فضفضه ارمله -تم الاجابة

عنوان الموضوع : فضفضه ارمله -تم الاجابة
مقدم من طرف منتديات نساء الجزائر

فضفضه ارمله



كنت بالثانويه لما شفت زوجي الله يرحمه . ذيك الايام كان فيها الحب اللي يقولون عنه وبعفويه كان ينتظرني ارجع من المدرسه ويبتسم لي و ابتسم له و ارجع في قراره نفسي اخاف الله و اطنشه بالاسابيع لكن احيانا استسلم له وابتسم و لما ارجع مع صديقاتي كان يعصب ويدخل بيتهم او ينزل راسه لانه ما يبي يشوفهم
تقدم لي واخواني رفضوا لانه كان فقير جدا ومعدوم الحال لكن ابوي وافق عليه لانه رجل و يخاف الله , مو بذاك الالتزام لكن مافيه لطريق الانحراف ويخاف الله و بغاني بالحلال وتزوجته
انجبت منه بنت عمرها 15 وولد عمره 19 سنه
رباهم احسن تربيه رحمه الله عليه و كان يشتغل ساعات اضافيه عشان يوفر لهم اللي يبونه وما يخلي لهم قاصر كان يتعب و احس بتعبه و بنضرات عيونه لما يشوف اطفالنا مستانسين و وكنت ابجي على حاله و اقوله لا يتعب اكثر لان مالي غيره بهالدنيا تعبه من تعبي لكن تفكيره بس في راحه اطفاله و مايبي يحسسهم بالنقص
تغير كلشي بحياتنا لما كبروا اطفالي و قبل خمس سنين نزل اسوء خبر بحياتي مثل الموت البطيئ لما سمعت انه توفى بحادث جذبتهم كلهم و ما صدقت الا لما نزلوا جثته بالتراب
انهارت نفسيتي وظليت بالمستشفى اسبوع بين الحياه والموت ماكنت اكل ولا اشرب مو انتحار لكن احس بالاختناق لما اكل
ظليت شهر شهرين ثلاث سنه و تقدم لي رجل كبير في السن لكن رفضته بحجه تربيه اولادي
ماكان عندي سكن خاص فيني لان بالاساس كنا ساكنين بشقه بسيطه وماقدر ادفع اجارها
فالله رحمني باخوي سكني عنده ببيته بالسرداب
والعيشه ماكانت سيئه لذيك الدرجه الحمدلله كانت بسيطه و السرداب كان اوسع من شقتي قبل و جزاه الله خير اخوي شرى لأولادي اسره و دولاب و ثلاجه صغيره على قدنا
وكنت اساعد زوجته لما يطلع لانه حلف اني ما اسوي شي بالبيت لكن زوجته ماكانت متقبله هالشي فظليت اساعدها واطبخ للجميع لكن حسيت بالتعب من تصرف ابناء اخوي لما يرجعون من المدرسه و كل واحد يبي انجب له و احيانا يبون اطبخ لهم واضطر اطبخ لهم
وبعد فتره اخوي وافق اني اشتغل و توظفت بصالون نسائي كيشر واصرفه على عيالي و ربع منه اخذه اطبخ فيه حلويات واعرضه على جارتي اللي عندها محل حلويات وتعطيني النصف كل آخر شهر , مابي اخلي على اولادي قاصر مابيهم يحسون باليتم و اليأس و ابيهم يسوون اللي ابوهم ماقدر يوصل له لان الايام والفقر خانه
الحمدلله الورث قسمناه بالمحكمه وحطيت لكل واحد نصيبه بالبنك و جدتهم تدز لهم كل شهر 100 ريال على قد حالها والحمدلله
لكن مشكلتي هالايام ولدي ونفسه الراغبه في الزواج و اكثر من مره اقنعته واقتنع لكن يبقى ولد وفي نفسه هالشهوه و لازم ازوجه لكن مابيه يفتح عيونه على الورث و ابيه يكمل دراسته وخصوصا ان معدله الدراسي عاليجدا ويأهله الدراسه على حساب الدوله

مشرفات تكفون نزلوا الموضوع #هو مجرد فضفضه لكن محتاجه احد يشاركني بدل وحدتي

>>>>> ردود الأعضـــــــــــــــــــاء على الموضوع <<<<<
==================================

الله يرحم زوجك يا بعدي ..

و الله يعوضك بخير و يخلي أولادك لك و يخليك لهم ..

لكن مشكلتي هالايام ولدي ونفسه الراغبه في الزواج و اكثر من مره اقنعته واقتنع لكن يبقى ولد وفي نفسه هالشهوه و لازم ازوجه

حبيبتي فهمي ابنك ان في هالوقت ما عاد في بنت تقبل بأي زوج و لا الأهالي راح يزوجون بناتهم لأي واحد

فهميه أنه لازم يكمل دارسته و يتوظف و يأمن مسكن لبنت الناس و بعدين يفكر بالزواج ..

و ذكريه ان في الشباب كثير أنرفضوا عشان ما عندهم وظائف .

و ذكريه أنه سندك و سند لاخته فلازم يكون قوي و مستقر ..

__________________________________________________ __________

الله يصبر قلبك ..
و الحمدلله انك لقيتي اخو سند لك خاصه
فذي الايام والله الاخو ما يلتفت لأخوه..

اعتبر حياتك سليمه و لله الحمد ما فيها وجع و قسوة
هذا عيالك كبروا و إن شاءالله يعينوك و يشيلوك شيل
على اكتافهم ..
و ما احس ولدك صعب تبارك الله مطيع و يسمعك
و فهميه مثل ما قالت الاخت ما في بنت
ترضى تتزوجه وهو بوضعه الحالي و شجعيه
يكوّن نفسه و قولي له انت ما تريد عيالك يعيشوا حياتك
ودك تعيشهم عيشه حلوه ، و الامس مو مثل اليوم
و الحياه كل مالها و تصعب و ان شااءالله ربي يحفظه من الحرام


اهنيك على اصرارك و حنان قلبك و انتي ام قوية
بصراحه و الصابر ينال الخير ...

__________________________________________________ __________

المشاركة الأصلية كتبت بواسطة سحايب ماطره https://said.xplainer.net/sedty/buttons/viewpost.gif الله يصبر قلبك .. و الحمدلله انك لقيتي اخو سند لك خاصه فذي الايام والله الاخو ما يلتفت لأخوه.. اعتبر حياتك سليمه و لله الحمد ما فيها وجع و قسوة هذا عيالك كبروا و إن شاءالله يعينوك و يشيلوك شيل على اكتافهم .. و ما احس ولدك صعب تبارك الله مطيع و يسمعك و فهميه مثل ما قالت الاخت ما في بنت ترضى تتزوجه وهو بوضعه الحالي و شجعيه يكوّن نفسه و قولي له انت ما تريد عيالك يعيشوا حياتك ودك تعيشهم عيشه حلوه ، و الامس مو مثل اليوم و الحياه كل مالها و تصعب و ان شااءالله ربي يحفظه من الحرام اهنيك على اصرارك و حنان قلبك و انتي ام قوية بصراحه و الصابر ينال الخير ...

https://said.xplainer.net/images/smilies/icon18.gifhttps://said.xplainer.net/images/smilies/icon18.gif

__________________________________________________ __________

اسال الله الحي القيوم باسمه الاعظم و باسمائه الحسنى و صفاته العلى الذي اذا سال به اعطى و اذا دعي به اجاب ان يفرج كربك و يزيل همك و يسخرلك ما تتمنينه و يجعله خير لك و يرزقك بر عيالك و يرزقك من حيث لا تحتسبين

__________________________________________________ __________

الله يصبر قلبك
اختي الغالية اقنعي ولد بأكمل دراستة اولا