكلمه كلمت كم واحد بس لعب وكدا بس
اتصل عليا قالي اعطيني الباسورد عشان افتحه اشيك انه تصلح مع انو مايحتاج لان العطل كان برقم 9 ما اينضغط معايا كان مش مستاهل الموضوع بس كنت اعرف يبغى يشوف شي بالجوال واعطيته لان وقتهاا في ديك الفترة ماكان عندي شي كلو قديم وكنت واثقه ماعندي شي بهالوقت يحتاج يتخبى..
اعطيته الرقم وقفل مني..
بعدها اختفى الادمي اختفاء تاااااااااااااااااااااااااااام اتصل مايرد او يعطي بيزي او يقول شوي اكلمك ..لحد ما ارسلتله ايش صار ابغى الجوال قال لمن افضى بعدين .. مع انه وعدني انو العصر بعد دوامه يكون عندي انتظرت للعشاء وهو مافي أي خبر ولا راضي يجيبو بدات اخاف ماخفت الا من جوالي ابغاه عشان صوري وكاد ف رحت احكي البنت اللي معانا في الفيس بقولها شوفي فلان كيف تغير وايش عمل وحكيتها وقلتلها اصلا هو مبعد عني ماله حق ,,
قالت غريبه دوبو كلمني ماقال أي حاجه ...... كاااانت اكبر صدمة ليا قلتلها مين كلمك قالت فلان قلتله وليه يكلمك قالت لي فترة متواصله معاه من يوم ما اعطيتيني رقمه بالغلط .. كان الموضوع صدمة بس كنت ابغى جوالي ف قلتلها طيب كلمي يرجع جوالي وفعلا بس كلمتو دقيت عليه رد وقال ابشري الحين يجيك ...


انا انصدددمت ووقتها حالتي حاله بس ابكي وماخليته يعرف اني عرفت سالفته مشيت الموضوع .. حاولت بكل الطرق اخلي ينسى الموضوع وافهمو ان الرسايل قديمه لان فعلا كان انسان ماحد يخسر بس مافي فايده .. ويمكن وقتها جاتني غيره انهاا اخذت مدري
ومرررررررررررررررررت الايام كل مره احاااول ارجع اكلمه يصدني الحاصل
انو انا للحين مو قادرة اوقف تفكير عنه سويت كل حاجه مافي طريق الغلط دا صرفت نظري عنه خلاص
حياتي كلها عمل بيت دراسه وبرضو مش قادرة انساه ..
ما اعرف يمكن عقاب من ربي على اللي عملته جد مو قادرة انساه
كل وقت استجابة او كل ما اروح مكه او أي مكان بدعي ربي انو يرزقه لياا زوج بالحلال ..
اناا نفسيتي تتعب لمن اتذكره او لمن اشوف الادميه هذيك حاطه حرفه او محادثة منه جد خلاص
الحين لي سنه من اخر مره حاولت اتواصل معاه طبعا هو كان يرسل واتس كانه يبغى يقهرني او ما ادري ولمن حاول اكلمه طنش .. اوقات اقعد اتخيل انو جاء خطبني او انه جاء يشوفني من عند الباب زي ماكان يعمل اول احيانا احلم فيه بجد تعبت ابغااااه
هالادمي مع مش سعودي واناا متجنسه بالاساس بنفس جنسيته بس لو جاني مستعددده اوافق عليه بجد ابغاااه من قلبي بعد ماتركني حسيت بقيمته وكبرت وفعلا حبيته ..
معلومه بسيط ممكن ماتهمكم بس انا الحين عمري 25 وللان مانسيته وايامها كان فرق بيني وبينه 7 سنين اتوقع هو الحين 32 ..واللي متاكده منه ماتزوج السبب ما اعرف بس اكيد عشان اللي الادميه هذيك وحتقولي كيف تاكدتي .. اخوه عندي بالفيس بوك وهو من النوع اللي ينزل الصور والمناسبات اول باولو واخواتو برضو مايخلوو مناسب الا لازم يكتبوها سواء فيس او تويتر .. وغير كدا هو ساكن بنفس الحي تبعانا يعني جدا قريب ولدرجه قبل لا اعرف بيتو بالضبط كنت لمن امر من المنطقة تبع بيتو ادور سيارتو زي المجنونه لحد ما عرفت وين بيته ..
اخير شي
قولووولي ايش اعمل كيف انسااااه ,, ادري مافي حل بس ابغاكم تدعوووووووولي .. ربي يرزقه ليا بالحلال او يصرف حبه من قلبي وانساااه ..
دعواتكم واعذروني على الاخطاء والاطاله

بليز نزلوو يا ادارة
https://said.xplainer.net/images/smilies/ANSmile05.gif

>>>>> ردود الأعضـــــــــــــــــــاء على الموضوع <<<<<
==================================

انسيه وشيليه من راسك ماقدامك حل ثاني ويمكن تحتاجين وقت طويل بس عادي اصبري على نفسك وعطيها وقتها وفي النهاية راح تنسينه طال اوقصر ويصير من الماضي

__________________________________________________ __________

حبيبتي خلاص مفيش منه امل انسيه احسن

__________________________________________________ __________

الله يهديك وين اهلك عن خرابيطك هاي بعدين ايش يعرف عندك علاقه مع واحد ساقط قبله وتبيه يتقبلك لا ويختارك كزوجه فقط لاتحلمي فيه حتى لو خطبك حياتك معاه فاشله الرجال يبي زوجته كنز ماكلمت حد قبله كيف يختارك عرضه ويعرف انك كنتي مع فلان وفلان الله يستر عليك اكثري من الاستغفار

__________________________________________________ __________

مستحيل يتزوجك
تعرفين ليش
لأن عرف انه كان لك علاقة مع 2 قبله
وبالتوفيق

__________________________________________________ __________

وعليكم السـلام ..

هذا الرجُل راقي جداً بـ أسلوبه .. وهذا الـشيء اللي علقك فيه